御石燒 (Closed)

係廣華醫院附近嘅廣華街成條街都係食店都有好多種類選擇唯一呢間鋪外觀吸引了雖然都係一般日式店舖裝修但係店舖好乾淨好舒服入面係食石板燒牛🐂同豚肉🐷選擇有(極上級吉列牛,極上級黑松露吉列牛,特級牛小排,豚肉只有一款)仲有野菜鍋同埋吉列豬扒飯仲有原條鰻魚飯選擇👍🏻啱晒同行朋友仔不同口味同男友倆個都係牛摩王所以都係選擇了石板牛可以加$35 追加套餐(糖心蛋+紫菜珍珠飯+麵豉湯)飲品另外追加👉🏻極上級黑松露吉列牛外層炸皮加入了黑松露煎完後帶點焦香味😋牛脂分佈剛好👍🏻👉🏻極上特級牛小排牛味道濃d 油脂比較少d 追加套餐糖心蛋真係好juicy追加套餐麵豉湯唔會死鹹味追加套餐紫菜珍珠飯好細心枱面有圖寫點樣食👉🏻宜家係網上相關平台link 有HD雪糕送👉🏻飲品有冇酒精及有酒精選擇

放工約左朋友去旺角,旺角地鐵站附近周圍都好多人,所以決定行遠少少去廣華街食飯,經過御石燒,見到門面好日式又幾新淨,價錢又唔貴,決定入去試下。入到去鋪面唔大,但唔會坐得好迫, 日系裝修簡潔。餐廳用QR code 落單,同朋友叫左一人一個set,叫左一個燒肉set,一個吉列豬排set share。御燒特級牛小排 $158牛小排份量都唔少,兩邊燒燒就食得,生熟可以自己控制,肉質嫩滑,都有牛味,唔錯。另外要讚下店員細心,我地都無為意個爐冇火,但店員留意到主動過黎幫我地加。上級吉列豬排 $95吉列豬排賣相唔錯,炸到金黃色,上枱時候熱辣辣,咬落啖啖肉,唔會好柴,沾埋豬排醬汁幾好食。

🔥🥩【 御石燒 】🥩🔥⋄ —————⧫♟⧫————— ⋄人在旺角諗唔到食乜好，天氣咁凍不如食燒肉😜嚟到廣華街「御石燒」，店面小小，坐滿了7、8成客人❤️‍🔥呢度主打日式石燒牛，肉類由日本直接空運到港，非常期待🤩點咗「御燒特級牛小排」，份量多，牛肉富大理石紋脂肪，肉味濃郁👏🏻🐂自己動手燒更可以掌握不同生熟程度：燒得生一點，肉質鮮美，口感柔嫩☺️👅有時顧住影相，唔小心燒得太熟，質感厚重，表層焦脆，又係另一種享受😋強烈建議加$35配埋紫菜味素飯、流心蛋及麵豉湯，超豐富、超抵食🤭 添加咗飯素嘅白飯更加有風味🍚流心蛋、麵豉湯亦屬正常發揮✨值得一讚嘅係店員服務殷勤，酒精蠟一熄滅，佢哋就會立即更換，非常細心🧡而家佢哋有新張優惠，只要follow佢哋社交平台，再影張相放上網tag返佢哋，就可以獲贈Häagen-Dazs雪糕一杯🍦🫶🏻⋄ ┄ ┄ ┄ ┄ ❖ ┄ ┄ ┄ ┄ ⋄🥩御燒特級牛小排（$158）🍙紫菜味素飯+流心蛋+麵豉湯（+$35)⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：御石燒 (旺角)旺角廣華街2-20號翠園大廈二期地下10號舖⋄⋄

今日二人又嚟旺角覓食本身已經掃緊兆萬對面條街行到街尾附近見到呢間啲肉要放喺石頭上面燒都幾特別 咁就入去食個正餐每人一份套餐 +$30可以升級有埋飯素、溏心蛋同麵豉湯- - - - - - - - - - - - - - - - - - - - - - - - 
1. 御燒特級牛小排+ 御燒極上級黑松露吉列牛同出面啲烤肉餐廳唔同嘅係佢係利用石頭代替鐵板每人烤牛想要嘅熟度都唔同有啲想要全熟 有啲就生生哋都得呢度每人一個烤板 唔使煩啦XD同埋又唔使爭幾時到自己烤可以好好享受烤肉樂趣石頭嘅傳熱能力冇鐵板咁高但好處係可以快啲烤熟肉嘅外層內裡就保持到嫩度同埋多汁對於想食熟啲牛肉嘅人嚟講咁就唔使怕為咗等入面熟啲外層就會燶晒嘅現象啦牛小排本身冇醃過烤完會有自然牛肉鮮味或者點啲甜甜哋嘅燒汁助味黑松露吉列牛有啲唔同外層多咗黑松露嘅炸衣包住烤緊嗰陣黑松露味慢慢釋放出嚟牛肉同埋黑松露味一淡一濃做到互補 同時提升牛肉鮮味外酥脆內軟嫩 炸衣增加口感層次

旺角最近新開咗呢間石燒牛，價錢親民，除咗招牌石燒牛之外，仲有得食蓋飯同埋日式鍋物，今次就同朋友來食下石燒牛，有得食又有得自己燒，生熟程度任由自己控制，諗起都流晒口水啊～御燒極上吉列牛💰HK$128 +$35(轉紫菜味素飯+流心蛋+麵豉湯)吉列牛份量超多，每一塊都勁大塊夠厚身，喺石板上煎完之後好香，外層嘅炸粉燒完之後有外脆嘅效果，而入面嘅牛肉肉質嫩滑，流心蛋亦入味，紫菜味素飯同啲牛肉超夾，令人忍唔住食哂成碗～御燒特級牛小排💰HK$158呢個套餐就冇升級到，晚餐本身包咗一碗珍珠米飯，飯嘅口感煙煙韌韌！牛小排肥瘦均勻，牛味濃郁亦比較少筋，口感軟淋淋，輕輕一燒再點埋燒肉汁，超好送飯！想體驗原汁原味嘅牛肉就一定要試呢到啲牛小排啦～值得一提，店員服務態度超好，即使係繁忙時間得一個人做野，佢都好有耐心教我地點燒，又會留意到我哋個火就快燒完，主動來幫我哋加火，大讚👍🏻

之前食過幾次吉列牛，自己都幾鍾意食，所以今次試吓呢一間，地點近旺角同埋油麻地地鐵站，所以都好方便。御燒極上級黑松露吉列牛 配味素飯 HKD 148 - 第一次食黑松露吉列牛，我覺得比平時嘅吉列牛再香啲！一開始店員比一個石燒嘅爐我，上面會包埋一個肥膏，以自助形式自己想有幾熟就燒到幾熟（建議每邊3分鐘燒到焦香），牛有啲部位有筋，不過大致上都好香有牛味，配上吉列嘅邊位好香脆，建議吉列嘅位都燒一陣，咁就可以食到外邊脆卜卜，入邊軟身嘅感覺 。醬汁更加可以提升牛嘅味道，層次感再豐富啲！味素飯正常發揮。環境坐位都幾舒服，午餐除左石燒仲有丼飯等，價錢都幾親民，下次會試下其他😁

好耐冇出街食飯呢晚約咗朋友 佢話想食吉列牛喺openrice搵到附近有御石燒就去試下裝修小巧但精緻QR code落單夠晒環保我要咗御燒特級牛小排$158加咗$35有紫菜味素飯、流心蛋同埋麵豉湯擺盤好靚 份量好大先燒一燒牛油 再放牛小排上去卟滋卟滋 油脂開始湧出嚟見到都流晒口水🤤兩邊各燒幾十秒 帶有少少嫩紅色就已經食得食落去牛味濃郁 香而不膩 肉質又夠滑厚道適中 剛好有少少嚼口 牛嘅香味可以停留喺口腔好開胃好好食😋個飯配料十足 飯素俾得好大方 讚👍🏻流心蛋夠滑夠流心 食牛嘅時候有流心蛋真係好加分🫶🏻麵豉湯都好好飲 so good朋友要咗御燒極上級黑松露吉列牛$148台上面有教學 兩邊要各燒3分鐘外面嘅吉列唔厚粉 食落去香脆中帶牛嘅軟滑牛肉亦係冇得輸黑松露味道喺後面慢慢浮現 好香好好食值得一提呢度嘅service好好會keep住留意我哋嘅需要冇火嘅時候都會主動幫我哋加可以邊食邊傾計 perfect night!

這個位於旺角廣華街的燒肉店朋友推薦了我一段時間，今天就去試一下！御燒極上級黑松露吉列牛 $138牛肉外層用麵包糠裹上黑松露炸過，所以第一口口感會很酥脆，而且黑松露的香氣會在口中散開。每邊燒上3分鐘後就可以開吃啦。❤️ 期間石爐的火用盡了，店員馬上為我們添上新的火種，很細心呢！御燒特級牛小排 $158牛小排肉質鮮嫩，油脂分布十分均勻，而且牛味香濃，店家提供的燒肉汁我都沒有用到，享用牛肉就已經很滿足。🥹還有，每份肉可以+$22享有紫菜味素飯+流心蛋+飲品呢！店家裝修以雲石為主，而且枱凳乾淨，不會有油膩膩的感覺。而牆上各有日式相片裝飾，感覺十分清雅。

有一個鐵板辣吓辣下啲牛肉呢樣嘢好似前一牌都輕過，不過平時行街又好似唔會特別見到，今日去咗旺角食呢一間御石燒。堅拒裝修幾新淨，價錢又相宜，見佢啲相份量都幾大碟。兩個人食，每人叫咗一個餐:御燒特級牛小排($158): 套餐有跟白飯，可以轉沙律或者加錢轉紫菜味素飯。仲可以加配汽水($12)。大概等咗幾分鐘就上菜，速度幾快。牛小排份量都真係幾多，我呢啲有15篇，而且都幾厚切。餐廳好貼心喺枱面會有一個紙牌教你點樣燒，每邊大概3分鐘就可以食㗎啦。新鮮燒好嘅牛小排再點咗少少醬汁撈埋飯食簡直一流。而且牛小排材料新鮮不特止，而且質素都幾好，唔會有好多筋，而且肥瘦都分明。御燒極上級黑松露吉列牛($138):其中一個餐跟咗麻煩，所以呢個餐轉咗做沙律。同樣都係等咗幾分鐘就上菜。自己覺得呢個好食啲，因為新鮮燒起，個皮仲係好脆，真係做到新鮮嘅吉列牛嘅感覺，唔點醬汁都好夠味。黑松露味唔會蓋過咗牛肉嘅鮮味。總結：侍應好有禮貌，而且換燃料嘅速度都好快，大概就黎燒完，d火冇咁勁已經會好醒目咁樣過嚟加。總會周不時過嚟睇吓塊石板有冇移位，好貼心☺️下次嚟食嘅話一定會食吉列系列，真係做到好脆好香口嘅感覺，而且價錢都唔貴。

星期日和老公到旺角御石燒吃吉列牛。餐廳用QR code下單，很方便。吉列牛和牛小排都很好吃，而且不用加一，好抵食。御燒極上級黑松露吉列牛吉列牛厚身，有教學如何燒它，吃起來很軟嫩，外皮脆脆的，還帶有黑松露味，很高級。御燒特級牛小排牛小排比吉列牛薄一點，但相對比較多片，吃起來牛味十足又不柴，可以蘸柚子醬或鹽吃。加$35有紫菜味素飯、流心蛋、麵豉湯，飯很大碗，而且紫菜味素加得很足。加$12有汽水，有不少選擇。

黎開旺角唔知食咩好 咁啱見到呢間餐廳嘅餐牌都幾吸引 於事入去試下啦!呢度係日式嘅裝修 餐牌嘅晚市推介有幾款菜式 係唔同嘅牛肉黎嘅 有石燒亦有火鍋入到去就聞到成間餐廳香噴噴 所以我地都叫左燒肉set!呢到嘅set 配左飯 亦都可以加錢配素飯流心蛋麵豉湯 同野飲!一上菜即刻聞到好香嘅燒肉味! 因為佢擺咗一嚿牛嘅脂肪係個石燒上面 咁之後燒嘅時候就唔怕會黐底! 呢度仲好貼心咁樣教你石燒四部曲!特級牛小排牛小排嘅數量都幾多 而且配咗白飯同埋醬汁 我地冇燒到全熟 燒得啱啱好 唔會好韌 而且好有牛嘅香味!極尚級黑松露吉列牛吉列牛外面嘅黑松露好入味! 一路燒一路已經聞到好香黑松露味!但係由於呢碟牛比牛小排厚 所以燒嘅時間就要耐啲!特別一讚呢度嘅店員非常之細心 每當見到爐火就嚟燒完嘅時候都會即刻幫你換火種! 

響旺角行街行到夜晚就九點以為冇野食，點知撞到間好野🤩～見到新開左間石燒吉列牛。環境簡單日系，都坐得ok舒適～服務員有禮熱情，食物上枱後有詳盡解釋點整好食d👍🏻👍🏻～食物方面份量比我想像中多～食得出牛既質素係靚既，D吉列炸邊冇甩出黎要讚👍🏻👍🏻～因為d牛牛味夠，我覺得唔用個燒汁會鮮味d，如果有埋玫瑰鹽應該仲正🤔～係個火略為快熄左少少🤣不過服務員一見到就會幫你加返粒炭精👍🏻會再去幫襯👍🏻

旺角一向美食多，見到呢間賣點係即燒牛肉，於是同友人入左呢間試吓御燒特級牛小排石板燒上面有塊脂肪，可以係石板塗上一層油，方便燒牛時免痴底。係紅紅烈火嘅石板放上牛小排，每邊燒大概3分鐘，油脂豐富，成個口腔都充滿牛肉鮮味。再係白飯放上味素，連同牛肉送飯一流～溏心蛋煮得岩岩好，唔會太熟，蛋味十足！御燒極上級黑松露吉列牛牛嘅外圍配有黑松露包住，咬落去好濃郁嘅黑松露味，而且帶有濃濃嘅牛肉鮮味，好滿足！店員仲好貼心，見到我地無晒火，仲會主動幫手加火，呢個舉動值得一讚。最後，飲品方面叫左烏龍茶，可以中和一下之前嘅飽膩感，為呢餐畫上完美句號！

太耐冇放低妞妞同老公拍拖！今日老公拍板搵咗間石燒定食嘅餐廳，就喺花園街附近，呢邊多咗好多唔同嘅餐廳，好想試勻晒！！！.一人揀咗一款，交換食就可以試多款口味啦！加埋紫菜味飯素、流心蛋同飲品，真係食到好飽！ 一上菜店員提醒要拎嚿牛脂肪逼一逼啲油出嚟慢慢燒，咁就唔會癡住嚿石，燒嘅時候就會輕鬆啲！.御燒極上級黑松露吉列牛雖然話係吉列牛，但其實佢嘅麵包糠只係剛剛好滾咗一圈，食落都為口感增加微微嘅香脆感，而肉質柔軟唔會韌，牛脂嘅香氣加埋黑松露香氣，好有驚喜！.御燒極嫩牛舌芯平時牛舌就食得多，牛舌芯真係好小有！因為係牛舌最甜、最滑、最好味嘅位置，用石烤燒到外香內嫩，口感彈嫩有肉汁！.店員會Keep住留意大家啲石燒板，一唔夠火就會即刻幫手返嚿固體酒精，仲會叫客人收起眼鏡同電話，小心彈到油𠻹！.#msmessypig_food

真係好耐未食過日式石燒，突然興起好想食，於是就上網搜尋，結果俾我搵到一間好高質素，日式石燒，真係好吸引，呢間石版燒肉店，位置響油麻地附近，非常方便，真係好啱一家大細，情侶或者一大班朋友嚟啊，呢間石板燒店分店越開越多，佢哋嘅餐牌有好多選擇，有豚肉燒，吉列牛，牛小排，每一碟份量十足，肉質鮮嫩，而且賣相吸引，真係一定要來試吓，而且佢哋嘅牛肉鮮嫩多汁，牛肉味濃，配上埋佢哋提供嘅醬汁一齊食，甜甜地，又唔會開過佢哋嘅牛肉鮮味，仲有佢哋嘅紫菜飯，都一定要試吓，同白飯味道好夾呀，而且呢度嘅服務質素都好高，是非常主動，員工都好有笑容，一入舖頭，主動比熱茶俾客人飲，有賓至如歸的感覺，真係食得好舒服，而且呢度嘅裝修都好乾淨，仲有獨立廁所，所以非常方便，而且佢哋嘅特級牛小排都係$158 ，仲有麵豉湯，真係好好食🤤🤤🤤🤤