Rome Italian Café (Moved) New Location

從來冇寫食評，為左呢間餐廳點都要寫一寫。事緣落雨急急腳搵個地方食飯避雨，就入左黎喇。服務員笑容超好，亦會同你閒聊~ 地方舒適寬敞，音樂寫意浪漫，6點後全場關燈，放一個小蠟燭係枱頭，幾有情調~今日平平地嗌左個最最最平既餐，冇諗過有湯，點知一黎就黎左個意大利青豆忌廉湯，好濃好creamy！仲焗埋個蒜蓉包，超脆超香！跟住就黎左主菜－－香草羊仔肉炒意粉。碟上面竟然新鮮既沙律菜，配上黑醋汁，有驚喜！！個羊仔肉意粉亦好入味！最抵讚係陪襯既菇，爽口彈牙 =]最後黎多杯凍朱古力，濃到一口氣飲哂~食哂諗住走，服務員笑笑口叫我地留多陣，因為會有人現場彈琴演奏！！！但打風天氣唔穩定我地唔想留咁耐，打算下次再黎！

rome最吸引既係有live 鋼琴演奏...所以黎左一次又一次...但係之前weekend再來, 已決定不會再幫襯了今次一行三位朋友被安排與其他不認識既四位人兄同檯anyway, 唔緊要, 都係各有各啦前菜係湯, 叫三個湯都會黎錯一個唔緊要...主菜我叫的是石班朋友叫羊扒, 石班很硬, 羊扒太乾, 完全唔得連加一要近200蚊的dinner, 唔係咁啦重有既係, 我地share一張八人檯既咁d 調味全放在另外四位不相既人那邊於是我地叫位"男經理"leg一set比我地啦點知, 佢係去leg隔離個一set...(人地係用緊的)但附近係重有"吉"檯架, 唔明點解佢唔係去leg其他吉檯既個一set飲品, 叫了多冰少甜...結果,,,杯野係一粒冰都無重有一位女侍應生, 她的服務態度可以好一點ok, 再見rome

今年情人節真係夠特別, 中西一齊之餘, 今晚唔止同相公兩個人過仲有一班學生陪我地過. 所以上堂前我們先浪漫慶祝一番, 首先要選一間近體育館的餐廳, 大約前一個星期訂枱, 好彩仲有位. 大約六點四十五到達, 原來這餐間在元朗來說是比較大的餐廳, 入座時可能時間還早只有兩、三枱客戶. 待應安排我在一個角落, 比較寧靜自成一各.訂座時已說明今天只得一個套餐, 所以已說明了今晚是有什麼菜式.其實問了幾間餐廳價錢來說這間比較便宜少少少少少少...........但吸引我的是菜式合我口味.當晚氣氛十分浪漫每枱都有蠟燭和玫瑰花, 七時多還有現場彈琴. 真的不錯啊~~~~~~~~~~~先送上頭盤頭盤當然是冷吃的, 牛肉非常好味腍腍帶點鮮牛肉味, 而且羅馬菜配了這些醬汁真的十分醒胃, 非常喜歡這道前菜.我的龍蝦湯真想不到會那麼大碗啊...........味道還不錯但龍蝦肉像鮮蝦多點, 而家湯如果再湯一點會好些.而每人配一塊蒜蓉多士, 多士蒜蓉味還可以脆脆度一般, 點了些湯後會比較腍. 可能我比較喜歡吃膿一點脆一點吧.這個湯就好得多, 因為很重黑松露味道很清香, 十分足料. 相公不停讚好~~主菜份量也不少

服務態度不錯，有現塲鋼琴彈奏，裝修有點懷舊，燈光暗但乾淨舒服。除了套餐上的，服務生對食物似乎不了解。點一個洋葱湯，在點之前，還很仔細詢問是不是有芝士在湯的上面，服務生還很肯定地說是的，有的，結果出品是芝士欠奉，只得蒜蓉包在面。2人晚餐400，份量夠，算實惠。

已不是第一次來這Rome Cafe進餐了，今次寫食評，希望更多人會支持這家充滿人情．味的小店。上星期六，當家裡只有我一個人，便跑到Rome Cafe吃午餐。踏進坐下後，滿臉笑容的叔叔熱切的遞上一杯水。我點了一客香辣蜆肉意粉，服務員隨即送上餐飽，一如以住的香脆可口。香辣蜆肉意粉，意粉彈牙，味道依舊出色。吃飽後結帳，然後，叔叔微笑的替我開門讓我離開。這種熱誠及態度，絕不是因為我剛剛付的五十大元，絕對是他的由心而發。這家Rome Italian Cafe，讓人胃暖、心更暖。

I don't normally critize restaurant even if the food was bad..but there is exception!!I have never tasted so bad italian food before..this restaurant took first prize!!Sallad was sandy and tasteless. The pasta was overcooked and tasted like chinese noodles!!The soup tasted like cement.Never and never will I go back to this restaurant again!!

首先俾10個好！唔係第一次黎，不過第一次寫。每次黎，服務都好好，尤其係三個叔叔，每次都好好笑容！今日同媽咪一去到，個叔叔即刻執張二人桌俾我地，後來有張四人桌吉左，另一叔叔就叫我地轉桌，話有位擺野會坐得舒服啲星期日都有下午茶，40蚊倒，都唔係貴。平日呢個價食倒午餐，送餐湯面包，不過星期日貴點係正常嘅！有約20款，我揀左卡邦尼意粉，汁太浠，且味淡，意粉彈牙，火腿絲同煙肉絲多，但用料普通，實在不太好吃，但40蚊有野飲又有如此環境同服務，已很好！媽媽叫的呑拿魚薄餅，很腥，大概是不適合加熱吧，但薄薄脆脆的，也不錯！走時仲問點解唔坐耐啲，又不停講拜拜，好親切！希望餐廳能努力加油^_^

和朋友在居所附近晚膳，一試這家門前櫥窗放了鋼琴的西餐廳。踏入店內，燈光昏暗，設計以紅色和白色為主，餐桌上點有短蠟燭，亦有職員彈奏鋼琴，氣氛具情調。餐牌的set dinner約20款，種類算多。價錢以大約$100為主，亦有兩款200多元一位的晚餐。我點了煙三文魚波菜意大利飯晚餐($88)，朋友查詢是日的廚師精選晚餐，得悉是鮮蝦蟹肉意粉($108)，決定一試。先來廚師精選餐的前菜，是沙樂美腸沙律，沙樂美腸煙韌，鹹度適中；生菜和青椒絲配了特別的醬汁，這款醬汁同時有甜味、酸味和辣味，但味道混在一起不會令人感到奇怪，反而出奇地互相配合。接著來了兩個餐湯和蒜蓉飽，廚師精選餐的餐湯是白松露忌廉湯，有濃濃的磨菇味和忌廉味，這兩種味道在口腔慢慢迴盪。而我的餐湯是普通的忌廉湯，有大量粟米粒以及蟹柳，感覺比較似地道茶餐廳的忌廉湯，而忌廉的黏稠度煮得剛好。蒜蓉飽烘焙得乾身香脆，有蒜蓉的清香但味道不會過於濃烈。主菜的煙三文魚波菜意大利飯送來了，賣相極吸引，碟子的一邊用果醋寫了相信是”Romance”的字體，而另一邊則用了三層紅邊生菜鋪上的沙律，堆放得很整齊，亦放了果醋，製作認真有心思。主菜方面，意大利飯的表面鋪

第一次來到這裡，是被玻璃窗內的白色鋼琴吸引住了。這小鎮味濃的西餐廳座落在鳳琴街體育館後面，環境十分寧靜，應已有多年歷史。每張枱都很精緻地擺上紅色餐墊配玫瑰花，這是最古典的味道呢~~午餐約$45左右，有湯、餐飽、主菜和飲品。飽極脆，脆得有點過份，因為沒有鬆軟的部份。餐湯我們都點了忌廉湯，味道是可以的，若更濃厚則更好了。主菜藍青口忌廉汁配天使面，好好味﹗青口應該是新鮮的，而白汁很濃，味道剛剛好﹗白汁龍脷柳意大利粉則沒有那麼出色了。其實龍脷柳是大大塊的，煎得很香很好味，外脆內軟﹗但可惜意大利粉好像未煮熟般，還有少許硬的感覺，真是大敗筆。其實賣相真的不錯，環境都很理想，人流又不算多，價錢非常合理，是寧靜用餐的好選擇。 

假日來到這西餐廳。裝修光㓗明亮，紅白二色作為主色，座位比一般元朗的餐廳闊落。點了兩個午餐。餐湯餐包超普通的，不值一提。白汁海鮮天使麫 - 白汁淡而無味，海鮮份量不算太少，天使麫有點過淋。燒汁肉眼扒 - 落單時沒有問要幾成熟，幸好上枱的牛扒沒有過熟。牛扒質感過份地淋，應該是鬆肉粉的功勞。 值得一讚是每個餐都有一點菜加黑醋，很清新醒胃。餐後甜品加了$35要心太軟，質感可以，朱古力漿很流，美中不足是朱古力太甜，建議可用黑朱古力減低甜度。雖然今天用餐的食物未算滿意，但侍應服務態度良好，食物取價公度而且又有不少選擇，相信仍會再來試其他食物。元朗西餐廳不多，店方請繼續努力，可考慮購買優質食材，走真正西餐廳的路線。

元朗司本身有很多美食，就是未有出色的西餐。今次特意選此西餐一詆。味道平均，裝璜一般，但位置尚算寬敞，可能因為元朗的食肆長期都人多的原因，是次這餐廳位置多了，便特別覺得舒適。我們一行3人點了：－ 白松醣磨菇忌廉湯： 原本以為會有少少松露，原來只是加了幾滴松露油。雖然有d 失望，不過味道是不錯的。－ 頭盤的火腿沙津 ： 幾好，幾新鮮，配上ollve oil 醋，fresh － 燴豬手： 肉質幾“林“，又入味，尚可。－ pizza ： 是個人當晚最like 的。同上，廚師加了醋，帶出鮮味，餅底又不厚，又不是太薄，一拿上手見到的芝士如絲細細拉出， YUMMY － 松露意大利飯： 是我們3 人和其他客人異口同聲出難吃的。就好似用冷飯煮出來，不是一粒一粒的意大利米。最差勁的是，我在某大型超級市場見到微波爐叮叮飯有此款！ 火！火！ 總括： 水準一般，試不試充適隨尊便啦。

Happy Birthday to me! 同左朋友去食Rome Italian Café ，愈來愈懶假日走出去食...結果響返元朗食。餐湯﹕朋友轉唔到最愛既酥皮洋蔥湯(唔係一定要跟佢set左既紅/白湯架，有時可以試問佢有無xxx湯，佢有多既就會隨便你轉)，而我就轉左白松露忌廉蘑菇湯，很香很好喝! 蒜蓉包亦很脆，很香蒜蓉味!頭盤﹕叫左個白酒蒜片藍青口，淡淡酒香太濃忌廉味配略帶雪味藍青口..幸好蒜片及黑醋勉強中和到忌廉味..只要唔好一口食埋個汁主菜﹕叫左羊架及鴨腿一齊食，佢地個名呢...真係唔記得咩汁配咩煮法喇! 羊架有少少羶味，味道不錯，只係老左D。鴨腿呢...因為法式煮法太複雜，又浸又焗又煎，要整幾日，自己未必有心機煮。見到佢有就即叫啦! 味道不錯，只係太老...其實，仲好似炸雞腿既感覺! 主菜入面，其實我最鍾意沙律菜...個汁! 甜甜蜜桃味及黑醋，很開胃很好吃!

沒想到這間餐廳令我有衝動將我第一次食寫給它。非常推介的元朗意大利餐廳；經過數次都沒進去，今晚投其所好竟然被窗後一位正在彈鋼琴的妹妹吸引下走進去嘗試。裝橫簡潔，暗淡的光加上每張枱面的燭光顯出格外優雅，加上一進聽到真人奏樂，心想著「元朗竟然有間咁好既餐廳？」人不多，環境寧靜，很舒服。疑似老闆的侍應叔叔帶位後很貼心的說隨便將袋放在旁邊的椅子。在叔叔推介下選當天廚師精選的“鮮蠔磨菇蒜茸意粉”（套餐：前菜＋湯＋主菜＋飲品$98）而友人點了選了BB烤骨（套餐湯＋主菜＋飲品$108）。先來的是SET DINNER意大利藍青口頭盤。沙律菜很新鮮配意大利酸味醬汁非常開胃，而藍青口就只是白灼，不配醬汁是沒什麼味道，但可接受。接著來的是餐湯，朋友跟餐是忌廉湯，味道略為清淡但夠濃度，他雖要點加胡椒。我的是白松露忌廉湯，濃濃的松露但又不咸，第一口已經愛上了。配以香脆蒜茸包，非常出色，正合我口味！主菜方面，上碟時已聞到陣陣蒜香，吃下去微辣及香濃蒜味，非常足料，意粉硬度恰好，鮮蠔量絕對不少而且味道肥美。讚！朋友ORDER的BB烤骨燒得正好外表香脆肉質鮮嫩，醬汁除甜味更有少許芳香味！SIZE也不小！來到意大利餐廳餐飲

走到元朗, 突然想食西餐, 於是記起久違了的Rome Italian Cafe, 很久沒來過呢!上幾次來都是吃套餐的牛扒, 羊架, 今次由於很想吃蒜香意粉, 但套餐不見有, 於是便在散叫餐牌叫了一碟"蒜香蜆肉意粉", 並加$30 加湯及飲品。點了菜湯, 味道一般, 不夠"杰", 不及套餐的黑松露蘑菇湯好吃, 但後來意粉來了, 看賣相很好, 味道也很好呢!最喜歡的是意粉夠彈牙, 有些意大利餐廳所做的太"稔", 像泡水時間太久, 但rome italian 的卻剛剛好。加上我最愛的蒜蓉、蘑菇, 蜆肉也十分多, 很滿足 飲品要了一杯熱檸蜜。問過侍應, 才知道平時如叫套餐, 叫檸蜜是不需加錢的, 有點意外, 因平時吃飯如要檸蜜需加4元至6元的。很滿足的一餐, 舒服的環境, 美味的食物再加鋼琴伴奏, 令我忍不住在此寫下食評 下次一定會再來!

在元朗好多東西都食過,什至有種生厭的感覺.為了找新鮮感.唯有行遠一點.只計環境.相當不俗.又寬.又坐得舒服.但第一個印象服務一般.店員完全不發一言.什至2位後生店員唔熟手,成日跌杯.又差少少跌倒.有的驚.幸好午市價錢不貴.50元左右就有交易.前菜:飽暖.因為脆入口仍香...羅宋湯較深色.凍的..味道竟然淡淡.差.....牛扒意粉:意粉乾乾的.有少少汁.真係少到得一角.完全無任何調味.而牛扒化學到完全唔似牛扒.味道又唔見...全碟食物味道都淡..沒有影相的凍檸茶.店員徒手拿冰, 衛生嚇人.雖則價錢不算貴,但除了環境外.我找不到呢間店第2個好處