漁道樂 (Closed)

先生鍾意食蟹膏蟹籽～ 所以搵食慶祝嗰陣俾呢個味噌蟹甲羅燒吸引咗😍見到松葉蟹蓋充滿蟹膏蟹肉蟹籽已經好期待 當然唔少得午餐定食（兩個大胃王點會夠飽😂）本身對一般午餐定食壽司冇抱太大嘅期望😆但佢個海膽壽司好creamy ，一啲腥味都冇整體壽司都新鮮同鮮甜食落一啲筋都冇😌蒲燒鰻魚定食鰻魚燒得啱啱好鰻魚亦冇乜幼骨😌啱晒我呢啲怕魚骨嘅人😂返唔到鄉下食，喺呢間充滿日式居酒屋感覺嘅地方頂下癮😂 鐵板和牛粒炒得啱啱好，口感鬆軟有油香燒明太子配埋梅酒😌幻想自己係日本先😂

服務態度差到離哂譜。喺opnerice 訂咗7點，準時7點到，企咗陣門口都無人，咪行入去搵職員。職員一見到我，就勁惡咁彈4個字出嚟"安心出行"。問佢喺邊，佢話門口，問佢門口邊度，就勁串咁前面囉，咪前面囉。咁啱我朋友打嚟，咁我就企門口個位教佢點行過嚟，點知個職員就串我，你無位就出去啦。我嚟消費，唔係嚟受氣，鬧到我即刻唔食，走人。啲態度咁差，點解呢間鋪仲生存到，真係唔知啲好評點樣嚟!!!

今日午餐非常豐富，跟同事去咗金巴利道一間日式居酒屋。裝潢非常有日本風格，暫時無得去日本旅行，止一吓旅行的夢也不錯。食物選擇多囉囉，隨了主打浜燒外，還有刺身，壽司，燒物⋯⋯刺身定食三文魚，帆立貝，魷魚海膽，蝦，魚刺身好鮮甜，尤其帆立貝，好味。定食包括沙律，前菜秋葵和麵豉湯甲羅燒蟹膏味道濃郁，混入了鵪鶉蛋，增加滑溜感。南瓜天婦羅時令蔬菜，南瓜又甜又美，漿衣薄薄，鬆脆。七味魷魚燒有少少的辣，惹味有嚼口。

尖沙咀日式地道居酒屋 – 漁道樂疫情之下冇得去旅行今晚放工朋友約我去尖沙咀漁道樂食日本野餐廳位於金百利中心美麗華商場向前行就到入到去好似去左日本地道居酒屋咁北海道赤崎生蠔 ($68隻)12月北海道時令生蠔係赤崎生蠔每隻生蠔有手掌咁大隻好鮮甜好重海水味配埋蘿蔔泥蔥花同醋好好食海葡萄抹茶冷麵 ($148)抹茶冷麵份量都幾多浸落冷麵汁一齊食好正鹿兒島和牛串 ($148串)鹿兒島和牛用的是A4和牛一串大概有五至六件同朋友一人一串唔洗爭A4和牛入口即溶好好食燒油甘魚鮫 ($298)油甘魚鮫魚皮燒到金黃色啖啖肉之餘又夠哂滑油脂分佈得好平均兩個人食就剛剛好味噌蟹甲羅 ($78)去日式居酒屋必點既味噌蟹甲羅呢個菜式幾乎每枱都有叫蟹蓋入面蟹肉、大量蟹膏同蟹籽上面加左一隻生既鵪鶉蛋同少量蔥花店員會幫助燒熟撈埋一齊食口感好豐富軟殼蟹天婦羅 ($128)軟殼蟹天婦羅性價比頗高除左有大大隻既軟殼蟹之外仲有炸麵條、茄子天婦羅、日本冬菇、南瓜同番薯天婦羅夠哂豐富白桃梳打 ($68)甜度剛剛好白桃味好香食完日式燒烤飲返杯就正巨峰梳打 ($68)巨峰梳打幾好飲提子味夠自然唔會好假

平時好鍾意食日本料理就梗係要搵返啲好味嘅先可以慢慢享受😎獎勵吓自己✌🏻所以就去呢度食下日本料理食得多居酒屋都係第一次試因為呢度裝修感覺好地道首先試一試五色刺身，有新鮮嘅三文魚甜蝦仲有海膽推介呢度嘅甜蝦好大隻又新鮮聽講呢度嘅燒物好出名蟹蓋蟹膏超級滿足，超級好味😋而且有人幫手整朋友話好想試下甲羅燒，佢真係冇叫錯，因為好多料再食埋個天婦羅都夠晒豐富，炸皮完全唔厚，而且熱辣辣，咁買天婦羅醬汁好味道呢度燒灼同埋有子梳打都唔錯，清甜爽口食埋呢度嘅海鮮沙律，裏面有超多大大嚿嘅三文魚🍣煮食就食咗海葡萄抹茶冷麵，講真呢款都幾特別可以試吓呢度唔同嘅嘢食🙈

無得去日本的蟹道樂， 唯有食返本地的漁道樂， 餐廳位於尖沙咀金巴利道。 餐廳的裝修跟日本居酒屋差不多， 當自己去左日本啦。是日午餐刺身定食味噌蟹甲羅黑豚露筍卷牡蠣和牛刺身定食， 有三文魚，油金魚， 鯛魚， 海膽， 甜蝦。 海鮮非常肥美， 入口鮮甜。味噌蟹甲羅， 店員會幫手燒蟹甲羅，份量極多的蟹膏， 蟹籽， 入口甘香， 因為份量多， 我重用左少少黎送飯， 真係一物兩食。黑豚露筍卷， 黑豚煎得香口， 油份比露筍吸收左， 入口爽脆。牡蠣和牛，呢個真係無得頂， 大大隻肥蠔配上和牛， 海洋味同牛味充滿口腔。 肥蠔飽滿有肉汁。

🍽 漁道樂 Ryou Dou Raku———————————————🐈：今日喺尖沙咀行完街，就有啲肚餓想食日本嘢，但又想食間有水準嘅，見到一間裝修好地道好似日本嘅本地餐廳，睇睇個餐牌覺得價錢都適中，所以就入咗去啦。———————————————🌟赤崎蠔今日想食生蠔，見到餐牌寫住有赤崎蠔，於是就叫試吓。一見到佢有自己嘅醬汁再加塊紫蘇葉，個味道係完全係勁夾，隻蠔都係勁新鮮同鮮甜，海水味唔重。———————————————🌟秋刀魚刺身見到有個季節限定嘅秋刀魚，咁就試埋啦。秋刀魚當造，魚味濃。店員好細心咁介紹秋刀魚刺身嘅食法，可以將薑蔥直接放喺刺身面上邊，亦可以將薑蔥放喺酸汁或者豉油入面，再點秋刀魚。想讚返店員超級專業！分享咗好多關於刺身嘅冷知識，感激🤩！———————————————🌟味噌蟹甲羅呢個甲羅有蟹子、香蔥同鵪鶉蛋溝埋一齊。店員會幫手燒蟹甲羅，燒時已經聞到香噴噴，蟹羔加蟹肉加蟹籽，入口即溶，香味四溢，係必食推介！———————————————🌟燒元貝生蠔店員幫手燒埋，食材好新鮮，完全係鮮甜冇臭味，推介。———————————————🌟清酒煮蜆份量多，蜆肉新鮮彈牙，個湯好甜☺️，真係無野

位於尖沙咀金巴利道35號，門面已經好有日本風情。入到去之後，裝修係理所當然嘅日本裝修，望落乾淨企理。白桃燒酌&梅酒: 夠哂凍 味道唔差味噌蟹甲羅：有專人去幫你燒，會將隻鵪鶉蛋打落去蟹蓋上。燒嘅時候，已經聞到陣陣嘅香味非常之吸引。蟹膏同蟹肉味道非常新鮮好味，唔膩。燒生蠔：餐廳採用左瀨戶內海的蠔。非常新鮮，而且肉質厚身，燒左都係保留都原汁原味，極品!燒帆立貝:帆立貝唔係一般的帆立貝，係加左D 味噌湯落去 一齊烹煮係 呢個食法真係好正好鮮味。生蠔刺身：另外叫咗隻生蠔生食，佢係日本赤崎生蠔，點上少少檸檬汁，就可以食。同樣地，肉質厚身超肥美，SIZE有我手掌咁大隻，而且新鮮 食完好滿足。秋刀魚刺身：第一次食，將刺身點上少少姜蓉，然後再點上醋。估唔到係咁鮮味，呢隻刺身有點脂肪感，所以口感唔錯。和牛壽喜燒：佢用嘅係A4鹿兒島和牛，牛嘅脂肪比例適中，入口即溶。壽喜燒嘅湯亦都唔錯。黑豚蘆筍卷：豬肉同蘆筍嘅比例配搭，蘆筍無渣，送酒一流。仲想一提，呢度店員嘅服務態度非常之好，值得一讚。

漁道樂你真係好叻，我為咗你開account 黎寫呢篇食評！升職所以女朋友請食飯，諗住食餐好啲既日本菜，上網睇食評又見咁多人like，雖然唔平，就book咗呢間諗住唔會中伏！一入門口感覺店舖都幾闊落，裝修都幾靚，點知攞枱嘅時間佢就話只可坐二人枱，現場只有兩張二人枱可以坐，但望落去張枱細到唔知夠唔夠放到三碟餸，都無所謂啦諗住體諒吓而家生意難做鋪租又貴，行埋張枱度發覺頭頂個冷氣直吹好大風，我見到其實仲有好多枱但係全部都係四個座位，咁我就問嗰個男經理：請問可唔可以轉其他檯或者關細一些冷氣因為好大風，跟著佢就答：因為疫情問題而家個出風量要好大跟食環署指引所以冇辦法。咁我哋企左喺度猶豫咗一陣，跟著呢個男經理一句說話：果邊有四人枱可以坐最低消費$2500，你係咪轉？佢咁講我已經有少少滾滾地，第一我唔捨得女朋友請我食飯洗咁多錢，第二兩個人又唔係大食我唔知點樣同你食到$2500 ，第三呢個答案係咩服務態度？！最後都屈服坐二人枱，叫左$328刺身拼盤，一串牛脷，一客雜錦天婦羅，同埋Menu推介嘅海膽海鮮炒飯，女waiter落單冇啲禮貌，不過呢個都算數，態度差嘅waiter每日係茶餐廳受過所以頂到！好啦！上

放假就係四圍去，呢日去左呢間充滿日本氣氛，主打食海鮮既居酒屋，入面掛滿哂日本燈籠🏮和式裝修，又有塌塌米，真係冇得去日本都可以扮下去左一轉日本😂.👁‍🗨 味噌蟹甲羅(8/10) 💲78 (個).個個離都叫呢個味噌蟹甲羅，吾係吾叫掛😂上到枱既時候，啲蟹膏同埋鵪鶉蛋都係生既，職員會幫你混合埋一齊，然後幫你燒熟佢，真係好有服務😎燒緊既時候，已經聞倒好香既蟹膏同燶燶地既味道，食落啖啖混合住香蔥蟹子味噌味既蟹膏，真係好滿足🤩蟹膏味濃，間中仲帶點蟹肉🦀係會令人回味既.👁‍🗨象拔蚌刺身 (7/10) 💲580.平時打邊爐會食下象拔蚌，但係象拔蚌刺身真係第一次食🤔朋友話要試下，所以又同左佢一齊挑戰😂整到一條條幼身既象拔蚌刺身，質感都幾爽口，帶微微象拔蚌本身鮮甜既味道，第一次食都接受倒🙃.👁‍🗨 生蠔刺身 (7/10) 💲68 (隻).叫左兩隻日本生蠔🦪非常新鮮，屬於爽口蠔味相對淡口既果種，吾會太重海水同金屬味，沾埋附上既蠔汁一齊食，提升左蠔既鮮味😇個人認為對於一啲吾太接受倒生蠔既人都可以一試，相對地比較易入口.👁‍🗨 和牛壽喜燒 (8/10) 💲298.兩大塊來自鹿兒島既和牛，油脂分佈得相當平均，

漁道樂嘅裝修令人有一種去左日本居酒屋嘅感覺，夜晚嚟氣氛好好。午餐套餐就經濟實惠，而且選擇好多，熱食都好味😋吉列黑豚肉丼擔心炸漿比醬汁整淋，好彩醬汁係淋係飯面，豬扒仍然好脆🤤鬆軟又有肉汁，好味。午餐仲包沙律、涼拌秋葵同麵豉湯，好抵食！味噌甲羅燒🦀必食嘅一樣招牌菜🤤店員會主動幫手燒，蟹膏、蟹籽、蟹肉同鵪鶉蛋嘅鮮味燒完超級濃郁，就咁食真係好滿足，撈白飯都一樣正。生蠔🦪刺身我本身少食生蠔，不過朋友叫呢兩隻蠔又真係好靚，又爽又滑，加小小醬汁非常順喉

上年同朋友已經嚟過一次，去佢嘅蟹蓋念念不忘，所以，今次又嚟食佢喇😊我地㨂左個二人餐，貪佢咩都有，唔使諗首先嚟嘅係拖羅四奌刺身、壽司盛、土瓶蒸刺身肥美新鮮，拖羅充滿油香味，而土瓶蒸入面用海鮮煮嘅湯非常之甜，好味😋依個活貝盛盒同味噌甲羅燒係我最期待嘅😍，會有師傅幫手將生蠔、帆立貝同蟹蓋擺上爐上面燒，唔需要自己動手蟹蓋上嘅蟹肉、鵪鶉蛋、蟹子同埋蟹膏撈埋一齊燒，每啖都充斥住濃濃嘅蟹味，但唔會腥，非常之好味，另外帆立貝師傅亦都建議我哋食完記得飲埋啲水，話個鮮甜美絕對唔會輸比個湯，試過果然真係甜喎！牛肉湯個壽喜燒汁甜甜好味、牛肉都唔韌，不錯雜錦天婦羅夠脆口，但唔油膩，食多左都唔覺得滯最後食返個甜蜜小丸子，呢餐真係非常之滿足喎😊😊😊😊

呢間位於尖沙咀既居酒店真係好有去左日本既感覺，無論係佈置，餐牌，食物同服務都非常好，推介大家要去試下☺️☺️秋刀魚刺身（$298)🐟🐟店員推介既時令秋刀魚刺身，雖然佢冇三文魚吞拿魚嗰種油香，但係佢清清地都幾鮮甜😋😋蟹味噌甲羅 ($78/1個）🦀🦀甲羅燒由店員直接喺我哋個枱面幫我哋燒，見到佢手工好純熟，將所有配料撈勻然後邊燒邊攪。燒出嚟啲蟹膏好香好好味，如果有麵包或者餅就更好啦😛😛龍蝦鍋 ($398)🦞🦞非常足料，有原隻龍蝦喺面頭，店員溫馨提示我哋要將龍蝦浸落去先至可以煮熟，冬天有個煲喺枱面煲下煲下咁都幾暖笠笠幾開心☺️☺️燒油甘魚頭鮫 ($298)好香油份既油甘魚，燒完既頭同鮫好大份，我地咁多人分都有好多肉，燒得岩岩好，肉質鮮嫩又夠香🙂🙂特選壽司盛合 ($298)8件特選壽司，粒粒都好飽滿，非常吸引眼球😍😍最鐘意就係前面既帆立貝同埋海膽，兩個都好鮮甜，整體好新鮮石燒和牛 ($348)🐮🐮一碟6件既和牛油花超級均勻☺️☺️店員用石燒板係枱面即席幫我地燒，即燒即食夠哂熱辣辣，而且又唔會慢慢再熟，煮得岩岩好🤤🤤薩摩手羽 ($88/2串)熱辣辣既燒雞翼，只係基本既鹽燒就已經好香脆好味了😚😚軟殼蟹天婦羅 (

晏晝喺尖沙咀搵食，最鍾意食日式料理，而且午餐有定食，價錢唔貴。入到餐廳比想像中大、舒服又有日式風格。我哋揀咗兩個定食▶️刺身定食刺身賣相非常靚，而且好新鮮。有三文魚、油甘魚、吞拿魚、魷魚及海膽。海膽好鮮甜，三文魚、油甘魚同吞拿魚都好肥美。樣樣都相當唔錯。定食仲有沙律、麵豉湯、小碟。小碟秋葵配上醬汁，估唔到味道咁好食！▶️壽司定食配湯烏冬件件壽司都係好新鮮，而且壽司搓得幾好。鍾意配有烏冬，暖笠笠、熱辣辣。▶️味噌蟹甲羅我呢個又係相當好食😋店員會幫你燒，之後撈埋鵪鶉蛋夠滑，蟹膏唔會好鹹，味道啱啱好。▶️秋刀魚刺身用上秋刀魚刺身去燒，所以特別新鮮。燒完嘅魚金黃，肉質好正！飲品揀咗巨峰乳酸及白桃梳打，兩款都好好飲！呢一餐真係幾滿意！

最近見到網上話呢間餐廳好食，所以就趁住放工後同朋友去食！😛餐廳都幾闊落，而且都仲有啲升高版嘅榻榻米可以坐！☺️可惜好早俾人預約晒，所以無機會坐，唯有下次預約啦！🤣坐低先叫幾樣燒物，首先係蕯摩手羽，其實係兩隻燒雞翼，雞皮炸到好脆，調味唔會太鹹，肉質都好鮮嫩！🤗然後叫左個七味魷魚鬚，顧名思義就係用七味粉調味，所以每條都有辣辣地感覺，好香好惹味！🤪再叫一個燒油甘魚頭鮫，好大碟，唔單只個魚頭好厚肉，仲有幾件大大既魚腩入口，肉質甜美！😙黎呢度唔可能唔試佢最出名嘅味噌蟹甲羅，職員全程都會幫你燒，首先佢會將鵪鶉蛋，蟹肉同蟹膏蟹籽撈埋，蟹膏超級濃味，連埋魚籽嘅粒粒口感，呢個係必食推介！ 🤩然後我地再叫個軟殼蟹天婦羅，有好多件天婦羅，好脆同埋完全唔油！🤤炸軟殼蟹好厚肉，唔會話食完炸粉就無左！ 😋見Ｄ海鮮咁正，無理由唔叫個刺身，就揀左象拔蚌刺身，果然無叫錯！😘有好多塊肉質鮮嫩既刺身，送入口根本唔使點任何調味醬都得！😝我地仲叫左兩件時令既秋刀魚壽司，肉質異常嫩滑，好有口感！😙食完咁多海鮮同肉，都想最後食個清清地嘅菜，呢個龍蝦鍋就真係岩哂！🤭湯底幾清好香龍蝦味！龍蝦彈牙好鮮甜！又有好多菜同豆腐，非常抵食！😆最後