皇茶 (Closed)

成個月冇喜茶飲可以點？試下香港既芝士奶蓋囉呢度有好多款芝士，我點左最穩陣既抺茶。目測個芝士奶蓋超過5cm甘厚個蓋設計十分奇特，開又開唔到，閂又閂唔到，真有趣芝士奶蓋幾咸，好厚好實，飲兩啖之後就淨係飲到下層既抺茶，抺茶幾香，唔會好甜。層奶蓋痴實係抺茶上面，點倒都飲唔到，要開蓋用飲管吸。仲有英文menu好多優惠如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

作為一個芝士控，只要是有芝士奶蓋，基本上我都會去試，不論中伏與否，試過國內喜茶既芝士奶蓋後，好想飲返有喜茶咁rich 咁creamy 既芝蓋， 但香港有好多連鎖店既芝蓋都好稀，所以專登上網睇有邊間推介，就搵到皇茶今次試左芝士奶蓋伯爵茶，同雜誌推介一樣，個芝蓋夠哂多，又rich 又creamy, 除非自己專登攪均佢同杯茶，否則飲到最尾都唔會溶埋一齊個茶我就覺得無乜太特別，飲完杯茶已經飽哂佢間鋪好細，只有一邊向街，幸好我買既時間係5點，如果多人排都幾阻街如再經過附近都會再買

珍珠奶茶次次飲完都醉茶feel 兼且珍珠唔夠冧，外面糯軟，但中間硬，煲得唔夠耐。不過甜度ok，不太甜。唔會再買第二次。百香果茶的糖，水果味太濃，成陣味好假，麻麻地。

超濃奧利奧朱古力 $30.睇review 好多人話哩間芝士奶蓋好飲 所以我又路過跟風飲下😂😂😂.大熱天時唔飲返杯野真係對唔住自己 冇乜人排隊更加好🤣諗左陣就揀左上次東喜茶飲過既芝士朱古力 咁先有得對比嘛🤔.價錢黎講都幾抵飲 $30就有咁大杯 個芝士奶蓋都幾厚下 佢係我飲過咁多間之中最重芝士味 真心覺得可以試下呢🤗個面有勁多oreo碎 覺得好幸福.之但係個朱古力係酸既😕我飲到香橙朱古力咁既味 但我個人鍾情於純朱古力 所以覺得麻麻地 之但係我覺得都值得一試既😊只係朱古力唔岩我口味

今日要去hktvmall攞貨 就順便黎埋附近既皇茶買野飲佢舖頭細細 有兩個Staff喺入面皇茶既飲品都幾特別佢好多現泡茶同埋水果茶我記得之前有人介紹過佢既芝士奶蓋話係用Cream cheese自己打出黎佢仲話只有用真正cream cheese打出黎既奶蓋先會慢慢溶入杯野飲度 唔會企喺上面舖頭見到佢痴左張紙話係用Anchor cream cheese估計因為咁成本較高 所以加奶蓋要成$7我叫做伯爵茗茶加奶蓋奶蓋上面加左少少綠茶粉微微加添左d茶味佢個奶蓋果然係貴得黎有道理一入口超滑 芝士味好濃但唔會係得一股鹹味 佢調味調到鹹甜之間攞倒個好好既Balance香濃既cream cheese令人飲唔停口Earl Grey係現泡茶 見到佢即刻攞茶包去泡但可能泡得唔夠耐 我覺得唔夠濃不過我本身係鍾意飲好濃既茶雖然唔濃Earl grey味但淡淡清香既茶味同香濃奶蓋反而更夾淡茶味更能突顯到奶蓋既味道d奶蓋果然好快會溶入d野飲到特別依家天氣咁熱 買完要快d即刻飲啦

呢個係超濃oreo抺茶飲品，好飲呀～因爲oreo碎好多，飲完都覺得好濟，本身又中意濟野抺茶暖口，不過因為冬天所以覺得有啲吾夠熱，但味道係十分好～希望試埋個芝士蓋～

話說大陸近排好興飲某品牌芝士奶蓋茶，一開波要排隊排幾個鐘，仲要俾人炒到成舊水一杯後尾我飲過一次，個奶蓋嘅奶味同咸味的確比較重，不過除左個奶蓋又好似無乜特別咁。某日收工口痕想飲杯奶茶，見到北角開咗間皇茶，諗返起喺大陸飲個杯奶蓋茶，所以想試吓香港同大陸嘅奶蓋茶有咩分別。始終比較少人喺度等（夜晚9點幾），所以職員好快就整好杯嘢飲俾我。個杯嘅設計同大陸飲開嘅一樣，都係想你飲咗啲奶蓋先，然之後再試吓茶嘅味道。個奶蓋一如所料，芝士味係幾濃，所以奶味咸味比較重，亦唔似一般奶蓋咁「漏」，加上綠茶粉點綴，算係中和番少少咸味，味道不俗。不過溝落茶入面嗰陣，奶蓋嘅特色就無發揮出嚟，同普通台式奶茶無乜分別，所以純粹係奶蓋特別，整體就一般啦。香港呢間價錢就比大陸平好多啦，我叫左杯皇芝士奶蓋紅玉茗茶都係22蚊，比起大陸23蚊人仔一杯的確平啲嘅～試吓都ok，不過就無一試再試欲望啦！

The nasty summer is here so decided to fix my thirst with this strawberry drink.I thought it was fresh strawberries but evidently there are lots of strawberry puree floating in the drink as you can see it swirl and the colour is dark as fresh strawberries give a lighter colour.There were some real strawberries but frozen ones.The taste was ok but I would not return as this other brand's strawberry is better.

經過熱熱地又黎飲返杯消暑飲品😝一排冇黎，見佢地出左好多新飲品😂😂今次就試左佢地既新產品♥️芝士芒芒🍹平時飲開佢地既茶底加芝士既，但店主今次就介紹我飲呢個期間限定產品😝（因為我見佢期間限定每杯減$10，所以就試一試😂）初初都覺得芝士同芒果係2樣野黎原來佢地2樣野係幾夾👍🏻（我個人本身驚太甜，所以店主幫我整左杯少甜。又健康又唔太甜😉如果減肥朋友可以半糖呀）用新鮮芒果汁再加芝士係上面，口感好得意！🤗其實仲有西柚同埋士多啤梨味，下次可以再試下先！希望個期間限定減$10唔好咁快完😂😂

6個小時排隊買奶茶?! 玩甘大？喜茶 vs 皇茶 !話說正正因一次工作關系 上左廣州 打發時間之際 去左排喜!茶! ✌🏻雖然唔使排6個鐘隊但排一個幾鐘俾錢落 Order 又等個幾鐘先有得拎🤢🤢🤢講就好似無特別 只係排長龍店而已 😪但對我黎講真係攀山涉水 但真係好！好！飲！在下港女推介值得一排🙌🏻聽聞喜茶前身叫皇茶 呢間北角既皇茶 唔知佢地大家有無關係呢?! 🤔但對於我黎講我呢刻需要既係一杯芝士抹茶! 我唔介意做白老鼠探路試味🤤我要求其實好簡單好嘅芝士抹茶原則係多！芝！士！如果唔係的話貢茶都可以過pass la 😓😓😓呢間皇茶唔小野加😲芝士奶蓋竟然有足足有杯蓋去到Logo甘厚 只差喜茶一點！芝士面仲跟到足有抹茶粉但今次既小確幸係芝士係源於澳洲Blue Cheese(資料源於八卦之男朋友同店主 social 得知😩) 芝士既味道係會令人覺得幸福加！！！但係獨飲一杯實在令人飽飽滯滯 最後都飲剩1/4 個份量好難預😣 一杯兩個share太唔滿足 獨飲又滯 所以醒個friendly reminder俾大家 飮之前唔適宜太飽😂又或者試下芝士伯爵茶 可以中和到令人飽滯既芝士！            

今日同老公明明約左朋友係北角拎野，拎完野，都係忍唔住要專程由北角行番去炮台山，就係為左杯一杯芝士奶蓋．．．其實上次都唸住下次再黎，就要試下新野。但今次黎到，都係忍唔住叫番皇芝士宇冶抺茶。皇芝士宇冶抺茶$24 - 依然保持到水準，芝士奶蓋好厚好滑，抺茶味香濃，忌廉芝士有鹹香，抺茶同芝士配搭真係特別夾，所以暫時仍然係我嘅至愛。皇芝士紅玉奶茶$24 - 紅茶味道好濃，濃濃嘅茶香，甜度適中，再配以芝士奶蓋，原來都好夾。

話說好耐之前睇過某雜誌關於芝士茶比拼呢間皇茶得分最高 一直都好想試今日出開去北角, 就特登早兩個站落車去試,証明我地幾有誠意~~ (為食就真..)一望menu, 嘩, 有咁多款揀, 款款都幾特別, 唔係平時連鎖見慣見熟0個d "行貨"我地心大心細揀左差唔多5分鐘, 哈哈哈見到cashier 擺左"芝士美莓"張相, 超吸引, 一於叫佢啦!!!!另外再叫多杯百香果多多, 都係新產品~~嘩~~ 杯"芝士美莓"整出來真係好靚呀仲要有粒士多啤梨0係面架店員教路, 如果想同一時間飲到芝士+茶, 要45度角大啖飲落去!雖然會飲到咀邊都沾到芝士, 冇乜儀態但係大家一定要試下咁飲因為真係好好味!!! 咸咸地的芝士濃味會中和返果茶的甜味成件事好夾~~ 正呀!!!!!! 同某連銷0個D 起司奶蓋真係爭好遠!!!!!另外0個杯百香果多多都ok, 有d 粒粒唔知係咪果核呢, 都幾有咬口, 幾清新!!!!!我地下次要再試埋其他茶先得, 大滿足!!!!!

皇茶 - 之前同朋友係深圳東門飲過一次抹茶奶蓋，試過之後一試難忘。返到黎就serach下香港有無。原來香港得一間，就係炮台山電器道。咁難得去開果頭拎野，就梗係要再飲多次啦。行到去，人唔太多，好快就可以落單，唸都無唸，就叫番同上次一樣。皇芝士宇冶抹茶 - $22 芝士奶蓋依然香濃，奶蓋好厚好滑，有忌廉芝士嘅鹹香。抹茶味重，大口大口連抹茶一齊飲，唔太甜，味道好夾。皇芝士桃香烏龍 - $22 芝士奶蓋同樣香濃，奶蓋好厚好滑，有忌廉芝士嘅鹹香。但就完全飲唔出有桃香味，整杯只有烏龍茶味，似烏龍茶奶蓋多一點，下次可以試其他口味。相比起另一杯，抹茶那杯會比較出色。

皇茶Royaltea係大陸品牌, 係北角同旺角都見到有, 咁就買杯芝士奶蓋黎試下啦, 點知一飲就中伏, 勁難飲, 事後再check番, 因為大陸太多假野, 皇茶已經統一改左名唔再叫皇茶, 係香港有大陸牌子都唔緊要, 仲要係山寨!!無下次!!再留心睇番, 旺陸同北角兩間個英文名同logo都唔同😂霞姨~~~

之前睇 Facebook 見到佢地有芝士蓋茶，行過買杯試吓，唔錯！首先店員係用茶包現場沖壓，唔係沖好哂倒茶出黎嗰種，跟手再打個芝士蓋，雖然等左一陣，但杯成品起碼睇得出唔係 HEA 做。講返個味道，烏龍味好出，桃味亦都好夾，唔會太甜，飲到嗰種清甜嘅茶味；個芝士味好香，唔會好鹹，我原本都驚會蓋過左茶味，但飲落嗰種鹹香，同尐茶味好夾！推薦！不過最想讚都係店員嘅服務態度，好親切咁講解茶嘅品種同飲法，唔會好似旺角嗰尐趕頭趕名又黑面...加油呀，支持小店！