Video
Opening Hours
Refer to the park opening hours
Above information is for reference only. Please check details with the restaurant.
小朋友玩完森林河流之旅之後嗌肚餓，近近地就去左對面果間河景餐廳用餐，去過迪士尼咁多次其實都係第一次去幫襯，餐廳叫河景餐廳就顧名思義係睇著條河食野！有11歲或以下之兒童套餐，香煎雞扒飯配燒汁$110，配粟米｜車厘茄｜曲奇｜飛雪礦物質水。首先兒童套餐係用紅噹噹既米奇餐盤裝著，小朋友一見到已經會覺得好開心，仲有米奇造型既飯同埋曲奇，一定要打下卡！小朋友第一時間食左兩塊米奇造型既曲奇，佢地話甜甜地好好味，之後食果三粒車厘茄，酸酸地好開胃，最後連同粟米、燒汁、雞扒一齊撈飯食。
continue reading
之前經過河景餐廳見到有喇沙食，今次專程要過黎試下！睇菜單河景餐廳主打亞洲特色 & 喇沙，喇沙有雞肉同埋海鮮兩款。如果唔想食喇沙既話，有牛油雞、巴東牛肉配椰漿飯，仲有黑蘭度豆配印度香飯及印式烤餅。第一次食就更係試左喇沙先！分別叫左雞肉同埋海鮮喇沙，雞肉喇沙除左有雞肉，仲有半隻蛋、豆卜芽菜做配料，而海鮮喇沙就有帶子｜蝦｜魷魚同埋半隻蛋、豆卜芽菜做配料。河景餐廳既喇沙湯底真係唔錯，湯味濃郁香噴噴，忍唔著係咁飲D湯，喇沙呢個既質素絕對拍得著出面餐廳。
continue reading
香港迪士尼樂園河景餐廳 | 萬聖節主題限定!阿Jack怪誕大餐（2人用）第一次參加迪士尼既萬聖節餐廳體驗😆感覺好特別，完全係沉浸式既晚餐體驗🤓餐廳以Jack and Sally作為整個設計風格🎃十分有萬聖節既氣氛我地今次用奇妙處處通會員身份預約左平日既晚餐($498/位)本身入到去都有d肚餓，以為有得食，原來佢有一系列既活動好似d卡通角色同大家跳舞，音樂欣賞等等，雖則肚餓但感覺都ok，玩下唱下又唔係好記得肚餓既感覺😂😂------------------------------頭盤上前先有飲品提供，蟲蟲特釀🐛我會形容佢係整色整水，幾得意既飲品，飲落就比較甜😂之後上既係頭盤係卡布里沙律⭐水牛芝士同蕃茄不過不失啦~比較特別係佢要打開蓋再有d煙噴出，氣氛十足💨接著就有「瘋」盛肉拼盤🥩🍗🍖d肉係幾有驚喜，最愛食牛同豬肋骨🤤d肉仲可以任添最後就有甜品😻造型好靚，亦都有小心思，就係照燈過去有jack既倒影💀------------------------------食物質素可以有⭐⭐⭐⭐加埋環境同體驗可以俾足⭐⭐⭐⭐⭐普通日子晚餐成人: 港幣$498小童（3至11歲）: 港幣$398特定日子晚餐成人: 港幣$598小童（3至11歲）: 港幣$498推介俾大家😆😆有興趣快d去試下~~!!#南瓜王阿jack #莎莉 #oogieboogie #惡人召集反轉迪士尼 #阿jack怪誕大餐 #hkdisney #disney #disneyhalloween #dinner #food #foodies #foodpics #foodstagram #foodlover #foodporn #foodblog #disneyfood #hkdisneyland #hk #hkig
continue reading
來到10月就是要參加萬聖節活動吧！身為迪士尼Fans又怎可以錯過一連串的節目呢當然也不會少了南瓜王Jack & 他的女朋友Sally。其中一個最讓人期待的是在河景餐廳的「 阿 Jack 怪誕大餐 」。預先在官網訂購，有兩種選擇，一種包括相片沖印。我們選的是便宜點那款，就大餐 + 與萬聖節迪士尼朋友會面 (HKD 398/普通日子)這個餐要兩人以上才可以訂購，且需要在網上先付好款。河景餐廳附近有著濃濃的怪誕氣氛，用餐位置更是有《聖誕夜驚魂》主題的佈置。大餐首先送上來的是 暖場特飲．生命魔藥很甜的有氣混合飲品，還要加爆炸糖。但就玩樂性質來說倒是幾有諗頭。下一道是 迷魂湯．粟米青豆凍湯配帶子這次要拿針筒注射到湯碗，會有煙霧瀰漫的效果 (笑) 之後再攬拌個湯。攬拌到變成綠色就可以囉。喝起來青豆味都幾濃。在用餐的期間 Jack、Sally 都會出場，亦有音樂表演。而且會按桌子的位置安排和 Jack + Sally & Oogie Boogie 合照。主食是 萬聖節美食拼盤 - 超多的肉，所以其實吃完超飽。醬汁幾濃，有燒肉汁和燒烤汁。拼盤內有烤香腸、熏烤燒烤汁豬肋骨、烤焗羊架及烤春雞和一堆配菜+薯角。甜品方面，三款都很貼合主題。味道最特別是 驚嚇朱古力球，因為這個是辣的。Dr.Finkelstein 造型的甜品，打開頭顱是 雜莓配乳酪忌廉 弄成的腦。最後就是 朱古力車厘子配南瓜撻，這頗甜。我們那枱是被安排在最後和萬聖節迪士尼朋友合照的。整場大餐非常緊湊，不過對於我這種要拍照的人來說勉強能完成所有Task。最後還有小小的紀念品可以帶走呢。
continue reading
<請點擊以下視頻>河景餐廳於萬聖節檔期，布置成南瓜王阿Jack主題餐廳。客人可以預先登入官網，預訂阿Jack怪誕大餐。食客可於河景餐廳享用阿Jack怪誕大餐，並與萬聖節迪士尼朋友會面。阿Jack怪誕大餐成人主菜有迷魂湯、萬聖節美食拼盤及搗蛋系甜品。每道菜出場，都會有怪旦城之夜既角色，穿插成間餐廳去嚇人。重有駐場樂師現場伴奏。迷魂湯係凍湯，清甜，造型詭異。個美食拼盤有羊架、燒春雞、台式烤香腸。羊架屬上等食材，肉質鮮美。燒春雞美味，好食。台式烤香腸好彈牙。食到好飽肚。最後個甜品係電影角色造型。每款都係精美甜點。切開就…河景餐廳阿Jack怪誕大餐，包括︰於河景餐廳享用指定成人或兒童阿Jack怪誕大餐1客於河景餐廳與萬聖節迪士尼朋友會面賓客更可享以下加購優惠︰以港幣$100優惠價加購8R實體照片1張及相同數碼影像下載 （原價︰港幣$168）
continue reading