御名園 (Closed)

首先是鮮味蝦餃，每一口都充滿了鮮美的蝦肉香氣，口感鮮嫩彈牙。接著是翡翠瑤柱小龍包，包裹著豐富的瑤柱餡料，皮薄餡多，一咬下去，滋味十足。核桃包包則是別出心裁，融合了核桃的香甜和包子的鬆軟，美味驚喜。長春卷和腐皮卷都是經典的點心選擇，脆皮外層包裹著豐富的蔬菜和肉餡，帶來口感的層次感。而最值得推介的是鮑魚汁鳳爪，鳳爪入口即化，搭配著濃郁的鮑魚汁，絕對是美味的組合。此外，棗皇糕和臘味蘿蔔糕也是不可錯過的點心，口感綿密細膩，口味豐富。最後，金菇炆伊麵是一道豐富的主食選擇，伊麵彈牙，金菇的香味與麵條完美融合，令人回味無窮。

家人非常喜愛吃中菜，今日經朋友推介到試試這間大角咀中菜廳黑胡椒焗蔥揀手本灣肉蟹有兩隻1斤2兩既大蟹，店員烹煮之前會給我們看看，相當生猛，果然蟹肉鮮美，配上濃郁的黑胡椒醬汁和香脆的蔥段，味道相當豐富生猛西澳洲龍蝦配芝士伊麵龍蝦真的很活潑🤣🤣肉質鮮嫩、爽口😛搭配上滑溜的伊麵和濃郁的芝士醬汁，味道非常醇厚。伊麵的份量也十分充足，4個人食也很足夠！清蒸聖子聖子肉質鮮嫩，蒸得剛好，沒有過於柴硬或是太軟爛，搭配上香蒜和粉絲，讓我們品嚐到了聖子的原汁原味。雪燕焦糖燉蛋這道甜品是我們用餐的完美結尾。燉蛋口感綿密，淋上焦糖醬汁，讓整道甜品更加香甜可口。

星期六、日、公眾假期 午巿點心放題$168/成人 (另收加一茶芥；3:15pm Last Order)食得放題梗係要密密嗌密密食，呢度有超過40款點心小食任你嗌；平時飲茶唔會嗌嘅嘢食今次一次過叫晒😆😆😆放題每位成人送極品花膠灌湯餃1盅、鮑魚燒賣1件。坐低無耐樓面姐姐已經好快送上💁🏻‍♀️灌湯餃絕無欺場，花膠軟滑、燒賣賣相精緻，鮑魚彈牙爽口👍🏼🌼 酒樓必食傳統點心包括大大粒鮮味蝦餃皇、蟹籽燒賣皇；鮮蝦/牛肉/叉燒腸粉滑溜餡料足；香煎臘味蘿蔔糕煎得香脆，配辣醬食一流👍🏼 水晶鮮蝦菜苗餃外皮煙韌，啖啖菜肉口味清新、爆汁小籠包綠色外皮幾得意😎唯鮮竹卷略嫌腐皮太厚🌼巧手小食水晶鎮江餚肉酸甜甜好開胃、椒鹽一口豆腐粒有啲咸、百香果無骨鳳爪帶微辣，清新之選🌼甜品乾清棗皇糕好香椰汁味，必食推介👍🏼黑糖爆漿糍粑同酥炸大良鮮奶炸得酥脆，喜歡甜品嘅你唔好錯過。杏仁豆腐芋圓布甸香滑，但不見芋圓🥺蕃薯糖水帶薑味，蕃薯夠甜🍠最後仲叫咗個陳皮脆香燒鵝瀨粉，瀨粉彈牙煮到啱啱好，燒鵝皮脆有肉汁👌🏼雖然係放題，但食物質素仍然keep到，味道水準之上。個人嚟講必食嘅係棗皇糕，蒸到熱辣辣，紅棗椰香飄逸🤭就算唔食放題，平時嚟呢度飲

中午飲過三次茶。雞包仔的皮不是傳統粵式叉燒包皮那款，本人不喜歡。腸粉的皮也是太軟糯。三次食都不夠熱。咕嚕肉味道不錯，又是微溫而已。醬茶鴨味道可以，又是微溫而已。不明白為什麼這間茶樓啲食物都不熱，雖然味道不錯，但令人討厭的是只微溫，沒有熱辣辣的享受！

是次點叫八人套餐，當中芝士龍蝦伊麵是一道美味的料理，將鮮嫩的龍蝦與彈牙的伊麵結合，再搭配濃郁的芝士醬，味道絕佳。龍蝦的鮮甜與伊麵的口感相得益彰，每一口都讓人回味無窮。芝士醬的奶香與龍蝦的鮮味交融，帶來豐富的層次感。每一根伊麵都被芝士醬包裹，讓人垂涎欲滴。另外，燒鵝是一道香氣撲鼻的烤肉，色澤金黃誘人。它的外皮酥脆，內裡肉質鮮嫩多汁，帶有獨特的燒烤香氣。每一口都讓人陶醉其中，令人難以抗拒。另一方面欣賞沒有很多肥膏於其中。最重要餐後有軟綿綿的紅豆沙，在寒冷天氣下食完糖水感到超滿足

哇喂！今次搵到一間珍寶橫生嘅餐廳，好食到爆煲！自己慶祝一番，點了幾道料理！首先嗌個【鮑魚汁花膠炆豆腐】，豆腐軟滑得嚟又可以掛住厚味嘅鮑魚汁，咬落花膠：爽口又飽滿膶質！再配碟白飯，幾可以一個人包辦成碟！👅跟住，個【黑椒蔥爆安格斯牛柳粒】，梗係又軟又多汁，仲要夠晒黑椒味，啖啖肉塊賞你口福，真係幾惹味！【瑤柱海味雜菜煲】煲出嚟嘅湯好正，飲得見底！又有粉絲咁啖啖吸晒個湯鮮味！跟手又一陣溫暖，冬天真係要食佢呀！🔥接住【舞茸合桃燉土雞湯】，補水又補氣，雞湯煲得濃郁見底，好過飲任何能量飲品！食完嚟個小休息，觀察吓環境，呢度真係夠氣派，覺得自己瞬間變得好有品味！食罷熱菜，嚟啲開胃嘅涼碟：仲有【陳醋珊瑚紅海蜇頭】跟【水晶鎮江餚肉】，海蜇頭咬落爽口得罪，一片片啱啱好嘅酸香，真係幾開胃！至於鎮江餚肉，個模樣就好似小珍珠，口感順滑，醋汁調和得宜，撩撥每一個味蕾！今次食完，真係大滿足！下次仲有咩節日，梗係要再嚟！🎉

90分鐘點心放題任食，每位食客有一份鮑汁燒賣及灌湯餃一份，精心推介鮑汁鳳爪、金網黑豚肉煎鍋貼、皮薄餡靚小籠包、蒜蓉鮮蝦長春捲及金菇炆伊麵。甜品方面薑汁千層糕、乾清棗皇糕也是真心推介椒鹽魷魚鬚就一般。而合時糖水因應當日而供應，曾試過紅豆沙、綠豆沙、番薯糖水、楊枝甘露。（可能仲有但未試到咁多）星期一至五140蚊一位，而星期六日168蚊一位，當然小童半價以及有加一服務。建議於奧運站出沿著匯豐銀行中心往新九龍廣場便到達。

每年都係返香港幾日諗住飲餐茶。去呢間嘢就中伏了個燒鵝瀨，燒鵝就一定係隔夜㗎啦，個瀨粉仲難食到不得了，個質地錯晒，又唔係米線，個湯就得一陣胡椒味跟住仲有個炸兩，又係隔夜油炸鬼，一陣油益味大佬冇心做就執咗佢啦去隔離稻香冇咁嬲In short - don’t come to this place for dim sum, the quality is really bad and it’s not even up to a very average standard. Waste money and time完

有史以來最差嘅飲茶體驗😥😥真係食得好唔開心😭😭可能當我妹妹仔，有1/4野食1:45落單等成個鐘都未有，仲要俾啲呀姐呼呼喝喝，已經唔該前唔該後😥😥最後有個等到差唔多夠鐘先到🥲🥲🥲蝦唔係幾新鮮，小籠包偏鹹，啲嘢食係暖，唔係熱。叉燒腸唔知點解包到啲叉燒突哂出嚟。粥、木瓜糖水、布甸正常，但無樣突出，唔會想再叫。下次真係便宜莫貪（雖然其實都唔係好平，假日90分鐘放題：$168茶介$12再加一），真係無諗過嘢食又劣，出餐勁慢，仲要俾啲呀姐呼喝。無下次😥😥

上個周末約咗去workshop，見有少少時間就去咗茶樓食飽飽先出發！⭐️ 午市自選美食組合我地揀咗水晶鎮江餚肉同清爽扎蹄伴海蜇。鎮江餚肉外皮晶瑩剔透，入口即化，肉質鮮嫩。扎蹄切得好薄，皮爽肉腍。配上酸酸嘅醋醬，更加提升口感。海蜇好爽脆，感覺好開胃。⭐️金湯焗西澳龍蝦伊麵龍蝦好鮮甜，加埋湯汁淋喺伊麵上，令伊麵入味，香氣四溢，真係一道值得推介嘅菜式。⭐️神彎菠蘿咕嚕肉菠蘿嘅甜味同咕嚕肉嘅鹹香好夾好啱。火候掌握得啱啱好，令咕嚕肉口感酥脆，菠蘿嘅酸甜味更加突出。📍御名園大角咀大角咀道38號新九龍廣場1樓168-187號舖

食過碧海藍天分店嘅點心放題，覺得唔錯，又抵食，所以近近地就行黎呢間試下，點知好失望。一入到去，午市居然得幾枱有人坐，都覺得奇怪，入到黎就點野食，點知點完15分鐘都先上一碟一口豆腐上枱，食完再等15分鐘覺得唔對路，就寫多張加單，終於等咗35分鐘倒先開始有煎炸野，跟住等等等，先有蒸野食。上枱啲野食都熱嘅，但係個牛肉腸啲肉紅到好似冇整熟，老公冇睇食咗一半我先發現，之後就冇食到，建議都係叫叉燒腸穩陣啲。啲嘢食都幾麻麻，個菜苖餃個皮黏糊到夾唔倒，一夾就散晒，饀都唔結實，見倒都唔太開胃炸魷魚就粉多到太糊口，真係好麻麻不過蝦餃、燒賣就正常嘅，如果想返本就每人5籠蝦餃、燒賣應該都差唔多，但其他真係冇乜好食，真心唔會回頭註：收加一及茶錢$12/位

今日介紹咗一間餐廳位於大角咀，餐廳以其招牌菜燒鵝而聞名，另外提供其他的燒味菜式，如燒豬、燒乳鴿等。御 鮮薈4人盛$988🌟沙薑豬手拼醬香小青瓜豬手配上沙薑醬汁和脆口的小青瓜，一道非常開胃的菜式。🌟御膳佛跳牆灌湯餃呢到菜結合了兩種傳統菜式，佛跳牆和灌湯餃，入面有迷你鮑魚、海參。🌟XO醬碧翠炒蘭花蚌蘭花蚌配上辣味的XO醬，正常水準。🌟孔門魚咬羊 淮陽浸釀海花斑呢個係經典的中菜，以魚肉和羊肉為主要成分，配上調味料，淮陽浸釀海花斑幾大條，大約有1斤。🌟黑白胡椒燒鵝皇御名園的燒鵝是其招牌菜之一，鵝肉配上黑白胡椒調味，酥脆的皮和鮮嫩多汁的肉質，推薦。🌟紅茄鮮竹泡菜苗以竹筍和泡菜配上紅茄調味。🌟乾煏金磚馬拉糕🌟紅豆沙馬拉糕配上口感綿密紅豆沙，甜度適中。📌御名園 (大角咀) ＠royalminggarden大角咀大角咀道38號新九龍廣場1樓168-187號舖🚇 地鐵港鐵奧運站C出口，步行約5分鐘

之前都有食過呢間餐廳，覺得啲海鮮唔錯。今年父親節前夕又嚟食，估唔到大時大節都冇加價。🔸西澳洲龍蝦（約一斤四両）上湯焗伊麵 $438性價比好高！龍蝦本身夠大隻，啖啖肉都咁彈牙。呢度嘅上湯味道比較似外面嘅芝士汁，不過口感冇咁膩。🔸潤燒石歧乳鴿 $58鴿皮燒得均勻香脆。乳鴿比較細隻同肉薄，所以鴿肉又嫩又入味。🔸鮑魚燒賣皇 精點一食就知自家製，因為冇咩地方食到咁正嘅燒賣🤣。佢哋嘅燒賣味道特別鮮甜，加埋鮑魚汁味道超夾。🔸極品花膠灌湯餃（位）特點大大個湯餃皮薄餡多，不過一𢳂起就超易穿🥲。除咗花膠之外仲有唔少菇同雞肉，餡料味道好鮮甜。🔸酥炸大良鮮奶 大點外脆內軟，味道甜甜地。細路仔一定鍾意食😻。📍御名園 (大角咀)大角咀大角咀道38號新九龍廣場1樓168-187號舖

Homemade shark fin dumplings 御膳佛跳牆灌湯餃 🥟呢一款佛跳牆灌湯餃值得推介，灌湯餃入面用料十足，包括有豬肉粒、冬菇絲🍄、芫荽，外面有蟲草花、迷你鮑魚、魚翅、一大片花膠，非常豐富，湯嘅味道天然，滋潤養顏，幾好飲呀🤍➋ Roasted goose with white and black pepper 黑白胡椒燒鵝皇半隻嘅胡椒燒鵝王味道相對鹹，但係外皮燒到好Crispy，裏面嘅燒鵝肉嫩滑，影相出嚟都幾靚✨🤍➌ Salted ginger pork knuckle with cucumber 砂礓豬手拼醬香小青瓜 🍖🥒砂礓醬汁嘅豬手醃得好入味，免頭有芫荽、蔥花🌿、姜蓉等配料，聞落去好香，豬手充滿骨膠原，jelly 狀嘅口感食落去好正，而另一款青瓜粒涼拌小食帶少少辣幾惹味，爽口清甜🤍➍ Fried orchids clams in XO sauce XO 醬碧翠炒蘭花蚌用西芹、芥蘭、三色椒🫑等蔬菜來炒， 再加入寶血健康嘅雲耳、爽口鮮味嘅蘭花蚌用慢火炒🔥，唔會太鹹但又入味🤍➎ Vegetables in tomato soup 🥗 紅茄鮮竹泡菜苗健康嘅鮮竹泡菜苗用

朋友介紹下，呢日嚟咗「御名園」飲茶。幾款點心都好有水準，喺經理嘅推薦下，嗌咗個湯同老虎蝦，亦有驚喜🥰，經網上平台 訂購會有優惠!🥢瑤柱冬瓜燉響螺頭$43.8用咗響螺頭、雞件、豬肉、瑤柱、冬瓜、紅棗等材料燉製而成，豐富嘅材料令湯嘅味道超鮮美❤️。🥢黑金流沙奶皇包 $34.8摵開個包，流沙奶皇就唔小心咁流晒出嚟🤣，唔錯嘅。🥢遠年陳皮牛肉球 $34.8陳皮極香，帶微甘味，牛肉球啖啖肉。🥢海皇醬蒸鳳爪 $30.8上菜時香噴噴，微甜，同屋企人食得好滋味😋。🥢瑤柱藜米珍珠雞 $38.8糯米同餡料嘅比例好好，瑤柱令珍珠雞更鮮。🥢豉油皇煎焗老虎蝦 $272/4隻用爆香咗嘅蔥、蒜煎焗大大隻嘅老虎蝦，非常惹味，啖啖肉，連蝦頭都啜乾淨😆。📍御名園 (大角咀)大角咀大角咀道38號新九龍廣場1樓168-187號舖