輕鬆一下 (Closed)

葵涌廣場入面最多人流既餐廳之一,就係呢個輕鬆一下,專賣小食和車仔麵,我始終有機會黎食了,好興奮3個餸$34湯底平平無奇而且好淡,但不算好味精,羅白無渣但不甜,雞腎爽身但味道都係淡.豬肉丸算係有味,不過係味精味.沐上咖哩汁,完全無咖哩味,想點.都唔知自己食緊咩炸魷魚個皮超級厚,好足料,仲要係番炸,硬到喊.咁既小食真係完全唔合格魚蛋無咩魚味而且無彈性,加上那個又係無咖哩味既汁,完全提不起味救命,我食緊咩

平時五六點口痕個陣，我都會打俾老豆問佢放工未，放左就叫佢買野食，佢多數去親呢間都系買碗仔翅同腸粉，味道食左甘多年都冇乜點變（講到呢到大家都覺得我應該會系俾好評，但好戲在後頭）有日假期，成屋人都吾知食乜做晏好，總於就落左去食麵啦，我地三個人一人一麵，我好記得我個碗系雲吞麵，佢系貴左少少，算喇，吾講錢，講食，雲吞ok啦，個問題系個麵到，超重鹼水味，食到我想嘔自此之後，我以後只會食佢d小食算，麵個d，咪搞我（手動再見）

有什麼是連大學教授也看不明白的數學公式和經濟理論呢?? 答案原來在葵芳葵涌廣場的一家餐店之內!! 餐廳餐牌註明: 腸粉 – 7蚊3條, 但是10蚊有4條。乍看好像沒有問題, 但其實7蚊3條, 平均只是HK$2.33一條; 而10蚊4條, 反而平均HK$2.5一條!! 極具迷思!!!到底餐廳只想食客每次來吃3條腸粉?? 還是想”博大霧”當食客懵的呢?? 這個就不得而知, 不過數元幫襯就有。3條腸粉, 盛惠7蚊! 豬腸粉尚滑, 感覺可口。但餐廳以豆辦醬代辣醬, 有點怪怪。甜醬不夠, 麻醬不香才是另一個重要。勁辣魚旦, 只有絲毫辣味, 絕不可辣到使人”典床典蓆”的那種, 在嗜辣狂徒口中, 這個根本不辣。燒賣?! 都是老樣子, 不過不會蒸過了頭發脹變淋而已。還有牛肉, 口感霉霉, 帶少少肉味。餐廳麵餐不便宜, 動輒也近HK$40多。反而三餸車仔麵卻只是HK$34, 又是另一個摸不著頭腦。雞翼尖, 豆卜, 鴨腎粗麵 – 鴨腎爽, 但質感有點過硬; 豆卜上粉炸過, 形成一個方形拱起, 但吸湯後可以。粗麵薄片, 入口也滑, 拉麵後味道不錯。這樣的一個街坊食肆, 古怪非常。老實說, 吃過後仍抓不著如何

夜咗放工想食啲小食，就去咗輕鬆一下食小食佢地都算有幾多唔同種類揀～3寶啦，生菜魚肉啦，碗仔翅啦，豆卜～魚蛋，燒賣，麵食，飯類都有～今次叫咗魚肉翅腸粉，腸粉有分7蚊3條同10蚊4條～魚肉翅20蚊～如果加菜就多1蚊～比較傑身，感覺落咗好多生粉. . .材料都算多，好多冬菇，肉絲較少魚肉有點彈牙，幾好食～腸粉最重要都係啲醬料～E到d醬濃度適中，唔太稀亦唔太傑～腸粉夠滑，帶些少口感～好食～不過價錢比出面貴，可能因為係路口位租貴啦～

與朋友放工後在葵芳逛街，因為逛街購物才是重點，加上本小姐Green Monday不能吃肉，所以就決定選擇一間快捷的食店。本來想幫襯唯一麵家，但驚覺沒有甚麼選擇，大部份都是有肉的，於是行下行下就來了「輕鬆一下」，貪呢一度多選擇。「輕鬆一下」在葵涌廣場地下一共佔了三個舖位大，有上海麵、廣東粉麵、車仔麵、各款街頭小食，鍾意點配搭都得，夠晒多選擇。 我們選擇了較角落的一個舖位光顧，入去時就只有一枱客。友人選擇了魚肉碗仔空雲吞上海麵，以碗仔翅做湯麵的湯底，我們都是第一次見，有點像上海菜的酸辣湯拉麵吧！碗仔翅夠晒濃，看來也蠻足料，有兩粒大大舊的菜肉雲吞。至於今天不能吃肉的我，選擇了車仔麵，選擇福麵作麵底，餸菜即選擇了紫菜、蘿蔔、金菇菜，另加咖喱汁。這店的車仔麵其實一點也不便宜，兩餸麵 $26，三餸麵 $30，每加一款餸需要承惠 $6，看這碗麵就看得出份量有幾多，一小份的紫菜，只是幾條的金菇，竟然可以叫價 $6？我在超市買一大包金菇菜還不過是 $3而已，只有蘿蔔的份量是足本的。福麵其實只是平價麵，又為甚麼會跟烏冬等同樣要加收$4？這下我可真的 R 爆頭。味道方面，只能說是平平無奇的一碗車仔麵，湯很少

葵涌一直不是美食的所在地，只是有甚麼食店都很容易找得到。在葵涌廣場，是港式小食的集中地，串燒雞蛋仔格仔餅港式小食一應俱全。來到葵涌廣場，有點肚餓，很自然地走到這裡，最方便的是地面層，有一間名叫輕鬆一下的店子。當初只有一間店舖，後來卻擴充起來，已有三間舖位。可是在下一直都沒有到這店子開餐，其中原因是早前在老尖分店裡吃個腸粉，誰知用筷子一夾，整條腸粉已經粉身碎骨，粉碎後就難用筷子夾起來，自此以後，就連葵芳這店子一直都沒有進去吃東西。這店子有粉麵飯，港式小食，也有車仔麵，甚麼都有齊，似乎是要做到周身刀雜崩冷，樣樣都有，不過無張利的，而且有點快刀斬亂麻的感覺。公司有同事說這店子的食物不錯，可是在下一直都不敢恭維，今天來到吃個下午茶，也不是同事所說的一樣呢！來一個豬腸粉，今天的腸粉不太滑，而且甜醬極度之少，少得可憐，想不到竟然如此吝嗇，麻醬就足夠，也夠花生味，可是卻沒有那麼惹味。蘿蔔豆卜及魚蛋混合在一碗內。魚蛋不是辣魚蛋，只是普通的，魚蛋份量都幾大粒，可是吃下較實淨，久缺彈牙感覺；而蘿蔔不夠新鮮，吃下時卻有點苦澀味道，倘若新鮮的話，是爽甜而不是苦澀味的，而且也不夠腍；至於豆卜，內有魚肉，也是釀很

話說琴日就入青衣游水.咁未夠鐘就同班朋友仔去一去葵芳商場行下街,食下野啦,咁有個朋友就話呢間d車仔麵幾好食,咁我地就入去,一入到去就坐低無耐,就有個阿姨叫我地如果食粥粉麵要快d落單,因為加野飲只需要$2,,6點後就計反$8蚊杯.咁個時個鐘就5:55.咁我地入黎其實已經好有目標,因為車仔麵黎黎去去都係食個幾味,我地6點前嗌左一隻雞痺,一碗生菜魚肉,一碗碗仔翅,一兜魚蛋腸粉同埋一碗豬腸麵,咁豬腸麵跟餐點左杯凍檸茶,先講下d野食.雞痺咸左小小.生菜魚肉,碗仔翅.魚蛋腸粉都係一般貨色..無咩特別..豬腸麵既豬腸洗得唔算乾淨...中等.咁見差唔多時間6:30-6:45左右我地就走..埋單就去對面櫃位埋,但想起身既時候就見到張單原來有問題.寫住凍檸茶+$8咁我就更係問佢.點解+$8啦,,明明話6點前落單+$2架麻,(當時佢地個鐘係未到6點)佢就話,我地都係跟單做架咋,你地幾點落單我地幾點落機架!你張單寫幾點就幾點架啦,如果比左+$2你地,個+$6蚊就要我地自己貼反出黎,所以你地一定要跟單比反$8幫我地落單既阿姨就話我地過左成個幾字先嗌,所以無得+$2..但佢落單個陣重叫我地快快快..唔係話比唔比$

最近做義工都在葵芳一帶, 逢星期六就約友人吃早餐. 友人提議葵涌廣場內隨便找一間. 這次是因為剛好有位就坐下了~早餐類有很多, 坐對面的中學生在賣旗時間內吃早餐, 讓我想起中學時賣旗也不太賣存的日子. 學生哥吃碗仔翅???我一定不夠飽! 煙肉蛋出前一丁叫面類的客人真的不多, 但出前一丁已買少見少, 香噴噴的來到面前, 好想吃多一碗呀!最愛麻油味出前一丁, 簡單的配料就已經好吸食.煙肉煎到乾身, 香味飄到到處都是, 仲有兩片, 留到最後吃!煎蛋配一丁, 就是一個字夾!蛋黃都被蛋白包裹著, 但仍有半生熟蛋黃滲出, 好好味~其實就很簡單一道菜, 但在家裡吃就是沒有這種味道. 吃飽再工作!

葵涌廣場多野買又多野食....行到咁上下就食LUNCH先喇...輕鬆一下打通左鋪面所以算幾大下...LUNCH時段真係人山人海...好彩咁岩去到有位唔洗等....炸雞翼肉醬麵肉醬麵好在叫做有D配料...多D味感...冬菇同青瓜粒都算幾好...炸雞翼個粉個人覺得打得太厚...不過咁GE價錢都OK喇...雲吞麵又係普通貨色...雲吞應該係自己包的....因為口味唔似雪藏貨...總結但求食飽就走...呢間係一個唔錯GE選擇....對衛生同環境要求者就唔好勉強喇...

葵涌廣場地下有兩間打對台食肆, 賣食物的款式大致相同, 你賣滷水料, 我都有賣...我賣車仔麵, 你都有賣食物味道不相伯仲, 唯有從細微細眼處突圍而出。好似今趟叫份滷水雞脾上海麵, 下午茶時段加$2就有杯冷/熱飲品滷水雞脾上海麵 $28隨滷水雞脾, 侍應生竟然俾埋隻即棄手套我食雞脾 乾手淨腳 雞脾顏色靚, 色澤誘人但其實個後遺症係味道超鹹超濃烈 食時要落湯沖沖就好味好多, 食到有好香肉桂、八角的味道上海麵唔係咁新鮮, 質地唔綿, 硬硬地散散地咁京都炸醬幼麵 $28...茄汁味道的酸與豬扒切條成絲, 瘦豬扒質地粗硬兼重雪味, 茄汁那人工酸味好刺喉, 還是少吃為妙, 嗯嗯

我淨係食左腸粉同燒賣腸粉：份量5算多，不過幾好味（我叫左多漿，因為多漿好味）燒賣：有5粒，但係無咩特別P.S我覺得佢D野食幾新鮮，因為我叫左呢兩個野食之後，見住佢整。加上5駛等好耐。

今次行葵芳,決定去葵涌廣場果邊醫肚,價錢比較平ma~揀左款鮮牛肉撈粗麵 $28價錢不算平宜...即管試試看..都幾快上菜,餐廳選用木筷子,膠匙雖然比較衛生,但不環保~~ 生菜有幾片,新鮮的~蠔油落得幾重手..附一碗清湯及韭菜~很好~~牛肉很好味,很鮮呢~又唔會咸,good 個粗麵份量都幾多呀見到menu的豬軟骨冬菇麵要$41,真係有d嚇親... 食完呢碟麵之後...把聲好快沙+口乾..很重味精所在呢.......

又來到葵芳這一邊來，去到地鐵站附近，難得來到當然要來葵涌廣場盡情購物一番，事前自當醫肚補充體力。我想我本來不是想去這一家的，總之是想吃上海麵什麼的，但既然一入門口就見到這家店，在沒有考慮太多的情況下便闖了進去。這裡佔盡地理優勢，所以說做生意的第一法門是 location, location, location，難怪可以一開幾間鋪位都是它的。一開始看到牆上的餐牌上的菜飯很吸引，但偏偏身旁不少的食客卻在吃著腸粉和煎釀三寶，也有些人在吃麵，看來都是吃麵較為穩陣。於是便點了豬軟骨水餃麵 ($35)。麵是從對面的鋪位（也就是買外賣的地方）做好了由阿姐送過來的。先吃了豬軟骨，滷水有很濃的五香味，入味但偏鹹，有筋的地方半腍半爽有口趙頭，但沒有筋的地方肉質就比較粗啦。水餃有兩隻，是韭菜餡的，水準普普通通。麵是粗身近似上海麵的麵條，粉質較重，也算飽肚。伴菜另有一些鹹菜和韭菜之類，也下了一點店家的辣椒油試試，沒啥勁道的。雖說此場內賣的東西有不少是價廉物美的，這裡的食物美不美說見仁見智，但起碼不是價廉。

之前佢開第一間個時, 成日都去食, 因為價錢相宜同味道OK, 但自從佢係葵芳做大咗, 擴張咗貴咗就越來越唔想去食. 不過今個星期日因為朝早去到葵芳又唔想食咁多野住, 就再去食....又開大咗.....都唔緊要, 我去剩係想食腸粉燒賣等小食, 點知一打開餐牌, 啲野貴咗好多, 真係每次去個價錢都唔同, 都算, 兩蚊一條腸粉係貴咗啲 (係新界區黎講) 但坐低咗都照叫, 但係一黎到, 啲腸粉細過出面1/3, 幼到呢.....都算, 個質地好差, 大家食過街邊腸粉應該都知其質地, 滑滑地同蒸得透有少少黏性, 但係佢地啲腸粉就好似門外漢整一樣, 成條野實掟掟, 冇黏性, 係唔會散開, 但就真係唔得咯....九龍城三蚊條但係正常粗度既腸粉, 人地味道又OK, 呢啲叫值. 但係呢度七除八扣, 其實條腸粉都係成三蚊條咁劑.....但真係唔值咯...到叫杯豆漿話要熱, 個阿姐又話, "豆漿邊有熱架, 得涷...." 我明有啲舖頭唔會特登整熱俾個客, 但唔係佢所講 "邊有熱" 終於明白佢點解可以係葵芳越開越多舖, 咁樣賺法真係賺到笑. 但無奈佢個位置旺, 所以啲人都會去幫襯, 不過計我話, 如果唔介意

呢間野我由細食到大!因為佢夠平又好味!特別推薦碗仔翅!好香,唔肥仲有豆漿都好好我唔飲豆漿都覺得佢個間好飲唔甜唔淡味道岩岩好!正其實全部都好好食!不過D服務態度麻麻,有少少唔憂做既感覺!