御名園

Open Now

Now Closed

今日同朋友去咗御名園食晚餐，叫咗瑤柱蛋白炒飯同雙葱炒安格斯牛。先上安格斯牛，牛切成一塊塊，而呢碟嘅主角係雙葱，葱嘅份量好多，食食下朋友先話自己唔食葱，但又叫雙葱，哈哈後上瑤柱蛋白炒飯，本身覺得服務員服務態度唔錯，但唔知係咪啱啱開場，未warm up,碟飯整好後被遺忘，一直放喺出菜嗰邊唔上菜，好彩最後上到枱仲係熱嘅。炒飯偏油，正常水準。

位於荃灣既御名園次次去都有驚喜🤩今次豪食海鮮首推金蒜銀絲蒸空運聖子+金蒜銀絲同開邊蝦（$168），蒜蓉粉絲迷必叫，難得海鮮仲要咁新鮮😇之後到金黃色波士頓龍蝦伊麵（$268）睇色水已經可以見到用料絕不馬虎，味道好夠，吃過返尋味😋吃魚都要吃得特別啲，一魚兩味，分別係炒星斑球同窩燒星斑頭腩，前者香口清新，後者惹味，真係兩碟都不能少🤪（兩碟共$368）食肉獸最愛-招牌燒鵝例牌（$108），加返個菜平衡下先，上湯瑤柱浸豆苗+ 金蒜銀絲蒸空運聖子（套餐價$248）健康之選最後必讚佢既兩個湯水，價格相宜有屋企靚湯既感覺😌😌蟲草松茸燉土雞湯（$33）+羊肚菌南北杏燉花膠湯（$43）=養生😇

話說1月9日訂咗1月28日8位5:45p.m. 食晚飯，book咗咁耐一直未有收到電話話有問題，直至28日當日11點左右收到酒樓電話話其實佢地本身有酒席，而且而家要加圍數，今晚係冇得食晚飯，話係openrice系統唔知點解仲俾人book到，叫我取消咗佢，點解可以book咗咁耐當日先通知冇得食，要當日即刻book其他食店唔係一件容易嘅事，另外如果我miss咗佢電話，我一家大細去到先話冇得食咁點好，真係越諗越嬲😡😡😡😡😡

今日帶埋媽咪同阿女黎飲茶🍴鮑魚雞粒炒飯好足料，起碼有10粒細鮑魚，唔會太油太濃味，又有小小蔬菜，小朋友都岩食🍴鹹水角新鮮即炸，熱辣辣😋外層仲好脆🍴叉燒包個包差小小，因為外面層皮有小小硬身，但餡料足，個叉燒醬都好味🍴蝦餃爽口彈牙，外皮好薄，好味😋🍴鳳爪夠入味，個汁好夠濃🍴鮮竹卷第一次食上湯鮮竹卷🙈唔岩我口味，個皮太淋有彈豆味都係平時個隻鮮竹卷好味d🍴榴連酥呢個非常外皮酥！！有彈彈榴連香，不過內餡就唔覺有榴連肉，一般

朋友聚會，咁都俾我幫我哋諗一啲特別嘅菜式，呢個欖角排骨，好香欖角味，排骨燒到剛剛好，肥瘦適中，肉汁香濃，外面燒過啱啱有啲燶邊大紅金豬半隻，燒到個皮卜卜脆，皮脆肉厚，翡翠炒斑球，啲班片厚切，啖啖肉，肉質鮮嫩上湯勝瓜浸大蜆粉絲，啲粉絲索晒勝瓜煮出嚟嘅甜味，仲有大蜆嘅鮮味，連個湯都非常之鮮甜其他菜式都相當出色，以呢個價錢嚟講，係一個性價比高嘅酒樓中菜廳，員工都十分之有禮貌，上親嚟都好親切，食都開心啲，係一間好好適合朋友聚會既中菜廳

店內景緻不錯， 環境舒適，餐廳以中菜為主， 點了幾款點心，味道算唔錯。🔴#鮑魚燒賣＋#春卷燒賣口感嫩彈飽滿，加上足料，香味十足，惹味可口。皮夠薄， 外香脆，材料豐富，口感不錯。🔴 滷水拼盤富多樣的滷味，口感豐富，美味可口。🔴#鮮蝦餃 皮薄餡靚的蝦餃， 蝦大大隻，十分鮮甜。🔴#黃金蝦球 熱辣辣 ，炸得金黃有鑊氣，口感豐富。🔴#蒸石斑十分新鮮，魚肉嫩滑，好好食。🔴#炸子雞+#瑤柱蛋白炒飯炸到金黃鬆脆，雞肉夠滑口，鮮甜嫩香。🔴#上湯浸時蔬+杏仁西米露份量足，清新可口。點心賣相精美，環境舒適，值得推介。

打風天去飲茶都係一個好節目，仲有點心放題就啱曬喇，呢度嘅點心味道都OK，重點唔會太濃唔咸，佢嘅甜品好好味。可惜埋單時個經理嘅態度同說話令我哋好尷尬。。。。。佢哋只可以落兩次order，而點心份量又好飄忽好難捉摸，例如第一張單油菜及鮑汁鳳爪都係寫“2份” 得兩條/兩隻，咁第二張單就寫4份啦，點知係一大碟。唉。。預計唔到份量下，有幾碟都食淨一兩件，我哋都唔想浪費食物㗎。點知喺埋單時，畀個經理大大聲講 “快啲過嚟睇下，佢哋食放題食唔曬” 勁尷尬，下次都唔敢再去呢一間囉！

未試過這間酒樓，今天有機會試下，中午去到酒樓冇乜人等位，可能平日的關係。侍應揾到靠牆邊圍嘅位置都唔錯、 枱與枱之間都相隔得幾闊落👍先來個金錢肚，紅米雞包仔同埋流沙包。紅米雞包仔，小编覺得個包皮真係麻麻，另外包質地偏甜甜地，吃落有D奇怪。流沙包/金錢肚正常OK。蝦餃大大粒，蝦肉超級爽脆，好食😋牛肉腸得6舊仔份量偏少、雖然好食、不過好似唔係好夠喉😁椒鹽豆腐、薄薄粉漿包住豆腐粒、細細粒、豆腐好嫩滑、一啖一口好味👍珍珠雞份量都ok、唔會太細、糯米軟硬適中、推介好食😋😋😋對比鸡扎就失色左、蟹柳过冧、可能蒸得太耐、口感好一般。

老人家睇片成日話荃灣好多點心放題好想試，揀左呢間食評唔太差的一齊試，食物唔算快不過都算有黎晒，等左一陣幾乎全部食物一齊上咁滯，好彩張枱都算大有位放，個人唔會話d野食好好食，係可以叫合格同食到飽咁囉，兩位老人家一致認為最好食係燒鵝粉，推介大家要點，我個人喜歡千層紅棗糕和榴連酥，後者好香脆有榴連味。店員服務確實好一般，有口音兼太大聲真係有啲嘈，佢哋唔係傾計就係同主管投訴做唔晒太多客，個人覺得坐喺道食緊野聽到晒感覺唔太好...

2人去，上餐快，冇漏單，但食物水準非常一般，屋邨酒樓水準，炸物較好，但服務差，打電話去book 位佢話唔駛，walk in 就得，結果去到要攞飛，等左45分鐘，門口侍應仲要撈亂哂啲人的飛，同佢講佢就話知，最後要不停咁提起佢先至知跟到; 由於不夠人手，無水找不到人最後要自己斟; 另外點左油菜，由於寫2人份或4人份都係得幾條，於是乎第三次補單淨係要菜(之前只是order 左2輪，第一輪巳吃晒，第二輪巳吃完大半只是想補多份菜)，點知部長好冇禮貌地走黎同你講你再叫食唔晒需要俾錢，有禮貌地同佢講你睇左張單先，只係叫菜，但她仍繼續講，於是狠狠地同佢講有剩你隨便收，等我埋單才計先肯走，真係唔知咩服務態度，食左幾次唔同地方嘅點心放題，第一次遇到呢啲服務

試下點心放題, 點知連鹹水角,排骨飯都無。食物無邊樣話好食, 蝦餃一夾就散。豬仔骨,咬左啖就想嘔。 最離譜係個灌湯餃, 個湯同清水冇分別, 鮮竹卷個湯都有味過佢。服務就唔算好, 但未去到好差。

飲下午茶，等咗唔到十分鐘，就可安排入座。手磨紅米腸，內有乾坤脆脆的。鮑魚燒賣皇，好迷你的鮑魚。馬拉糕鬆軟，唔係好甜。黑松露炒飯，粒粒分明。五榖雜糧糕，中間有紅豆粒。照片影得太遠，仲有些未影...

至愛嘆茶🫖依度坐得舒舒服服叫左3個餸2個人食😙✨黑松露醬野菌翡翠🥬黑松露醬帶嚟嘅獨特香氣和醇厚口感，同埋野菌嘅鮮味相互輝映，食落去層次豐富，唔錯👍🏻。✨蜂蜜柚子脆蝦球🦐香甜酸爽，口感脆嫩🤤蝦球炸至金黃酥脆，咬落去外脆內嫩，帶有淡淡的海鮮香氣。蜂蜜柚子醬汁帶有濃郁的蜜糖甜味，結合柚子的酸爽清新，增添了一抹悅人的果香😋。這種甜酸的組合與蝦球的鮮味相得益彰，令人回味無窮😝✨沙薑鮑魚啫雞煲（6頭鮑魚3隻、雞半隻）係一道豪華且美味嘅菜式😆沙薑帶有微辣的風味，能夠提升整道菜的層次感。鮑魚肉質細嫩，口感豐富，與雞肉的柔軟滑嫩相互融合，帶來一種口感上的享受😎今次無叫優惠餸佢仲有其他套餐優惠下次再食

今晚有朋自遠方來，想試下經典中菜、海鮮，所以就帶佢食好野。這間餐廳位於荃灣千色匯，係港九都已經有好多分店，主打一系列經典中菜，經常推出傳統創新兼備嘅菜式，一直都好出名。餐廳環境寬敞，裝修氣派豪華，一進去樓面侍應已經好熱情上小菜及開茶。餐牌選擇非常多，有傳統中菜又有海鮮燒味燉湯，立即選擇恐懼症🤣好彩店員熱心介紹今晚最新鮮嘅海鮮及招牌小菜。椒鹽魷魚鬚，好耐都冇食咁好食既魷魚鬚，炸到金黃酥脆，魷魚保持柔軟彈牙。薑蔥南非鮮鮑魚，鮑魚有手掌心咁大，𠝹開表面加以焗製變得好惹味，肉質保持到柔軟質地及鮮甜，完全唔會韌。 店員果然冇介紹錯，海蝦好厚肉，過油再拎去煎香之後，海蝦嘅殼好似脆片咁樣，成隻連埋殼都可以食埋。蟶子好大隻，長過隻匙羹，好鮮甜，肉質爽而不韌，蒜香味濃～ 龍鳳配套餐 $338 兩位金湯焗西澳洲龍蝦伊麵及黃金脆皮文昌雞半隻西澳洲龍蝦好大隻好足料，龍蝦蝦鉗勁大隻啖啖都係肉，鮮甜得黎又好有口感，金湯烹調入味，伊麵吸晒龍蝦及湯汁，好好味。金黃文昌雞半隻，外皮脆卜卜，而且啖啖肉，絕對唔會剩係得雞骨，好惹味。好少酒樓仲有燉湯可以點，我哋叫咗黑松露菌燉土雞湯和姬松茸燉翅群湯，兩個燉湯都好足料，無味精之

約咗朋友食晚飯一直都想試吓中菜，於是我哋試吓御名園。裝修環境靚，地方亦都寬敞坐得舒服。1. 薑蔥南非鮮鮑魚（2隻）鮑魚做緊優惠價、每隻鮑魚都幾大隻。第一次薑蔥鮑魚、味道幾特別、爆香蒜蓉再配上新鮮原隻鮑魚、只能用爽口形容。2. 半斤豉油王大海蝦大海蝦材料新鮮唔再講，配上豉油王嚟整加少少蔥、味道入晒落蝦肉度，為咗令到更加入味，蝦分開咗兩邊，超正。3. 龍鳳配 - 金湯焗西澳洲龍蝦伊麵 西澳洲龍蝦肉多肉汁鮮嫩，最欣賞嘅係每舊龍蝦都有好大舊肉，伊麵吸收晒龍蝦鮮味同埋上湯嘅味。絕對一流。值得一提嘅係佢哋龍蝦份量都好多。4. 黃金脆皮文昌雞半隻皮香脆、雞肉嘅肉汁亦都鎖住咗、配上特製嘅醬汁。正5. 金蒜銀絲蒸蟶子 - 兩隻 蒜蓉整得好好，用嚟提升左聖子嘅味道6. 黑松露菌燉土雞湯、姬松茸燉翅群湯同朋友叫咗兩碗湯試吓，黑松露嗰碗個味道會濃d，令一碗會冇咁濃味。兩種湯嘅火候都好足夠，真材實料。物超所值。7. 拾味椒鹽魷魚鬚 -小食椒鹽魷魚鬚香脆可口，佢椒鹽份量剛剛好。唔會好鹹、亦都炸得好鬆脆。店員好好禮貌、會主動介紹有啲咩好食同比建議、主動幫你換碗碟，亦都會問返你意見味道如何。