米走雞 (太子藍馬之城)

Open Now

Now Closed

🌟火焰麻辣雞煲雞煲上枱時已經好吸睛侍應仲展示畀我哋睇真正嘅火焰雞煲之後就聞到麻辣嘅味道入面嘅雞肉滑嫩多汁味道十分豐富而且仲好開胃👍🏻🌟海鮮拼盤 包括沙白,脆肉鯇片同虎蝦每一樣都係好新鮮沙白粒粒飽滿 脆肉鯇片口感Q彈虎蝦亦彈牙每一種海鮮都毫無腥味仲吸收哂湯底既精華💯 🌟精品拼盤匯集三種高級手工食材哈哈蝦中寶嘅內餡濃郁鮮味十足黑松露手打鮮墨丸結合咗墨魚嘅鮮甜同黑松露嘅濃郁香氣 口感紮實又富有層次竹笙墨魚滑就滑嫩彈牙帶有微微嘅甘甜🌟澳洲和牛 肩胛肉眼片 呢款和牛嘅特點就係肉味濃得嚟又夠雪花 油脂分佈較均勻 口感香甜多汁 牛味濃郁🌟藍檸檬梳入口先帶清涼感微酸嘅檸檬味 隨後氣泡帶來一絲微甜同清新飲落好解膩👍🏻

同班姊妹話要食住養生，今次試咗米走雞個「金湯桃膠花膠雞湯」，真係女士恩物啊👩🍳！個湯底一上枱金黃色閃閃發光✨，撈起有成塊花膠同桃膠沉底，飲落濃郁到黏嘴唇👄～ 雞湯甜味好自然，似足阿媽燉足4個鐘嘅老火湯，花膠厚身帶膠質咬口，桃膠煮到半透明吸晒湯精華「手打M5和牛丸」繼續保持高水準🐮！爆開中間啲和牛油脂香到癲，最正係肉汁混咗少少黑椒碎，同個雞湯意外地夾，成碟淥晒都唔夠喉😋「西班牙黑豚肉」脂肪分佈靚過雪花❄️，每片切到透光但唔會一夾就散。淥8秒，入口冇豬臊味得嚟帶點果仁香，油脂位爽脆唔油膩，點少少蒜蓉豉油已經夠晒味🧄驚喜位係「蘿蔔」吸收湯底後變身寶藏🥢！切到骰仔size嘅蘿蔔煮到半透明，咬落冇渣仲爆出雞湯甜味，桃膠嘅膠質仲黐住蘿蔔表面，食落好高級環境夠闊落，服務也很好👍

食物唔新鮮、丸類唔彈牙、魚好腥、湯底咸到食唔落，每樣食物放入口都感到好失望跟餐嘢飲懶特別，用一個擺明洗唔到入邊嘅樽🤮OpenRice 寫咗有6折優惠，去到講menu已經計咗六折，但價錢完全同平時差不多，有被騙嘅感覺…食物完全對唔住個價錢

呢度既野食真係好有魔力，食幾次都唔會膩，每次仲會有驚喜.皮蛋湯湯底，味道鮮美又唔會油，飲落好有風味。皮蛋食落又Q彈，口感十分豐富 。同埋皮蛋湯涮肉真係一流，尤其係牛肉，食落鮮嫩多汁，仲有濃郁嘅牛肉香氣，真係令人胃口大開，一啖接一啖，停唔倒🥹仲有蝦丸，新鮮，食落仲有淡淡嘅海洋味道，同時仲可以食到蝦本身嘅甜味.雖然韭菜餃係小食，但係味道非常經典，內餡全部都係新鮮嘅韭菜，香味十足，煮咗之後，味道更加香濃，咬落好爽口!飲品都好別緻，檸檬梳打係藍色嘅，酸甜嘅味道仲帶有梳打獨有嘅香氣，飲落令人覺得好清涼.🔛 整體評分（7.5/10）

太子呢間服務好麻麻 好似迫佢做野 好壓世既樣, 整體氣氛唔太友善。不過，值得一提嘅係，餐前嘅蝦餅好味，口感酥脆，令我對接下嚟嘅菜式有啲期待。我點咗碗花膠雞湯，湯嘅味道其實仲可以。至於蝦丸，雖然係特別款，但我覺得味道並冇令我驚艷，唔算特別突出。雪花肥牛嘅品質可以接受，但半份嘅份量就偏少，食完之後仲有啲意猶未盡。其他火鍋配料其實同啲平價火鍋店差唔多，冇咩特別嘅驚喜。總括來講，呢度嘅價位偏高，與其選擇呢間餐廳，我更願意去方叔叔嗰度，因為嗰度嘅服務態度更加友善，而且整體用餐體驗都更加滿意。又或者我會考慮去自助火鍋，因為可以隨心所欲咁選擇配料。整體嚟講，呢間餐廳嘅表現唔算特別，令我有啲失望。

天氣又凍返，如果鍾意濃郁嘅藥材味可以Try Try呢個熬咗好耐嘅火鍋湯底藥膳湯滋補暖胃，多種藥材煮埋，飲落清甜又唔會淡，越飲越濃手切牛頸脊脂肪好似雪花咁散開，大大一盤，肉質細膩滑軟，涮落湯底後，脂肪會溶食多種海鮮就可以揀海鮮盛宴。沙白鮮甜Q彈，鮮美。肉鯇片肉質細膩，煮咗之後帶有微微嘅脆感，爽！好大嘅虎蝦，鮮嫩多汁，咬落彈牙。每次嚟都要食嘅墨魚滑，有嚼勁，口感細膩滑嫩。竹笙清爽脆嫩，越咬越香。食物同服務都Recommend ya

嗰日我同同事去咗呢間火鍋餐廳食午餐。餐廳嘅裝飾真係別具一格，打造出一種既溫暖又舒適嘅用餐環境。服務人員態度親切，令我哋感到賓至如歸。我哋點咗幾道比叫嘅菜，首先湯底係「皮蛋芫茜湯」，湯頭清爽層次感豐富，皮蛋鹹香嘅味道同芫茜嘅清香完美融合，飲落去之後帶嚟一股暖意，特別適合寒冷嘅天氣享用。特別推薦「哈哈蝦中寶」，絕對令人驚艷嘅一道菜。新鮮嘅蝦肉捏成一口大小嘅球狀，每一口都彈牙又鮮甜，令人一食就停唔落。仲有「蒙古羊肉片」更加令我哋讚不絕口。羊肉片切得好薄，使得羊肉入口即化，搭配香濃嘅湯底更加添咗獨特嘅風味，羊肉冇一絲腥味，只有純粹嘅肉香，我哋食得非常滿足。

週末晚上，我男朋友話想食麻辣鍋。我諗起朋友介紹過一間麻辣鍋店，就帶我男朋友嚟試下。我哋睇咗菜單，點咗幾樣。好快，服務員就將我哋點嘅火焰麻辣雞煲端上枱，一上枱就聞到好濃郁嘅香味，聞住已經好開胃。麻辣鍋入面有大大塊雞肉，表面蘸滿厚厚嘅紅油同辣椒，一口咬落去，肉質軟嫩多汁，麻辣配大塊雞肉，真係好好食。呢款湯底特別適合涮肉，我哋仲點咗特級雪花肥牛同澳洲頂級和牛封門柳。我哋將雪花肥牛喺鍋入面涮幾秒，蘸上微微嘅辣香，肥牛嘅油脂配埋麻辣香，真係好好食。和牛封門柳肉質更加緊實，帶住嚼勁，每一口都好好食。除咗牛肉，我哋仲點咗精品拼盤，拼盤入面嘅黑松露手打鮮墨丸喺麻辣湯底中煮過之後，外層微微吸咗紅油嘅香氣，超好食最後，我哋仲點咗羊肉片，羊肉冇難聞嘅羊騷味，放入麻辣鍋煮完試咗一下，覺得好好食。呢餐晚飯我哋食得好滿足，我男朋友話呢間麻辣鍋真係好好食，下次仲想再嚟。

喺朋友生日嗰日，我哋揀咗呢間人氣火鍋餐廳幫佢慶祝，呢間餐廳嘅環境舒適又舒服，特別啱朋友聚會。我哋叫咗一鍋💚蒜蓉卜卜蜆鍋💚一上枱就被濃郁嘅蒜香味吸引。鮮嫩嘅蜆肉配搭香濃嘅蒜蓉湯底，每一啖都食到特別濃嘅鹹香味，好暖胃。跟住食咗❤️特級雪花肥牛❤️肉片雪花分佈均勻，色澤透紅，烚熟後入口即溶嘅油脂香味真係令人回味無窮。雲吞就係令我有一啲驚喜，細細粒精緻嘅🧡雲吞🧡入面竟然包住飽滿嘅餡料，食落去嘅瞬間鮮美嘅肉汁喺口入面爆發，好滋味。仲有🩵脆鲩片🩵魚肉片得薄而均勻，烚熟後食落去，口感鮮嫩兼彈牙，帶住淡淡嘅甜味同海鮮嘅清香，好食！一邊享受住好食嘅火鍋料理，一邊同朋友仔傾偈，為呢個生日聚會增添咗好多回憶~

前晚為咗慶祝屋企人生日，特登揀咗旺角呢間有啲人氣嘅火鍋店。大家都好期待，因為平時唔係經常食火鍋，覺得咁嘅日子應該嚟啲特別啲嘅聚餐。揀完食材之後，大家圍住熱氣騰騰嘅火鍋，氣氛即刻變得好熱鬧。湯底味道清甜有層次，花膠軟滑而且入味，飲落好滋補，幾位長輩都好鍾意。和牛封門柳呢個和牛真係冇令我哋失望，肉質嫩滑，燒得啱啱好，肉味香濃，唔油唔膩，每人食一啖都忍唔住讚一句。韭菜餃呢款小食真係適合邊傾偈邊食，餡料清香，皮薄彈牙，唔會太heavy。美國桶蠔啲桶蠔肉質鮮甜又有彈性，仲帶少少海水嘅鮮味，擠少少檸檬喺上面，味道更加出。总结：呢晚嘅火鍋晚餐，大家都食得好開心，氛圍又好熱鬧，真係一次好成功嘅生日聚餐！米走雞呢間餐廳食材新鮮，啲湯底又有特色，係一間值得再嚟嘅火鍋店！

一入到餐廳，香噴噴嘅香氣撲鼻而嚟，我同朋友揀咗沙嗲湯做湯底。呢個湯色澄黃濃厚，飄散住花生同椰奶嘅醇香，每一啖都帶有微辣嘅味道，真係令人胃口大開。 我哋點咗🥩霜降Prime牛板腱🥩牛板腱嘅油花均勻分布，輕輕涮入滾燙嘅沙嗲湯中，瞬間變成粉嫩嘅色澤，入口軟嫩帶啲嚼勁，充滿住牛肉香氣伴隨住沙嗲湯嘅辛香，超級滿意。 跟住我哋品嚐🥓蒙古羊肉片🥓呢個羊肉切得薄透，仲帶住油脂嘅光澤，一入鍋就釋放出獨特嘅羊肉香氣。吸收咗湯底精華後，口感變得非常滑嫩，毫無羊騷味，正！仲有就係🍡wasabi鮮墨丸🍡呢個墨魚丸外表渾圓，一咬落去，內餡瞬間爆出嗆辣嘅山葵味道，同鮮甜嘅墨魚肉完美融合，簡直係必點~ 我哋享受咗一餐美味又滿足嘅火鍋饗宴。

上次同朋友食咗一間喺旺角彌敦道，太子藍馬之城2樓嘅米走雞。佢哋嘅多款湯底吸引咗我，結果一試就愛上咗佢哋嘅火鍋料理，以下係我個人比較鍾意嘅嘢食。金湯桃膠花膠雞湯湯底醇厚絲滑，散發出濃郁嘅雞湯鮮香。熬製多時嘅雞肉軟嫩入味，帶有豐富膠質，而花膠就吸滿湯汁，口感Q彈，增添一層滑潤嘅層次感。手切霜降牛頸脊展現出極佳嘅油花比例，色澤鮮紅，脂肪分布均勻，食落去更加係肉汁豐盈，肉質瞬間變得柔嫩，充滿牛肉香氣，毫不油膩。美國桶蠔外表飽滿厚實，口感嫩滑，非常新鮮，食落去非常滑順，汁水豐盈，感受到鹹鮮同甘甜嘅味道，令人回味無窮。豬頸肉食落去時外層帶有微微嘅彈牙感，內裡就鮮嫩多汁，伴隨著淡淡嘅油脂香氣，每一塊都富有嚼勁且豬肉味道濃郁，令人停唔到口。

週末嘅下午，媽媽提議去食火鍋，我哋就嚟咗介紹嘅火鍋店。我哋睇咗下菜單，決定點金湯桃膠花膠雞湯作為湯底，仲點咗幾樣配菜。首先服務員端上枱嘅係一鍋濃郁嘅金湯桃膠花膠雞湯，輕輕舀一勺，就聞到濃郁嘅雞湯味，試咗一口，充滿咗濃郁嘅雞肉鮮味，入口順滑。我哋點咗和牛肩胛肉眼片，雪花狀嘅油脂分布均勻，輕涮幾秒，肉質變得柔軟香嫩，肉片吸滿咗湯汁，非常好食。除咗牛肉，我哋仲點咗一份海鮮拼盤，拼盤入面包含咗沙白、脆肉鯇片同虎蝦。沙白蜆嘅肉質好細膩；脆肉鯇片嘅肉質就好緊實，吸咗滿滿嘅金湯精華，每一口都鮮美無比；虎蝦好新鮮，蝦殼輕輕一剝，蝦肉晶瑩剔透，非常好食。最後，我仲點咗一杯冰爽嘅冷萃花茶。清新嘅花香可以幫我解掉火鍋嘅膩。呢頓火鍋滿足咗我哋嘅味蕾，媽媽都大推呢度嘅湯底，味道濃郁，非常好食，下次仲會再嚟。

我同屋企人去咗一間口碑極佳嘅「米走雞」食午餐，呢度唔單止菜品種類繁多，氛圍亦非常適合家庭聚會。我哋好快就畀親切嘅服務員帶到座位，開始落單我哋想食嘅火鍋食材。❣️杞子花膠膠原湯首先我哋揀咗膠原湯作為湯底，入口香醇帶住淡淡嘅中藥香氣，花膠嘅膠質令湯頭更加濃郁，每一口都令人感受到養生滋味。❣️霜降Prime牛板腱牛板腱絕對係呢餐嘅亮點。牛肉紋理細緻，油花分布得十分均勻，放入滾燙嘅湯中輕涮幾秒即可享用。每一片牛肉都嫩滑多汁，真係好美味。❣️手打五寶丸拼盤包括黑松露鮮墨丸、鮮蝦丸同M5和牛丸等，丸子嘅口感紮實又彈牙，每一口都可以食出食材嘅鮮味，好好味。❣️生菜火鍋必備嘅生菜清脆爽口，不單止平衡咗成頓午餐嘅口感，仲可以解膩，味道亦十分新鮮，正！

媽咪每次食到頂級牛肉都會眼睛👀發光發亮之前我試過米走雞嘅牛肉，覺得味道唔錯，今次就帶埋媽咪一齊嚟試湯底藥膳湯飲住好香濃，好暖胃。媽咪話攞嚟涮牛肉簡直係絕配，牛肉吸收咗湯底嘅精華，更加鮮甜。我哋兩個仲試咗蟹籽魚麵，味道十分豪華。滑軟嘅魚麵配上鮮美嘅蟹籽同香濃嘅黑松露，整體嘅味道好豐富。同時麵條完美吸滿咗黑松露同蟹籽嘅鮮味，簡直令人回味無窮😍媽咪揀咗一份雪花肥牛，好大一盤，擺盤都好靚，睇咗都忍唔住想即刻涮嚟食。牛肉肉質鮮嫩可口，真係好有特色。放入口咬住，牛肉嘅香氣即刻散開，媽咪食到豎起大拇指我就比較鍾意食海鮮，所以叫咗沙白蜆同墨魚滑。沙白蜆肉真係好鮮美，食住甜甜嘅，仲充滿咗海洋嘅味道，真係太絕啦!而墨魚滑食住細膩滑軟，每一口都係飽滿嘅墨魚，十分彈牙，仲帶有竹笙獨有嘅香氣，真係好幸福。老媽子表示呢度嘅牛肉真係好正，無得頂