Video
9-min walk from Exit C, Sha Tin Wai MTR Station
continue reading
Opening Hours
Mon - Sun
11:00 - 01:30
Above information is for reference only. Please check details with the restaurant.
長腳蟹竟然要預訂仲要先比訂金，餐牌都無注明清楚，還以為長期供應養係水池，人家遠道而來專程想嘆巨蟹，極度失望！想比生意您做都無機會。全部食具都油淋淋有部份更起埋漬，狀甚驚嚇！我真係要耐心地親手續隻續隻用滾水捽得乾乾淨淨才放心使用，感覺不良好！三個胃九道菜，兩位兄弟實在食量太淺，大部份都要讓我來處理！很久很久沒有被 100% 填充，食足兩份半幸福滿足飽飽飽，只需 $2000 蚊落樓，堅抵食喎﹗四眼嬸嬸非常落力催銷，幹勁十足，敬業樂業，熱情服務周到，感覺溫暖。冰鎮鮑魚，特價 $38 蚊平到嚇親細路仔，大大隻鮮鮑點計都計唔到條數。夠冰凍涼浸浸整件夾起豪氣地大啖咬，清淡的鮑汁味道，泛著天然鮑鮮鮑甜，少少彈少少韌，依個價錢您還想要什麼？蒜蓉粉絲蒸扇貝，不孤寒不嗇吝，幾十蚊隻有交易！暖暖地送上，未達熱到出煙程度，可以立即一啖將所有食材釀入嘴仔中。不要浪費半滴精華，拿起隻殼直接將蒜蓉粉絲連汁連扇貝跣到舌頭上，緊閉雙脣慢慢嘴嚼細味！時間蒸得恰到好處，鮮甜味道漸漸從帶子肉跑出來，跟清新豉油香甜蒜蓉爽彈粉絲融合，難得一遇的烹調技巧！椒鹽斑馬瀨尿蝦，只需 $138 蚊隻，樣樣都特價？真的很有趣。我較喜歡瀨尿蝦皇的結實肉質，而且間中有膏的呢。新鮮度無可取代，聞得到的鮮味，拼上香辣炸蒜酥，忍唔住喇，全力開動﹗剪開兩邊揭開底部，整舊肉在手中，狠狠地掉到齒舌間！鮮甜無比，噴汁味甜，軟軟濕濕的蝦肉，搭上少許炸蒜酥更加美妙！淮山螺頭燉雞腳湯，嬸嬸話最後一盅，誰知我地享用完後，朋友發現遠處新來幾張檯還有湯飲喎？可能係其他湯掛。老火湯一飲便知夠火喉無搵笨！晶瑩透亮的湯汁，入口香醇美味，散發極濃雞湯精華，陣陣螺頭香，連飲兩碗都未能平伏我的慾望！清蒸黑瓜子，嬸嬸不是給我老鼠斑嗎？最後來了條黑瓜子，辯稱更滑更嫩只需 $400 蚊呢﹗但我係三聖邨食條老鼠斑一斤左右都係差不多價錢囉，而且還有其他斑好食過老鼠斑嗎？黑瓜子擘大個嘴，臉容扭曲，妨似想控訴什麼似的，死得好慘喎！飄著煙送到，熱熱的十分有氣勢，劏開立即處理掉最頂級的魚肚！薄薄膠膠滑到不得了，魚汁鮮甜如甘露，豉油提味更加美味可口，停不了的動作繼續衝刺！結實滑溜的臉珠登，魚味濃濃非凡的厚厚背脊肉，黏滑的魚鰭魚尾，全身都是寶！損得如個部位都乾乾淨淨一絲不掛。滷水乳鴿，多年前食過紅燒乳鴿嚴重中伏，到現在還尤有餘悸，還是食滷水吧！非常普通的所謂招牌菜，可能街市賣的質量還要高還要抵食。不是老鴿非常好，鴿仔來的。泛著略重豉油味道，髀滑胸實不乾鞋，合格過得去。說不上出色好味道，過過口癮還可以。仿鮑片滑雞粥，即是素鮑，特價 $28 蚊，強差人意的招牌菜，試一次便夠。售價 $28 蚊就是給 $28 蚊的質素，非常合理等價交換，那就不是特價咯！泡粥的味道，雞還雞，粥還粥，沒有一齊煮過。配料奀滋滋，兩三舊鞋烚烚骨衫衫咸雞，兩三片韌韌的仿鮑片，粥底只有微弱雞湯味。鮑參翅肚煲，跟我想像的完全不一樣，嬸嬸己提示係羮來的，不是湯啊！見到外觀時，我依然有點疑惑，碗仔翅？不止是外表，就連內涵及味道都跟碗仔翅同出一轍。黃豆做的仿翅沒有味道爽爽的，魚肚腍滑薄衣衣少少腥味，海參彈彈微脆雪藏味突出，仿鮑片嚥嚥韌韌，厚厚的羮液，生老抽的味道。上湯澳洲龍蝦伊麵，約 1 斤的龍蝦仔幸好都有幾啖肉咬下，生猛即劏紮紮跳，龍蝦鮮味強烈，爽彈甜美，走走油再被上湯洗禮過，格外有味道。墊底伊麵只有一碗完整，味道一般提不起興趣。其他伊麵都濕爛散碎，發脹腍劈劈短節節食兩啖放棄。
continue reading
今日重遊舊地，去到沙田一於搵返個沙田地道食物，記得以前細個去到沙田一定係去食雞粥，今日一於懷緬一下沙田雞粥先，叫咗一個燒乳鴿佢哋肉質鮮嫩，當然唔少得沙田嘅雞粥啦，佢哋有少少鹹味分量十足價錢大眾化可以一試
continue reading
住係麗豪酒店，熱到無咩胃口，10點幾先想食野。。甘行下行下見到呢間門口，6蚊两，雞粥10蚊。。ok 啦入去試下入到去坐底，我都未掂個餐牌，一輪嘴又蒸條魚，又話豉汁聖子。。。我地話睇下先，塊面轉色快過美原髮彩。係立刻變色。好啦，叫左1個特價雞粥，1個宵夜$58蠔仔煎旦，1個58濃湯雜菇浸時菜，一份特價蝦。。好啦雞粥黎，2塊雞，其中一件雞尖！，個粥一D味都無，絕對似鹽焗雞D下難位，放2舊加白粥。。跟住個浸菜，極品，D菜半生熟，菜頭唔切，仲完全無味，要加煎旦蠔果D魚露都無味個蠔仔煎旦，D旦好散，原因蠔無出水，又醒又多水，攪到D旦希到夾唔起好啦，最無技術既白灼蝦，叫果時問我要幾多，甘2個人一斤羅，佢落完單返轉頭話每人最多4兩，，好吧！就4兩羅(這時已食緊粥)上啦。。原隻蝦，有D都ok既，但蝦肉明顯係梅唔爽，4兩有11隻，有2/3隻蝦頭調調fink2隻手指一拉蝦頭D水全部出晒，你食理我份！極到中伏
continue reading
以前細個成日跟屋企人黎呢間河畔花園嘅強記食乳鴿同埋雞粥，今日難得同仔仔、老公入咗嚟踩單車，所以都好想回味當年情！叫咗兩隻乳鴿同埋兩碗雞粥做晚餐，小朋友可能太攰所以瞓着咗，我同老公可以安心享用晚餐！先講下個炸紅燒乳鴿，講真真係冇以前咁好食，而家嘅乳鴿炸得比較乾身，而且肉質好鞋，唔知係有少少炸過咗龍定係本身係老鴿！🤣再嚟雞粥，個人覺得店員應該安排乳鴿食完先上雞粥，咁樣會比較好，雞粥食既時候已經唔算係好熱，食多幾啖已經開始凍，粥算係綿滑可惜比較鹹！well~出品差咗，下次應該唔使專登再過嚟食了！
continue reading
宵夜路過 見門口廣告牌吸引 雞粥乳鴿套餐$70但 …… 失望嘅炸乳鴿 唔似炸似滷水 皮唔脆 乳鴿肉入味 但太咸 雞粥好味嘅 但細碗唔滿 份量少3小嚿(1吋size)細件雞件發泡膠碗底溶膠
continue reading