燒味之作

Open Now

Now Closed

半隻雞70幾蚊性價比高。 店舖換咗個外賣盒大好多。 今日特別節日師傅俾咗隻大雞髀。佢啲油雞不嬲都好食。啲雞無臭味甜甜的，啲肉都新鮮小骨。 叉燒麻麻燒鵝好食$100半隻都唔錯

惡劣嘅態度 好似人哋欠咗佢咁 黑口黑面在我最近一次光臨貴店時，店員的態度令人失望。他對顧客的問題不耐煩，甚至語氣粗魯，讓我感到非常不舒服。作為消費者，我期待能夠獲得友善和專業的服務，希望貴店能加強員工的培訓，提升服務質量。良好的顧客服務不僅能吸引顧客，也能提升店鋪形象。希望能得到重視。

已幫襯好多年，由以前地下有堂食已經開始食，以前曾經好好味，但而家越做越差，係差到無人有！啲叉燒瘦到柴，咬都咬唔到，白雪雪完全無味，真係一舊都食唔到。燒肉叫好啲，但係都只係可以擺入口嘅程度，稱不上好食，仲有啲豬臭味。連鎖快餐店都不至於咁差，仲要叫自己專做燒味，賣又賣得唔平。點解可以做得咁差嘅呢？無心做不如唔好做，咁樣真係侮辱自己侮辱食客！應該不會再幫襯，真係寧願食連鎖店都不會幫襯呢啲黑心店舖，好差！

呢間之前有堂食嘅燒味店，而家得中午有堂食，我通常都食外賣，我覺得呢間D燒味都好食，比起其他D燒味味道係好D嘅，油雞嘅雞肉好滑叉燒夠淋唔會好嚡，因為佢哋有自己嘅烤爐，都好新鮮可口！

66蚊食個雙拼燒味瀨粉加杯凍檸茶，個場雖然唔大唔爆場亦冇人等緊位，兩位員工先後休息緊都仲有位。其中一位員工休息完之後落樓下冇耐突然衝上黎話小姐我地要清潔喇，佢先執隔離岩岩走既枱，再衝向我當時唯一一張未走既枱。我睇番自己大約2：05落單（因當時想吃下午茶最後發現原來堂食係冇下午茶），2：15野食先到，2：50就衝上黎話要清潔，如果真係有限時可以落單前講明，依家咁我食完一路行番屋企都仲一肚氣。如果堂食用呢個價錢呢個時間食燒味瀨粉下次都唔會揀呢間，至少未試過有被趕既感覺！

今日三點半 路經呢間燒味檔 諗住買盒燒肉油雞飯 咁女職員問我係咪要正價飯 我話ok 連凍飲69蚊 點知上車 一打開 五舊油雞全部背脊到籮柚前少少 大佬呀你畀背脊兩嚿搭三舊肉都得啩 個師傅咁懶一件背脊斬曬畀我 真係多謝你 我終於忍唔住 走返去問佢 你收我正價錢定特價飯 如果特價飯我就接受 點知阿姐話收我正價 咁我畀佢睇下啦 師傅答我 我唔知你唔食背脊 我真係下巴都跌咗落嚟 雖然你最後都有換返幾嚿肉畀我 不過 呢一間燒臘店啲嘢 除咗杯凍奶茶ok之外 燒肉同油雞真係認真麻麻地

以前經常來大圍幫襯燒味之作，開業後一直覺得他們水準不錯。好一陣子沒來，剛巧來大圍，便來再吃。原來用餐區已從以地下，搬上了閣仔，地下用餐區放了風乾爐，如果以做生意角度，是不智，客人以為店舖改了做外賣，不敢進來。不知道是否換了老闆和大廚，水準不及以前，乳豬不及以前，燒腩仔變普通燒肉，沒有下一次了。

外賣40蚊叉燒返屋企，一打開又瘦又乾😨😨😨😨😨😨😨 未試過嬲到要出食評，賣相完全顛覆我對叉燒嘅定義，打去舖頭老闆仲堅持呢個係比較瘦嘅部位，唔會硬喎，除非客人有特別 request半肥瘦 😤👎🏻 其實有冇人會request 食啲又鞋又硬又無汁嘅叉燒？叉燒汁/蜜汁都冇多滴，究竟有冇心做燒味？買外賣嘅客就求其斬，肯定冇回頭啦🤡仲識講自己做咗幾多年🤡 出品係啲咁嘅質素，真係祝佢生意興隆啦🤡🤡🤡

今日男朋友去左呢間燒味之作買左兩個外賣，返到屋企打開個外賣嚇L死，D叉燒根本肥到放唔到入口！重點我男朋友叫外賣果陣系冇叫肥叉燒，但您地就夾硬比D肥到放唔到入口既叉燒人！真系離曬譜！

Long time no siu mei, tried this famous one in Tai Wai. The roast suckling pig is really crispy and it tastes amazing for the first several pieces. But when having more it is a little more fatty and greasy… so at last I did not finish itThe Char Siew is kind of too fatty for me and there is no thinner type of char siew to be chosen I think men would like this more than most ladies. Btw the ice lemon tea is good!

真肥叉😋😍🤣🤣🤣叉燒真係夠肥夠淋👍🏻燒鵝就麻麻無乜肉😅食到一半出面排哂隊都係買叉燒😏🅣🅔🅐 🅢🅔🅣 下午茶餐 HK$42食物💛💛💛💜💜 環境💛💛💛💜💜服務💛💛💛💛💜 打咭指數💛💜💜💜💜回頭指數💛💛💛💛💜

自從搬屋之後，食唔返咁好味既燒味，心思思返去食，已經幫襯多年，從未寫過食評比佢，搬家一年，水準依舊，正，記得第一次去食，好驚喜，估唔到小店都咁用心制作，特別係义燒，聽講師傅以前係高級酒店做過，所以做到咁好味，佢已經成為我心目中既米之連! 今次點了1) 半肥瘦义燒燻蹄飯，加凍檸茶$3燻蹄肥瘦適中，加埋個自家醬汁，正，义燒美味，keep到水準，每次都可以食晒成碟飯2) 瘦义燒， 燒腩仔, 米粉，加燉湯$17最愛燉湯，飲到無味精，飲到媽媽味，足料， 燒腩仔好脆口，一半肥一半瘦，睇得出材料真係用心挑選，今時今日咁既材料+味道，都係街坊價， CP值高，坐車去食都值得!

📌燒味雙拼飯 $57紹香油雞｜明爐燒鴨平時必點既叉燒咁啱賣晒，就試吓佢既燒鴨啦。個燒鴨皮仲係脆卜卜㗎！！！真係好好味，因為佢既肥瘦適中且啖啖都好juicy、肉汁鎖得好好。而雞肉都一如既往地滑嫩、十分推薦。📌燒鵝拼燒腩仔飯 $73雖然燒鵝皮就冇燒鴨咁脆，但個鵝味都好出同埋好多肉好肥美。而今次個燒腩仔就介乎燒肉同燒腩仔之間，未係最靚果舊。題外話：呢度既乳豬都係好出名架。用餐時間就已經接到兩隻乳豬預訂訂單tim 。下次黎就試下佢地既乳豬飯先😋

垃圾！6:30用app叫左外賣，本來estimate 25-45分鐘到。明明已經接受左個order，點知到7:15先突然cancel我張單！全家人等緊開飯！之後即刻打電話去間野度問點解cancel單，接線個人十分無禮貌，只係好唔耐煩咁講左句「太多單唔得閒接！」就收左線。大佬，你無時間接一開始就唔好accept我order啦！就算你accept左，係咪應該盡快cancel呢？等左45分鐘先cancel, 我打去問態度仲要好差。

今日屋企話要我去加餸，我剛剛去完大圍食野甘岩見到間燒味舖，睇吓D價錢又吾係貴，都算洒樓嘅價錢，就選D間砍D料加餸啦！睇左好耐吾知道買咩好，因為我有選擇困難症，見到叉燒個色好靚、燒鵝又大隻，不過我過我最後買咗新鮮出爐嘅燒煵仔同脆皮乳豬！燒煵仔真係好脆D皮，爽脆中帶點鹽味，肉質又夠味又夠厚，買半斤都好足秤，份量好多超正！飯都食多兩碗脆皮乳豬仲正，D度只不過係例牌份量脆卜卜，又吾太肥，咬落去好滋味，再加埋D乳豬醬，簡直係一流！下次又多個外賣選擇的好地方！