莎巴馬來西亞餐廳 (Moved) New Location

今次係依個午飯時間黎左依到,環境都算比較迫， 不過野食既味道就唔錯喇,所以迫少少都可以接受既,服務方面就算唔錯，起碼有禮貌,又夠哂主動,收野快,唔錯佢午餐既款式,基本上每日大致相同，串燒,咖喱就一定有既，全部都係七十五蚊加一小,中上既價錢,今日餐牌既B餐就係我既選擇,就係依個焗芝士菠蘿海鮮飯。平常食既菠蘿海鮮飯通常都係炒，但焗菠蘿海鮮飯就真係未過。依個芝士加菠蘿既組合其實都幾新奇下，平時係出面都真係好少聽，但原來加埋上黎,食落既味道意外地唔錯。加埋有菠蘿既飯，食落個芝士都無咁膩,比較清新左D。菠蘿就係一粒粒既，幾有咬口,口感唔錯。海鮮就係普通貨色，份量就夠哂多。飯疥控制得好好,夠濕潤唔會太乾,軟硬程度岩岩好,食落好正,同埋夠哂熱,唔錯既。 

是年復活節, 沒有假期, 連續四天要到會展工作, 真是掃興. 那唯有吃得豐富一點吧, 第一個下午, 想起很久沒有來莎巴了, 不如就重溫舊夢看看水準有沒有改變.星期天, 沒有午餐餐牌, 吃的還是晚市餐牌的菜式, 及價錢, 即是不太便宜. 也因如此, 店子的人客不多, 我可以任坐. 其實如果人多的話, 這裡是幾擠逼的.海鮮喇沙 $85: 7.5分, 天氣熱, 就來客海鮮喇沙吧, 份量十足, 海鮮的款式亦不少. 先喝口湯, 椰汁香突出, 帶點點辣勁, 但還算是我接受得到的程度, 是相當惹味的. 海鮮方面, 鰤魽就沒有下了, 而蝦肉質感一般, 不太爽口, 青口亦是麻麻, 反而豆腐卜吸收了湯汁的味道, 令人滿意. 麵條的質感就是幾彈牙的, 也有水準.莎巴馬來西亞餐廳的海鮮喇沙, 湯水準不俗, 但海鮮就令人失望了. 加上價位不算便宜, 下次再來, 還是吃雞飯好了.

聽聞莎巴係出名既馬來西亞菜係香港黎講話係最地道今次就黎試下咁地道既美食:^)咖哩角（牛／羊）外皮夠埋香脆，薄得黎又唔會油餡料好足，我個人覺得羊味較出色，肉味香濃不過講真我唔係好中意呢款咖哩角咁薄皮既造法:^(，都係印度果種三角錐我中意d巴東牛肉醬料十分香濃，椰味重之餘薑味更濃香新之中，更有點點甜味，用包點醬仲好食牛肉入味非常，仲好軟稔可口，真係夠哂惹味冇咩脂肪，食落唔太膩，清爽少少油鬆餅抓得鬆軟，香口不油膩，同外面既油鬆餅完全唔同:^)麵粉香味十分重，帶微微麵粉甜，仲有焦香味麥卡莉汁燒雞燒雞唔油膩，得好少脂肪，冇雪味腥味，仲有少少焦香雞肉不老不柴，但好肯定係全熟，又幾入味醬汁酸甜之中帶點新味，微稠好啱撈飯沾餅瑪沙拉羊角豆羊角豆好清新，即使沾滿醬汁，入面仲係有水份既其他配菜都好新鮮清爽，食完真係解哂膩咁瑪沙拉醬較溫和，都係啱配飯同包食原味饟餅同印度果種唔同，佢唔係爐燒唔係發起哂既反而同pita bread有點相像，係薄身少少既外表有焦香味，食落都有點麵粉香甜:^)冇近距離睇過，但我諗open kitchen果個位應該係睇到廚師整呢d包餅酥炸香蕉估唔到咁大份，呢個一定要趁熱食香蕉部分香甜清

此處非原先午餐地首選，只因接近了下午茶時間而原先目的地快落場下才臨時轉陣。店內空間幾擠迫但卻不乏人流，侍應們不停奔走，食物香味在店內彌漫著，加上蒸氣騰騰實在誇張。因為最肚餓的時刻過了，所以便隨意點了幾樣食品:紅豆冰: 紅豆超多，而加入椰汁外還有一種類似糖漿的東西，好喝但認為中間的冰太多海南雞飯: 上台美觀， 雞一碟，飯一碗，醬油一行3色，一碗湯4樣東西。雞身非常的嫩滑有味而且配上酸甜入味的醃瓜很開胃，雞湯入口雞味什濃而且不太油，倒下少許入油飯令飯身鬆軟易入口。 實在是很出色的海南雞飯。古馬咖哩牛: 不太清楚什麼是古馬只知道不辣，果然一看顏色就知道不辣，看似雖淡黃卻吃不到太重椰汁味反而咖哩味得以保留。 牛肉也沒想像的老身，反而連著一些筋位更有咬感，可惜的是貴價同時沒有飯送。油鬆餅: 由於單叫飯也不便宜所以點了這個，鬆餅很燙手但不太油膩，反而麵粉香每次拉開鬆餅時也展現出來，配上咖哩汁和牛肉包著食就剛剛好！單以食物來說意想不到的出色，但環境始終太擠迫和價錢跟份量比可說來偏高，不過還是可以一試！

莎巴馬來西亞餐廳位於公司附近，都是我們間中會去的食肆。奈何這裡十二時後的午市繁忙時間不設訂位，所以是否成功到來，都要看看當日的人流而定。店內環境算是擠迫，出入附近的客人都要起來「讓座」。服務方面就正常，點餐、收碟、出餐及結賬也不會等太久。它的午餐每天都大致相同，串燒、咖喱往往是走不掉的，劃一七十五元再加一小賬。今天的餐牌上有個比較特別的B餐－焗芝士菠蘿海鮮飯。平常吃到的菠蘿海鮮飯多是炒的，這個焗菠蘿海鮮飯你試過嗎？先來今天的南瓜湯。這裡的南瓜湯很甜，忌廉也頗滑。不過，我不太喜歡過甜的湯。  焗芝士菠蘿海鮮飯最初我都有點擔心芝士加菠蘿這個組合很奇怪，因為這個組合大多在薄餅中出現，原來加起來意外的味道也不錯。加上了菠蘿的飯，令芝士相對地輕怡清新了。菠蘿切成了粒狀，都有咬口。海鮮雖然不是上等貨色，但是份量尚算充足。飯的濕潤及軟硬程度亦適中。食品上枱時熱度很高。  馬豆糕馬豆糕太軟身，味道也太淡。另外，又把兩次食評結合吧！另一次來吃的是黃咖哩雞配油鬆餅。這裡的咖喱味道很淡，雞也不夠滑，份量也不算多。不過油鬆餅很鬆軟，掛汁度也很高。整體來說，雖然它的食物不是十分出色，但是也有值得回頭的理由。

New Year Eve, we escaped from the crowded and crazy 'upgraded' New Year Eve dinner in Wanchai, for a different and little warm dining environment for our tongue, stomach, and brain Sabah Malaysia Cuisine, quite traditional Hong Kong restaurant layout, a little bit crowded while peak time, served by 40s/50s nice gentlemen who are always willing to make some recommendation to the clients, very nice guys. Restaurant offers traditional Malaysia foods and drinks, and it's recommended by famous local

2013 最後一晚, 選擇和幾位好友渡過, 致於2013 最後晚餐決定來莎巴馬來西亞餐廳。朋友一早已經Book定枱, 所以去到只係等了區區幾分鐘便可以入坐。點了巴東牛肉, 雞豬串燒, 黃咖哩雜菜, 蔥油餅等其中以巴東牛肉非常出色. 辣得不過火, 惹味香口, 配以熱辣辣的蔥油缾令人食到停唔到口。串燒則不過不失, 但配以沙爹醬則味道層次更為提升, 沙爹醬充滿花生醬的濃香, 配任何肉類也是無敵。食得滿足，份量也剛好，可以再戰甜品。

灣仔尺土寸金，莎巴馬來西亞餐廳正方形店面內，方型桌椅擺得密密麻麻的，不免予人擠迫的感覺。舖內裝修簡約，沒有太多的擺設，盡顯平實的風格。約半年前，曾和友人於此處共享晚餐。散點晚餐較為昂貴，除了油鬆餅和咖哩外，其他驚喜則不大。今日，小妹和老爹路過門口，見午市提供6款包主菜、餐湯、飲品和甜品的套餐，盛惠$75，另加一服務費。飲品選擇也頗多樣化，可免費選擇鮮果汁、汽水、咖啡或茶等，轉特飲則另加$8。適時，時間尚早，店內仍有空位，就決定入內用餐了﹗我們被安排坐在近大門口左手邊的位置，對正開放式的水吧，可清楚見到一印巴籍師傅在拉茶及製作油鬆餅。小妹要了最愛的凍檸茶，徒見茶色，已知對辦也﹗茶味芬馥香淳，配合檸檬的清新酸甜，以及糖水，水準極佳﹗及後，小妹想拍下印巴籍師傅拉茶的照片，故老爹勉為其難要了杯拉茶。雖然要額外加$8，但可近距離欣賞拉茶表演，物超所值了﹗據聞，拉茶是起源於移民到馬來西亞的印度人。印巴籍師傅見小妹在拍照，十分醒目地轉向小妹的方向。只見師傅每隻手均拿著大小相同的不鏽鋼杯，一隻杯放在大髀附近位置，另一隻手則垂直高舉，熟練地把奶茶從高處倒入低處的杯中。接著，師傅不斷地重覆拉茶的動作，有時

新一年第一日返工食好d人都開心d見咁多笑面一於又試下 都唔錯wor～我食咖哩羊飯咖哩撈飯食好難會唔好食雖然d咖哩得個辣字唔香飯如果軟熟d更好羊一般 有少少羊味但唔酥 同埋老左d 不過好多舊 飯又大碗 包食飽朋友個焗英式魚柳飯就超正賣相一流 可惜無影相好多汁 充滿芝士味 魚又滑又夠份量 新鮮出爐焗得岩岩好跟餐有粟米湯 一般有野飲 可以選橙汁 似係鮮榨 幾好～一定再encore試埋其他野食

難得老豆得閒就同咗我同家姐去灣仔。在唔知食咩好嘅情況下，我就提議食莎巴因為印象中幾好食。 去到大概六點半七點，剛剛好有位。環境：餐廳裏面嘅牆有d民族相掛住，幾有特色。櫈係竹做，加上有個長期駐手係個度嘅印巴籍師傅，不禁地令我回想起以前嘅蕉葉咖哩屋。暗黃嘅燈光好柔和，令人坐得好舒服。服務及衛生：服務快，總體都ok,我地坐咗好耐都無俾面色我地睇。衛生方面都ok，，枱面乾淨，地下又無食物殘渣。如果要擔心嘅話，都係薄餅師傅對手，因為佢係徒手搓，不過這也是特色嘅所在。始終呢d要靠手感嘅，唔直接用手就好似會無咁好食。 味道：Menu選擇多，我地睇咗陣menu先決定到食咩。最後，要咗蕉葉燒魚（$198），麥卡拉汁燒雞（$128？） ，沙爹雞（$68？） ，沙律（$68？）（對唔住，名唔記得咗，不過喺menu有圖睇），油酥餅($40)，蛋薄餅($45)。無錯，我地就係咁大食！  燒魚個醬汁好惹味，好正，同d餅食仲正！ 燒雞個醬汁有d似印度butter chicken。好濃味，又係同餅係絶配！d雞塊有少少乾，不過好過要拆皮拆骨。沙爹普通，雖然燒得tender,但我覺得可以更好食，個花生醬都可以多d

標題就起得好聽，但來的時候完全不是那種心情。（作者按：《馬來亞之戀》是1954年 (!) 由紫羅蓮自編自導自演和監製的電影，OK 那齣戲還有吳楚帆和張活游 (!!!!) --＞那是我祖輩的年代了呀 ）過來老媽的公司附近找她吃晚飯，老媽二話不說拉了我和老爸過來。莎巴我反正未吃過，也沒心情想太多，也就好了。那時只是六時多，所以沒什麼客人。這裡賣熱帶地方的食物，但冷氣卻是非常之凍。吃什麼，平常我這挑剔鬼總會意見多多，不過今晚其實也沒什麼頭緒。星巴菜不外都是那些東西，就讓兩老隨便挑吧。油鬆餅（$30）似乎是必點的，單是這一類餅類的東西已經佔了餐牌的半版。女侍推介這一款，好用來伴多汁的菜色，價錢也是當中最便宜的。店後有東南亞籍廚子在即場炮製油鬆餅。既然有了鬆餅，那就來些醬汁較多的主菜，分別是麥卡莉汁燒雞（$118）和古馬雜菜 ($78)。老兩老都吃不了太辣，所以有茄汁成份的麥卡莉汁燒雞就頗合大家的胃口，起碼有點甜味，不像看起來紅通通的嚇人。當然它也是吃油鬆餅的好拍檔。圖左上的是古馬雜菜，椰汁底非常之香濃滑溜，蔬菜就有西蘭花、薯仔、洋蔥、秋葵等等，是惹味的素菜咖哩。肉骨茶 （細 $88）也是不可

朋友說這裡是很好食的,於是就帶我來馬來西亞野,其實應該要試肉骨茶,蝦麵,咖哩魚頭之類.但係3條友邊食到咁多,加上我又係霸王餐,就佢地簡啦叫左肉骨茶,咖哩等等比較熱門的老實講咖哩牛我不太欣賞,因為一來香料味不足,而且不太有層次,辛辣味也不夠,肉味入但唔夠稔.另外叫左青咖哩雞但我無試NANN也是一般貨仔,沒有出色的表現唯獨肉骨茶就真係幾好味,濃厚的藥材味,加上帶少少咸,少少胡椒,少少辛辣的味道!藥材味既濃絕對沒有令人距之門外,係令人愛上的味.加埋油炸鬼,索哂D湯,炸得脆脆,令到成碗野更多口感但係以OVERALL既質素,我認為在咖哩上要改善一下.當然以LUNCH來講,係可以接受的但有個問題係衛生一般,幾多蒼蠅

這晚拉闊音樂 (Fiona, Kary, Ivana & 二汶), 用積分換來2張門券, 幸運地簽賬又抽得額外2張門券, 好開心邀請埋兩位好姊妹一齊拉闊~~晚飯就近近地揀了在謝斐道的莎巴, 估吾到有咁多人, 好彩已訂枱! 回想起原來之前同好姊妹是來過晚飯呢！半打3雞3牛串燒, 不過不失, 吾會太乾, 沙爹醬重花生味~~1隻辣椒的咖喱雞係完全吾辣咁制, 咁多咖喱汁都係要加多一碗白飯！凍既油酥餅, 無想像中咁鬆化~~完全無雞油香的飯忽然想食巴東牛, 比CEO話我叫印尼菜, 大家都覺得好辣, 我真係覺得吾係好辣囉！ 但吾知點解勁多香茅~~埋單每人約$100, 都算合理, 味道就退步了！最大問題無乜冷氣

    星期四中午飯经過此舖,見不用等位,第一時間入內. Set Lunch見有$70海南雞飯,即叫(心諗咁貴但無計,鬼叫有位,加上條街36度,超熱)5分鈡內,飯到.賣相不俗,雞同飯份量ok,D雞好滑,好有雞味(連皮食).加D特製酸辣汁,正.飯就冇乜特別.加個貴妃苗(貴過雞飯$78)埋單$240 (頗貴)

每月七位好友一聚，搞手徵詢了小妹意見，就揀左灣仔莎巴馬來西亞餐廳，想試下咖哩喎﹗小妹及兩位友人怕辣，故我哋分別揀左辣與唔辣的咖哩，再配油鬆餅來吃。咖喱炒大蝦超貴﹗5隻大蝦咖哩叫價$258，但友人喜歡海鮮，無計，唯有照叫。蝦size頗碩大，蝦肉啖啖鮮甜且彈牙，GOOD。對小妹而言，咖喱超辣，試左一口即停。其餘兩位嗜辣的友人卻吃得津津有味，大讚d咖喱超正，吃到停不了口……椰汁咖喱雞咖喱椰香超噥郁，完全唔辣，d汁可以大匙大匙攞嚟飲；薯仔夠淋，吸收咖喱及椰汁的精華，入口即融，啱小妹口味﹗油鬆餅油鬆餅熱辣辣，即叫即做，鬆酥軟香口，又不油膩，撕開一片片來點咖哩吃簡直係絕配，正正正，要不斷添食﹗鎮店之寶，非油鬆餅莫屬﹗海南雞飯套餐海南雞肉質嫩滑，雞皮金黃色，非常誘人，惜份量偏少，味道一般，期望過高的小妹試完頗為失望﹗飯唔夠熱且偏濕(d米唔靚)，無甚特別。三色自家製醬汁最惹味﹗值得一讚。碗湯無試，未能作評。炸蝦餅小妹至今食過的炸蝦餅，呢家水準算較差﹗雖然蝦餅炸得外脆內嫩，但蝦肉唔夠鮮、爽及彈牙，無甚特別﹗串燒沙嗲(雞及牛)差﹗燒得乾爭爭，d肉又嚡殺殺，無咩肉味。燒功及醃肉方面有待改善﹗炒貴妃苗d苗夠嫩