Video
6-min walk from Exit D, Fo Tan MTR Station
continue reading
Telephone
36184536
96527033 (WhatsApp)
Opening Hours
Today
08:00 - 15:30
Mon - Sat
08:00 - 15:30
Sun
Closed
Public Holiday
Closed
Public Holiday Eve
08:00 - 15:30
Above information is for reference only. Please check details with the restaurant.
Recommended Dishes
Signature Dishes
之前餐廳老闆話出咗款新蛋糕，我見到張poster已經覺得我唔會有機會試到呢個cake，因為我幾乎次次都係一個人嚟。😥今次終於有機會啦，日本同事生日，我哋幾個人訂咗呢度同佢慶祝生日，我當然成機話訂呢個鮮果脆脆鹹奶油蛋糕啦！😂我哋叫咗日式蒲燒鰻魚飯，我平時好少會食蒲燒鰻魚，因為怕啲汁好甜又驚啲魚有骨。今日呢塊鰻魚又大又厚仲冇骨，啲汁唔似一般出面買嗰啲一層好甜厚厚鋪喺面，而係均勻掃喺魚面，塊魚肉質鮮嫩，味美而不濃，上面啲芝麻令成個賣相同味道加分。😋😋每次嚟都好想試新嘢，今日試咗呢個挪威比目魚白汁海鮮焗意粉，個焗意粉面頭金黃色嗰啲就係我最鍾意食嘅芝士，啡色嗰啲係炸完再焗嘅菇，入面啲海鮮真材實料。比目魚厚肉嫩滑，意粉口感唔會太腍，如果你唔係一定要啖啖肉嘅，可以考慮試呢個。😋😋👍🏼👍🏼上次嘅經驗話我知，炸雞一定要盡快起哂啲雞胸肉，我好快手就攪掂咗，果然啲雞胸肉係嫩啲。我估唔到我個日本同事竟然鍾意食梅菜扣肉，我唔係好敢試呢啲咁邪惡嘅嘢，自己一個就更加唔會食，今日有機會試吓啦😅。梅菜唔太甜，扣肉入口即化而且唔會好油膩。最後到主角出場啦，打開個盒發現個蛋糕同張poster唔同樣，老闆埋嚟話因為啲士多啤梨唔靚，所以轉咗啲生果，完全冇諗過佢哋係咁貼心。🫶我平好少食甜嘢特別係奶油蛋糕，但係呢個就完全唔同，唔單止唔係好甜，啲奶油好滑，入邊啲脆脆令個蛋糕食落好有層次感。雖然話要$398，不過個蛋糕直徑6吋三磅重，計返條數，其實唔係好貴，重點係好好食。😋😋😋P.S. 我哋差唔多兩點先去到餐廳，食完晒飯嘅時候餐廳入面唔係好多人，切蛋糕嗰陣仲有啲餐廳職員過嚟唱生日歌。🎉🎉🎉🎂🎂🎂🎊🎊🎊
continue reading
一連幾日嘅復活節假期完結，又要回歸返工嘅日子，每次返工都要諗去邊度食晏，又諗唔到有啲咩idea喺邊食？於是沿住條坳背灣街斜路一路向下行，行到中間金豪工業大廈見到露絲咖啡既易拉架，睇落有好多午餐可以選擇，於是就上咗露絲咖啡食晏，上到12樓好易搵，係一個相連單位餐廳，門口有個貨架擺放咗盒裝嘅湯包，餐廳人流都好多，但係等位都唔算耐， 5分鐘左右就有位，坐低見到餐牌有10款以上嘅餐，今次叫咗個海鮮雞扒喇沙米線，味道都唔錯，下次可以再嚟食過。海鮮雞扒喇沙米線喇沙賣相吸引，份量十足，鮮蝦帶出喇沙嘅味道香濃，最欣賞係豆卜可以吸收喇沙湯嘅精華，可以encore再食
continue reading
【沙田區】【露絲咖啡】講講吓好似好耐冇做火炭工商業區系列，不過大家體諒吓，我唔係成日有機會過嚟呢邊做嘢，係有一排多啲咁解。所以就冇得好恒常咁出，又或者咁講，呢排連紅館系列都少咗機會做，做我呢種 foodie 係真係好難架其實。咁今次講呢間火炭工商業區入面嘅餐廳係一間西餐嚟，乜都有得食嗰隻，選擇都相當之多。我因為做嘢關係實情都去咗呢間嘢四五次，不過有影相嘅就得兩次，所以就講呢兩次啦，我覺得都好夠架喇，附近又冇乜類似選擇。兩次我都係食午餐嘅，呢次見到農夫包覺得好吸引就想試吓，因此就叫咗 $108 嘅「清酒白汁海鮮芝士焗農夫包」，個汁幾香幾好食，芝士味都有。加 $5 配埋「凍薑蜜」一齊食，感覺唔差，雖然 $113 喺工商業區好似唔算平。我最想食嘅始終係扒，之後有次就食咗 $78 嘅「美式黑椒汁肉眼扒」跟「薯菜」，仲有「粟米湯」送。上菜係茶記薄牛扒 feel，成件事即刻冇晒 mood。加 $3 飲「熱咖啡」多奶，咁樣就 $81，咁樣食法成件事就唔算好抵喇。其餘嘅用餐體驗，我記得都係平平無奇，所以冇咩好寫。本身係想再食一次先寫，但睇落已經冇乜機會，再加上喺美國返嚟之後嚴重脫稿，有乜就寫咗先喇。唔知咩事，而家做親乜嘢都提唔起勁同速度好慢，睇嚟似外國人喇。。。（地址：火炭坳背灣街14-24號金豪工業大廈2期12樓G號舖）#1amfoodie #foodie #hkfoodie #thatfoodiething #hkfood #food #foodlover #delicious #foodies #tasty #globaleats #followforfollowback #love #eat #1am沙田區 #火炭 #露絲咖啡 #RoseCafe #午餐 #火炭西餐 #清酒白汁海鮮芝士焗農夫包 #凍薑蜜 #美式黑椒汁肉眼扒 #粟米湯 #熱咖啡 #1am火炭工業區 #1am0920 #1ambackup
continue reading
去到火炭工廈重陣，難得搵到一間坐得舒服少少，冇咁趕客嘅餐廳。單睇餐牌真係好多選擇，原來依間係火炭辦公室名物。食物方面 - 午餐照燒雞扒鯖魚飯︰加購餐湯已經有四款選擇，羅宋、忌廉、南瓜、仲有一款湯唔記得。原本想點南瓜，聽講太受歡迎，已經售罄了。最近試基本野 - 羅宋湯，意外驚喜。絕對唔係是旦求其例湯咁簡單，滿滿一碗濃湯加雜菜料，幾粒真正牛肉粒。飲起嚟舒服，香濃牛肉味，酸甜度剛好，令人開胃。大件厚雞扒肉質嫩滑，又唔會雪藏到完全無雞味。鯖魚外圍煎得脆口，厚厚一層魚塊，用料十足。少少魚咸香，細心附上檸檬塊好開胃。照燒汁微甜濃郁，白飯偏濕軟，加上蛋絲增添味道層次感，無意間就食晒全部白飯。總結︰工廈區一般餐廳都係打工仔速食店，露絲咖啡唔趕客，座位算闊落，上餐速度快。如果跟同事一齊午餐，可以選擇慢坐亦能快食，兩者兼得。價錢相宜、食物味道、材料質素、份量等，全部都用心製作，性價比中高。
continue reading
露絲咖啡嘅咖啡係咪好掂我就唔知喇，不過佢嘅西餐又真係幾唔錯喎。露絲咖啡佔左1/4層工廈，出𨋢一轉左就會見到佢佈置得好靚嘅走廊，同埋殷勤嘅侍應，成個氣氛好輕鬆。不過我就黎叫外賣嘅，佢午餐牌有成20幾個餐，花多眼亂最後揀左個三色芝士焗吞拿魚煙肉螺絲粉，加$5配個熱薑蜜。可能係焗野等左都差唔多20分鐘，不過拎到返屋企重好熱辣辣，佢個餐重有個羅宋湯，味覺酸酸地帶少少甜，好好飲。個焗螺絲粉真係好夠熱，芝士味咸咸地咁好夠味，有啲青紅椒絲同西芹絲，吞拿魚夠多，煙肉有煎過夠咸香，整體黎講係唔錯嘅焗螺絲粉。薑蜜都夠晒薑味同夠熱。一定會再幫襯🙂
continue reading
You may be interested in