同心泰國菜館

Open Now

Now Closed

今日成班team-mate約食飯,睇過食評都評價ok,咁就一行7人直入九龍城。因為一早book左既關係,所以去到都唔使再等位,即時入得。一黎就叫左幾個小食:泰式豬頸肉: 平時食靚豬頸肉係用肥美黎形容,但今日就唔算肥美,加上特式醬汁都叫合格串燒雞肉+豬肉: 燒得岩岩好,又juicy,不過差少少調味,得個咸字,加埋沙嗲醬都唔太覺有風味炸春卷: 炸得好香脆好熱,配個special sauce,正!!!燒魚: 裡面應該放左香矛,但食落無香矛味,好似一般鹽燒魚,不過燒功真係好有水準通菜+椰菜苗: 炒得好香豬手: 唔係我叫,都唔知菜名,食落有少少似鹵水咁,好好味ps:今晚d菜都上得幾快~比姐姐一個叻!! 

有好幾次經過呢間餐廳, 都好有衝動想試, 但次次都因為某d原因而變左"過客"。今次係九龍城食dinner, 正當諗緊食咩好gei時候, 哈哈!!提議左佢--->同心泰國菜館好多時去食泰國野, 都幾鐘意自叫個沙律lei醫下肚仔先, 所以食左少少, 先記得影相沙律比想像中辣, 但份量都幾多下, 算抵食。半打串燒(3豬, 3雞, 因牛賣曬), 哈哈!!又食左3串, 先記得影相菠蘿炒飯就食得多啦, 試下椰子炒飯啦!呢個做型好似座塔, 一動少少, 就…..成座野都塌左…食得有d狼狽。飯沒什麼味道, 但勝在真係有一片片gei椰子肉, 整體都勉勉強強ok。今晚最好味係呢條魚, 肉質算滑, 再加上陣陣gei香茅味, 哈哈!好好食~

一個中午，與友人來到這間泰國菜館吃飯，因是平日，餐館內客人不多，拿過餐牌，各自選擇了自己較為喜歡的食物後，便一同享用。在「黃咖喱雞飯」、 「香葉肉碎飯」和「鮮蝦炒金邊粉」三者之中， 「香葉肉碎飯」是較好吃的，辣度夠，既惹味，又開胃。比較之下，咖喱不夠香濃的「黃咖喱雞飯」顯得較為平凡，而「鮮蝦炒金邊粉」的蝦既不多，味道亦不太突出，也未能像「香葉肉碎飯」般香辣吸引。同場加映的還有散叫的「牛肉串燒」、「雞肉串燒」各兩串和「炸蝦餅」。串燒水準普通，未算出色，新鮮熱辣的「炸蝦餅」則口感彈牙，香口好吃，成為這頓午餐的最大亮點。

約了家人吃飯，地點選在大家都甚為方便的九龍城區。都有好一段日子沒有吃泰國菜了，那便來以前吃過，印象不錯的「同心泰國菜館」吧！沒有去環境較差，裝修較舊，位於打鼓嶺道5號，就在這間新店旁邊的舊店，去了這間位於同一街上11至13號，環境較佳，裝修較新的新店。這店的環境是可以的，就是人手太少，特別是我們來的時候正值其中一兩個泰籍女侍應下場收工的候，想找其他泰籍女侍應下單也不太容易，幸好這次所叫餸菜與前次幫襯一樣有挺不錯的水準，總算沒有讓自己和家人失望。這次吃的菜式，有些是前次已經吃過的，有些則是新叫的，當中包括「泰式鴨肉湯河」、「蝦醬炒飯」、「咖喱汁蒜蓉包」和「芒果鴛鴦糯米飯」。「泰式鴨肉湯河」仍舊好吃，湯味清甜，索了湯汁的鴨肉與河粉十分入味，是一碗好味的河粉。「蝦醬炒飯」的擺碟沒有前次般整齊討好，亂糟糟的，幸好味道沒受影響，雖然蝦醬味道不夠濃，整碟飯的水準仍令自己滿意，炸過的肥豬肉香脆可口，蝦米、雞蛋絲與酸木瓜絲也豐富了整碟炒飯的味道。「咖喱汁蒜蓉包」有六件蒜蓉包，我們一行三人，正好一人兩件。這天的「蒜蓉包」雖然不是十分燙熱，仍算香脆，蒜蓉雖非太多，但蘸上七分甜，三分辣的咖喱汁後，仍然甚為美

一早訂左位, 一行六人黎到就叩野食慶祝朋友生日叫左幾個餸 食泰國野必食椰菜苗 味道唔錯只是份量小了一點蝦餅即叫即炸, 好熱, 好爽 蝦味幾重, 食得出幾新鮮而且好足料 最愛食既泰國菜 : 生菜包 味道頗辣, 好爽xD (而且有點酸, 幾特別)分量幾足, 六個人都夠食菠蘿炒飯好食 炒得幾乾身, 而且好多菠蘿xD加埋肉鬆食好好食, 愈食愈開胃 最後推薦係咖哩蟹 辣唔太辣, 椰汁味略重 (唔食辣既都食到!)個汁好好食, 用黎送法包一流 (可以另外叫)蟹好新鮮, 肉好多膏都唔少, 趁熱食最爽

今日同朋友一行4人黎食,order咗無骨酸辣鳳爪沙律 ~ 唔夠入味,但個汁好好味木瓜沙律,夠酸夠辣,個汁調得剛剛好,yummy!!生蝦刺身,d蝦身夠爽,但今次個汁調得偏咸,唔夠酸唔夠辣,有d失望ar!!豬肉生菜包,都係切得唔夠仔細,大大粒,又唔辣,唔好食,前後俾咗兩次機會,下次唔會再order咖喱炒蟹,超正ar!! d蟹肉好甜,肉質又唔會散,最重要個咖喱汁簡直一流ar!! 用來點蒜溶飽、撈飯好正,我差d想飲晒d汁芒果糯米飯,份量都幾大,一定要搵人share木薯,都係份量比較大,要搵多幾個人share

今日6:00pm左右就到達,可能時間尚早,而且又係平日,所以就算一行9人都唔使等位。每次食泰菜都會order既生熟情度剛剛好既酸酸辣辣好開胃既例牌會order既沒有牛,唯有order雞&豬呢個真係要讚下,燒得好嫩滑一般,因為肉碎和材料都切得唔夠幼細出面好少地方有,好喜歡獨特既香味夠酸但唔夠辣既湯底下次再來,一定會再order,因為d蜆係超大隻,yummy~~因為太飽,所以冇食到第一次在泰菜館食燒雞,個醬汁要讚一下

九龍城有兩間同心 但其實只係1店之隔我會中2呢間新店多d光線夠 地方闊落 而且衛生情況ok所以我會prefer呢間more than隔離的總店今日3個去食 冇book位門口等左約10分鐘就有位個疑似staff唔會叫籌或者飛NO# 只會向你chok 1chok 單1單眼 就代表有位可以入得 哈哈3個女仔叫左小食拼盤 (炸魚餅+炸蝦餅+炸春卷+香葉包雞)炸魚餅同炸蝦餅好食 春卷麻麻地 唔太中2裏面D餡 紙包雞冇試魚餅蝦餅春卷會自動幫你一開二 泰式炒通菜 呢個係有D辣 小心唔食得辣MENU上面好似有唔辣揀的沙嗲好味道雞肉好滑 個醬PERFECT!我朋友迷上了個醬 要一滴不漏食哂佢波蘿炒飯 (雞肉)有得揀雞肉OR蝦球我覺得普通啦 基本味道波蘿肉都算多既西0梳打+芒果沙冰朋友話西0梳打冇特別而我個芒果沙冰更加係零特別只係1杯芒果汁打個芡 杰撻撻 冇沙冰呢回事 完全冇冰 冇沙!!! 只係勉強叫凍!! 太傷心我下次叫椰青飲Overall 食物好快上 全部都熱辣辣 service都ok 價錢可以 埋單$302可以翻叮~!

當日閒來無事, 天清氣朗,由自家行去九龍城逛街, 望住藍天白云沿旺角漫步至九龍城,都幾舒暢架, 行到少少熱,但又不想吃太多, 於是乎去了同心泰菜館,我們要了一個:青木瓜沙律,這個基本上是只有我食,太座不吃辣的,只會淺嚐即止,這沙律底很多沙律汁,似乎比平時的多了一點,木瓜爽口但蕃茄就少咗d啦,蕃茄本來是用來平衡辣味的,所以食落會較為感覺到辣味,太座要了個豬雜河粉,看賣相唔錯咁, 湯底也是鮮甜中帶小辣那種,吃過沙律後因為辣的關係想叫點凍飲沖洗一下口腔,平時叫的乜乜冰今天不想要了,來點平時不會在這地方叫的,凍奶茶: 來的是一杯自己唔認為是奶茶嘅橙啡色飲料,既來之則飲之,第一啖入口感覺很熟識,係食涼粉嘅片糖糖水味喎,茶味完全感覺唔到囉,再望一下那些阿姐放喺度飲咗半杯那些橙色物體咪就係呢個色囉,我估計這些所謂嘅奶茶應該係用”茶粉”開出來的, 今次見識過下次不會再叫了,還是那些”乜乜冰”安全一點,

今日出開旺角, 回程時順路去九龍城開餐,咁去九龍城, 當然係食泰國野啦,因小曼谷又食過多次, 黃珍珍又貴得濟,所以今次決定試第二間, 最後揀左呢間,晚市時間,雖然店內都幾乎full晒, 不過好好彩, 唔使等位,店內都冇特別, 不過顧客好多睇樣都係泰國人,心諗既然連泰國人都幫趁, 應該都唔會差得去邊,同埋以價錢呢講,都比較大眾化~點左以下菜式泰式豬手(細) - 炆得好諗, 幾入味, 比較特別係有雪菜鋪底, 不過雪菜都好好味好諗, 有類似"點雞醬"既醬汁伴碟, 不過都冇特別, 得個酸字, 建議唔點醬食, 原汁原味, 有分大碟 / 細碟, 如果得2個人既話, 叫碟細既已經夠~海鮮冬陰公湯烏冬 - 普通左d, 得個酸味, 冇任何蝦味, 烏冬都係普通貨式, 同埋成碗得3隻中蝦, 不過唔覺得新鮮, 有d粉粉地, 蝦醬炒飯 - 以炒飯呢講, 唔夠鍋氣唔熱, 炒飯算香口, 不過唔覺得有蝦醬味, 伴碟有生洋蔥, 蛋絲, 木瓜絲, 紅辣椒粒, 同埋有d炸過再蚊過既肉片, 甜甜地, 幾特別~

咗朋友M先生E小姐去九龍城食飯，佢哋帶咗我去「同心泰國菜館」。 沒有裝修，勝在光猛整潔。 服務生全部係識講廣東話嘅泰國人，食物選擇都頗多，價錢非常合埋。 串燒雞肉，肉嫩有肉汁，配上特製嘅沙爹醬，唔錯!鹹魚炒椰菜苗，份量大而且唔太鹹!泰國南乳海鮮炒金邊粉，炒得好乾身，足料，好味道，但唔食得辣就咪食，因為辣得幾誇張!泰國炆豬手，豬手炆得好諗，略嚴淡味，濃味一d會更出色!木瓜沙律，少辣，酸甜辣較得幾好!泰式拼盤，魚餅蝦餅味道可以，但唔夠彈牙!

今日很忙, 已經4:30 食我第一個午飯, 幾個朋友一起可以試多d不同菜式, - 冬蔭功湯 ,對我來說喜歡辣的,不過真的偏咸.-豬什湯河, 如果喜歡豬什的話真的可以一試, 有蛋,豆卜, 豬紅, 有些好像炸了的燒肉, 豬粉腸,豬肚,份量都足夠,-雞肉,牛肉串燒, 牛肉串燒比較喜歡, 牛有口感,不太薄, 有點juicy.- 海南雞飯- 飯沒有雞油味, 給予點的醬料很咸,- 豬手飯, 其實真的一般, 沒有濃濃鹵汁...... 不過吃完後很口乾, 飲左一個椰青, 3柸水

今日第一次嚟到同心,夜晚七點半都幾多人不過唔洗等，我地三個人叫左泰式豬肉炒飯，泰式蝦球炒金邊粉，小食拼盤，炒椰菜苗，咖哩豬肉,先講炒飯一點鑊氣都無，豬肉仲要好鞋，炒粉又係無鑊氣得三粒蝦仔又無味，小食拼盤蝦餅無咩特別，魚餅勁淋，雞卷勁油，春卷都一般，個菜幾特別但唔係好夠味，咖哩豬肉就有d鞋唔夠香,小食拼盤食剩一半其他都食唔晒，得個菜係清晒,三佰蚊換嚟一肚火同一個教訓,真係無下次！

朋友生日,就黎食下泰國菜啦..過海放工o既朋友都黎食呀...九龍城實在太多泰國菜,揀lei間係因為見佢都多人讚啦,同埋地方好似算坐得好..有得"i" 先啦..好多野食揀,係冇生蝦食o者,我地7個人叫左成11樣野食...超多呀...不過都食得晒...哈哈海南雞(一隻), 唔係講笑,真係好食,老套講句真係有雞味,整到好滑,好滿意豬手(細份), lei個呢就一般喇,唔夠林,都唔算太入味,ok啦串燒豬&雞,普通野啦..都ok...唔會太dry蝦醬椰菜苗,都ok啦...不過不失炸蝦餅,彈牙,冇失望...good煎蠔餅,好食喎,煎得好香口,蠔仔冇乜腥味,唔錯唔錯青檸辣豬頸肉,lei個都幾大份,但都幾辣,幾野食..黃咖啡雞,唔算太辣,因為唔想樣樣野太辣,有朋友食唔到,d雞肉都唔係鞋o個d,都ok蒜蓉包,要黎點咖哩食,夾~好味~芋頭焗飯,lei個好味,d芋頭林晒夠粉又多料...用煲仔夠熱,有d肉碎,再加埋d咖哩汁一齊食,正~冬陰公海鮮湯,叫左個大...都幾辣下,幾野味,不過就油左dd喇...椰青,勁厚肉...清熱氣,good~~成餐都幾好,個個都話好食...地方又唔算太dirty...我地帶蛋糕去切又

之前有晚放工同友人去左九龍城食飯, 朋友仔提議不如去食泰國菜啦, 後未就去左同心泰國菜館.8點幾9點去到都仲有位, 見到佢掛住d燒雞燒魚出黎, 都流晒口水.坐底左就叫野食啦.我地第一樣呢就叫左冬蔭功.佢既冬蔭公係用細隻既大頭蝦煮成, 個湯入面都有成7隻大頭蝦架, 都幾多, 可能第一黎就食酸辣野, 即刻開胃.第2樣呢, 我地就叫左燒雞.我最中意食就係佢, 燒得皮脆又有燒烤既香味~雞又夠大隻, 食落一d都唔鞋~正之後呢, 我地就叫左蝦餅個蝦餅呢, 佢炸得好脆, 蝦味十足又夠彈牙, 點埋醬食, 正~!!!!