路邊煱 (Closed)

今日一大班朋友去食雞煲丫，呢間有朋友話好食，話用料好新鮮所以去坐車一齊去食。可能我地早到，去到冇乜人，嗌左小食邊食邊等埋其他朋友，嗌左另選店員推介嘅，墨釀油炸鬼，好脆，好特別，熱辣辣上碟，好香，好多件，好食。食完就開始打雞煲，我地嗌左小辣，其他都冇點辣，岩我，但好香，仲有麻香，好惹味，雞都好滑，吾錯。食完就打邊爐啦，嗌左好多海鮮丫，有我喜歡嘅蠔，都吾錯好大隻，有蠔味，仲有蝦同聖子，蝦驚喜地新鮮，好彈牙，蝦頭仲有膏，吾錯，聖子不過不失。嗌左肉，有丸，牛拼盤，好大份，仲有第一次食嘅牛胸爽，食落好像好像彈牙得嚟又有少少肥咁，吾識形容。丸好食，有咬牙，彈牙。整體吾錯，服務都好好，會幫我地換碟同加水，食料果然新鮮，可惜地點更吾方便，應該做街坊生意為主，不過吾錯，可以再去，值得推介。

趁未踏入炎夏仲可以打邊爐,今日就約埋好朋友一齊去試吓花甲蟹鍋！花甲蟹鍋先到,滾返熱就可以先飲湯同埋食咗海鮮先,花甲又大隻又鮮甜份量都唔少至於隻蟹我哋初時以為會係花蟹點知係一隻超多膏既膏蟹黎,啲蟹膏浮晒上個湯嘅面度,真係非常之吸引!食完海鮮就飲埋佢個湯,個湯胡椒味強勁,飲完成個人都熱晒~每人飲咗兩碗我之後就正式開始打邊爐啦!識得食緊係食手切本地肥牛拼牛頸脊,呢度啲牛肉向來有質素保證,肥瘦適中,自命係牛魔王既你不容錯過!即制脆炸響鈴,放落湯到一秒拎返上黎,已經吸滿晒湯汁,正!手打四寶丸,墨魚丸同埋蝦丸甚為出色!仲叫咗其他打邊爐嘅食物,但係已經食到唔記得咗影相了~

雞煲試過好多間，但呢間令我有驚喜！小食有特色，食材用心準備。首先説説墨釀油炸鬼，第一次食咁樣嘅組合，墨魚肉釀係油炸鬼上面，再配酸辣醬，一口咬落去，食到彈牙嘅墨肉同脆卜卜嘅油炸鬼，酸酸甜甜，口感一流！到主角雞煲啦，雞肉非常嫩滑，吾會太辣，香料調配洽到好處。食雞煲當然吾止食雞咁齋啦，我地再點左響鈴同牛肉盤，響鈴令我好意外！(我吾肯定係咪自家製啦😂)，佢比出面食開嘅大舊，最正係裏面夾左塊大紫菜去炸，有埋紫菜一齊嘅響鈴真係好食好多😋另外個牛肉盤都冇令我地失望，有牛吾同嘅部位，有牛脊肉，牛柳粒，牛舌等等，每款牛肉都有吾同口感，肉味濃厚新鮮，不錯👍🏻值得推介👍🏻😋

冬天我鍾意打邊爐，呢幾排天氣逐漸回暖，大熱天時再食火煱就無氣氛啦，所以我即刻call齊朋友，出發到我地既最愛既路邊煱打邊邊。平時打邊爐好多傳統湯底，而我地今次就揀款特別d，呢個雜菌花甲蟹鍋入面有大肉蟹、花甲、雜菌，湯底非常鮮甜，未食都已經被賣相吸引左。大大隻聖子，新鮮爽甜。打邊爐點可以無肥牛，肥牛片片均勻，雪花紋理分明，一睇就知係好野，正！

每月一聚會到喇，5人行到士瓜灣食路邊煱。Book左位1830，去到就即刻有得入座。未齊人既時候睇下menu開始肚餓，決定要叫個小食墨釀油炸鬼，睇名以為墨魚汁染左落d油炸鬼到，但原來係釀d墨魚滑係油炸鬼上面 再炸過。炸卜卜 配埋個泰式辣醬更好味 人齊後便開始落單 招牌雞煲(小辣), 睇樣感覺超辣咁。食落就一d都唔辣，但好香濃既味道。雞又多肉又嫩口，而且入哂味 食到7788就轉打邊爐 打邊爐點小得肥牛呀?! 上面係招牌牛肉拼盤, 有牛頸脊, 牛胸爽, 牛脷托, 和牛粒粒, 肉眼邊同金錢展。 全都好嫰口, 一D都唔韌。仲好香牛味架。牛舌又爽口 紫菜脆響鈴係餐廳自創架，裡面包住塊紫菜。真食浸３秒就可以食，好香紫菜味。當初唔知見到個心係黑色以為發毛 　haha。好食到要再叫多碟　：Ｄ游水海蝦好新鮮。烚完出來鮮橙色，Ｄ肉又唔會似實哂個殼，好梅咁。食到入口，蝦肉好爽而且鮮甜。好好食 餐廳服務好, 而且每人送一枝飲品 得閒會再來食

早兩個月已經黎過一次, 試過幾樣野食都好滿意, 今日終於有時間再黎, 一試上次都想食既花甲蟹煱足料新鮮係我再次幫襯既原因, 今次呢個花甲蟹煱當然無令我失望, 喜見大大隻蟹D膏煲到成個煱都係, 加上胡椒湯底, 又不會蓋過蟹肉的鮮甜, 淡淡肉! 加上食大大隻的蜆, 口感特別唔同, 好似出面細隻又多沙既完全無得比肥牛係另一個唔可以少既一環, 咬落口有嚼勁爽口, 一D都唔肥膩, 加上肉質鮮嫩, 真係食多多都想再食 (但銀包叫我收手…)店長推介游水蝦, 上台個陣有一下真係俾佢嚇親, 隻蝦仲識跳gar, 證明佢係幾咁新鮮! 而入口肉質彈牙, 值得推介之前食過幾間油炸鬼都好出色, 今次試下呢間先, 佢將蝦肉蟹子放上去, 使其更爽口, 令成個油炸鬼提昇到另一個層次真係眼闊肚窄, 諗住食到7成飽到最後都係要捧住個肚走出黎極力支持此等小店, 將大集團獨霸市場的風氣打破, 我也定會繼續支持的

好辣既我一直尋找好味既麻辣火鍋，未食過正宗既但呢度既辣得唔過份但食得好過癮最基本花椒既麻同辣椒乾既香辣都俱全非常刺激味蕾，令人胃口大口而材料方面絕對不能不提佢地既招牌牛拼盤有多種不同部位既牛肉，叫一盤就試曬幾種牛肉既口感，味道!在麻辣湯底既襯托下，簡直是絕配其次呢度既炸物全部都即炸，鬆脆可口，欣賞佢點解可以炸得咁香口，味道亦難以抗拒食多幾舊，熱氣都係咁話

係土瓜灣練完跑，幾個跑友即興去打邊爐！今次有四個人，可以叫我想試好耐個花甲蟹煱啦！八味金磚豆腐煱未到，先來小食。記得上次個金磚豆腐好好食，今次當然要encore啦！味道依照好，外脆內滑，令人一舊接一舊停唔到口。陳醋野生雲耳陳醋味道香濃，再加上青瓜芫茜一起拌，十分清新，很開胃的餐前小食。花甲蟹煱一上台已經勁香胡椒味，大大隻蟹鋪係面，下面就有好多花甲。配料仲有蕃茄、菇、粟米等，好豐富啊！蟹膏異常多，實卜卜且非常甘香。滾起左即刻盛了一碗湯慢慢品嚐！除左有海鮮既鮮味之外，蕃茄亦為呢個湯底生色不少！一路食都發現好多蟹膏沉底，呢個煱實在係必叫呀！脆炸響鈴一人飲左兩碗湯後，開始落配料。即刻試左個脆炸響鈴。浸幾秒即刻食得，呢個響鈴係即叫即炸，口感一流。最重要係夠新鮮，唔會一陣油益味。手切牛雙拼打邊爐又點少得手切牛呀，叫左個雙拼，手切本地肥牛拼牛頸脊，個人都係鍾意肥牛多D，夠腍身。墨釀油炸鬼平時叫個D油炸鬼通常係配生墨魚滑，難得呢個已炸好，可即食。油炸鬼超級脆，再配脆卜卜蟹籽，好有口感。第二件我就浸一浸先食，感覺無咁油膩同熱氣，但依然好味。海中蝦非常生猛，上台時仲識郁。材料夠新鮮，淥熟就食得，雖不算特別

土瓜灣真係我新蒲點，舊區野食多到不得了。之前食過總店路邊煱，估唔到短短時間就已經開左分店，水準依舊！花甲海鮮鍋～淨飲都好鮮甜呀！花甲好大隻，又多～～～等緊既同時食個小食先，避風塘茄子，又熱又香脆，唔算太辣，鬆化。湯料唔逐樣講啦，要講既係牛肉有濃濃牛味，油脂分佈平均，淥一淥食得！蟶子都幾大隻，襯花甲海鮮甜上加甜。墨魚滑好彈牙，仲好大份食唔晒添。最驚喜係個響鈴竟然有紫菜係入面，沾一沾水鬆脆響鈴加上紫菜口感一流，又唔會太油膩。

今晚想食雞煲又想打邊爐，諗起上次去路邊煱食過唔錯，加上咁突然⋯為安全起見決定去土瓜灣既路邊煱，因為暫時土瓜灣還未有港鐵，所以人流相對較少，容易D有位 ! 例牌動作，侍應好快速咁捧上。 未齊人所以叫住個小食頂住先⋯麻辣牛月展 ~ 醬汁麻而少辣，牛𦟌切得夠薄，唔怕食到牙軟，正! 密制惹味雞煲(半隻) ~ 雞件好入味但又唔會鞋 好豐富睇見都開心 食晒D雞就再加湯就可以打邊爐啦! 手切美國牛頸脊( ~ 油花好均勻，切得夠薄，焯幾焯好快食得! 海中蝦 ~ 夠新鮮夠大隻，肉質爽口彈牙啖啖肉 蟶子皇 ~ 清洗得幾乾淨，大大隻又鮮甜這店既海鮮的確新鮮 !!! 即炸響鈴 ~ 熱辣辣可以即食，不過怕太熱氣所以都係放入湯616才吃，大約3秒取出，內裡仍是熱烘烘的但仍保留些微脆口。 打邊爐也要食下蔬菜，唔係間間火鍋店都有皇帝菜，依樹有梗係要食啦!  新鮮嫰綠 ! 冬瓜片 ~ 好好利用雞湯底，令冬瓜片更入味唔會淡茂茂自製手打四寶丸 ~ 彈牙 !

今晚約咗朋友打邊爐，火煱店係朋友介紹，之前佢去過總店都覺得幾好，今晚就約咗嚟美景街新店試吓。店舖有多款火煱選擇，另有新鮮生猛海鮮、水產及其他餐前小食。依家9：30 pm 後入座，仲有火煱配料大優惠。我們選了火煱後，侍應就送上每檯的自選醬料。墨釀油炸鬼，油炸鬼炸得非常香脆，墨魚滑口感彈牙，配上少許蟹子，沾上些酸甜醬就更好味，是餐前必食之選。招牌辣雞煲，除咗雞外，還望見大大隻鮮飽魚，真的有驚喜。經翻滾後，一打開鍋蓋，鍋內已發出陣陣香氣，雞肉嫩滑，味甜帶少辣，非常滋味。原隻大大鮑魚，質感厚厚，非常鮮甜有咬勁。火煱料手切牛頸脊，肉身紅潤，色澤鮮明，脂肪分佈均勻。口感肉質軟滑，牛味濃郁。蝦滑釀鮮冬菇，蝦滑塞得滿滿的釀在鮮冬菇上，蝦滑鮮甜爽彈，冬菇軟軟腍腍。自家手打鮮墨魚丸，賣相吸引，粒粒色澤雪白，口感爽口彈牙。自家製炸響鈴，金黃色腐皮捲住紫菜，因為係即叫即炸，所以上檯時熱烘烘的，輕輕放湯幾秒，口感非常鬆脆。

同朋友7點幾放工，想搵個地方食晚飯，見今晚咁凍最好緊係都係打邊爐喇, 跟住我地就係openrice揾土瓜灣邊度有好食的邊爐打。之後我地就揾到呢間「路邊煱」，放好啲野我地就即刻諗住叫野，原來呢間野都幾特別，可以用成隻蟹黎做湯底。我地之後就叫左個招牌雜菌花甲蟹鍋，同埋前菜。八味金磚豆腐個外皮炸得十分脆，但係內裡嘅豆腐依然十分嫩滑，非常特別鍋底就上黎喇，果然係成隻蟹係個鍋入面，份量十分足料，蟹肉非常鮮甜而且蟹蓋入面有超多膏。脆肉鯇，將佢放入湯滾幾分鐘就食得，質地爽而脆身，而且魚味好重，黎到呢度打邊爐絕對係必須要叫。鵝腸本身係比較普通，放入鍋滾一滾熱就得，意想不到地好味，好香既感覺，份量也不少，仲好鮮味好甜。鵝腸本身係比較普通，放入鍋滾一滾熱就得，意想不到地好味，好香既感覺，份量也不少，仲好鮮味好甜。

一向唔會留意鍋底嘅重要性，現在鍋底仲可以豐富過火鍋生料，有時候食完鍋底都已經半飽了。鍋底係招牌雜錦花甲蟹鍋，金黃色嘅黃金鍋，眼睇完輪到手去動，潷到一碗多料湯，個底好有海鮮甜，料有大紅蟹、花甲、雜菌、糯米粟等。食火鍋慣咗要飲清涼茶，點知路邊煱唔係自己煲!火鍋生料中無人唔食牛呱!  呢碟招牌牛肉拼盤，由牛頸脊、牛胸爽、牛脷托、安格斯和牛粒、肉眼邊，食到金錢展，火鍋食牛肉嘅精華要靠晒佢做引導，牛頸脊有嚼勁，牛胸爽喺爽口又極肥膩，牛脷托爽脆嫩滑，安格斯和牛粒嘅肉質鮮嫩富口感，肥瘦剛好嘅肉眼邊夾雜肥油與肉香，金錢展多筋卻肉質較軟。食牛之外，脆鯇腩係我不二嘅選擇，魚肉質軟滑，佢嘅爽脆與眾不同，包含魚油嘅芳香。餐廳幾大，又裝設咗電視，環境又無一般火鍋店嘅嘈，食火鍋又多個好去處了。

是說很久很久很久以前已經到過這裡吃過一個煱，這次決定試一點新的是蟹……！！一如即往的，環境四周佈置好像跟以前不一樣了，是位置不同了還是裝飾呢……？因為是很久很很久以前所以完全沒記憶惹就是一如既往的那個大大大的鏡子跟電視，上面有貼著菜單空間感足夠，完全不會覺得擠的不會摘就不會容易撞到了……！好的餓了回正題到了店員會主動提供的那個喜歡怎樣的味道配料就自己動手吧！飲品一枝！！！！味道跟平常街邊能買到的一樣蟹煱啊！！！！一大煱的！！！紅紅的那個是蟹蟹煱啊！！！！一大煱的！！！紅紅的那個是蟹因為有蕃茄的關係所以帶酸開胃呢首先是把蟹蜆吃光光，這樣才能繼續下去例如牛肉，最受歡迎的牛肉對，牛肉不同部分的牛肉肉嫩之餘牛味濃香，就算一小片已經能感覺到了個人喜歡還帶生的吃，鮮味十足夠滑啊而且脂肪分佈平衡，非常好吃還有三寶餃是韮菜，椰菜跟沙葛餡呢外皮皮薄，裡面饀料亦很新鮮跟之前比較不能，因為已經是很久很久很久以前呢但蟹好吃蟹，超棒

和太太最近談起，若然要在打邊爐與BBQ二擇其一的話，小弟必然舉手舉腳會選前者，相反太太則較鐘情於熱辣辣的BBQ....故此今天晚上來這所最近在土記區內頗具名聲的火煱店，可算是"夾硬"找她來要陪我的 (雖然她猛說間中來吃一個邊爐宴也還不錯)....略有耳聞這兒的雜菌花甲鍋底很有名，所以甫一坐下後，馬上就點了這個了....等它滾起之前，習慣上先混一混醬....醬的選擇都屬非常大路的 --- 生蒜、炸蒜粒、青蔥、莞莤、紅椒粒及一團黑黑啡啡的東西。細啖之下鹹與鮮並重和蝦醬十分相似。此時馬上連下兩大匙下去，整碗醮醬的味道登時就提昇到另一個層次....同樣習慣在未淥熟生料之前，先點些熟的來醫醫肚....說老實話，這是小弟近年嚐過最好吃的金磚豆腐 ---- 光睇那金黃奪目的賣相就知對版了。夾起一件放入口試試，外皮極為香脆而內裡的豆腐是滑溜得咕嚕一下便順滑到喉嚨當中，實是超軟得不得了；依附在豆腐外層的椒鹽鹹度控制得剛啱好，入口不會咯喉之餘又惹味非常....到了最後豆腐被攤涼後再嘗試一件，竟發現那金黃外皮是脆口依舊，委實難得....好了，回到那重點花甲鍋。一大煲湯裡頭滿佈了蕃茄、粟米、各類菇菌、芹菜、西