Route 83 (Silicon Lane)

Open Now

Now Closed

我平時喺大埔食開嘅Route 83竟然喺白石角開咗分店，梗係同男朋友去試吓啦～呢間分店位於一個新嘅屋苑下面，餐廳環境十分舒適🥰我哋夜晚去到佢有set dinner，所以我哋都一人叫咗一個～我就叫咗手打安格斯漢堡（自選菠蘿) ($92)～另外仲加咗$10轉黑松露薯條～Burger本身都好厚，啲材料好豐富，尤其是加咗菠蘿更加可以平衡返當中嘅膩感🥰佢嘅薯條係粗薯條嚟嘅，配埋個醬好好食～另一個就叫咗半份香草燒雞配芝士焗薯 ($99)～雞燒得非常juicy，份量都唔少～仲有啲沙律伴菜😆本身set dinner亦都配咗一個湯，今日就係忌廉煙肉湯～同埋都可以叫普通飲品，我哋就加咗錢叫特飲😆一杯係榛子朱古力，味道好濃，而且又唔會好甜～而另一杯係玫瑰奶茶，好香嘅玫瑰味，上面仲有花瓣添！而我哋覺得未夠滿足，就叫多咗個食肉獸pizza ($95），佢係薄批嚟嘅，配料都唔少，好惹味😆今餐食得好滿足，亦都覺得佢同大埔嗰間嘅水準一樣，完全冇失望！

踩單車必經之路，最近新樓盤入伙，附近也開始有些商業活動。對我們單車友來講，多一個地方補給當然好！這餐廳來了幾次，最欣賞他們的咖啡，推介給大家也一試！晚餐餐牌約$100左右，包頭盤和餐飲，也算很不錯的。是日餐湯是蕃茄濃湯，調味ok，不太甜也不是大量茄汁那種味，有誠意的。⭐紅酒燴牛肋條寬條麵賣相對辦，看下去份量不算大，但牛肋條肉肉很多，好像每啖也吃到，肉質軟淋，寬條麵也煮得不錯。⭐自家製薄餅經典口味錯不了，餅底是極薄極脆的那款，大胃王可能不夠飽，但想多料少碳水的人來講，是不錯的選擇。咖啡要加錢，但也合理的，畢竟有拉花，要用心製作。水準保持到，十分滿足了！附近幾家都是連鎖食店，只有這家規模比較細，價錢上要跟大集團競爭確有難度，唯有靠實力和口碑支持！

優景里新盤落成後多左餐廳進駐，呢間餐廳性價比高，晚市有套餐價錢都係89蚊起，非常抵食👍🏻套餐包左餐湯或沙律同熱飲，亦可以優惠價升級特飲！🌟 紅酒燴牛助條寬條麵 $92幾有驚喜嘅寬條麵🥰份量好多，而且每條麵條都掛滿左特濃嘅蕃茄醬汁，酸酸地嘅味道真係令人好開胃🤤牛肋條炆得非常軟腍易入口，而且牛味好香濃，質素真係唔錯！🌟 手打安格斯漢堡 $92可以自選加入菠蘿或芝士，因為菠蘿漢堡平時比較少食，所以就加左菠蘿🍍安格斯咬落有肉汁，牛味亦幾香濃，配搭埋蕃茄、生菜、菠蘿一齊食整體口感幾豐富🥰🥰另外，薯條係即炸，所以上碟依然好酥脆！

於大埔起家的親民美式餐廳，在白石角優景里新市鎮開展第三間分店，空間寬敞，以湖水藍作主色，令人眼前一亮。全日套餐由89起，配沙律或餐湯及飲品。室外設有少量座位Chill下更切合附近環境，附近有商場停車場及街邊大量錶位區，自駕友好。香煎鯛魚意大利飯$148煎鯛魚肉兩份，外皮煎至金黃，底層的意大利飯的口感軟滑，混和香濃的奶油醬，讓整飯的風味提升香氣。手打安格斯漢堡 $92漢堡的肉餅用料充足，肉質鮮嫩多汁，每一口都能感受到牛肉風味。配上即炸的薯條，另加10元有黑松露醬，更加惹味。套餐提供餐湯或沙律沙律份量適中，混和醋汁帶來甜酸風味，非常開胃。餐湯是甘荀忌廉湯，順滑口感，帶來溫暖。跟餐+$38選了小食：芝士焗大菇 両件大啡菇，充滿了濃郁的芝士香氣。大菇的鮮味與芝士相得益彰，伴隨小量沙律菜，提升風味。跟餐配送飲品，解渴消滯。

《熔岩芝士安格斯漢堡》🍔🍔🍔🍔熔岩芝士無疑係視覺享受🧀🧀🧀🧀包住厚厚既安格斯牛肉 咬落去更加係鮮嫩多汁肉汁瞬間爆發 同芝士既香氣融為一體夾埋鬆軟嘅漢堡包 確實係好有層次.《紅酒燴牛肋條寬條麵》🍝🍝🍝🍝牛肋條經過長時間燉煮 肉質夠哂軟腍 入口即化紅酒濃郁醬汁滲透到牛肋條當中🐃🐃🐃🐃更加掛滿寬條麵上 啖啖都係醇厚滋味.《芒果沙冰》🥭🥭🥭🥭一睇色澤鮮豔已經好吸引 口感清爽 濃郁芒果甘甜完美地消暑🧊🧊🧊🧊

和太太還有一歲的BB過來食，因為推着BB車，所以我們選擇咗新外的位置，地方寬敞， BB亦有走動的空間，加上秋涼的天氣， 10分舒服。我們點了一個三文魚墨汁意粉和豬手。豬手10分香脆，份量亦都足夠，物質意粉亦都非常好食，但更值得我過來寫這篇食評的是他們的服務態度，中間因為BB我媽媽在飲凍檸茶，所以衝着過去不小心把杯掉落地上，我把部份的玻璃執上枱面，通知店員，亦都願意作出賠償，店員不但沒有任何的怪責，還說不用作任何的賠償，態度十分之殷勤，所以這是一個嘢食美味，地方寬敞舒適，服務態度殷勤的餐廳值得推薦

手打安格司漢堡$92加$10有一份黑松露薯條，好抵食💖手打安格司漢堡，真係好正！漢堡嘅肉質鮮嫩多汁，每一口都好有肉味，唔會乾。最特別係佢上面有一層香滑嘅芝士，搭配脆口嘅生菜，口感超級豐富。至於黑松露薯條，味道真係一絕！薯條外脆內軟，黑松露嘅香氣令整個薯條提升咗層次，食完之後忍唔住想再嚐多一啖。半份香草燒雞配芝士焗薯$99香草燒雞啲雞肉燒得恰到好處，外皮香脆，入面滑嫩多汁，仲帶有香草嘅香氣，食落去非常開胃。再加埋芝士焗薯，真係一流！焗薯外面金黃色，內裡軟綿綿，芝士融化得剛好，濃郁得來又唔會太膩，真係好搭！整體味道平衡，無論係做主菜定係配菜都好適合。我哋加咗$28雞翼雞翼外脆內嫩，味道超香！醃得好入味，咬落去肉汁四溢，真係好開胃。奉送兩杯熱飲，我哋order咗熱檸茶同熱奶茶環境都好好，十分闊落，坐得好舒服店員服務態度非常好👍🏻

白石角一帶近年有唔少新屋苑落成，連帶區內都越嚟越多新食肆進駐😁今次呢間係位於矽谷山同大學山嘅樓下商場地舖，之前喺大埔都食過佢哋嘅分店，睇下白石角分店能唔能夠保持到水準啦！Lunch Menu如下，以西餐廳嚟講，價錢相宜，選擇都幾豐富😎餐湯+沙律前菜德國咸豬手配薯蓉上枱賣相靚仔，份量亦唔輸蝕🤭食呢種豬手真係好暢快，入口啖啖肉真係冇得彈😍煙三文魚黑松露忌廉意粉煙三文魚+黑松露係穩陣嘅意粉拍檔😋意粉做得好掛汁，食落口好滿足🤭熱榛子咖啡美好嘅星期六，當然要靠一杯咖啡去打開🤣凍焦糖鮮奶茶邪惡嘅焦糖鮮奶茶😈

身為白石角嘅居民發現有新嘅餐廳都會去試一試，希望搵到一啲好嘅餐廳。今日就決定去試吓食個lunch🤔️蒜香白酒蜆肉闊條麵🍝感覺不像是急凍嘅蜆肉有殼同有海水味、闊條麵軟硬度適中、值得一試👍🏻重芝士牛肉漢堡配薯條🍔一上枱被就覺得震驚芝士多度滿瀉、漢堡扒亦都有很多肉汁一邊食一邊流出嚟、薯條唔係急凍薯條係有薯肉係入邊、下次嚟食都一定會再叫🧐午餐還有餐湯附送，如果想飲杯優質嘅咖啡都係加8蚊，食完個午餐加一杯優質嘅咖啡令到全日充滿力量。值得一提還餐廳環境舒服，門口還有幾張戶外枱同凳可以比客人帶狗狗來食🤭

終於順利搬屋，忙了好一陣子家也算是整理得七七八八找個下午到家附近吃一頓行遠一點也有一些餐廳的不過如果太懶或是太熱家樓下也有Route 83粉嶺店間中放飯也會去吃白石角店的午市menu看來有點不一樣前菜可選沙律或是日餐湯今天是薯仔湯味道不錯紐西蘭肉眼牛扒配黑椒汁薯菜$95的牛扒這個質素和份量可以接受厚切的，有點超過了我們點的五成熟黑椒汁配薯條特別好烤雞胸加煙三文魚凱撒沙律生菜新鮮多汁配上芝士碎煙肉碎和麵包糠烤雞胸是我喜歡的程度煙三文魚要加$28兩片好像有點少奢侈我很喜歡這個bar枱這位置下午來到陽光充足加上天藍色的裝潢感覺很舒服一杯咖啡和精美拉花吃罷這頓豐富午餐正式成為白石角居民了這裡或許會成為我的飯堂呢🤭

非常抵食的Lunch Set!放假去白石角食lunch行下chill chill晏晝時間都幾多人，見到有lunch set就入去試吓紐西蘭肉眼牛扒配黑椒汁$95肉眼質地唔錯，呢個價錢超級抵食薯條新鮮炸起好好食👍🏻👍🏻👍🏻藍青口燴南瓜意大利飯配酥炸大蝦$88意大利飯嘅醬汁好好味，夠creamy感覺又唔太Heavy南瓜令醬汁味道更清新！意大利飯嘅口感軟硬適中炸蝦都好好食😋環境唔錯，價錢好合理，食物質素高🙌🏻

Route 83📍大埔白石角優景里63號Silicon Lane地下1-2號舖最近同朋友喺週末都多咗去Silicon Hill嗰邊散步、做運動，因為人流少啲，空氣又清新啲。自從新屋苑入伙後，多咗好多餐廳進駐Silicon Lane，我哋有時做運動前後都會喺附近食埋先走，所以都發掘到一兩間值得介紹大家認識嘅餐廳。今次呢間係主打西式餐點，有小清新裝修嘅Route 83，店內環境舒適，員工態度殷勤，日照時太陽射入圓形玻璃窗，令人可以好好放鬆一下。 💰$99德國咸豬手配薯蓉 🐖餐廳招牌菜係德國咸豬手配薯蓉，lunchtime過嚟食只係$99，仲配有餐湯或沙律，呢個地段算好親民。豬手表皮炸得焦香鬆脆，皮下脂肪軟糯Q彈，肉味濃香，肉質緊實不乾柴，加上標配德國酸菜解膩，一個人都可以輕鬆KO！我哋特別提醒大家食豬手同薯蓉時都要加gravy食，味道會更上一層樓！ 💰$83素菜大菇漢堡 🍔一隻豬手咁多肉，所以朋友都想叫返樣素食balance下。店員介紹佢哋餐點嘅特色，考慮到越嚟越多人轉食素，佢哋設計menu時，每一個category都會留返至少一個素菜選項，俾素食者有多啲選擇。身為食肉獸嘅我一開始有少少失

一直以嚟都支持哩間餐廳，親民價錢，大份美式食物，以及最真誠服務。今次開新店，決定去支持下。當去到餐廳即刻心心眼，餐廳走簡約歐陸風，以藍色為主調，一入門口有兩張半圓形枱，私隱度極高，亦有戶外露天座位，啱曬打卡!脆皮德國咸豬手推薦度:🌟🌟🌟🌟🌟份量非常之足，烤到脆脆的皮跟裏面非常juicy嫩滑的肉，再配上酸瓜和薯蓉，非常開胃! 食肉獸薄餅推薦度:🌟🌟🌟🌟🌟薄餅唔會好厚身係薄脆，好有口感，上面有滿滿的辣肉腸、煙肉、火腿和芝士，食完唔會覺得好滯。炸薯條推薦度:🌟🌟🌟🌟🌟看似平平無奇的薯條，但一試之下，連小朋友都食唔停口，炸到金黃色的薯條配以秘製黑松露醬，非常出色的配搭! 藍莓乳酪沙冰推薦度:🌟🌟🌟🌟🌟酸酸甜甜的藍莓+乳酪，飲完清涼解渴!

Route 83位於大埔白石角優景里63號Silicon Lane地下1-2號舖，是一間西式餐廳。我最近嘗試了他們的set lunch，整體體驗不錯。餐前可選擇沙律或餐湯，主餐我點了香煎豬扒配洋蔥忌廉燒汁和意粉，搭配一杯凍latte。豬扒煎得恰到好處，配上濃郁的洋蔥忌廉燒汁，與意粉搭配得宜。食材質素不錯，份量適中，價格合理，性價比高。餐廳環境舒適，適合朋友聚會。服務態度友善，整體用餐體驗令人滿意。