路邊煱 (Closed)

好小可黎到土瓜灣 有個朋友住係度，為左同佢慶生，成班fd特登入黎朋友最愛打邊爐 佢就帶左我地黎路邊煱勁涮 雖則唔係任飲任食但呢度d野食都唔係話貴喎我地梗係叫左個雞煲五個男仔唔食雞煲點會飽！ 我地叫左中辣 雞好滑同埋一d都唔肥 汁岩岩好 唔多味精 但好夠辣！d洋蔥超好味因為佢煮得夠霖加上索曬d汁正到爆！ 之後打邊爐啦我覺得最值得推介係牛丸！！！48蚊一d都唔貴 仲好平民tim佢係自己手打架牛肉味重而且好新鮮 食過就知唔同啦！呢度蝦滑都唔錯架！ 都係手打架 雖則我覺得牛丸正d但呢度對比出面都唔錯架啦！佢打得好滑 又有鮮蝦味無乜加麵粉又彈牙 朋友生日食得不知幾開心不過就遠左d囉…

約好了舊同事來一餐晚飯,住在土瓜灣舊區的她約我到她家附近吃,雖然不太願意,但因為她有BB,我也不好意思叫她出市區由車站搭的士來到大慨30元左右,還算可以來到後發現是打邊爐,吃的也是不錯的食物美國肥牛,紋路相當清晰,吃起來也不錯脂肪不算太多,所以十分爽口響鈴味道也是不錯,炸得十分香脆招牌蟹鍋十分惹咪,蟹膏十分多,吃起來相當滋味而且內裡有大量配菜,2人吃是吃不完的幸好同事老公晚一點來到,否則我們一定吃不完

土瓜灣，舊區的氣息人來人往的街道，小店的地舖這些風景還可看多久？小吃：椒鹽茄子，金黃酥香而不會乾，香口配啤酒一絕湯底：家常蕃茄薯仔湯，足料有誠意自製響零，不過油了一點本地手切牛頸隻，油花平均，濃厚的牛味，正超大隻聖子，也算新鮮夠肉地。用料真的不錯，一眾火鍋店裡的首批選擇，而且服務態度良好，會支持！

我愛你的日子梗係同男友加家人食飯老豆最愛邊爐佢自己成日出去搵食今次佢帶左我地黎路邊煱食喎遠就遠左d 但佢話好值得黎入黎就即有位首先叫左個小食先啦～炸魷魚so！48蚊咁大碟一d都唔貴香脆可口一d都唔油完全係新鮮炸起仲食到魷魚的鮮味之後叫左個雞煲因為媽媽唔想食太辣所以我地叫左小辣都唔錯，幾香口好多雞 雞都好滑好嫩見到隔離枱加左鮑魚有d後悔無加，因為睇落都幾靚食完雞煲就加水打邊爐！叫左我地全家最愛－響零！新鮮炸起架！可以即食tim入面有紫菜，勁香脆食落去食有聲無諗過擺埋可以咁夾另一樣我想介紹係牛骨髓唔係度度有得食架呢度ge係新鮮架其實牛骨髓本身就無乜味但用黎打邊爐加埋個湯底就好正啦因為我好愛佢個質感其實呢度都幾多野食ge下次黎食再介紹大家其他好野食啦haha

放工同同事去食一間出名既餐廳！到門口已經見到有魚缸養住d生猛海鮮！好想快d食晒佢地！豉油醬料竟然有芫茜！！好難得有！其他醬料都好新鮮、乾淨！我地叫左小食食住先，呢個麻辣海蜇，超級好食！爽口得黎配合麻辣真係好好好好味！就算怕辣既朋友都係咁食！必試！我地叫左個花甲蟹湯底，超級足料！除咗蟹同花甲之外，仲有粟米、雞髀菇等等。蟹膏好多！湯底非常鮮甜！新鮮游水海蝦好大隻，拎黎果陣仲郁緊！肉質好鮮嫩，好有口感！廣島蠔雖然唔係好大粒，但係鮮味十足！手切新鮮本地肥牛，肥牛既脂肪分布非常平均，咬落去好juicy!!!!!好香牛肉味！一定要叫！呢個肥鵝腸睇落去好似好肥，本來唔想食！但同事熱烈推薦，我一於試下！嘩！好好食呀！腸本身好爽口！再配合肥膏，好香！一d都唔會覺得漏！食左之後番唔到轉頭！！

今年年中的抽獎晚宴,定於一家火鍋店內,我們小公司一切從簡啦點了一個火鍋後,大家的心也放在抽獎中,食物安排由老闆發板食物上枱後才發現原來這兒的食物也不錯廣島蠔熟了後十分嫩滑入味,而且沒有縮水,証明材料是上乘鮮菇也是十分新鮮,口感豐富,大家也爭先恐後的搶來吃最後吃了花鵰醉雞鍋,雞肉相當嫩滑,雞味濃厚而且份量十足,我們6人吃剛剛好不過我只抽到二百元現金,有點失落,幸好餐廳食物不錯,算是安慰呢

舊同事來公司探班, 順道吹吹水, 八八掛, 講吓公司和老闆的是非, 食火鍋就最適合了.打邊爐的循例動作, 用盡所有調味料, 攪了又攪, 製作出最合自家口味的醬.墨釀油炸鬼 $58. 第一次在金巴利道的大排檔食過, 但都唔夠這間好味, 油炸鬼脆得嚟唔硬, 墨魚滑好彈牙, 加了些蟹子, 入口咬到卜卜聲, 好鮮味.此店的四大皇牌其中之一: 招牌雞煲皇, 半隻 $138. 價格與街外其他店差不多, 但多了兩隻中型鮑魚, 性價比極高. 鮑魚比一般的七孔要大, 師傅已經界井字, 方便快熟之餘, 更彈口. 美國牛頸脊 $188. 師傅切在細心, 鋪在碟上, 形成一紅外白內的圓中心, 好美觀, 食欲也大增, 牛頸脊位置, 肥瘦各佔三七之比, 肉質滑之餘, 牛味特別濃.手打墨魚丸 $78. 其質感介乎於鮮墨魚滑與雲吞麵店的墨魚丸, 彈牙度高, 墨魚味出眾.蝦滑釀冬菇 $88. 新鮮大隻冬菇, 中間內釀了蝦滑, 冬菇又軟又淋, 蝦滑彈牙鮮味, 兩者最夾.紫菜脆響鈴 $46. 睇個名, 都知道不是一般的響鈴, 但特別在於紫菜是包在脆腐竹中間, 入口可以平均地嘗兩者的味道.

昨晚與友人們，一行五人誤打誤撞到土瓜灣美景街幫襯路邊煱；坐下感覺地方簡潔，至於餐牌選擇亦頗多；首先我們點了主打麻辣鷄煲另加五隻鮑魚- 鮑魚滲透雞汁，入口少許麻麻辣辣，並帶出鮮味，至於雞肉可口嫩滑，不消一會吃光。牛拼盆火煱（牛頸脊，和牛粒，牛胸爽，肉眼邊，牛脷托及金錢𦟌），各式牛件都各有特色，和牛粒入口溶化，牛胸爽爽口鮮甜，不愧為招牌必食。之後再點了牛筋丸及椰菜肉餃，兩者都令人感到平凡中有點驚喜；食後感覺整體不俗，值得再來。

今晚約埋三五知己路經土瓜灣諗緊食咩時, 見到呢間有活魚做火鍋, 幾唔錯咁我地就叫左個濃味海鮮湯底, 雜菌花甲湯底味道好鮮好濃, 個人好喜歡, 花甲仲多到食唔晒添!雜菌真係好雜咩菇都有D, 最正係辣辣地令D菇好好味~上菜前會先提供調味盆隨意配搭, 而火鍋料一定唔少得既鵝腸入口又香又滑, 又唔會難咬, 好易入口好爽滑~我最喜愛紫菜響鈴直得一讚, 食咗一口己經有想叫多一碟既衝動, 佢塊紫菜好爽脆, 煮多幾秒都唔會爛, 而且好咬口, 同響鈴超夾!還有鴻福堂既酸梅湯可以叫, 全天然材料令人放心飲用, 甜酸都幾衡等, 唔錯呀!

仲記得上次嚟食完個雞煲，先發現原來有個招牌花甲蟹鍋。今次再嚟幾大都要試試佢。餓住個肚等火鍋，當然係要點啲小食先啦。呢個黃金豆腐，外脆內滑，最過癮就係擺耐左都無出水，正。另一個小食，醒胃涼伴雲耳，個汁幾好，可惜芥辣味幾強，唔係個個朋友都啱食，不過我個人就幾鍾意。湯底到，蟹湯原來係配番茄湯底，感覺好清甜，比起平時番茄湯更清甜，花甲同蟹都好有海鮮味。未開始打邊爐已經一人飲左兩碗湯。響鈴係自己炸，脆得嚟又夠薄，吸湯力好強，放一放湯既話要快快手。呢個豚肉好特別，大大塊，用豬扒位薄切，帶有少少肥，夠薄身一啲都唔韌仲好有肉味。肥牛有兩種，一種係安格斯，一種係本地，鍾意肉味既當然揀本地，有咬口啲，如果要焾身同埋油香，就食返美國牛啱啲，至於我就梗係雙拼最正啦！釀油炸鬼，本身已炸到卜卜脆，建議先試就咁食，再試放湯。呢度炸得啱啱好，油炸鬼唔會因為返炸而太老。個人覺得呢個就咁食好味過放一放湯食。

明明炎夏，前幾天卻突然秋風起，看來厄爾尼諾越來越放肆了。天高氣爽，最好就是約一班朋友打邊爐。今晚同幾個朋友來到這裡，吃了一餐滿有驚喜的邊爐火鍋。聽說來到路邊煱一定要選的湯底，就是那個招牌雜菌花甲蟹鍋。雜菌香茜等配菜多到一個點，食極都有，啱晒我好味。花甲好鮮甜，羔蟹當然是非常大隻，湯底盡吸蟹膏的甘香，下火鍋料前先喝一碗，滋味無窮！打邊爐一定要點的牛肉，今晚是手切本地牛，質素絕對不錯，切功非常好，牛肉多汁味濃。也點了個小吃椒鹽豆腐，豆腐外脆內軟，咬下去好滑，外面的椒鹽處理手法令豆腐非常惹味。原隻新鮮大蝦，上桌時還活生生的 ，但是非常鮮甜好味。四寶丸忘了其種類，但都是很好的質素，個人覺得最好吃的是墨魚丸。還有我最喜歡的紫菜響鈴，是這家店特別研發出來，配合那個招牌雜菌花甲蟹鍋湯底，我一口氣吃了3件。這裡的地方光猛又好坐，而且新分店比舊店更大更舒適，大家可以慢慢食，每人都是兩百幾，好平好抵食。香港真是個一年四季都適合打邊爐的好地方！

其實，身體已經到達警界線，我的肥伴身形唔可以食落去，肥落去。本身這個星期好清閒，冇乜特別多的飯局，想休息讓身心休息一下，好讓我心肝皮肺腎都可以休息一下。雖然我們不是古惑仔，但係朋友吹雞還是會到的，人在江湖，就是身不由己，有飯局就一定會去，支持下朋友好，當聚舊也好，最好餐廳就是我未去過的。結果朋友選了我去過的路邊煱。支持係，不要問，只要去。上次吃過好幾個前菜都是不錯，今次等朋友的時候也不放過叫左前菜來吃，其中一個是八味金磚豆腐，可能是我沒有期待的關係，入口的那刻真係冇諗過咁好食，外面的椒鹽脆皮裡面有滑滑的豆腐，就像八十年代鹹片形容正女人，出得廳堂，上得大牀，樣子好看又好食，我想起同樣出名的六福，講真有過之而無不及。另一個前菜是麻辣海蜇，那個海蜇頭完全被麻辣味攻撼，海蜇是如海綿寶寶一樣，你俾幾多，佢索幾多，就如Xmen的妖后可以隨意想變乜就乜，佢就變左麻辣的餐前小吃。幾個男人，談天不一定飲茶，各有所好自己的養生方法。上次我來吃的雞煲，感覺不錯，只不過唔特別深刻，味道必定不會太差，今次朋友說我一定要吃這個招牌雜菌花甲蟹鍋，選佢一定冇錯，食過舊店的他話這個係佢地鎮店之作。先飲一口湯，那些湯完全

看我的食評都知，我很喜歡吃泰國菜和火鍋。今晚突然朋友聚舊，然後要找個好坐好談又好食的地方，大家都係一品雞煲，路邊煱同老坑找個選擇。問題地道的朋友，大家都說可以試下路邊煱，因為一品同老坑都試過多次，這裡說會有驚喜。周中的晚上，沒有太多客人，地方又大又舒適，一定好坐過其餘兩間，我覺得我選得不錯。吃了這裡的招牌花甲蟹鍋，說真，份量十足，蟹大隻，花甲多，又有好多蔬菜，正，其實食呢個都飽。還叫了蝦來吃，送呢個湯最好。加左一碟大肥牛，肥牛味濃而且不貴，我們吃了兩碟，都仲想encore 。吃得肉太多，都要食下菜，菜都很甜，配合蟹湯，更加吃得愉快。由於三個人，食不到太多野，但真係好抵食。

久久沒有到土瓜灣揾食了，昨晚聯同一眾食友誤打誤撞到了美景街，發現了路邊煱，經靚女店經理推介下，先來兩客小吃麻辣猪耳和脆炸鱿魚鬚，香口爽脆，跟著主菜香辣鮮鮑雞煲來了，辣度香味適中，鮑魚鮮甜透渗辣味，即令食慾大增，再叫了主打必食的牛肉拼盆和鵝腸；先講牛肉拼盆，包括牛頸脊，牛脷托，金錢展，和牛粒，牛胸爽及肉眼邊，不用詳談，拼盆的各式牛件都新鮮好味，口感甚佳，值得推薦，至於鵝腸，有別坊間其他火煱，是新鮮，最重要是肥美的，只放在熱沸的煱內十數秒便可重拾舊有味道，還值得一提，店內經理還是一名甜姐兒。

話說上大人孔乙己微服出巡到臨香江小鎮，小鎮到處都是錦衣衛，作為一個星斗市民都不敢出省城了。找尋良久，原來窮鄉僻壤土瓜環有家地道火鍋店，遠離省城，遠離錦衣衛，給我安靜的一個晚上。意外發現此地原來有洋人蹴鞠比賽看，一邊吃火鍋一邊看蹴鞠簡直是人生一大快事！海鮮的價格是時令，不過也不算貴，至少比省城平２－３成。小弟是晚喉嚨不適，正好小店有售鴻福堂的滋潤涼茶。話說雖然我完全不喝汽水或者其他樽裝飲品，卻會選鴻福堂的涼茶，因為他們標榜的無添加是確確實實，從ＩＮＧＲＥＤＩＥＮＴ中可知一二，不知會過多的化學添加物影響健康。這喝出母親味道的番茄薯仔湯正好在補償之前沒有時間慶祝的母親節，母親節快樂呀媽媽！另外還是因為我喉嚨不適所以點了比較清的湯底。最欣賞他們的薯仔非常粉，不會生水太爽口。手打丸可以那麼地黏筷子證明他們卻卻手打不久，煮好後鮮味十足，口感彈牙得像可以打乒乓球一樣！很快熟的桂花蚌不要煮太久，煮好之後外觀驟變，非常爽口鮮嫰，用料不錯！吃鵝腸的要點是肥美可口！這邊的鵝腸又大又肥，脂肪軟稔加上超爽脆的鵝腸，雖然不甚健康，但偶爾一兩條我倒也沒意見了！