薔紅

Open Now

Now Closed

招牌燒雞份量足，才$83有半隻燒雞連白飯或茄汁意粉或薯菜於今時今日的香港真是物超所值，難怪店內食客十居其九均點這個招牌燒雞。燒雞的味道方面老實說只屬一般，不過燒得不太乾且有肉汁亦是煮得不錯，雞皮香脆而有些部位的肉亦算嫩，此價錢絕對收貨，看看以下的照片就知這半隻燒雞真的很大。茄汁意粉以碗分開上真的很有誠意，而這款茄汁意粉亦非常懷舊，味道亦不錯。以一家茶餐廳而言，點燒雞的客人會有膠手套和濕紙巾，真的非常細心體貼。

睇左夏蕙姨去食，我都要去試下，專登由九龍坐車去試。一來到 服務員比埋濕紙巾，即棄手套，刀，义 非常貼心。燒春雞 熱辣辣 皮炸到 脆卜卜 超正呀。但薯條係唔熱嘅 呢點有D失望。不過唔緊要啦， 雞的確係正平日下午茶時間 埋單79蚊，下次都會再去GOOD GOOD

星期日中午剛好來到灣仔辦事便跟朋友想去這間吃個午餐。餐牌選擇非常多，常餐中式小菜甚至鐵板餐都應有盡有。我跟朋友選擇了燒雞配薯仔沙律，燒雞非常熱辣辣多汁，有點兒熱氣所以配薯仔沙律剛剛好！另外還選擇了豉椒排骨炒河，分量足夠而且不會太油膩！下次一定會再來星期六日下午時間還有85折 非常抵食

十年前讀書食燒春雞，十幾年後返黎都係食燒春雞🐔脆皮燒春雞 ～ 大大力手撕 大大啖食係咪以為燒春雞燒完好乾身呢？呢到既雞係😍皮脆肉汁juicy 一路扯 啲肉汁一路流出 肉唔單止嫩滑亦無想像中既油脷👅 掛住食無影到切既個啲汁流出黎老字號真係老字號🈵🈵

睇過夏蕙姨嘅介紹，憶起灣仔附近有間茶餐廳，好適合去完會展之後過嚟食返個下午茶。今年美食展又開始，行左個幾鐘，腳都攰，過嚟飲杯嘢，食隻燒春雞同炸薯條開心吓先燒春雞係呢度必點名物，半隻雞，即叫即整，熱辣辣出晒煙雞髀位一扯，肉汁咇晒出嚟有淮鹽、泰式雞醬，任君選擇。因為隻雞底味唔重，我建議，沾少少淮鹽捽落落雞皮度，咁就更加之惹味。雞皮又脆又香！肉質非常嫩滑 諗起都流晒口水，盛惠$78。同場嗌咗一份鐵板西冷牛扒，配意粉。不過不失啦！餐廳備有膠手套，同埋濕紙巾，都幾貼心。

⭐️脆皮燒春雞⭐️有四款配料可以揀 今次揀左炸薯條手撕食法 餐廳貼心比埋手套同濕紙巾燒春雞 有半隻 size一啲都唔細皮薄香脆 肉質鮮嫩多汁 連雞胸位都好軟嫩春雞本身唔算好入味 可配返啲鹽或泰式醬食薯條 係波浪薯條 只係微微熱唔算好脆 味道正常 普普通通⭐️荔枝什果特飲⭐️荔枝糖漿味 什果份量唔少 正常 唔難飲但冇乜特別總結💫食物唔錯 燒春雞幾好食環境服務正常 價錢可以 見仁見智唔算貴但抵食又算不上 下午茶有折扣優惠行過都可以一試

七點半黎到要等一陣先有位，好彩門口有風扇先冇咁熱。入座即刻點左2份燒雞餐，飲可樂都係$83，真抵，店員放低刀叉，濕紙巾，膠手套唔夠1分鐘就上炸雞了，超快😉😉聞到好香雞味，外皮好脆好薄，雞肉脹卜卜，十足酒樓炸子雞， 肉質唔鞋，提供泰式醬和華鹽俾你，好細心薯條好脆新鮮炸，仲有少少花生伴碟整體食物唔錯，不過人流太多，身邊成日有人行來行去，基本上坐30分鐘就要走，所以叫光速餐😅😅

雖然之前一直有食開薔紅，但因為工作關係，今個星期食咗三日薔紅🤩🤩，好想幫佢地話俾大家知，佢地其他野都幾好食，我自己食過佢哋嘅焗飯同小菜都唔差😆今晚唔想食咁多澱粉質，就叫咗個雞髀配薯仔沙律，扮下清淡，點知原來雞髀都難佢地唔到，夠晒入味，同埋肉質都幾嫩口👍🏻

中午冇帶飯，同事叫開呢個外賣，叫夠4份，42蚊，每日都有5同既List意想不到跟餐既中湯甘好飲，好有驚喜，味道好好，啲料好足，飲落真材實料，5似一般既味精湯蕃茄豬扒魚柳意粉，意粉有茄汁底，味道均勻成個餐份量好足，大食少少，都夠飽餐廳好好，外賣送漏左野，都會即刻補送過黎

朋友推介到左呢間「薔紅」食飯，呢間小菜館有其他小菜食，但係無論邊一台都係有一份「脆皮燒春雞」，即刻叫左一份，其他小菜就下次再試下。脆皮燒春雞雖然得半隻，但係唔係細碟，加埋薯仔沙律🥗，一定夠你飽。附送一對手套，你可以用刀叉慢慢切，或者自己用手撕快快撕，都可以。我就鐘意用手撕，啖啖肉，隻雞雖然係炸，但係一D都唔乾身，仲好juicy ，表皮金黃香脆又唔油。點少少淮鹽就剛剛好另外值得一講係餐廳姐姐服務，隨叫隨到，風趣幽默，見我地等得耐又送碗湯畀我地。

薔紅以前係我飯堂之一，我諗佢個燒春雞都唔洗多介紹，個日去到一半人都係食燒春雞。另外我仲叫左個雜扒88蚊，星期日4點前埋單仲有85折。佢仲有午餐同下午茶餐比你揀，每樣都係大大碟，價錢又親民，閒日去食lunch真係好多人。佢個燒春雞黎到真係熱辣辣，唔係炸定黎到無溫度個啲，啲皮仲脆卜卜，正。另外，仲叫左個雜扒鐵板餐，份量多取勝，味道不失不過，食完飽足幾個鍾。如果叫野飲，熱飲加5蚊，凍飲加8蚊，特飲就加12蚊。

OMG😱❗️見咁多報導報過，都冇expect係咁驚為天人‼️本人已經好似野人一樣，不停拎起隻雞咬🧟‍♀️🔸脆皮燒春雞🔸$80春雞唔係好細隻㗎咋咩，點解半隻都可以咁肥美🥹第一時間扯隻雞髀🍗嚟食一撕拉嗰下已經「嘩」咗出聲啲汁澎湃到呢～喺咁滴滴滴💦🤟🏻雞髀肉唔使講 起嫩滑，雞胸有啲鞋 但勝在多肉個皮堅脆 好似燒乳鴿咁😝有得揀配沙律、薯條、意粉或者飯沙律係好老香港嘅 爆多沙律醬撈薯仔雜果🥗幾大份下 絕對夠食🙌🏻［總括而言］無野可以挑剔，唔食會後悔！😤鋪頭仲要好細心咁準備晒手套、濕紙巾俾你，最可愛嘅係電視機播著路面情況，驚客人俾人捉泊車啊 so sweeeet🫶🏻

今日lunch又叫外賣，已經好耐冇食薔紅燒春雞，所以今日決定就叫雞啦😂。一個人食半隻又食唔晒，兩個人食又唔夠食，所以決定就叫多一份有營餐入面嘅菠蘿油餐，與同事一同 share. 😝燒春雞餐 : 半隻雞，沙律或薯條，飲品(凍飲都唔需要加錢)，外賣返到嚟隻雞都係熱辣辣，皮仍然都係脆，一搣開隻雞肉汁已經必出嚟👍🏻😋，可能啖啖肉嘅關係，食左一陣會有”漏漏地”嘅感覺，不過佢有甜酸醬跟埋，到時就有另一種味道🤤。但要留意，如果要佢哋幫你斬埋雞，就要另加錢。有營餐 : 一個菠蘿油， 黑松露炒蛋，沙律或薯條，飲品，有啲失望，菠蘿包皮唔脆，麵包比較硬身😔，炒蛋唔覺有黑松露味🤔。兩個餐我哋都揀咗沙律，都好好食，沙律醬唔酸，外賣返到嚟，都冇出水👍🏻。

見呢度嘅燒春雞好似好正 出開銅鑼灣行街就黎試下✨燒春雞 $71假日四點前埋單有85折真係好抵食😆😆 半隻雞都係$71 仲要燒得好好食 切嘅時候已經見佢有好多肉汁🤩🤩 食落都真係好juicy🤤🤤🤤 外皮仲要好香脆 🥰 真係呢度嘅必食推介😋 而其他野就冇特別出色 薯條唔係話特別好味 🤔朋友叫左個鐵板牛板都係一般般 比較韌 👎冇乜牛味 不過咁嘅價錢個expectation都唔可以咁高環境方面都係普通茶記咁 有水提供都唔錯味道❤️❤️❤️❤️抵食❤️❤️❤️❤️服務❤️❤️❤️環境❤️❤️❤️💰午餐人均～$70

因為疫情問題已經好耐冇返公司，其實呢間野係一年前都有食過一次，但係嗰陣冇影到相，嗰陣已經覺得食完值得可以再食多一次，事隔一年再嚟多一次食，味道依然一樣！仍然係性價比超高！脆皮燒春雞 $80 上枱熱辣辣，即叫即燒，薄脆外皮，雞肉嫩滑，配埋泰式甜酸醬/淮鹽(本身雞肉都有味嘅，所以唔使點都好食）真係一流！加上新鮮即炸嘅薯條，份量十足，一個女仔食都食唔晒，因為食完舊春雞都已經好飽餐廳仲好貼心俾埋手套同濕紙巾供應