岩石牛扒屋 (Closed)

首先，佢嘅前菜，佢會比一碗蕃茄湯，入面有紅羅白同薯仔，佢宜個湯好香濃蕃茄味，值得一讚，之後佢嘅前菜仲有宜一碟，有火腿、蝦、橙、薯粒同菜，啲菜仲架左啲芝麻醬，個扒加埋宜個前菜已經好夠飽🤤宜塊西冷扒，口感肉質鮮嫩，唔會好乾，口感係好淋，唔會好難咬開，個扒仲啲啲配菜，而且仲有啲螺肉，啲螺肉好爽口，味道也很不錯👍🏻這杯飲品味道一啲都唔會好甜，是好清新的飲品😋

屯門景峰出咗名多餐廳，今日準備返屋企嘅時候都過咗去搵嘢食先。兜左冇耐決定入去間新野食一下，一食之下，發覺認真唔錯！！😛岩石牛扒屋，一聽個名都知主打係食石燒牛扒，而且佢哋嘅晚市套餐都幾抵食，分量大款式多。套餐包左是日餐湯，前菜，主菜，水果茶同甜品。🤭我哋一個叫咗岩石美國榖飼牛柳配香蒜意粉，另一個叫做岩石安格斯西冷牛扒配薯角。前菜仲有巴馬火腿沙律同埋凍蝦。沙律新鮮，凍蝦食落都好鮮甜，似係海蝦。兩個套餐，要一張四人枱先放得晒😂個人覺得西冷牛扒好食啲，連埋側邊啲少少肥膏一齊煎黎食，特別香口肥美。牛柳都好軟腍，牛味濃。埋單一人$200左右，但係食得好飽，都食唔晒個意粉🤤

今日天氣又涼番D，食咩好呢？之前係銅鑼灣食過石燒，見到屯門都有喎，試下都好。好，坐低睇吓有咩好食先。是日晚餐，有忌廉湯，飲落夠稠。和風玉子燒、帶子刺身沙律、美式凍蝦，帶子新鮮食落好甜，凍蝦大大隻。美國穀飼牛柳，廚師好細心將牛柳分碟上，唔怕放喺石板上燒得過熟，食幾多再切幾多，牛柳夠腍身，唔錯！安格斯西冷牛扒，雖然部位係西冷，但一啲都唔韌，食落牛味重。燒完熱辣辣，飲杯冰凍水果茶，正呀！跟餐仲有雪糕添。

簡約石燒牛扒見到近近地屯門都有依嫁好興嘅石燒牛又睇到個價錢好公道 就一於去試吓餐廳座位闊落舒服 簡單bar嘅裝修前菜食物款式多樣性生蝦新鮮爽口配個酸辣 好開胃我哋叫咗兩份美國穀飼牛西冷脂肪與肉質比例算均勻而且肉味香濃 啲脂肪真係精華所在放上去熱石板到燒好得意熱石板夠熱 所以好快就到八成熟燒嘅時候一定要加上餐廳附上嘅燒汁好香蒜味 令到牛西冷味道更多出位仲有翠玉瓜同埋西蘭花做配菜另外叫咗兩杯雜果賓冶全部都係用鮮果調配而成好香熱情果味 好清甜總括嚟講性算係咁 試吓無妨

去屯門玩嚟到呢頭食嘢男朋友突然想食牛扒，經過見到呢間覺得唔錯左邊係餐廳feel，右邊係音樂餐室，有Live music不過普通食飯都係揀左邊算啦叫咗個dinner set有前菜、餐湯、主菜，仲有水果茶同雪糕岩石美國穀飼牛柳都係石燒方式按自己喜好煎熟舊扒牛柳肉質軟腍而有嚼勁，都有牛味嘅煎到六七成就最好枱面有燒汁，不過我就覺得唔需要落汁如果有餐桌鹽就更好，牛扒落少少鹽調味就好夠除咗牛扒，仲有明太子雞翼雞翼本身齋睇估唔到係內藏乾坤入面係泡菜蓉嚟，幾香口喺塊板自己再煎一煎會更好餐湯有忌廉湯前菜就有胡麻野菜沙律、和風玉子燒、泰式生蝦、蜜瓜食完好開胃，配搭唔錯，好fresh最後仲有一杯水果茶同雪糕水果茶有蘋果、橙、百香果，仲有淡淡荔枝香甜味食完牛扒再飲會好爽，甜味剛好老闆心情好送咗兩粒朱古力俾我哋食雖然我無表露自己記者身份，表露咗唔知會有咩呢，嘻嘻

餓底今晚扒癮起，要食扒！屯門友應該都知道紅橋這邊小店林立，台式日式西式俱備，來這邊搵食準不會失望。夜晚就是這個晚市套餐，頭盤三選一，扒五選一。餐湯，沙律湯應該是 clam chowder? 有好多蜆肉，每一啖湯都有！非常足料！沙律也沒有欺場，蘋果粟米沙律菜，美美的顏色，甜甜的味道。泰式生蝦，凍盤朋友愛吃蝦，點了熟蝦跟生蝦，哈哈哈！泰式生蝦的蘸汁是重點，酸辣的味道讓人精神為之一振！牛柳熱石牛扒的好處就是可以自己控制生熟程度，餓底喜歡五成熟，朋友喜歡七成熟，各取所需！牛柳肉質較腍，就算不小心煎熟了些也不會鞋，沾點海鹽或燒汁吃，yum yum！羊架剛好有兩支可跟朋友分食，熱石牛食得多，熱石羊第一次試！這羊架好夠肥美，肉質鬆化，不騷！朋友連羊架邊的肥膏也吃下了，他說甘香！好吧，餓底的肥膏也賞你！熱石上還有其他配菜，翠玉瓜秋葵，烤過之後零舍香甜，薯角，脆皮香口，讚！甜品吃飽飽，仲有朱古力及雪糕，飽足感十足！

下晝探完朋友，朋友帶左我去佢屋企附近既石燒牛小店食晚飯。扒類晚餐黎講都唔算貴，套餐都係148蚊起，包湯，沙律，前菜，扒同飲品。唔想食扒既都可以揀其他常見啲既主食，138蚊起。餐湯好得意，我本來以為係普通忌廉湯，但入面有好多鷹咀豆，啲湯入口都覺得好似好多豆蓉咁，幾特別，我幾鐘意。沙律正常發揮，蘋果同菜都新鮮。前菜既生蝦好新鮮，爽口彈牙，個汁酸酸辣辣咁，好好食。鮮蝦既肉都彈牙，碟邊有啲辣粉，加埋一齊幾好食。兩隻青口雖然細細粒，但係有啲咸味，令到唔鐘意食青口既我都覺得易入口。西冷肉質比較細嫩，雖然廚師重手左，煮得熟左少少先上枱，但係唔會覺得鞋。而且有適當份量既肥膏痴住邊位，燒到好香口！牛柳係正正方方一大舊咁，佢既肉味比西冷更濃，同樣地燒出黎唔會鞋口，加少少玫瑰鹽已經好好食。呢個本身入面比較生，可以自己慢慢燒，控制佢既熟度，所以今次我比較鐘意呢個牛柳。強烈建議上枱之後要快手食左啲菜先。。。唔係燒到最尾會燶哂，浪費左。。。薯角反而可以慢慢擺。

最近喜歡上吃日式岩石燒牛扒，想不到屯門都開了一些類似的店鋪，所以今日就特登去到位於虹橋附近嘅一家日式小店。由於係小店，環境同位置都相對細小，不過都乾淨企理。睇睇菜單，晚市套餐係最抵食嘅，有湯有沙律有前菜有主菜有飲品，而且選擇唔單係侷限得牛扒，呢度仲有羊西冷同埋黑豚豬，值得一讚，而且佢哋嘅頭盤都幾吸引，於是我就叫咗兩個套餐。首先嚟嘅係忌廉湯，都幾足料有好多蘑菇。沙律就落咗好多芝蔴醬，所以都係幾好食嘅。明太子雞翼。雞翼可以話係脹卜卜，落左好多明太子落去，都係一個唔錯嘅選擇。泰式生蝦。生蝦係非常新鮮，而且好彈牙，最緊要佢加埋個醬汁，打得非常過癮，非常推薦呢個生蝦做頭盤。紐西蘭羊西冷。非常欣賞佢呢個羊西冷，因為真係好夠騷味，咬落去好多肉汁。侍應都好好，餵我哋準備埋芥末醬，令到味道更加豐富。安格斯牛肩。呢個牛肩嘅分量好大，非常抵食，食落好有咬口，亦都有唔少肉汁。基本上花肉係最面嗰部分係熟咗嘅嗻，主要都係靠我哋用快牙出嚟煎熟塊扒嚟食，生熟可以因應你嘅口味而自己調教。飲品方面，我哋就叫左柚子梳打同埋葡萄梳打，我嘅葡萄梳打嘅葡萄味好香濃，都算唔錯。總結，兩塊扒嘅肉質同肉汁都非常豐富，加上佢哋嘅前菜都充

睇到之前d食評,諗住今年情人節帶老婆去食餐重質,唔重環境嘅扒餐啦,真係無諗過中伏中到識用文字形容！真係好彩我結左婚,但都俾我老婆挖苦左我成晚！我相信如果真係帶女朋友黎的話,真係會因為依餐而分手！一坐低問佢有無餐牌,今日情人節只得情人餐,ok唔緊要,咪叫左個‘岩石牛柳’,‘岩石安格斯’,飲品轉左‘麒麟生啤x2’每杯加$60,都唔緊要,諗住好食都無乜所為！個場唔係好大,當時連我有5-6枱客,落左單約10分鐘,特然有枱客話唔食走,嗰刻唔知乜事啦,以為個別事件,跟住有個侍應問我叫左餐未,我話叫左啦,佢check單原來無落單！唔緊要咁再落單,跟住好快就黎左餐湯,前菜小食,....湯只係温暖,唔可以用唔夠熱形容,前菜普普通通,所以都無影相,以味道計只可以用入得口形容！唔緊要期待主菜上主菜,兩份岩石牛扒,個size 真係大開眼界,半隻手板咁大放係個岩石板上！我塊岩石板好熱!另一塊板完全唔夠熱,用隻手指試過只係暖!同侍應講換過塊板,okok...轉過頭廚房好大聲嗌出嚟話岩石板無哂,全部轉碟上,無辦法咁只好碟上啦!講到咁樣食物質素都費事講!.......由前菜到食主菜大約食左20分鐘左右,我又要叫侍應,

平價抵食西餐喺屯門想搵牛扒食，又唔想食貴嘅，見到呢間幾好就入去。頭盤有沙律、餐湯沙律上蘋果好香甜，餐湯係忌廉湯，好濃郁。三選一既，我地二人就揀左泰式生蝦、明太子雞翼各一。生蝦爽口鮮甜，泰式醬香辣，更帶岀蝦味明太子雞翼炸得剛剛好，皮脆肉嫩，加上明太子釀左係雞翼水，味道更突出。主菜點左鐵板西冷同鐵板牛柳鐵板送上枱好夠熱，炸炸聲。兩份扒的份量都大大塊，唔多筋，牛柳較軟身，西冷牛味較重，兩者都係超值。餐飲點左荔枝梳打同芒果梳打，好夠氣，甜度適中，水果味岀。好多野食，食左都係二百零幾蚊，好抵食！

一入去，見到個Menu，有好多唔同肉食嘅選擇，有安格斯牛柳牛肩，唔同嘅肉質同埋部位都應有盡有，極度適合一啲肉食愛好者嚟食。首先黎左個忌廉湯同和風蘋果沙律，忌廉湯勁香滑, 沙律既食材都好新鮮, 蘋果仲好爽脆~頭盤有海鮮小拚盤同泰式生蝦, 兩個都好新鮮, 肉質鮮甜~ 好surprise食到個咁高質素既海鮮!我哋率先試左一個紐西蘭羊西冷，好少何食未熟曬既羊，但原本靚既羊係可以好似牛一樣，raw raw地食😍餐廳仲好細心咁解釋俾我聽，如果唔鍾意咁生可以等耐啲先，呢個就係鐵板嘅好處啦！我自己就等左陣先食先, 肉質好腍好好味, 而且加左D燒汁, 好香好惹味, 唔好以為我放耐多陣, 就會咬唔開, 一D唔係, 鬆化都不行~我慢慢切開佢, 又等佢煎下~好味好味, 真係好好味!安格斯牛肩友人用一句話總結左佢: 「腍得黎夠嫩，嫩得黎夠香，香得黎肉味夠濃」，放係鐵板，佢又可以自行決定要幾成熟，生生地又試下, 熟熟地又試下~切下先~D肉既顏色靚到~ 質素高既牛就係不一樣啦!最後, 有甜品(燸米茲)同凍檸茶!餐廳環境都坐得好舒服, 又有卡位~ good fit for couples and dating!  

今日係屯門食一間叫岩石牛扒屋既餐廳。近年好hit既岩石燒牛入到黎已經5成滿。睇完餐牌我地叫左兩個牛柳set。有餐湯，沙律，前菜同埋主食。餐湯有少少咸，所以飲左少少就無飲。沙律落左我好鍾意既胡麻醬。至於菜都幾新鮮，好爽脆。小食我地兩個都叫左泰式生蝦。味唔錯，唔霉。再配個泰式生蝦醬都拍得上一般泰國餐廳既泰式生蝦。黎到主菜：牛柳，都好重牛味，雖然有少少韌，不過牛柳黎講唔差。牛柳有配少少薯菜，燒起黎有少少脆。好好食。白飯我地因為有d飽就無要到。呢到雖然無沙律，白飯bar任食。不過呢個價錢都唔錯。可以接受。仲送一杯飲品，叫左熱華田同埋凍檸茶埋單：$148/person🌟🌟🌟🌟🌟🌟🌟價錢：4/5味道：3.5/5服務：4/5環境：4/5整體：4/5

照例喺屯門附近上堂，上堂前醫下肚，位置喺紅橋附近，唔熟路都幾難搵，好在附近可以隨便係街度泊車，揸車嚟都算方便。晚餐係五道菜選擇，包沙律、餐湯、餐前小食、主食、雪糕及飲品，價錢$138起，算幾抵。日式芝麻醬沙律，份量合適。頭盤泰式生蝦，新鮮有彈牙；海鮮凍盤，兩隻蝦及青口，亦都唔錯。主菜：岩石安格斯牛肩，200g ，厚身肉地好，有牛味，食過幾次石燒牛肉口，發現切開成牛粒後會更有咬口及淋身，呢個牛肩都唔例外，加埋海鹽食，更原汁原味。蒜香和牛粒意粉，蒜片炒得好香，牛粒份量算多，調味亦合適。柚子梳打及龍鳳梳薑是餐飲，柚子清新。最後仲有2杯雪糕，食埋剛剛好9成飽。

聽朋友講虹橋附近有間新嘅扒房及酒吧，環境舒適，傾計嘅好去處，餐廳分為兩部份，一邊做扒房，一邊做酒吧。去到見到門面都幾精緻，佈局都相當企理。由於入座時間尚早，扒房呢邊位置鬆動。餐廳供應麒麟生啤。餐牌選擇多元化……美國穀飼牛柳 200g $148由於塊板好熱，而且肉汁鮮嫩，比較多肉汁，所以切開時要小心肉汁濺射。切開嘅牛柳顏色鮮紅，加上無額外調味料添加，可以睇得出係質量嘅牛，而且份量足。個人認為食用時加些少海鹽更能突出牛肉嘅鮮味，齒頰留香！！！差啲唔記得咗介紹前菜，包括忌廉湯及水果沙律。水果沙律：用新鮮蘋果撈埋香濃嘅芝麻醬、栗米及生菜，口感清新忌廉湯：上枱已經聞到好香嘅忌廉湯味而且飲落完全唔似用粉開稀嘅湯凍檸茶：茶底是用上Lipton茶底，而非普遍的捷榮茶包沖出。就連牙籤筒都相當精緻。同場加映，朋友嘅餐－－岩石美國穀飼牛西冷200g $158。總括食材挑選同處理方法，睇得出廚師對食物有要求。

處於一個非常時期，街市買菜特別貴所以今日就打算出街近近地食.冬天來襲天氣冷見到有岩石燒牛扒，一於去食.美國穀飼牛柳，200g $98美國穀飼牛西冷，400g $197.兩款肉類都非常厚切，新鮮的牛味，而且有肉汁流出不會太乾太肥特別是我這個西冷，有400克，一大塊食十分滿足原本應該是三成熟，在石板上燒隨你喜好多熟、切法、醬汁，是一個很有趣的下廚體驗枱上更有岩鹽及燒汁任你選擇.我們選的是薯菜，配有薯蓉球，令到這道菜更加有藝術感.這間餐廳和隔離的酒吧相連，一邊飲酒一邊嘆個靚牛扒，人生一大樂事