Video
4-min walk from Exit B3, Mong Kok MTR Station
continue reading
Opening Hours
Mon - Sun
11:00 - 23:00
Above information is for reference only. Please check details with the restaurant.
Recommended Dishes
去金魚街買完野行去隔離街搵餐廳食下午茶，無意中發現呢間喺花墟出名價格親民嘅西餐廳喺度開咗分店😳下午茶款式偏向西式，大多數都配有牛角包🥐🔸日式豚肉炒烏冬最衰我今朝食早餐食過牛角包，所以唔考慮有牛角包嘅餐啦🥲呢度用Qr code 落單，可以自選走洋蔥🧅或者椒，烏冬質地煙韌，頗入味但鹹左少少 ，食到底會見到好多油。🔸酥炸軟殼蟹漢堡配薯角男朋友叫😁平時去cafe食個漢堡包都百幾蚊，呢度唔使$100就食到 ，好似$71 ，軟殼蟹大隻呢！🔸忌廉濃湯稻庭烏冬配蜜糖豬仔骨牛角包男朋友媽咪叫。佢大讚呢度嘅下午茶唔貴而且配搭幾特別，下次會再嚟！
continue reading
今日去到旺角，兩點幾先至搵嘢食，咁就行到旺角天橋下面有一間紅橋餐廳，見入面應該都幾舒服咁就同朋友一齊入去食遲來的晏啦，坐落原來都係用手機落單嘅，咁就好快噤點咗兩個午餐同埋一些小食加飲品，朋友就點咗個忌廉濃湯稻庭烏冬配蒜香蜜糖豬扒加牛角包，再加20蚊嘅煙三文魚蜜桃沙律，西湯；我就點咗墨魚汁海蝦燴意大利飯，西湯，加18蚊點咗芝麻蝦多士，再加22蚊點咗蜜椒單骨雞翼，重有兩杯熱檸蜜送！啲餐嚟曬嘅時候，真係兩張枱都擺到滿曬。首先個西湯係忌廉蘑菇湯，飲落都好creamy，唔錯！至於個墨魚汁海蝦燴意大利飯，啲海蝦超爽口，每粒飯都索滿墨魚汁，如果啲墨魚汁濃味一啲，就真係完美啦！芝麻蝦多士跟煉奶，食落爽脆，蝦膠淋滑，值得推介；而那個蜜椒單骨雞翼，都外脆內軟，仲有肉汁，做得很好！至於煙三文魚蜜桃沙律都算新鮮，如果多幾片煙三文魚就更好！忌廉濃湯烏冬嘅烏冬爽滑彈牙，十分之合我口味，值得一讚！蒜香蜜糖豬扒，睇落乾咗啲，但食落都算淋滑，仲有少少脆面！個牛角包就中規中矩！全部埋單，二百蚊有找，真係超抵食！餐廳坐落舒服，冷氣好夠，服務亦相當之好，值得一試再試。
continue reading
同阿女去花園街買嘢，經過紅橋餐廳，見到門口餐牌精選套餐好抵食，咁啱我哋未食晚飯，一於入去食返餐！套餐有前菜、餐湯、主菜、熱飲。用QR code手機點餐好方便。前菜係巴拿馬火腿雜菜沙律，沙律菜新鮮夠爽甜。忌廉蘑菇湯，口感順滑，味道濃郁。黑松露忌廉汁海蝦帶子燴意粉，海蝦大隻爽口鮮美，還有好多帶子粒，黑松露忌廉汁，香濃惹味，用來伴意粉十分美味！ 凡惠顧主食或套餐可以優惠價食小食，蜜椒單骨雞翼，雞翼皮脆肉嫩，沾滿蜜汁甜甜的，越食越好味！餐湯除咗西湯，重有中湯選擇，節瓜湯夠火喉，足料香甜。西班牙汁芝士雞扒焗飯，雞扒超大塊，肉質鮮嫩，芝士多到可以拉絲，西班牙汁伴飯好惹味！經典紅豆冰，紅豆夠多又林甜。奶茶紅豆冰，多咗奶茶香味。
continue reading
今次晚餐 想試新餐廳大約晚上八點入座 不用等位也蠻多人的——價錢方面：蒜香蜜糖豬扒伴蛋包飯$86西班牙汁芝士豬扒焗飯$78蜜板單骨雞翼(6 隻)跟餐加$22熱杏霜跟餐$0凍檸水跟餐加$3——評分：包括(味道、價錢、環境)蒜香蜜糖豬扒伴蛋包飯3.5/5分西班牙汁芝士豬扒焗飯2.5蜜板單骨雞翼(6 隻)4/5分熱杏霜2.8/5分凍檸水3.5/5分價錢性價比4/5分環境3/5分地理位置方便度4.5/5分服務4/5分——整體不錯喔
continue reading
經常去旺角，都唔知有間咁抵食嘅餐廳！呢度食嘅野同一般Cafe差唔多，但係價錢就差好遠。同樣係意粉/意大利飯個D,呢度一百蚊內已經有一個餐，包飲品之餘，仲包餐湯同沙律！平時cafe加杯飲品都起碼$30！環境方面，餐廳空間感十足，枱與枱之間都分得幾開架！食物方面，我地兩個人就叫咗兩個餐：黑醋蜜糖豬扒配蛋包飯、黑松露忌廉汁海蝦帶子意粉，一個中湯，一個西湯。兩個湯都覺得好足料，唔會飲落覺得咸同多味精，感覺好健康。西湯入面仲幾多蜆。豬扒超大塊又厚身，加左黑醋少少酸酸地唔油膩。黑松露意粉黑松路味好香濃，見到都有唔少黑松路痴喺意大利粉上面😍🥰 海蝦都好大隻好爽口。小食方面加咗蜜椒單骨雞翼，好好味！即叫即整，好脆，熱辣辣，蜜糖味好正😍😍再加左$10叫左紅豆冰，嚟到嗰陣嚇親，因為好大杯！奶味濃郁，椰奶好香。值得加$10食左咁多樣野都係$200有找，食到好滿足🥰
continue reading