同心泰國菜館

Open Now

Now Closed

食過咁多間泰國嘢，都係呢間啲咖哩炒蟹好食，汁夠多，配蒜蓉包一流。但係要order 正價個蟹，唔係平價set，質量差好遠。生蝦中上，汁唔夠辣，同埋唔大隻但都算新鮮。泰式木瓜沙律俾想像中好味，會再叫。烏頭普通，冇乜突別，同第二啲地方比較嘅話差唔多。

到店之前打電話去問老闆九點後有冇七折應承佐話有先過去！點知食完埋單的時候個女人先話從來沒有做七折！但個男老闆確確切切答應有七折！我們入去的時候還應承是有的！我覺得食物價錢高低唔緊要！但口頭應承了卻沒有兌現！這種欺騙手法我是絕對不能接受！還有就是！食物餐牌也換了！在openrice睇餐牌同入到去餐牌又轉佐！價錢唔同左！！！野食質素一般般！！不過以後都唔會再去～～真係比人呃佐～希望大家都不要幫襯！做生意誠信是很重要的！覺得好失望！！！

晏晝去食泰國菜，朋友提議食同心，所以就入咗九龍城午餐唔想食咁飽，兩個女仔叫咗兩碗粉，一碟小食，加一碟馬拉盞炒通菜，估唔到個份量好大，食到好飽叫咗一個彩虹金邊粉,比佢個名吸引左,原來係魚蛋魷魚加薄脆片嘅酸酸地嘅金邊粉，味道酸酸地都幾開胃，我自己加左啲辣椒粉落去，味道更加突出另外叫咗一個冬陰公金邊粉，酸酸辣辣都好開胃，材料都好足好豐富，好香椰汁味馬拉盞炒通菜，份量好足好大碟，菜好新鮮，只係唔夠辣，可能我食得好辣，唔覺得佢有辣味最後食咗個蝦膠讓皮蛋，估唔到小食都咁大碟，見佢新鮮炸起熱辣辣好好食好香口，啲皮蛋加埋酸薑一齊食，口感冇咁油膩，食完唔覺得一口油同心比我感覺，係一間平實嘅泰國餐廳，喺九龍城區來講,好抵食同好經濟

人夠多，最最好吃泰國菜！今天朋友聚餐，點了六七個菜，全部都超讚！去骨鳳瓜- 爽口夠spicy 咖喱螃蟹跟蒜蓉包- 超讚！烤雞 - 這個一般，有點太熟生蝦- 鮮味烤魷魚烤魚- 这个超乎意料之外的好吃炒金邊，正常味

九龍城食泰國野就最出名。唔知大家食開邊間，我就食過幾間始終都係同心最平！靚！正！老闆同店員都係泰國人！今日我地四個人，叫左幾個餸。先係炒芥蘭。佢用紅椒炒，所以會有少少辣。之後就係蒜蓉包加配咖哩，蒜蓉包好香口，而且外邊脆面包啖啖蒜蓉味。再配上充滿椰香的咖哩。小食拼盤，分別有蝦餅、春卷、魚餅、仲有個丸（本來應該係香葉包雞）。不過冇曬！如果第一次黎，一定要試下香葉包雞。滿滿香葉味，而雞係滑嫩。再叫多半份燒雞，呢個就外脆內嫩，而且半份雞都係啖啖肉。最後係一個蝦醬炒飯，表面好似冇特別，但裡面有好多蝦、魷魚...配料好足！而且好香蝦醬味。

嚟九龍城搵食梗係食泰國菜啦！因為太多選擇，今次就你間第一次去嘅同心，其實佢哋有幾間分店在附近，我諗應該有信心保證就一試他們店舖裝修都比較老舊，可能已經好多年，感覺上就不太整潔，不過侍應服務員都好親切有禮泰式生蝦：哈都是新鮮的，不過比較細啲，泰式醬汁唔係咁夠香泰式豬手，這個反而有驚喜，好入味沙嗲串燒，燒得有點過火，但係沙嗲醬就好香泰式拼盤，除咗魚餅之外，其他都有點鹹，但係魚餅就可以值得一讚，炸到脆一脆加上魚香的味道，真係想食多幾件泰式炒椰菜苗，係我嘅至愛，泰國餐廳先可以咁好味整體來說，周邊太多泰國餐廳都係周圍試試好

趁假期同朋友一行七人去咗九龍城打鼓嶺道 ~同心泰國菜~ 食地道小炒。雖然小館冇豪華裝修，但飯菜質量絕對毫不遜色！炒飯、焗飯、炒河粉樣樣大大碟又多料。我最鐘意食佢個冬蔭功湯...足料味濃，湯裡面有好多隻新鮮大蝦、磨菇同香茅，而且size有大有細。個炸讓雞翼裡面喺軟林林嘅糯米...非常香口！串燒就更加吾洗講...好食到停吾到口！呢到啲飯菜除咗可以用色香味嚟形容之外，仲可以話係平靚正！小館裡面啲職員全是泰國人，但係佢哋啲廣東話講得吾差㗎！今次係我第三次到訪...還會繼續幫襯！

有一次經開九龍城發現四處也是泰國菜後來上網才發現不少泰菜館也在九龍城最後我選擇了同心泰菜館起初看見環境衛生情況一般有放棄的念頭但後來看見有不少人推介我也抱着一種冒險精神入去試試的確沒有失望 推介

又係一個人的午餐，係附近做完野，順便食埋泰國野。今日星期六，入坐時已半滿，食左陣，已經滿座。泰國嘢巿係食極都唔厭架我嘅其中一樣至愛，炒金邊，幾乎去到邊都必食。同心嘅炒鮮蝦金邊，同其他餐廳有分別。佢加左少量鮮蝦之餘，有大量類似櫻花蝦咁嘅蝦乾仔。雖然鮮味還可以，但辣味蓋過蝦嘅鮮味。個金邊就一般般啦，有幾條未炒得好熟。

本來都唔記得 今日先醒起寫寫食評第一次黎就收多我50蚊好彩我check 單今次就冇落單當日叫左個豬頸肉飯同泰式炒金邊粉滿心歡喜咁等左30分鐘老闆中間都有問我地落左單未 我地都話落左眼見對面台都食緊我地都未到 再追先知冇落單先極速上菜 豬頸肉就真係得豬頸肉同飯果下利害 仲要唔夠熱 金邊粉還好 酸酸甜甜 夠開胃 但冇落單 問完都冇再追果下真係冇下次

今次小妹點了四個菜式，有炒河粉、通菜、牛肉乾和芒果糯米飯。炒河粉過油了，且太黏，令汁不能混合每一條河粉，一些河粉仍是白色，配菜豉椒不新鮮，有些怪味🙁而通菜就正正常常，也是大排檔能吃到的水準和風味😇牛肉乾略嫌炸得過火，變相太乾，太熱氣，不能吃太多😶而芒果糯米飯，暖上，有驚喜，吃到飯香，加上椰汁被熱飯烘暖了，更有椰香，芒果又大又甜，應該正合季節吧。

好早去到，只得一枱客，兩個人在店員同意下佔用了六人枱，可以闊落地叫滿枱食物。好老土，食親泰國嘢都係果幾味。叫左柚子🦐沙律，正正常常，好規矩的質素。🐂🐓串燒，大大件，並非一片片，好有咬口。d肉都冇難食嘅雪味。另外就係試吓呢種泰國椰菜葉☘️，塊葉身好厚、質地好滑，感覺幾新鮮，OK好味。燒鰂魚好誇，竟然咁大條，啖啖肉最正係綠色個汁，最夾收我地碗碟時，姐姐叫我地慢慢坐慢慢傾，親民的街坊生意，都唔好意思霸住你張枱啦。

是日朋友給了筆者一個難題: 想吃泰國菜, 又要吃素.究竟泰國菜中不含肉類的選撢有多少, 有甚麼好吃, 有甚麼又有特式呢?按照上述命題,筆者決定由泰國食材和傳統特式兩個面向入手.7時到來,同心的這家大鋪,有不少光顧的客人,餐牌選擇多,而且食材由旗下食材店供應,一來節省成本之餘,又較有地道品質的保證.冷盤菜牌:炒菜菜牌:歙品及甜品菜牌最後,由筆者親自發板,點選了一共三道菜式及一款甜品.(附送的炸魚仔)不消5分鐘,青木瓜沙律($48)便上桌. 吃起來相當酸辣, 魚露的咸味較為含蓄,倒是那些鮮辣椒和白醋的強烈對比為味蕾帶來強烈沖擊! 非常開胃! 適合嗜辣的朋友! 推薦指數: 5/5吃得不夠一半沙律,濕炒河和椰菜苗也一併相桌.濕炒河向店員要求走肉,便可吃到剩菜的款式. 泰式濕炒河其實用上泰國豆板醬加入炒菜,煮成杰成的醬汁澆在煎炒過的河粉之上. 吃起來,河粉的焦香和帶蔬菜甜味的溫和豆醬相當夾.是一款令人意想不到的清淡麵食. 推薦指數: 5/5至於蒜蓉炒椰菜苗($68), 收費有點高,但炒得香口,椰菜曲亦不見苦澀味道, 相信曾作飛水去澀的處理.椰菜苗為泰國的一種蔬菜,有點像外國的梛菜仔(Brusse

難得來到九龍城附近當然要食飯餐泰國菜la～泰國菜係九龍城咁出名😋😋，我地一行4人，揀咗間同心泰國菜館。今日唔洗等位，一來到坐低，有人俾個menu ,都幾多嘢食😋串燒雞肉和豬肉，雞肉都幾嫰，但沙爹就唔係好出，普普通通。豬肉都係一般般，唔咩特別。泰式酸辣鳳爪，好好味，鳳爪好辣，酸味又剛剛好，幾開胃😋😋豬頸肉好味啵～本來我就唔係好食豬頸肉，但呢個整得好好，豬頸肉肉汁完全鎖住，咬落出好juicy😋,點埋醬汁就更野味～馬來盞炒通菜，一般般，偏辣，有d蝦乾，蝦乾有d硬，唔知係咪泰國菜係咁😂蟹肉炒飯，蟹肉都幾多，但不太有鮮味，應該係冰鮮蟹肉，但整體來講個飯都幾好味，粒粒分明。飯後甜品，芒果糯米飯。天真嘅我以為呢個係主食😂，我個朋友講其實呢一個係甜品！！係呢個熱熱的糯米上淋上椰汁，又出期的夾，但成個甜品最好食嘅係芒果，好酸啊，可能唔係當季水果。整體來講，幾好食，價錢唔係貴，都幾抵食😋，下次可以再叫其他嘢試下～

提到九龍城,必然想起泰菜、糖水店!當然今次我同朋友來到此區係食泰菜,但以往都經常光顧小曼谷、黃珍珍、金寶等,每間的菜式都各有自家風味,都是令人得津津有味所以呢次試下其他泰國餐廳,經朋友介紹,就試下同心呢間我上網search九龍城有兩間,食評都唔錯!當我們來到店前,無需等候就直入內,這對食客來說是很好的事,否則等太久會影響食慾心情。打開MENU,平常有的泰菜都有,如馬拉棧炒通菜、生蝦、咖哩海鮮等,並且個人認為價錢不貴,什至某些菜式較外面的泰國餐廳便宜些少。我先叫我的最愛飲料—椰青!YEAH!一飲即叫爽牙,清甜解渴,而且有驚喜,整個椰子蓋完美地甩殼I LIKE IT跟著就叫生蝦,食泰菜,又是必叫的!生蝦肉質都夠鮮味,再加上同心的秘制醬汁,辣又甜,幾開胃之後當然有燒頸肉啦!個人對呢碟就失望了,雖然肉質能保持鮮嫩,但醬汁就有待改善了,個人不太喜歡醬汁味道!好啦,呢個我可推介給大家,味道好香椰子味但又不太重,加上飯粒軟熟,嘩!口感好正其實,MENU上仲有好多菜式都想試,但唯有等下次吧!