Relaxing tea house + Fragrant Kitchen (Moved) New Location

今日放左工就同女朋友行左陣街,跟住去葵芳新都會食野啦,諗來諗去都唔知食咩好,跟住行到g2000果層,我女友話不如去上面藍色果間囉,跟住就上去睇啦,上到去,見到有個牌睇,睇下今晚食的咩先,有的唔個牌講的咩之制(又68沙律,又其他價錢主菜咁),就有個著黑色衫既四眼仔走出黎,就話68蚊only salad and dessert bar,其他8款呢就包埋salad 同dessert bar,跟住我女人話試下囉,跟住就入去坐低啦,我地就簡左個肉眼排同羊柳大蝦,之後就囉沙律啦.都唔知囉咩好,跟住又是(四眼黑衫的那個),佢話試下個螺丫同curry沙律丫,咁試下啦囉左小小咁.,點知果個凍螺同個curry salad好好食架,估唔到curry都可以做到沙律,唔錯既,.....等左陣主菜到啦,個牛排好淋,好香,真係正.羊柳大蝦都唔錯.....羊唔太蘇啦,大蝦又夠彈牙,唔錯既,食完啦....,黑衫四眼那個走過黎問我地:主菜得唔得丫先生,跟住又介紹我地試下dessert bar既芝士餅同試唔試下花茶丫,10蚊轉飲都幾ok既..幾好飲又香...環境都幾舒適..又有音樂丫..不錯丫...跟住埋單走人啦.....

一個星期後，我地又黎呢度食ＢＵＦＦＥＴ啦（哈）朋友話呢個星期都好掛住個沙律吧，好掛住自己撈既凱撒沙律ＷＯＲ（汗）６點鐘已經就坐，坐左半個鐘可以開波＾＾；沙律吧除左好好味既凍螺轉左凍蟹之外，其他都一樣，ＹＵＭＭＹ！（朋友好想食凍螺，可惜今日唔出）主菜叫左＄９８芥末汁三椒燒春雞南瓜蓉＄１１８羊仔柳大蝦蕃薯蓉：燒春雞肉好嫩滑﹑羊仔柳好滑好林﹑大蝦超彈牙！正正！甜品區今次多左個雪糕櫃同朱古力窩夫，超甜既哈密瓜大量提供，款式總之比上次的豐富了（開心）知道加十蚊可以將餐茶轉花茶，我地都有轉。飲落感覺上清清地幾好。朋友成日都想買佢ＳＥＴ茶具同茶葉呀，不過貴囉＞＜；７點幾內廳已經ＦＵＬＬ哂，到了８點幾仲有人等位入場添，好多人幫襯啊！今次我地坐外面屋仔既一角，對住商場景，靜靜地唔錯。可惜食到大半程隔離木台有幾個人係煙民，影響左少少囉！而且每次加水執野都叫人黎囉＞＜

朋友在雜誌中看到廣告，對呢個半自助餐頗感興趣，就叫埋我地一齊去試！雖然沙律吧細細，野食款式唔多，不過撈下呢樣食下個樣已經食到我有５成飽。（必食：凍螺！）主菜價錢分別係１００樓上同１００樓下我地主打經濟，都係叫１００樓下既主菜：芝士南瓜焗飯﹑豬柳串併脆米粉同雞扒蕃薯蓉全部都好好食，雖然食唔出佢地主打既用花香材料整既味道，不過真係好食，以為會好細碟喇幾廿蚊一個菜，點知份量超大呀！差ｄ食唔哂＾＾；仲有甜品哩，不過我唔太好甜食，但平心而論款少而且味道一般，唔特別。本來有哈密瓜架，開場我冇食到，點知由開場等到落場都得西瓜．．．朋友突然拎一碟返黎畀我，原來要特別ｏｒｄｅｒ先有，定係好似朋友咁講，個瓜未凍所以未拎得定出黎．．．卦！服務好到爆燈＋環境優美（幾浪漫架）完美！

週日(扮) 格調地欲high 一個tea，便到了那鶴立新都會的店了。可能欠缺打理吧，格調的佈置不難發現那一點點「殘」跡。看著別人大都吃那食物其實不大吸引的tea buffet，我們還是選了二人份的high tea set，$108 包兩杯飲品(可選花茶)，即管看看水準如何。三層咸甜品，份量是少了一點點，但味道也還可以，其中奇異果jam 味道極好，鬆餅也總算不俗，只是其他各款都只屬不過不失，加上本人錯點了一道難渴的蜜桃花茶，這裡又成為心中另一間中規中距，但很難再光顧的店了。

之前去開呢間餐廳食午餐，＄５０左右仲送沙拉吧，印象都唔錯．　今晚同朋友去咗食晚飯，　發覺原來做緊半自助晚餐，　好似都几抵食，　我叫咗個羊膝拼大蝦，　我朋友叫咗個焗帶子天使noodle, 之后我地去ｂｕｆｆｅｔ　枱取嘢食，　發覺有冷盤有蝦，翡翠螺及南青口，仲有ｃａｓｅｒ　ｓａｌａｄ　自己攞，食咗几個ｒｏｕｎｄ　已經有ｄ飽．　發覺個主菜都未到，就問下個ｗａｉｔｅｒ，他說原來個主菜要叫起的才會到．　咁我地就立刻叫佢起啦．　我個羊膝到先，嘩！　几靚播！　有酒店水準．　羊膝都几淋又唔ｓｏ．大蝦又夠爽．　不錯．　我朋友個天使ｎｏｏｄｌｅ，有成五隻原壳帶子咁多．ｃｒｅａｍ　ｓａｕｃｅ　唔漏，帶子又夠新鮮．　我朋友都話冇介紹錯．　食完主菜原來仲有ｂｕｆｆｅｔ　ｄｅｓｅｒｔ．ｄ　ｃｈｅｅｓｅ　ｃａｋｅ　好正播．仲有我鍾意食的ｂｒｅａｄ　ｂｕｄｄｉｎｇ　添．想食多ｄ已經ｖｅｒｙ　飽．最后ｄｒｉｎｋ　咗兩杯花茶消消滯．埋單都係２００几元左右，都叫做物超所值啦．　最后一提，　埋單時同個ｗａｉｔｅｒ　傾左陣，佢話個ｈｅａｄ　ｃｈｅｆ　原來係酒店出來的，有接近三十年經驗，唔知真定假．　不過都唔錯．　

relexing tea house! 我同女朋友今晚先去完.個buffet d 野食都幾好!起碼有我最鐘意既魚生食先啦.d 服務員既態度唔錯,比我有一種賓至如歸既感覺.最重要既一點就係!係呢個葵芳好似凈係得你呢一間有buffet 食.真係好鬼抵死.希望你地以後一至四都有buffet食,因為我有過fd 佢試過去食你地個d set dinner.之後番黎同我講話d 野睇得唔食得!話有花味wo!希望你地如果有人睇到同老細傾下,轉左做buffet.咁就真係very 骨啦~~~!

第一次光顧是在尖沙咀....那邊地方小...但感覺自在舒服....一個人也可靜靜坐著看書...!今天二人嘗試在這裡用餐....我們習慣不吃buffet..因為節制不了....所以散叫...我要了Caeser Salad...很一般....海鮮湯....我從來也沒有試過...湯裡的蝦是連殼上....蝸牛也是連殼上...試問..飲湯時...是否也要在湯內脫掉硬殼呢...?? 另外再叫了一個煎魚...又鹹又唔好食....這裡是否只有花茶是出名...其餘的卻是失敗之作呢? 還有....價錢也不平呢....

未食過d咁垃圾既buffet!!!服務態度又差,樓面d人竟然係d 客面前講粗口囉。熱野d野食又吾得....百幾蚊食buffet,竟然比d燒賣,粟米我食!如果食咁...我不如出去街市食仲好啦!!!dessert 又吾得,沙拉個d又單調...唉~~~

係裝修前入過去食晚市buffet,真係吾多好。服務態度ok,不過d食物只係吾多惦。可能將價就貨啦, 晚市buffet每人吾駛hk$150,所以d食物只可以用寥寥可算黎形容。雖然三文魚刺身都叫做有,亦上得好快。不過其他冷盤及熱盤都吾惦,湯話就話係龍蝦湯,不過好水無乜料。D甜品又吾得。如果係情侶拍拖就無所謂既(環境夠晒黑),不過真係有心食好野,去第2間算吧啦。

服務態度差.....個個都只係識玩....不懂招呼....之於食物都係麻麻地囉!!!一個dinner 既buffet...既然會出d春卷呀.....個d垃圾出黎比人食....而沙拉同甜品都......唉~~

服務態度差.....個個都只係識玩....不懂招呼....之於食物都係麻麻地囉!!!一個dinner 既buffet...既然會出d春卷呀.....個d垃圾出黎比人食....而沙拉同甜品都......唉~~

今日心情麻麻,自閉飯無心機去搵,諗住近近地去relaxing tea house坐一坐,點知....店員小姐話而家只有tea buffet($58),無以前tea set或者high tea選擇,佢叫我入去睇下啱唔啱食先。buffet檯係水吧旁邊,熱盤有炸薯條、焗薯蓉、三文治、鹽水(貴妃?)雞翼...另外有蛋糕甜品!! 選擇真係唔多。雖然我好肚餓但眼見食物極普通又唔吸引,都唔係我想要既形式,唯有改地方。而家唔單止有下午茶buffet,連夜晚都做埋dinner buffet,每位$118!好可惜我鐘意既Relaxing tea house 已經唔係以前可以坐係度好悠閒飲花茶既餐廳喇。

親愛的Tea Buffet,多謝您呀!多謝您比我同我老公仔一個好悠閒好舒適的下午，雖然您o既選擇唔多，但average黎講都好好味。仲有，您間屋好靚呀!下次我會試下坐出面呀!凍凍上

之前見到這間餐廳食評都可以！又未試過飲花茶，咪同男朋友黎試下囉！環境真係好靚，好清雅，我地叫了個higt-tea，唔係話唔好未囉，不過會唔會太貴呀！$136呀！只不過食過tea，我地對花茶唔係好識，咁就叫左個店長等佢介紹下啦！佢好似十萬個唔願意咁，問佢都唔想答你咁，叫佢介紹d花茶比我地試下，又是是但但話依三隻啦！多人飲呀！我仲想問時，佢就已經走左了，一肚氣呀！後來叫第二個女仔過黎問多次啦！因為實在太多，唔知要咩！雖然個女仔都木口木面，但總比個店長好得多，哈...........竟然當我問緊個女仔既時候，個店長又經過，仲黑面咁望住我，好似怪我問完佢又再問個女仔咁，真係離普呀！我以後都唔會再黎架！

行完街好累，放棄去soho食飯，返屋企附近搵食。好想食Risotto，竟然見到佢menu有，毫不考慮下就入去食。先叫杯飲品，名字叫“清新樂章”有薄荷、檸檬草加鮮菠蘿汁，個名改得好貼切，飲落口好舒服，有種清爽感覺，不過夏天飲會適合D。頭盤-煎鵝肝配紅酒燴梨，薄薄的兩塊鵝肝，一來鵝肝本身唔多靚，二來煎得過火，不過98蚊一客，就唔好咁高要求。第一道主菜-香草田螺意大利飯，78蚊一碟，已預期質素麻麻，只想過下口癮，可能冇期望，所以出乎意料，唔會過諗有質感，夠香又唔會有過溜的感覺，好過Oliva和boathouse，當然比不上cova同"飛豬"啦。第二道主菜-燒羊架，買相好夠份量，味道一般，沒有羊味。最後當然係食甜品啦，叫了三球雪球，其中最好食係莉綠茶，好清新兩種味道均有，莉香蕉合桃味道亦較甜，最難食係玖瑰士多啤，味道好假、唔夠天然，食到好重香精味。兩公婆食了近400，輪地區同食肆的級就來講，唔算好抵。而服務又一般，食了幾道菜，都唔主動識幫客人換碟。