's Tea 天上人間茶寮

Open Now

Now Closed

聽聞近排尖沙咀美麗華地庫開咗間新嘅茶室，平時都會品下茶嘅我即刻去睇吓 👀裝修幾靚，有少有獨立嘅中式VIP房同日式雅座，非常打卡able。店員見到我有選擇困難，企咗成5分鐘都未決定到要飲咩，特登了解一下我嘅喜好，例如鍾意熱茶定冷泡，再同我介紹。最後終於揀咗佢哋嘅signature《西湖頭採頂級豆香明前龍井 128》店員貼心教導第一泡一分鐘是最能突出豆香。接着第二泡約30秒，不要太久，不然苦澀味會溢出。第三泡可以再泡過一分鐘，令味道更出。建議三泡為佳，之後除個人口味沖泡。龍井顏色呈現碧翠綠色，比較清澈。茶葉只取受首枝嫩芽，口感鮮甜。如果冇時間慢慢坐低品，仲可以外賣帶走。好似我咁平時喺屋企有沖茶嘅習慣，仲可以喺度買埋茶葉同茶餅。最特別嘅係佢哋仲有自家出品嘅流浪茶杯套裝，好靚靚😍🤩

早幾天和朋友在美麗華逛街， 無意之中發現apostrophetea，環境舒適 高貴優雅，夾雜中國和日本風格。它賣的是各種茶類飲品亦有茶漬飯，價錢合理，而且這類店舖香港少有，決定到店一試。我購買了冷的白蘭花高山烏龍（只是$58），下單時服務態度不錯，店員很有禮貌。我和朋友都覺得有點攰，於是坐下聊天一邊品嘗飲料。它先會送上頭泡，之後店員才送上一大支白蘭花高山烏龍，最令我感到驚喜是附送的小甜點，很美味，飲料和甜點很夾呢!我不太懂得品茶，發現原來頭泡和茶泡久了之間是有分別的，挺有趣啊呀! 這店值得推介，飲茶養生同時可以打卡，我會再來！

好似飲酒咁嘅feel，但又可以飲好fresh嘅嘢😂無酒精，環境都唔差，同朋友仔聚下吹個水都ok，有大枱可以聚埋一齊。叫左杯山露，中意飲橙同檸檬都可試下，有堆碎渣沉底，加波杯襯下都有feel。

再一次去呢間茶室 ，啲員工勁好記性，咁都記得我黎過😂佢地亦都不厭其煩再介紹野飲比我，服務態度真係勁好👍🏻👍🏻今次試咗山茶花手工檸檬茶，好香好好飲😍😍配埋個烏食真係一流😋😋可惜今次太趕時間無影相，下次一定會再黎！

's Tea 天上人間茶寮係最新進駐美麗華廣場嘅特色茶室，提供各款高質茶飲外，另設中式VIP房同日式雅座，等大家忙裡偷閒，呷上一口靚茶😆😆🥰🥰⭐⭐⭐茶室提供冷熱茶飲，點咗白蘭花高山烏龍(熱) ($98). 上枱時極具儀式感，除咗以紫砂茶壺泡茶外，仲準備咗紫砂茶杯，紫砂壺特別之處係可以吸附茶葉雜味，令口感更柔和清醇。茶湯有白蘭花幽香又帶有烏龍茶底嘅甘甜且餘韻長遠嘅滋味，高質！🎉🎉🎉🤩🤩店員好熱心介紹各款茶飲，亦可以按自己口味，同店員講，佢哋就會推薦合適茶飲，好貼心嘅服務。除咗堂座仲可以take away 㗎，茶室另有售賣各款茶葉茶餅及 's Tea出品的茶杯套裝，相當全面😆😆😆😙😙😙⭐⭐

‘S Tea餐廳環境：一行到門口已經見到呢間餐廳嘅獨特風格🤩🤩🤩座位擺設同裝飾都見到負責人擺咗好多心思，如果想搵一個空間chill chill 地嘆返杯靚茶，呢度絕對好適合🫶🏻🫶🏻🫶🏻✨冰河川✨外觀上十分吸引😎😎將佢倒落一杯充滿圓形冰塊的杯裏，然之後飲落就已經感覺到係充滿柚子蜂蜜的味道🤩🤩🤩清清甜甜，俾人一種好輕鬆舒暢的感覺👍🏻👍🏻👍🏻而且喺夏天嘅時候飲呢杯凍飲就最適合不過🥰🥰🥰

尖沙嘴新開日式茶室 - 's Tea 天上人間茶寮 ck我向來就對茶非常喜愛，經常飲茶黎放鬆自己 ! 今日ck就收到風位於尖沙咀美麗華既's Tea 天上人間茶寮正式登場 ! 所以作為茶痴既我就黎捧場試試啦 ! 今日ck我就叫左宇治雲龍抹茶金箔泡沫鮮奶，佢採用左宇治直送既「雲龍」抹茶，入口甘香濃郁，有獨特既燒紫菜鮮香味道 ! 提一提如果大家有興趣既話，只要同員工講聲，就可以親自體驗抹茶啦 ! 呢度有獨立既中式VIP房，張台以日式簡約設計，望住風景山水畫飲茶非常寫意，亦設有日式雅座 ，而服務質素方面，員工都好有禮貌，對飲品既背景同製作方法既介紹都好清晰，可以方便客人揀選到心儀的飲品，，飲品可以揀堂座或take away， 除左製作好既飲品外，仲有茶葉同葉餅賣 ! 當然唔少得仲有 's Tea出品既茶杯套裝啦 ! 's Tea 天上人間茶寮電話：6891 6238地址： 尖沙咀彌敦道132號美麗華商場一期地庫B125營業時間 : 星期一至日 12:00 - 22:30

今次係我第二次來，上次佢哋剛剛開始，好似好多野都未準備好，今次來，覺得好左好多啦！叫左個抹茶鮮奶，好綿滑！抹茶好香，奶味好足夠，仲有金箔成件事好靚！員工講解menu好有耐性好詳細，好有禮貌，笑容好，佢哋忙到踢晒腳，都好有心問下我個抹茶鮮奶做得好唔好，夠唔夠味同甜，真係好難得有咁重視客人的小店，一定要好好支持！❤️走嗰陣時，仲全體員工講多謝同拜拜，實在太熱情啦！🥰🥰🥰我自己本身好鍾意飲茶，呢度坐得舒服！環境好靚，服務態度好，茶飲講究認真，值得一來再來！我會推介朋友來的！非常不錯！❤️❤️❤️❤️❤️

如果喺尖咀行到熱辣辣，又想搵嘢飲又想搵個舒服嘅地方抖抖，就搵到呢間”茶室”🍵大推👍🏻第1眼就俾佢嘅擺設同裝潢吸引咗🤩 而啲店員都超nice！我同朋友都心大心細，好多款都好想飲，店員好有心機同耐性去介紹同了解我哋嘅口味，之後就介紹咗幾款茶俾我哋揀。最後我哋分別揀咗::仙境冰調嘅山露🍊$108(鮮橙+香水檸檬+冰島山普茶)仙境冰調嘅藍月光🌙 $88(香水檸檬+蝶豆花+龍井茶)睇得出好有心機，唔係求其沖出嚟，2款茶都好fresh，酸酸甜甜加上啖啖茶香，好啱夏天飲，爽✌🏻個樽望落啲茶嘅份量好似好少？！但其實飲落就會覺得飲極都有😬 真係名正言順嘅慢慢嘆🤭另外仲會有件小糕點同卡仔配搭住🫰🏻另外，店員亦推介茶漬飯同烏東(有冷/熱)，咁我哋就各人各要咗1份。茶漬飯都唔少嘢！啲飯素鋪滿哂飯面！配埋茶一齊食，不得了！平時唔太食飯嘅我都食哂！另外個烏冬，我哋揀咗冷烏冬試，烏冬好彈牙，味道唔錯😌下次要試下其他款式嘅茶飲！

茶不純正，沒有烏龍茶味，只有奇怪不天然的花香味，山茶花烏龍只能說是超輕烘焙，飲得胃不太舒服。服務態度有待改善。初時員工態度不錯，很用心介紹茶葉，唯有名較高級別的，懷疑係老闆娘的人，態度粗率，得知我們兩人喝一壺茶，竟大聲問，咁尷尬？？？如果不行，為何不先事先列明，竟如此粗魯向客人說話。可惜連味道也不好，就莫說更其次的了，不會再來。

第一次入去，已經俾佢哋裝修深深吸引住！好整齊，好整齊！茶館一個個排列得好好 👍🏼強迫症嘅我，覺得好療癒😂🫣然後一排一排好整齊嘅紫砂茶壺 員工好整齊咁樣企喺度😂😂😂叫我入去飲杯茶😌最後真係入咗去！發現所有嘢都好簡約好舒服，裝修一百分，然後經過店員嘅推薦，我叫咗一個佢哋話宇宙最強嘅龍井 （$128）起初覺得有少少貴😅不過人一世物一世諗住試吓！入口第一下已經覺得值回票價😱坦白講，我真係冇飲過咁好飲嘅龍井！難以言喻嘅好飲我諗呢個質素一定唔係$128囉！我心目中覺得佢值三百幾蚊！佢拎出嚟嗰個儀式感已經覺得好冇得頂！嗰個海棠玻璃嘅托盤+1個勁浪漫嘅蠟燭台，上邊配置咗一個好有風味嘅手工玻璃茶壺裝住啲熱水，仲有一個沙漏同埋茶具俾你自己可以調配第二泡！成件事真係好有型好有趣！影相打卡都好鬼靚！茶點有一個年輪芝士蛋糕，好襯😉！我一定會一定會再嚟！

喺尖沙咀咁繁榮嘅地方，有一個咁舒適嘅新中式茶館喺香港真係好少見，好有特色！啲茶好好飲，好特別好靚！啲員工好親切友善，落單時好耐心咁介紹，就連帶小朋友去飲茶坐低都唔介意💙成本menu睇得出好用心製作，揀咗陣又唔知飲咩好，經店員推薦今次試咗紫霜凝（$108），出到黎好靚😍打咭呃like一流😂最重要係唔止靚，仲要好好飲🍹而且仲要無冰㗎！係用杯裝冰波咁上，坐咗好耐杯飲品都無變味！好正！！！而且仲有小食好好味😋同店員傾計先知原來老闆以前開酒吧，而家轉開茶館，用cocktail 個原理整咗呢一系列茶底mocktail 🍹真係勁有心思之後仲見到有啲茶具買，勁多顏色勁靚😍仲要唔貴，買咗一套$380仲送50g茶葉，超級抵超值得一去👍🏻👍🏻👍🏻