薔紅

Open Now

Now Closed

睇過夏蕙姨嘅介紹，憶起灣仔附近有間茶餐廳，好適合去完會展之後過嚟食返個下午茶。今年美食展又開始，行左個幾鐘，腳都攰，過嚟飲杯嘢，食隻燒春雞同炸薯條開心吓先燒春雞係呢度必點名物，半隻雞，即叫即整，熱辣辣出晒煙雞髀位一扯，肉汁咇晒出嚟有淮鹽、泰式雞醬，任君選擇。因為隻雞底味唔重，我建議，沾少少淮鹽捽落落雞皮度，咁就更加之惹味。雞皮又脆又香！肉質非常嫩滑 諗起都流晒口水，盛惠$78。同場嗌咗一份鐵板西冷牛扒，配意粉。不過不失啦！餐廳備有膠手套，同埋濕紙巾，都幾貼心。