RuRu Tapas Restaurant (Closed)

藜麥羽衣甘藍水果沙律 $128除藜麥羽衣甘藍外，更用上酸酸甜甜的柚子及超大粒又清甜的藍莓，配上意大利黑醋及杏仁碎，爽口清新又開胃。忌廉龍蝦湯 $108～必食單價不平，但絕對值回票價，濃郁順口，滿滿的龍蝦味，而且湯內更有一些龍蝦肉。絕對會為這湯回頭。西班牙黃油雞 $268 黃油雞外皮烤得香脆，雞身內釀了不少切說的蔬菜及香料，有蘿蔔及洋蔥等。雞肉仍然鮮嫩多汁，一點也不韌。伴碟的蔬菜烤得入味。白酒辣蜆肉意大利粉$168 意粉口感Al dente，份量不算多但相當滋味，蒜香辣油香風味十足，辣油香氣應該是來自於辣肉腸，雖然餐牌只是寫是蜆肉，實質用上的是原隻新鮮大蜆，更用上超過10隻以上。

這間型格酒吧餐廳主打是西班牙菜大玻璃的門口已佈置了應節的聖誕裝飾🎄情調十足😍樓底夠高配玻璃酒櫃水吧格局清新舒適💕Menu菜式選擇多由頭盤至甜品, 款款精品😍西班牙辣椒仔 $88蒜油香味濃,灑上了粗鹽粒口感甜香, 仲完全唔辣唔食得辣嘅及小朋友仔都一樣可以食😉Today's special忌廉龍蝦湯 $108上枱吸引🥰入口香滑😋濃香忌廉口感還有好多龍蝦肉🦞用料十足👍西班牙燒乳豬 $288/788有兩款份量選擇這是餐廳的招牌菜👍果然名不虛傳🤩皮脆肉嫩,口感甘香肉質軟滑,容易咀嚼不黏牙加埋少少醬汁,豐富的層次口感滋味無窮😋黑松露雜菌意大利麵 $148香濃惹味意粉軟硬度適中好用心及出色的出品😋今餐大滿足後😋再睇下餐牌👀Brunch menu 有彩蛋🌈🥚原來套餐仲超值抵吃👍下次一定要再嚟吃過😉😍

原本想去食靚靚下午茶，但琴日太攰，夜晚近近地去大角咀食飯順便去奧海城影相因為琴日食得太飽今日就簡單啲前菜係西班牙辣椒仔， 用橄欖油海鹽調味，熱熱地又唔辣都幾好食，一碟都算多，隻碟都好靚沙律就叫咗個藜麥紅石榴羽衣甘藍沙律，好清新開胃，又健康，有好多藜麥，多到可以當飯食，仲有好多紅石榴果籽同羽衣甘藍最後係乳豬脾，乳豬皮超鬆化，完全無肥糕，又吾會好油，肉質嫩滑，醬汁又好味食完都吾覺漏，但又夠飽飽食完之後再去付近食個糖水

喺大角咀美食天堂林立，云云餐廳當中， 有一間充滿著濃厚聖誕氣氛同裝飾嘅西班牙餐廳， 店員超有禮貌，隔住口罩都感覺到佢哋嘅笑容， 親切有禮地將一碟碟新鮮熱辣辣香噴噴嘅餸菜餸上嚟檯面， 加上佢哋舒服柔軟嘅真皮梳化，好似去咗五星級酒店食嘢一樣 🥔 西班牙炸薯仔獨特秘製嘅西班牙醬， 配合埋沙律醬，每一粒炸薯仔都有著熱辣辣香酥味， 而每一粒薯仔裏面嘅肉都好新鮮，唔會淋曬 🐮慢煮和牛面配薯蓉和牛本身香軟， 而且佢係和牛嘅面頰，再加上用慢煮嘅方式， 真係特別淋， 多肉汁之餘，又有和牛油香， 薯蓉亦都吸收咗和牛嘅精華， 軟綿綿，香噴噴， 仲有其他配菜，例如紅蘿蔔，西蘭花，真係色香味俱全 🥛 意大利奶凍香滑creamy嘅意大利奶凍， 外表高貴，內裏甜到滑溜， 奶味香濃

環境幾靚，好啱嚟緊聖誕節去食，而且樓底夠高，成個感覺都好chill!西班牙炸薯仔一上檯就聞到好香，咬落去好脆口，整體嘅味道都好夠，又唔會過曬火，啱曬用嚟送住野飲咁食紅酒辣肉腸配麵包粒辣肉腸juicy，醬汁好惹味，啱曬配佢個麵包粒一齊食！黑松露雜菌意大利麵佢個汁多，而且個黑松露味都好香，加上意粉同雜菌都夠曬多，食落去唔會覺得好寡Happy Ending菠蘿味好重，好fresh嘅mocktail，配西班牙菜好夾

今日約朋友即興食飯，係奧海城附近找餐廳，網上見有間西班牙小店，氣氛幾好，就直接去食。 餐廳樓底夠高，空間感十足，裝修歐陸風格，加上聖誕佈置，好有情調。 點左2款前菜加1款主食： =西班牙辣椒仔 $88=比較少見到西餐廳有這個選擇，應該是西班牙菜式，所以好奇叫來食下，原來是煎香的辣椒仔，食落唔會辣口，而煎得香口，椒味重，係不錯的開胃前菜。 =紅酒辣肉腸配全麥麵包粒 $98=辣肉腸口感好juicy，煎香的辣肉腸，加入由紅酒調成秘製醬汁，惹味微辣又唔會太鹹，而且全麥麵包粒香脆，又可以中和濃味的辣肉腸，整體可以平衡口感，也是適合的佐酒前菜！ =西班牙墨汁飯 $298=每間西班牙餐廳的招牌菜式，比想像中豐富多料！海鮮除了常見的青口和魷魚圈，還有鮮蝦，白蜆，海鮮夠多，鮮蝦和魷魚彈牙，青口和白蜆鮮味，而飯底由墨魚汁煮過，值得一讚是煮得夠入味又唔會太淋身，整體十分豐富滿足。 整體食物質素高，價錢唔貴，但用料豐富，調味適中，係好友聚會好地方，可以飲番杯 🍷🍸

👉🏽西班牙辣椒仔見到隔離枱有叫呢個食 就跟！ 睇下咩辣椒仔咁把閉！當Tapas咁食🥸之前係西班牙食啲tapas 都好似空氣咁 一舊起2舊止 味都未試真就吞左落肚😮‍💨😮‍💨但呢間個tapas 估唔到係一碟既，都幾多既😗 話明辣椒仔都怕佢辣（重申多次我譚仔10少都怕辣個啲廢廢來🤭）但講真食落口一啲都唔辣，仲幾甜添！佢似係青椒但唔同既係 佢真係一啲都唔辣 又好淋好甜 明明有籽係啲辣椒仔入面 但真係一啲辣都食唔出 好appriciate😙😙 小菜黎講都幾好食 會明點解其他客會叫，我估係佢地啲signature?! 🤪🥰👉🏽西班牙墨汁飯食西班牙菜點可以唔叫Paella食！Paella係西班牙炒飯 都當係代表西班牙既野食😗 講真，兜野比我想像中細碟，因為西班牙一向2人份量既paella 大大碟但啲飯就鋪到好淺🥱🥱 但呢到既paella 反而係細細碟 厚底！所以我估份量都係咁上下架啦不過要2個人share就真係唔夠😗 個墨汁飯好得意，好甜好甜，陣味又好飲精華雞湯咁，好好味！再加上啲洋蔥煮淋曬，好甜又唔新辣！好吃啦！而海鮮部分都算多元，又青口又鮮蝦又硯肉又魷魚，係幾開心既！但硯略厭有啲腥，其他品質一

大角咀想食西班牙菜通常都要去奧海城，原來杉樹街開咗間西班牙酒吧餐廳Ruru Tapas Restaurant。平時好少嚟呢個位，位置比較隱蔽，所以人流唔太多，感覺比較chill！西班牙辣椒仔 （$88）西班牙辣椒仔都幾大隻，煎香後灑少許鹽吊味，食落無草青味，不過略嫌調味稍鹹，橄欖油落得都重手咗d。紅酒辣肉腸配全麥麵包粒($98)辣肉腸好入味，食到紅酒嘅酒香，就咁食辣肉腸會比較鹹，配麵包粒可以中和返，不過份量偏小，呢個定價比較進取。朋友唔太食得辣，點知餐廳竟然得番香辣大蝦意大利麵及白酒辣蜆肉意大利麵選擇，兩款都係辣辣地，我哋開頭都比較擔心，好彩店員貼心地幫我哋要求盡量小辣。我哋點咗香辣大蝦意大利麵($188)，意粉軟硬適中，炒得尚算香口，每啖都有蒜香，不過橄欖油一樣落得重手咗，食落較為油膩，份量唔多，約一人份量，性價比喺大角咀嚟講唔高。整體食物性價比頗低，味道有唔少進步空間，值得一讚嘅係環境坐得舒服，店員服務友善。

西班牙菜小編比較好少食得到😛，而今次好難得可以去大角咀一試。雖然地理位置唔算係市中心，但勝在餐廳環境優雅😏，適合一啲情侶或者放工想輕鬆同朋友聚下，飲下酒咁🥂。✦✦✦✦✦✦✦✦✦✦✦✦✦✦🎈patatas braves $88上菜就聞到好香既炸薯仔同沙律醬味🥔，食落硬度適中，好惹味，忍唔住一粒又接一粒😚！✦✦✦✦✦✦✦✦✦✦✦✦✦✦🎈black paella rice $298整體飯既煙靭程度剛岩岩好，略嫌有啲咸同埋海鮮有啲沙，口感就欠缺少少🧐。 ✦✦✦✦✦✦✦✦✦✦✦✦✦✦🎈tuna catalan tomato bread $88因為麵包上邊墊咗蕃茄，所以當打開麵包中心可能有啲淋左😮，但吞拿魚同埋上邊嘅魚子就相對突出，口感豐富🤩，放哂入口已經唔太在意淋既問題。✦✦✦✦✦✦✦✦✦✦✦✦✦✦

有位朋友住大角咀，大角咀呢個地方嘅位置向來都好特別，要去到旺角再行一段路，但行過去都未至於太耐喇，15分鐘左右就可以。朋友最近試咗間西班牙覺得幾吾錯，推介我試試，記起都好一段日子冇食西班牙菜🇪🇸西班牙菜同一般西餐一樣有小食、沙律、意粉、主菜，不過定價稍微偏高。西班牙辣椒仔真系好傳統嘅西班牙菜，其實吾會好辣，做餐前小食都幾香口。跟住叫咗款紅酒辣肉腸配全麥麵包粒，辣肉腸有好重嘅紅酒汁味，本身中意紅酒🍷嘅人會更中意。辣肉腸辣味都幾明顯🔥本身吾系好食得辣，但又想試試🤪好彩有口感好脆又健康全麥麵包粒，一食就勁快食曬😆主菜方面，紅蝦意大利麵系吾錯嘅選擇，落咗洋蔥、橄欖油、香蒜、車厘茄、白蘭地，香料方面非常足夠，紅蝦爽口彈牙，香蒜同橄欖油香氣十足，意粉口感適中。

多年無嚟大角咀，再次踏足，已經改變到完全唔認得。四圍閒逛嘅時候，見到一間設計簡約，樓底好高嘅西班牙餐廳，就決定入去試試新野😋西班牙辣椒仔雖然叫佢辣椒仔，但其實一啲都唔辣。雖然係炸嘅辣椒仔，但炸完都仲好juicy。炸完之後仲會係面頭曬咗啲鹽，個配搭好清新，食到原汁原味嘅辣椒仔。香煎澳洲M5和牛牛肉分量幾足，煮得啱啱好，同辣椒仔一樣都好juicy，美中不足嘅係有啲位比較多筋。至於其他配料及醬汁都好唔錯，甘筍同露筍嘅清甜爽脆正好可以中和咗和牛嘅膩。意大利奶凍奶味濃郁，分量十足，好滑，面頭仲有幾粒藍莓酸酸地好夾，完全滿足另一個胃。雖然間舖頭唔大間，但係坐落好舒服，食物份量都唔細，有機會可以再試吓其他菜式

Ru Ru Tapes Restaurant🔍🖇📍旺角杉樹街11號德安樓地下1號舖📍首先想講既係佢嘅地理位置，大家如果有興趣嘅話喺奧運站落車步行會近啲，時間大約係行10分鐘。餐廳位於地鋪，整體路線唔難搵。依道係西班牙麵包配吞拿魚蕃茄醬($88)，佢一上菜嘅時候就覺得好靚！😋而佢個麵包經過烤焗，左右兩旁嘅麵包都係有口感好脆，但可惜嘅係佢啲番茄醬令到中間嘅麵包位置都淋左，食落有啲失望。😣而吞拿魚嘅質素就正常水準，份量足夠，並無太大驚喜。餐廳環境格局簡單優雅，仲有酒類提供，好岩情侶慶祝或者放工同朋友仔輕鬆咁過個Happy Friday。🥳不過最最最令我考慮既係佢既價錢，對於我泥講真係不宜食太密🙉💸～一兩餐啦🤣🤣

Ru Ru Tapes Restaurant🔍🖇📍旺角杉樹街11號德安樓地下1號舖📍首先想講既係佢嘅地理位置，大家如果有興趣嘅話喺奧運站落車步行會近啲，時間大約係行10分鐘。餐廳位於地鋪，整體路線唔難搵。基於Ru Ru係一間西班牙餐廳，去到嘅時候就問咗店員有咩主食推介，當中呢一款西班牙墨汁飯($298)就相當吸引，食物係用一個鐵嘅容器保暖上菜，所以食到最後都仲係暖。另外，佢嘅海鮮配菜份量足夠，兩個人一齊分享唔怕唔夠海鮮食！🤣🤣講下個味道先，個墨汁飯軟硬適中，口感唔錯架！😋只係食到最後有啲痴底既情況發生，或者我要不時攪拌一下！🧐海鮮方面，如果怕有急凍味建議要落檸檬汁，特別係個蜆肉。其餘配菜都相當唔錯，個魷魚圈巧食！🦑餐廳環境格局簡單優雅，仲有酒類提供，好岩情侶慶祝或者放工同朋友仔輕鬆咁過個Happy Friday。🥳不過最最最令我考慮既係佢既價錢，對於我泥講真係不宜食太密🙉💸～一兩餐啦🤣🤣

好耐都冇食西班牙野啦🇪🇸 平時食西餐廳除左西班牙paella之外都好少食到其他特色野，睇Openrice見唔係開左好耐就一於book位試試前菜叫左個蟹肉他他，做法類似beef tartare / tuna tartare ，而佢呢個就用左牛油果底，中間係帶子粒撈蟹肉，面頭鋪左三文魚子同魚子醬👆🏻論賣相係OK，不過以$178既價錢黎講略嫌少咗啲，亦唔多的調味，純粹將呢推食材壓埋一齊的感覺，但又唔夠beef tartare 咁實，同朋友share的時候會散開晒特色蛋餅👍🏻👍🏻呢個反而好值得一試，裏面有蛋撈薯仔粒，底層夾左辣肉腸，最上面係西班牙火腿，口感非常豐富，而且唔會鹹夾著辣味好好食！唯一不足嘅係暖度係微微暖，如果整熱啲上盤就更佳💯精彩一浪接一浪，呢個紅蝦蕃茄意大利麵冇100分都有90分😍 首先係麵條質地夠咬口，醬汁係濃濃嘅蕃茄蝦味再帶點辣，紅蝦比起海蝦/虎蝦味道更加出，肉質亦比龍蝦更嫩☺️店員仲同我講蝦頭的膏汁都係成碟菜嘅精髓，嘩撈落個面度食真係好正，我願意為左呢碟主菜回頭呢間餐廳🍴Btw,提前book有85折，咁著數記得book定😆

🔻 RuRu Tapas Restaurant旺角杉樹街11號德安樓地下1號舖/🧃西班牙炸薯仔 $88炸咗嘅薯仔粒，相當香脆，上面仲配左辣汁同埋蒜蓉蛋黃醬，酸酸鹹鹹辣辣咁樣，非常醒胃，食完一粒又一粒。/🧃西班牙燒乳豬 $288呢個係一份嘅價錢，都夠兩個人食，燒乳豬係呢間餐廳嘅招牌菜，果然名不虛傳，皮脆肉嫩，油香肉香十足，加或者唔加醬汁都一樣好食。/🧃西班牙脆條配朱古力汁 $58最後一定要加個甜品，咁耐冇去旅行，真係好懷念外國嘅嘢食，天氣凍凍地，特別想食西班牙脆條，炸左嘅脆條，濃濃嘅肉桂香，點上香濃嘅朱古力汁，為呢個晚餐完美作結。//