御名園

Open Now

Now Closed

呢間酒樓飲茶真係有啲奇怪，昨日一行5人去幫襯寫點心紙時每人寫啲，點知交俾呢位女侍應時，佢竟然話我哋寫得唔啱，寫點心紙應該要相同筆跡，不能夠唔同，講完之後仲不停吚吚哦哦喺度嘈喧巴閉，乜而家啲酒樓咁㗎 ！點解唔喺張點心紙度寫明落點心規矩？點解啲侍應見到啲客人茶壺冇水自己攞個水壺去沖水都唔理？究竟今日係我服務你定係你服務我呀？唔通唔收加一？真係不知所謂

同同事食lunch, 有人話好想飲茶，見今日仲早，應該唔洗等好耐，一於試下佢。飲親茶都必嗌嘅野食：流心奶黃包。li個奶黃包個樣就已經好高級咁，食落去係流心嫁，最怕果d話流心，最後受騙嘅流心奶黃包。今次li個唔止得個樣，食落都好得🤤就連個燒賣賣相都好精緻，正常發揮，好好食。連個蝦餃都有條金條，食落個餡好足料。全部野食都好好食，淨係影左d吸睛嘅野食，其他唔記得左影。見佢仲有個點心放題，下次一於食li個。

食材新鮮，味道也不錯，點了蝦餃王，雞扎，鳳爪，這些也不錯，蒸腸粉有點像家中的叮叮點心，炸榴槤酥外皮鬆脆，但有點油膩。訂座了，等入座也算快。點心應該是即叫即蒸的吧，需要一點耐心等候。服務態度還算可以，

御名園 (鴨脷洲)最近去咗屋企附近利東邨商場食晚餐😌😙之前已經試過飲早茶😁覺得晚市的套餐非常吸引，所以決定來試一試😋😋晚市套餐A$228（一至五）金銀蒜絲蒸鮮元貝/空運蟶子（四隻）配自選小菜一款😌當晚選擇了即燒脆皮文昌雞（半隻）脆皮文昌雞皮脆肉滑🐔雞皮薄而脆保留到肉汁😍簡直是皮脆肉嫩另外，我們還叫了幾款小菜💛黑白胡椒燒鵝王（例）$108輕微的胡椒香味😊在配製秘製醬汁林上面😜現在已經非常回味👍🏻💛XO醬翡翠炒蘭花蚌$98第一次食蘭花蚌非常鮮甜😎而且跟XO醬的配搭非常好💛清蒸海沙巴斑$148（約1斤）魚肉好滑溜，非常鮮甜，熟度剛剛好再配上蔥花和蒸魚豉油送飯一流👍🏻💯非常推薦的一間中菜酒樓食了一頓非常豐富的海鮮餐😊🚗鴨脷洲利東邨道5號利東商場3樓401-403號舖

酒家推出咗好多海鮮套餐真係樣樣都好吸引 不過為咗確保新鮮有時晏咗啲海鮮就會賣晒想食記住打去預留呀～晚飯美饌組合 ❣️金蒜銀絲蒸空運聖子（4隻）❣️即燒脆皮文昌雞 諗住價錢唔貴 仲諗住啲聖子會好細隻點知仲長過包濕紙巾 真係好surprised 聖子好飽滿 蒸到剛剛夠熟火喉拿捏得好好脆皮文昌雞個層雞皮好脆口薄一薄感覺已經冇咗果層厚厚嘅脂肪雞肉keep到好嫩滑 而且醃得好夠入味姬松茸燉翅群湯每一段期間都會更換燉湯種類每期都有兩種選擇最怕啲燉湯好鹹 呢度雖然濃郁但唔會死咸脆香糯米釀雞翼釀到好飽滿嘅雞翼佐酒一流孜然手抓豬仔骨店員推介 咁啱我又係孜然控食落真係勁惹味一枝骨咁 用手食更有風味金蒜銀絲蒸元貝見聖子咁好味 後加咗兩隻元貝夠厚肉得嚟又夠晒彈牙鮮味瑤柱海味雜菜煲有大大隻嘅蝦乾之外 仲有腐竹 本菇 粉絲樣樣都係我鍾意食嘅最後仲送咗木瓜燉雪耳糖水添呢度嘅店員雖然唔多 都覺得佢地好忙但就個個都親切有禮 抵讚

人多最好就係食中菜，特別係同長輩添🤭※御名園※ 嘅菜單好多選擇，性價比勁高，大份又抵食😋，坐得舒適又唔催人走🤭黑白胡椒燒鵝王 $108外皮非常脆皮，上庄位置油份夠香口又唔厚脂肪層，好perfect～精品黑豚叉燒王 $98肥瘦適中，肉質爽彈，仲有少少燶邊口感清爽扎蹄半海蜇 $50攞楪有心思，麻油調味香口，少少醋汁好開胃韭菜花炒蘭花蚌 $98韭菜花新鮮爽口，蘭花蚌彈牙，大量蒜容去炒好惹味水蜜桃意大利黑醋骨 $118排骨選位好靚，差不多每一件都有豬軟骨！炸到外內軟，醬汁好好下飯🤤蜂蜜柚子脆蝦球 $128新鮮炸起，炸皮又薄又脆，柚子醬汁酸酸甜甜，整體感謝清新唔油膩瑤柱海味雜菜煲 $108材料豐富，有菜心、西蘭花、生菜、黑木耳、粉絲，仲有好多蝦乾，咸香適中到位川貝椰皇燉鱷魚 $88止咳化痰潤肺潤喉一流。鱷魚湯一啲都唔腥，用料豐富，味道香濃😋

五月六月適逢母親節父親節去茶樓飲杯茶自然是慶祝指定動作御名園嘅menu富有傳統特色裝修新淨環境亦好乾淨我哋帶小朋友坐卡位都好舒服～食物方面有唔少特色經典點心而且都整得唔錯💁🏻‍♀️▫️灌湯餃 - 唔係間間茶樓都仲有灌湯餃～ 勁鐘意佢超多餡😍 連個湯都有花膠，超足料！▫️小籠包 - 驚喜之作🤩 因為大多數茶樓小籠包都係皮厚唔好食，但今次有驚喜，皮薄又多汁👍🏻👍🏻▫️黑豚叉燒皇 - 小朋友大愛！叉燒得好香～ 油香十足又夠腍，言妹妹食完話想嗌多碟，下次應該直接嗌大碟先夠😂▫️鮑魚燒賣 - 賣相都好得又好味🤤 ▫️脆香糯米釀雞翼 - 味道微辣，釀雞翼表皮炸得脆香！▫️瑤柱海味雜菜煲 - 喜歡多菜嘅健康人士，超足料超大煲，而且雜菜配搭起來超甜，小朋友都食好多👍🏻如果唔想逐碟嗌可以揀套餐～ 本身都幾抵食，經togetda 訂購會再有優惠添！

今日同女朋友黎到利東邨因為佢細細個住呢度經過見到有間中菜館就決定入去試下裝修好靚，好有格調餐牌有好多選擇，有齊傳統中菜亦有套餐提供，經濟實惠西澳洲龍蝦 金湯焗伊府麵龍蝦有足足一隻，好足料伊麵吸收哂金湯，好入味同新鮮龍蝦一齊食好滿足黃金脆皮文昌雞雞做到皮脆肉滑，好好食未食過咁滑既雞精品黑豚叉燒皇叉燒做到半肥瘦，一層脂肪一層肉食落好有層次感，好香口食到停唔到XO醬海皇椰菜銀絲煲椰菜加蝦米用xo醬炒好香好有鑊氣底下既粉絲吸收哂所有精華好惹味

最近放lunch去咗鴨脷洲利東商場飲茶🫖好耐冇一班人坐低一齊飲茶啦，成班人可以食唔同嘅點心除咗點心之外，酒樓仲有燒味同上海菜食真係花多眼亂呀🤣特別推介以下幾款🤤精品黑豚叉燒王🐖非一般嘅叉燒，係叉燒腩肉啊🐖叉燒半肥瘦，一層薄薄嘅脂肪再夾住豬黑豚肉，口感爽口滋味！真係可以再encore啊🤤水晶鎮江餚肉 鎮江餚肉一層豬皮、一層蹄肉仲有又香又滑嘅上湯豬皮膠蘸少少鎮江黑醋，豐富味道又可平衡豬肉嘅膩滯感☺️鮑魚燒賣皇 燒賣超大粒🤣好足料豬肉緊實爽彈，食到有冬菇同大粒蝦仁做餡，口感豐富最緊要係上面粒小小嘅鮑魚，賣相一流⭐️鮮味蝦餃皇蝦餃都好大粒，蝦餃皮上面塗上金邊，賣相好靚✨皮薄透明，晶瑩剔透，蝦肉爽口大粒，讚👍🏻黑金流沙奶皇包包皮柔軟，暖呼呼嘅流沙內餡，再加上鹹甜口味，味道剛好😉酥炸大良鮮奶卷即叫即炸，有驚喜！一啖落落去，香濃嘅牛奶味道，入口即溶薄薄嘅脆皮，豐富層次口感，外脆內軟好正！蝦球福建炒飯福建炒飯上面嘅蝦仁汁做得好好，調味適中，唔會太過鹹而且配料非常豐富，有大粒蝦仁，瑤柱、肉粒等等口感濕潤之餘，炒飯底粒粒分明😋翡翠斑蘭椰汁糕口感Q彈煙靭，香濃椰汁味係唔錯嘅飯後甜品🤤酒樓仲有點心放題同晚市套餐，

同屋企人去南區行下，喺利東邨商場食晚飯，經過見到有間「御名園」酒樓就入去食吓成間酒樓嘅環境寬敞，座位都非常之舒服。值得一提嘅係職員嘅貼心服務，經理不單止會來介紹菜式，其他職員更加會周不時留意住食飯跟進，適時幫客人加水或者上菜，超抵讚講返最重要嘅食物，我哋今次3個人食，總共嗌咗5個菜，食到捧住個肚出嚟首先值得一提嘅係佢嘅黑豚叉燒王，聽經理講酒樓嘅燒味好出色，就叫左兩款試吓，果然無令我失望叉燒肥瘦相間，燒到好脆口，半肥瘦叉燒真係好正。另外佢嘅燒鵝王一上，有燒鵝髀，啖啖肉都非常之驚喜另外叫咗個晚市套餐，有金蒜銀絲蒸空運聖子加一個小菜，小菜我哋揀咗菠蘿咕嚕肉。成個package都勁好味聖子超級大隻同埋肥美，菠蘿咕嚕肉，酸酸甜甜，煮到恰到好處於最後上嘅係粉絲什菜煲，佢嘅蝦米都好有良心好大隻，菜都好新鮮，味道又唔會太咸，份量都唔少，呢個價錢簡直係超值三個人食咗，埋單差唔多$650 ，酒樓食晚飯，呢個價錢都好合理， 10分推介大家一試

平時飲開早茶，就會落黎呢間度飲，因為方便，人流都多，星期日都一樣要等位，價錢亦係正常，腸粉質素飄忽，有時會好彈牙，有時會過淋，唔太穩定，入面既餡比較少，尢其係頭同尾就會無餡，好似食淨腸粉咁~

今晚番左去南區陪爸爸媽媽食中餐，3個人叫左一份蒜蓉勝子，牛肉炒苦瓜，椒鹽軟殼蟹，炸文昌雞。因為有coupon 的關係，可以食滿$500 減$100,所以幾抵食❤️勝子好甜，好大隻但比較老，蒜泥同粉絲好好味。牛似炒苦瓜份量都幾多但比較多油，牛肉帶臊味，苦瓜唔老炒得啱啱好❤️❣️椒鹽軟殼蟹叫左3隻，炸粉好厚身，仲要用左濕粉，睇落好大隻其實好細😂同埋索左好多油🥶🥶🥶但調味做得唔錯。至於送既紅豆沙實在做得太差，所以唔敢影相同食用🥴🥴🥴

今日去利東搵老朋友晚飯時間問佢有咩建議佢就帶左我黎呢間酒樓令我好期待餐牌有好多選擇，有海鮮，燒味，小菜等亦有套餐，經濟實惠上湯波士頓龍蝦伊麵龍蝦足14两，2個人絕對足夠而且店家已暫開一件件可以啖啖肉咁食好滿足加上吸收左上湯既伊麵味道好夾，令我食唔停！豉油雞雞皮呈咖色，好有色澤證明好入味，吸收到足夠既醬汁食落醬汁同雞油爆發出黎肉質嫩滑，好高質！蒸沙巴老虎斑老虎斑好新鮮，即叫即場係水箱撈起經理仲拎過黎俾我地睇添因為夠新鮮，清蒸就可以肉身嫩滑爽口，好鮮甜

難得友人今天放假，跟她一起去飲茶聊天。酒樓位於屋村商場內，附近就係地鐵站，非常便利。蟲草花姬松茸燉土雞湯店員推介今日特價燉湯，材料足，清甜，絕無味精。果然無介紹錯。叉燒腸粉粉皮滑溜，內餡叉燒頗多。海皇醬蒸鳳爪熱辣辣，海皇醬惹味。鳳爪有嚼口。鮮味蝦餃王大大粒，蝦隻爽脆。遠年陳皮牛肉球經典點心。牛肉球軟腍，隱約有陳皮嘅香氣。酥脆鮮鯪魚球新噱頭，無諗過鯪魚球會有紅色脆脆包裏著。高湯灼翠綠菜遠煮得軟腍，綠油油。

點心放題$158好味指數：😋😋😋😋抵食指數：💲💲💲💲💲環境舒適：😌😌😌環境衛生：🧹🧹🧹服務質素：💁🏼‍♀️💁🏼‍♀️💁🏼‍♀️推介原因：因疫情關係，酒樓🫖☕️變得難生存。為應對，越來越多酒樓推出點心放題。今次試了位於南區一間酒樓。假日$158/位，要提前最少1日上網訂位。點心款式多，好處是可以一件件叫（雖然某些點心最後一籠上），可以多試幾款點心。另外每位贈送一隻灌湯餃及點心三式特盛。腸粉皮薄，薄得有點透，多餡。燒賣和蝦餃🥟都好大粒，脹卜卜。芋絲脆軟夾好特別，其他酒樓比較少有。有點似煎堆皮夾著芋泥。黑松露素粉果的黑松露味濃。南乳豬手夠腍夠入味，且帶點酒味。小食方面，我最喜歡一口豆腐粒，脆漿夠薄夠脆，豆腐夠滑，好香椒鹽味。甜品方面，試了杏仁茶、薑汁糕、紅棗糕。最好是薑汁糕，超香薑汁味，又煙韌。整體來說，抵吃，且點心質素頗高，值得一試。