御名園

Open Now

Now Closed

因為朋友住荃灣區，所以相約朋友到呢區晚飯，開頭仲以爲佢會食日本嘢，誰知揀選了食中菜，原來佢話啱啱從日本回來，已經在當地食日本菜食到夠，所以就掛住想食中菜，而呢間酒樓佢亦有食開，所以唔使點諗就約咗去呢間。酒樓環境唔算好大或者好細，但就好熱鬧，感覺幾大衆化。而餐牌亦都是一般嘅中菜選擇，反而有一些孖寶餐單選擇，豐儉由人。朋友揀咗個晚飯美饌組合孖寶套餐，佢就話每人叫一個，佢揀了「薑蔥炒肉蟹｣，個蟹煲都炒得好香，尤其係用薑蔥爆到很香口，蟹鉗嘅肉都入味，啖啖肉口感確唔同。而我就揀選了「鮑魚汁炆花膠豆腐｣，個餸整體煮得深色了一點，不過味道還是可以的，鮑魚汁唔會好鹹，而花膠細細嚿但係幾多下，不錯。整體食物味道不錯，服務體驗亦好。

位於荃灣嘅御名園係食中菜嘅，趁住第二期消費又可以大刷一餐，噉真係要多謝政府嘅補貼，盡情刺激消費。其實呢個商場都有好多唔同嘅選擇，一家人如果可以開開心心熱熱鬧鬧嘅環境食野咁中菜係一個唔錯嘅選擇。(酒樓有點心放題，正！)上到去就已經坐無虛設，我哋被安排入到一間房入面，夠曬私隱度，先來一碟前菜雜錦炸豆，然後嚟壽眉水滾茶靚。本身想叫冬瓜盅，誰知售罄就改了燉湯:「黃金石各花燉響螺湯｣端來的時候，打開蓋就聞到燉湯香氣，撈上來的湯渣有雞、豬肉、新鮮響螺肉等等，湯很濃郁，飲在口中感受到滿滿湯嘅精華，再食埋湯渣入口即溶，可想而知個湯燉咗好耐，平均每人都可以飲到兩碗，好味。酒樓同時亦提供不同的孖寶套餐，今次揀選了龍鳳配，「金湯焗西澳龍蝦伊麵｣配搭「文昌雞脆皮雞｣,孖寶套餐三百五十幾，價錢中規中矩幾化算。味道方面，西澳龍蝦size唔算大隻，但咬落去算係幾多肉，高湯烹調唔會太鹹，伊麵份量係比較多，食埋都唔使再另外叫白飯。文昌雞炸得幾脆口，食落去啲肉仲係暖暖地，點些醬油更加美味。這餐整體味道唔錯食得開心，最緊要見到大家都食得滿足，我就更加開心。

御名園 (荃灣)📇地址：荃灣眾安街68號荃灣千色匯I期5樓5A號舖🕐營業時間：星期一至日08:00-16:00；18:00-23:30💸人均消費：～$200/人(晚飯)👏🏻抵讚位：坐得都尚算舒服，雖然同隔離枱痴得都有啲埋。欣賞佢啲小食比其他酒樓多，同埋都有特色，比較少見。🍴Food QC：「冰爽鳳爪手 $48」凍嘅白雲鳳爪，不過個顏色係平時啲蒸鳳爪，同埋辣辣地，完全無特別嘅小食😂 本身想叫豬手，話無，就叫左呢個「星洲金沙脆魚皮 $58」咸蛋黃包住啲魚皮，入口脆卜卜，食到落左好蛋咸蛋黃，所以都有啲咸🥲「金獎蝦醬海珊骨 $108」又係有啲重口味嘅一味餸，鍾意食重口味肥豬肉嘅人啱哂，啲豬肥膏居多，同埋又係過咸😅「蜂蜜柚子脆蝦球 $128」好食啲嘅一道菜，蝦好大隻，外層炸皮脆卜卜，加埋啲柚子蜜淋喺面，甜甜地，啲蝦又大大隻，食得好滿足😆「精品黑豚叉燒皇 $128」好食嘅叉燒，肥叉，所以入口好鬆化，係無平時酒樓嘅例牌叉燒咁多，但食得出佢係有用心整嘅😃😯有待改善位：想食豬手，話無，想食千葉豆腐煲，又無。仲要我地係晚市最早個枱客，想叫乜就無乜😅 樓面啲伙記好似得某幾個識落單咁😅 想加單都要等佢地識落單

又黎到一年一度既父親節，小妹今年搵左間係荃灣既中式酒樓同屋企人一齊食晚飯。由於適逢父親節，酒樓座無虛席，好在酒樓樓底夠高，所以不是太嘈吵。酒樓裝修高雅坐得都非常舒服。由於父親節既關係，所有菜式都係正價，但價錢不算高，可以接受。如果平日黎食更加抵食。屋企人一坐底就立刻話想食龍蝦伊麵，所以叫了西澳洲龍蝦上湯焗伊麵，上湯比想像中出色，龍蝦肉質鮮味又夠實淨，上湯汁配上伊麵，簡直係絕配。去中式酒樓食飯一定要叫下燒味品嘗一下，我又咁岩想食叉燒，見佢呢個係非一般既叉燒，係用黑豚肉和半肥瘦做的，黎到果然有驚喜，見到佢肥瘦適中，配上蜜汁，肉質非常鬆化非常有驚喜。再黎一個煙燻樟茶鴨，黎到見到以為肉質好乾但一食味道非常特別，佢有淡淡既煙燻味仲真係食到有茶味，連我屋企人都讚非常特別，性價比高。另外，叫左個小炒試下，黑椒蔥爆牛柳粒。牛柳粒非常鬆化，有牛味，食得出無鬆肉粉嘅味。佢用左大蔥和一些白色的配菜，我同屋企人還問酒樓經理呢啲白色的是什麼。原來係叫蓮藕心，食落非常爽，味道酸酸辣辣，應該有醃製過，非常新奇有趣。最後，食左咁多肉都要叫下蔬菜中和一下。羊肚耳蟲草花泡青蔬，雖然係普通既浸菜，但一樣保持水準唔會失望。總

見OpenRice評分唔錯決定去試下，點知服務態度真係令人好唔舒服，自問自己都態度好好。首先執枱，所有碗杯疊埋一齊隨手擺係枱中間，擺碟係拋架，拋完就走咗去，其它就由自己分番開啦，之後洗餐具，倒污糟水隻碗？滿咗叫咗4，5次拎多隻俾我倒，都係冇拎，最後我再叫多次，佢叫我自己去嗰邊倒，點解唔一開始就叫我自己去倒呢？要叫完又叫，之後叫加水，好似都係聽唔到咁，又係叫黎叫去先加。係全程黑面，真係冇下次，難得同屋企人飲下茶，俾錢又要睇人面色。

父親節梗要食得好，爸爸好鍾意中菜，當晚座無虛席，好受歡迎。御·鮮薈 套餐御膳佛跳牆灌湯餃每人一份，好足料，湯頭好清甜，巨型灌湯餃好足料，饀料有豬肉、蝦肉，加上爽口魚翅、厚肉花膠和原條海參，大人小朋友都啱食。沙薑豬手拼醬香小青瓜前菜一定要開胃，青瓜酸酸甜甜，豬手皮爽口彈牙，沙薑惹味。去骨黑白胡椒燒鵝皇燒鵝脾最正，燒得皮脆內嫩，鵝皮有豐富肉汁。孔門魚咬羊「淮陽浸釀海花斑」建議先飲魚湯，再食魚肉，魚肉鮮甜嫩滑，釀有滑溜肉滑，無腥味。紅茄鮮竹泡菜苗新鮮材料，清新之選乾煏金磚馬拉糕 特別鬆軟，加上甜品雪耳木瓜糖水，清甜潤肺

早前慶祝父親節，一家人出去食中餐，用togetda 訂購，有優惠，一早訂左位。御·鮮薈 套餐沙薑豬手拼醬香小青瓜豬手有香濃沙薑味，好入味，小青瓜酸酸地，口感爽脆。去骨黑白胡椒燒鵝皇燒鵝燒得好香，鵝皮特別有油香，肉質嫩滑有彈性，加黑白胡椒更加惹味。XO醬碧翠炒蘭花蚌XO醬鹹辣有致，蘭花蚌口感爽脆，加上西芹，木耳，爽口之選。孔門魚咬羊「淮陽浸釀海花斑」海斑肉質非常嫩滑，釀有滑溜蝦滑，熟度剛好御膳佛跳牆灌湯餃灌湯餃好大隻，皮蒲饀多，有爽口蝦肉，伴有海參、魚翅、厚身花膠和蟲草花，湯底甜加上雪耳木瓜糖水，好滋潤。

週末最佳活動 約埋一家大細飲個靚茶! 荃灣御名園位置係千色匯(荃灣既行街核心位置)，地點非常方便，酒家環境闊落空間感充足! 岩哂我地坐定慢慢傾下計兩款燉湯材料十足!!萬壽果南北杏燉鴿皇湯 – 個湯好潤好清甜，岩哂成日覺得熱氣既朋友!川貝椰皇燉鱷魚湯 – 小朋友久咳未愈，呢個湯岩哂! 牙仔覺得好好飲飲哂成盎!鮑魚燒賣皇 – 賣相好吸引! 燒賣皇入面粒蝦好大隻又彈牙!鮮味蝦餃皇 – 皮夠薄夠哂晶瑩剔透! 蝦肉餡料大大粒好飽滿!潤燒石岐乳鴿 - 乳鴿皮脆肉嫩 ， 胸肉夠厚多汁 好JUICY!極品花膠灌湯餃 – 買少見少既點心種類! 湯味好鮮甜 花膠大大片無欺場!蝦球福建炒飯 – 原先見到色澤比一般既福建炒飯深色以為會好咸，食落又覺得咸淡適中，炒飯底做得好香粒粒分明! 蝦球好大隻又彈牙!椒鹽魷魚鬚 – 香脆可口 魷魚好爽好彈牙!xo醬銀芽炒腸粉 – 微辣+微焦，香味撲鼻!餐後感非常良好，大家都食得好開心又滿足! 職員介紹我地下次試下小菜，上網經togetda 訂套餐會有優惠添!!!

荃灣區都幾多酒樓，要數CP值高，質素唔錯嘅可以揀呢間。今晚爸爸話想食中菜，我地就去左千色匯嘅“御名園”。之前都食過幾次，粵菜菜式豐富多樣，水準保持得好好，裝潢優雅，氣氛舒適。今晚我地叫左個💜御鮮薈四人套餐，都幾抵食....$988 購 4人盛 (原價$1976)經togetda 訂購四人餐有八道菜式🍴沙薑豬手拼醬香小黃瓜🍴去骨黑白胡椒燒鵝皇🍴御膳佛跳牆灌湯餃🍴XO醬碧翠炒蘭花蚌🍴孔門魚咬羊【淮陽浸釀海花斑】🍴紅茄鮮竹泡菜苗🍴乾煏金磚馬拉糕🍴精美甜品💜沙薑豬手拼醬香小青瓜呢度嘅前菜一向好出色！沙薑香茜豬手--豬手皮好爽脆，淡淡沙薑香及蒜醋香，汁都飲埋。醬香小青瓜，酸甜爽脆，餐前開胃小食，夠醒胃。💜去骨黑白胡椒燒鵝皇跟一般燒鵝不一樣，加入了黑白胡椒的秘方醬汁燒製，皮脆、肉嫩、油芳香，肥瘦適中，去骨後切片上碟，另有一番滋味！💜御膳佛跳牆灌湯餃灌湯餃大大碗，1人1份，外皮夠薄，餡料豐富，佛跳牆湯底好鮮甜，有齊花膠、鮑魚、海蔘、翅同蟲草花，足料鮮味並重！💜XO醬碧翠炒蘭花蚌XO醬炒蘭花蚌,甜豆,雲耳,黃紅椒，味道帶微辣，惹味又夠爽口。💜孔門魚咬羊【淮陽浸釀海花斑】原來這菜式有名堂喎！孔子學生找來

網站留意到 御名園經 togetda 訂套餐有優惠屋企人想食下點心，呢間都係唔錯嘅選擇位於荃灣千色匯，食完仲可以行街除咗點心之外．好欣賞呢度嘅燉湯✨ 萬壽果南北杏燉鴿皇湯熱辣辣真材實料．味道清甜不油膩間中真係要飲靚湯滋潤一下✨鮑魚燒賣皇燒賣上面放上鮑魚，顯得特別精緻✨鮮味蝦餃皇晶瑩剔透嘅外皮，包著大大粒蝦肉✨極品花膠灌湯餃大大隻灌湯餃，伴著爽彈花膠連湯都飲埋✨蝦球福建炒飯足料嘅炒飯，配上大隻又爽口嘅蝦球芡汁豐富，融入每粒炒飯之中✨味椒鹽魷魚酥炸得香脆嘅魷魚鬚，裏面嘅魷魚好新鮮✨石岐乳鶬乳鴿香脆睇佢細細隻 但又幾多肉✨乾清養顏棗皇糕加件棗皇糕作結尾，煙煙靭靭軟身嘅口感味道唔會太甜

又到一年一度的父親節。慶祝父親節最好的地方，相信很多人都會選擇酒樓，原因是一家人可以圍埋一齊邊食飯邊傾計。而且，酒樓那種親切熱鬧的感覺，往往就是最適合作慶祝用途。就家人方便，我們就一早預訂了位於荃灣千色匯I期的「御名園」，我們都相信御名園應該是全幢千色匯最好的酒樓。預訂了晚上8點正，去到酒樓時已經見到裡面人頭湧湧，歡呼聲不斷，非常熱鬧。因為父親節的關係，御名園的餐牌都對應地有所調整。除了圍餐之外，其實御名園都可以散叫單點菜式，雖然比起平時貴了一點，但亦是合理價錢，亦可以點一些自己喜歡的菜式，比起其他酒樓更加優勝。💓 1. 精品黑豚叉燒皇御名園以精選黑豚肉為材料，加入獨特的調味料和烹調技巧製成，弄得叉燒鮮嫩多汁，口感豐富，香氣四溢。而且，其入口即溶的感覺，絕非一般酒樓的質素，在食材、烹飪方法都比其他酒家更勝一籌。💓 2. 西澳洲龍蝦：上湯焗伊麵（約一斤四両）如果是四至五人的話，相信這份一斤四両的份量都會足夠。酒樓選用西澳洲龍蝦，食落肉質鮮美，口感滑嫩，而且啖啖肉，不用擔心厚殼而沒有龍蝦肉的問題。另外再混上上湯焗伊麵，伊麵充分吸收了龍蝦的鮮味，麵質亦都保持應有質感，不會變得軟瀨瀨。💓 3.

喺網上訂咗個優惠4人餐，近近地同屋企人去試吓～套餐一共有8道菜，當中見到有御膳佛跳牆灌湯餃、孔門魚咬羊同黑白胡椒燒鵝皇都幾吸引！御鮮薈八道菜「4人盛」沙薑豬手拼醬香小青瓜御膳佛跳牆灌湯餃X0醬碧翠炒蘭花蚌孔門魚咬羊甜品沙薑豬手拼醬香小青瓜前菜先嚟一碟沙薑香茜豬手同醬香爽脆小青瓜。兩款都係凍食，好適合夏天，前者豬手皮入口爽脆，帶淡淡沙薑香。後者帶咸酸，入口同樣爽脆，相當醒胃。御膳佛跳牆灌湯餃最期待嘅一道，本身鍾意食灌湯餃，今次仲要係佛跳牆灌湯餃！灌湯餃外皮夠薄，唔止入面餡料飽滿，佛跳牆湯底有花膠、鮑魚、海蔘、翅同蟲草花，真係好足料！XO醬碧翠炒蘭花蚌相對惹味嘅一道，XO醬帶微辣，除咗有蘭花蚌外，仲有甜豆、雲耳、黃椒同紅椒。所有蔬菜都好爽口。孔門魚咬羊黑白胡椒燒鵝皇最多道菜之中，我最鍾意依個黑白胡椒燒鵝皇！鵝皮燒得好光滑，皮下脂肪唔會太多，鵝肉嫩滑帶鵝香，熱辣辣食真係好香口！紅茄鮮竹泡菜苗除咗XO醬碧翠炒蘭花蚌外，仲有多一款蔬菜類，紅茄鮮竹泡菜苗，當日用咗小白菜，仲有少量腐竹同木耳，清清地可以去下膩～乾煏金磚馬拉糕食完以上咁多道菜式之後，仲有金磚馬拉糕，雖然只係每人一件，但當時其實已經好飽

荃灣千色匯樓上食肆繁多 卻樣樣吸引 五樓嘅御名園晚飯食海鮮中餐同樣高質 作為前菜小吃種類亦好唔同仲有果仁等等 脆口帶點鹽味晚市組合 金蒜銀絲蒸 空運聖子（4隻） 聖子每隻都好大隻 食落肉質豐富飽滿 彈牙唔韌 蒜香味十足 十分足料好食配一款小菜 菠蘿咕嚕肉咕嚕肉口感鬆脆 肥瘦均勻 一啲都唔會熟到過韌 醬汁酸酸甜甜 非常開胃星洲金沙脆魚皮估唔到份魚皮咁足料 鹹蛋黃粉舖滿係滿滿香脆嘅魚皮上面 香口入味蜂蜜柚子脆蝦球一樣外相姣好嘅菜式 甜甜嘅柚子醬加上帶點酸味嘅青檸 外層炸粉一啲都唔厚好薄身 蝦肉爽口新鮮 蝦子海味炆伊麵非常足料嘅主菜 伊麵味道濃郁卻食落唔油膩 加上各種菌類同蔥類作配菜 口感軟糯

我最近去了荃灣一間酒家“御名園’‘ @royalminggarden上網看到經togetda 訂購套餐還會有更多晚市套餐有優惠，我中午2:00點去到，點了不少小食和點心，其中讓我印象深刻的有兩款燉湯也很不錯，雪梨椰皇燉竹絲雞湯和瑶柱冬瓜燉響螺湯，都很足料，讓人喝完後感覺身體充滿溫暖。有椒鹽豆腐和椒鹽鮮魷，口感香脆可口，是不錯的開胃小食。店員推薦他們的空運聖子，配上豆豉煎米粉，鮮甜美味，是一道非常值得嚐試的菜品。精美點心方面，鮑魚燒賣皇、醬皇金錢肚、安蝦咸水角、千層飄香榴槤酥和乳鴿都很好吃。其中千層飄香榴槤酥是我最喜歡的甜點之一，外皮酥脆，內餡香甜，非常美味。最後，腐皮卷和蝦網腸也是令人驚艷的小點，口感鮮美，非常適合當作開胃小點或下酒菜。總體來說，這酒家的燉湯和點心都很不錯，味道和口感都很出色，是值得一試。 小食： $78 兩款椒鹽豆腐、椒鹽鮮魷兩款燉湯好足料：雪梨椰皇燉竹絲雞湯$33.8 瑤柱冬瓜燉響螺湯$43.8海鮮：空運聖子 4隻（豆豉煎米粉）$188精美點心：鮑魚燒賣皇 $38.8醬皇金錢肚 $30.8安蝦咸水角 $26.8千層飄香榴槤酥 $30.8乳鴿$58腐皮卷 、蝦網腸 $

御名園中菜館， 荃灣千色匯分店， 以中式佈置， 相當優雅， 樓底高， 比一般中菜館寧靜舒適。餐前小吃：椒鹽炸魷魚鬚 $68新鮮炸起的椒鹽鮮魷， 熱燙香脆 ， 外皮脆漿厚薄適中剛剛好， 入口鮮味帶嚼勁， 口感一流， 再 沾上喼汁， 滋味加倍提升。龍鳳配孖寶：西澳洲龍蝦/半分配金湯焗伊府麵 + 乾蔥頭抽文昌雞半隻 $338時令的西澳洲龍蝦，分量相當大，用芝士烹煮， 龍蝦肉鮮美彈牙， 啖啖肉的口感，十分爽，精華盡在於伊麵中，煮得剛好，不會過稔，完全吸塑了龍蝦汁及芝士的精華， 滋味得讓人停不了口。乾蔥頭抽文昌雞， 雞隻十分肥美， 雞肉軟嫩可口， 特別喜歡牠每口都有淡淡豉油及乾蔥頭香氣， 相當惹味，完美融合。馬拉盞豚肉啫啫芥蘭 $118打開砂鍋蓋， 即時馬拉盞香氣撲鼻， 翠綠的芥蘭，不但爽脆， 還有濃郁馬拉盞的鮮香， 相當惹味， 豚肉肉質爽口彈牙， 充滿鑊氣，滋味的家常小菜。木瓜雪耳糖水/免費飯後每位客人送上，熱燙燙木瓜雪耳糖水， 甜度適中， 好滋潤養顏，我喜歡的中式甜湯。