三郎。燒肉

Open Now

Now Closed

三郎。燒肉，提供了一系列精緻的燒肉菜式以及和食。首先，烤和牛肩他他凱撒沙律以優質的和牛肩他他烤制而成，肉質鮮嫩多汁，搭配新鮮的生菜、凱撒醬和香料，層次感同口感都豐富。烤和牛肩他他的獨特香味與凱撒沙律的清爽酸甜相融合，十分開胃。作為小食的香辣雞翼每一口都散發著香辣的風味，而旁邊特調的醬汁與雞翼互相襯托，單骨更是食得很方便。五點刺身盛合有入口即化的拖羅，有燒香後釋放魚油香的銀鱈魚，鮮甜的帶子、細膩質地的蜜柑鯛與深海池魚，每一片刺身都頗為出色。主角特選和牛盛合更是令人留下深刻印象。和牛三筋、和牛肩胛、和牛肉眼和牛柳組成了這道盛合，其優質的肉質和豐富的脂肪紋理讓人驚艷。每一口都帶來了濃郁的和牛風味，肉質鮮嫩多汁，入口即化。最後，和牛煲仔飯和日本季節雪糕為這頓豪華的燒肉晚餐畫下了完美的句號。和牛煲仔飯以細膩的和牛肉和香氣四溢的米飯為特色，帶來了濃郁的口感和豐富的風味。

之前黎尖沙咀食飯，留意到喺中間道轉角位有一間裝修得好有日本風嘅燒肉店，嗰時已經諗住有機會就要試吓。今次過嚟尖沙咀又未諗食乜，所以就walk in dinner。〈烤和牛肩他他凱撒沙律〉我哋首先嗌咗個烤和牛肩他他凱撒沙律，有和牛肩肉，再配埋新鮮嘅沙律菜，車厘茄，麵包粒，沙律醬。和牛肩肉同埋沙律菜嘅份量算多，健康得黎，味道夠fresh，作為開胃前菜唔錯。〈香辣雞翼〉因為忽然好想食雞翼，於是就叫咗呢個香辣炸雞翼黎試吓。本身都好鍾意單骨雞翼，貪佢食落夠晒方便。雞翼外皮炸得熱辣辣，夠晒香脆。雞翼唔會話炸得太乾身，咬落去肉質仍然keep到幾Juicy。整體味道調味適中，點埋啲沙律醬嚟食就perfect。〈季節刺身盛盒（五款）〉估唔到食燒肉都有得叫刺身。呢款季節刺身盛盒（五款），師傅會安排當日最新鮮最靚嘅魚或海鮮俾我哋。我哋嗰日就有三文魚同埋帶子等等，每一款刺身都有兩件，同朋友share就啱啱好。刺身都係厚切嘅，食得出每款刺身都好新鮮，三文魚入口夠油脂香。〈特上和牛五款盛盒〉去到今餐飯嘅戲肉，就係燒肉喇。作為一個咁鍾意食和牛嘅人，諗都唔使諗，梗係要叫特上和牛五款盛盒。每一款肉上面都會有個label寫

今日lunch同朋友黎試試尖沙咀既定量涮涮鍋，套餐包左蒸蛋、麵豉湯、沙律、甜品，係一個滿足既午餐☺️.💙A5和牛&牛舌涮涮鍋御膳 1人前和牛油花比例多，但肉味一樣出色，碌到變粉紅色食就岩岩好😍 牛舌係爽口彈牙個種～ 細細片，仲跟埋烏冬同蔬菜盤，幾豐富😆.💙松葉蟹&海膽甲羅燒石鍋飯御膳 櫻花蝦炒飯底，再將松葉蟹、海膽、蟹籽、蟹膏撈埋一齊食，有好濃郁既蟹味🦀🦀 最尾仲整到飯焦，脆卜卜😛餐廳環境唔錯👍🏻食物質素高 下次會再encore!🥰

今晚去尖沙咀食好西，呢間燒肉喺正尖東地鐵站L1出口，過條馬路就係，地點一流！燒肉前先食個「烤和牛肩他他配凱撒沙律」，和牛份量都多，配埋沙律菜，清新健康！之後也少不了要試吓刺身，組合由師傅發板，全部都好新鮮肥美，其中吞拿魚魚肉軟腍，另外炙燒太刀魚又別有一番風味。接著就是主菜燒肉，今次點的是特選和牛盛合，共有五款肉，包括和牛肉眼及和牛三筋是和牛級數，油脂分布均勻，好腍好好味。另外仲有牛冧、內側後腿肉和内腹肉。牛冧即係牛臀肉，肉質彈牙。接著還有阿波尾雞頸、鹿兒島縣產雞心和帆立貝。第一次食雞心原來好爽嘅，有啲似雞腎嘅感覺。雞頸都似豬頸肉咁。帆立貝都幾大粒，切忌燒太耐否則會太韌唔好食！另外還點了些即食不用燒的，包括香辣雞翼，令我想起KFC的😂辣辣地好惹味，好食到停唔到！點同唔點醬都好食。驚唔夠飽可以食埋和牛煲仔飯，細細個煲仔都好夠食，仲有隻蛋喺面似足窩蛋牛肉飯！當然呢個係用和牛嘅，估唔到和牛份量咁多，而且好腍呢！啲飯索哂和牛精華，好好味🤤最後仲有一球雪糕做甜品，平時好少食開心果味，簡直令我一試愛上，雪糕質地又滑，十分讚！

之前為左婚禮要忍口，好耐冇出動做foodie啦， 而家一切都搞掂晒，可以帶住新晉老公再次出擊享受美食😆首次出擊當然要揀🐹🦭都最鐘意嘅美食，壽喜燒一定唔可以錯過😆因緣際會得知尖沙咀有間燒肉個壽喜燒好特別，好食得黎又啱晒打卡，一於決定就係你啦😁舖頭位於H Zentre地下，尖東/尖沙咀L1出口一過對面就到，超級方便，舖頭裝修好有日式風味，晏晝都好多人食，咁受歡迎，質素一定有保證！棉花糖壽喜燒套餐專程黎就係為左呢個棉花糖壽喜燒，綿花糖放左係個架上邊，係壽喜燒醬油底嘅正上方，蒸汽慢慢將d綿花糖溶化，綿花糖一絲絲咁滴落黎，真係好靚，啱晒打卡😆d牛油花分佈超靚，不愧為日本產A5優質和牛，綿花糖同壽喜燒嘅驚喜配搭，味鮮嘅醬油比一般更甜，和牛蘸落個蛋漿成塊口感好滑，油香好重，最後d蔬菜放落個湯底熬，索晒個醬油底，蔬菜本身嘅甜加上綿花糖嘅甜再加上牛油嘅香同醬油嘅鮮，令味道更添層次松葉蟹海膽甲羅燒石鍋飯御膳除左綿花糖壽喜燒之外，我們仲嗌左個松葉蟹海膽甲羅燒石鍋飯，蟹蓋放上滿滿蟹肉蟹籽再加上新鮮海膽，用黎撈飯食認真一流，石鍋飯飯焦唔算太燶，食落有飯香，而且套餐仲有沙律，茶碗蒸同甜品，非常豐富，CP值非常高😆

去到H Centre食燒肉 完全係貴賓式享受😎😎叫咗個烤和牛肩他他凱撒沙津配埋少許沙律醬😋😋健康美味 蔬菜咬落去好脆 冇諗過食燒肉都有得點刺身Ps: 趕得切喺核水排海前食😂季節五大刺身盛合有吞拿魚、牡丹蝦同油甘魚等全部好大塊 品質有保證 點上醬油Wasabi 即時提鮮了不少當然要提一提給這裏的重點燒肉！特選和牛盛合一共有五款肉三角腹肉、下腹肉、和牛里脊肉、牛柳、內則後腿肉～幾款肉都鬆軟有肉味 尤其下腹肉與下腿肉這個部位有更加多血紅蛋白 和脂肪平均分配入口有香特別好份量不多不少 每人一塊就對了除了牛肉，還有其他類型的燒物阿波尾雞頸、鹿兒島縣產雞心、燒海鮮及燒野菜最令我難以忘記的雞心 因為真的要燒得好有技巧的 還要時常詢問店員是否熟透😂😂不過雞心的味道的確令我留下深刻印象最後 不能小覷這個和牛煲仔飯已經有本分飽的我 還擔心吃不下但是這個份量剛剛好一小碗 職員把日本生雞蛋與熱辣辣的煲仔飯攪拌在一起加上蔥花等 感覺像地道港式茶餐廳吃到的但在高級餐廳品嚐 感覺當然是截然不同的高尚😝

喺尖沙咀嘅三郎燒肉係主打日式燒肉嘅餐廳襯朋友生日就去咗食二人前廚師發板😋✨烤和牛肩他他凱撒沙律薄薄嘅和牛肩肉牛味濃，幾啱配搭沙律✨三點刺身盛合刺身好新鮮，可以食到唔同魚獨特嘅口感同味道。而且魚皮火炙後更突出魚油嘅味道✨特選和牛盛合（五款）五款和牛嘅油脂分布都好平均，每啖都充滿油脂嘅香味🤩✨阿波尾雞頸肉雞頸肉肉質嫩滑，又有嚼勁✨雞心第一次燒雞心，估唔到好好食！餐廳用咗麻油調味，帶有淡淡麻油香✨帆立貝帆立貝大粒又鮮甜✨香辣雞翼雞翼微辣，就算擺耐咗一樣咁香脆✨和牛煲仔飯香港特色嘅煲仔飯再加上和牛😍，煲底仲有飯焦，醬油調味好✨柚子雪糕好清新又解膩，雪糕入面有粒粒柚子

五點刺身盛合($598) 好新鮮嘅刺身，海膽同埋四款時令魚刺身，個個都好鮮甜，特別係海膽！特選和牛盛合（五款）($558)嚟得燒肉店點可以唔食和牛, 五款和牛都好細心咁列咗係邊個位置，每款嘅雪花紋都好靚！個人最鍾意食辣椒肉，食落肉味濃得嚟又不會太油膩～仲有一啲散叫嘅海鮮：推薦「阿波尾雞頸」，食落中間有條好似軟骨嘅嘢，食落幾特別！和牛煲仔飯($298) 就咁睇相都見到好多和牛！叫得煲仔飯，當然唔可以少咗飯焦，食落好香口，再加埋個蛋黃，食落唔會太乾身！另外值得一提佢嘅開心果雪糕，因為睇落唔係特別吸引，所以冇影到相，食落有驚喜！雪糕好軟身，係好天然、淡淡嘅開心果味！

燒肉好❗️ 出❗️色❗️真心推薦比鐘意食和牛嘅大家💯 特選和牛盛合有五款唔同部位嘅和牛每次去都有機會有少少唔同今次食嘅係和牛肋條、臂肉、三角腹肉、和牛肩胛同下腹肉比較鍾意和牛肋條同和牛肩胛，入口即溶，油脂香味充斥整個口腔，依然都仲會有啲肉味，和牛肋條相對地有口感，肩胛部位就好林🤤下腹肉相對咁多款來講係最肥美和牛燒肉都食唔少，不過好少餐廳會俾牛脂肪先用牛脂肪燒香個網，再落和牛燒會更香可以將和牛嘅香味發揮至極致🤭到而家都仲回味無窮🫶🏽另一個有驚喜嘅係阿波尾雞頸好似係第一次食咬落口嘅口感好彈牙感覺似係彈牙版嘅雞柳好好食🤤和牛煲仔飯係另一個出色嘅item煲仔飯竟然有脆卜卜飯焦飯入面嘅和牛份量勁多，和牛相對冇咁肥，牛味比較濃，似牛柳部位🫶🏽餐廳以木材同水泥做裝修主調，仲有private tatami房，整體感覺好chill好relax 🙌🏽

有朋自遠方來，不亦樂乎！梗係要食餐好嘅！黎咗尖沙咀呢間三郎燒肉，入門口都感受到高貴嘅格調，餐牌價格亦成正比，整晚客人不多，寧靜嘅空間可以讓大家細談近況。烤和牛肩他他配凱撒沙律薄切和牛肩肉加上芝士粉，配上沙律菜、車厘茄、脆脆麵包粒和煙肉碎，作為前菜食啲菜打底唔錯 刺身盛合(五款)睇樣都知道新鮮，赤身同白身都有，都幾喜歡炙燒太刀魚，食落有啲嚼頭，而且炙過的香氣四溢。香辣雞翼6條單骨炸得脆脆帶點兒辣，十分惹味，不論單吃或加上檸檬汁/沙律醬，都不同風味，食啲椰菜絲就無咁熱氣 特選和牛盛合(五款)重點來了！五款包括和牛肉眼、和牛三筋、牛冧、內側後腿肉和内腹肉。後腿肉要用點牙力咬，內腹肉好腍，油脂感重，不過味道偏淡，要點燒汁提味。最鍾意就係兩款和牛，入口即化，牛味重，好滿足！阿波尾雞頸、鹿兒島縣產雞心、帆立貝牛以外也試吓其他燒物，雞頸雞心都係平時少吃的，前者肉質鮮嫩彈牙，後者爽口，都係唔錯嘅嘗試。至於帆立貝，加埋牛油一齊燒，香氣十足，新鮮唔韌。和牛煲仔飯店員先送來給我們看看樣子，再替我們分碗，剛好夠二人吃，份量不少呀！而且和牛粒比例甚多，好腍好好味！仲做到煲仔飯有飯焦嘅特點呢！飯粒也帶有牛肉香味和

#日本達人 帶我去尖沙咀嘅三郎燒肉食名譽賞和牛！地點喺地鐵L出口對面嘅H Zentre；餐牌主打廚師發辦、和牛燒肉、日本直送刺身等；裝潢以日系格調為主，落地玻璃窗氣派十足！仲有一對一席前煮，氛圍感十足！🥩特選和牛盛合：有五款極粉嫩嘅和牛，包括內側後腿肉、下腹肉、牛肋肉、牛肩胛肉同肉眼；內側後腿肉呈雪花紋理，油脂香盈；下腹肉肉味香濃、牛肋肉軟嫩無比、牛肩胛肉口感細膩，和牛肉眼油份最高！脂香而不膩！用牛脂黎查勻個網黎起爐！特別惹味！🍣刺身四点：有鰈魚、左口（配酸汁）、真鯛、赤蝦、拖羅；四款都十分新鮮，味道鮮甜！朮其左口魚配左酸汁，十分開胃，真鯛口感綿密，拖羅魚肥美滑溜！十分出色！🐔阿波尾雞頸及雞心：雞頸肉滑得黎帶點嚼勁雞心口感彈牙，份量好足！🐚帆立貝：牛油帆立貝，燒完都咁鮮味！ 🥗烤和牛肩他他凱撒沙律：頂層洒滿白雪般嘅芝士，下面有幾片厚薄適中嘅炙燒牛肉片，口感軟嫩，肉味清香！配上爽脆嘅新鮮沙律菜，好fresh ～🍚和牛煲仔飯：食到尾聲來一個煲仔飯，店員立即將生蛋、蔥花及醬汁拌好，飯粒分明，仲有D飯焦！和牛一樣咁軟嫩！相當惹味！🍦柚子雪糕：最後食埋酸酸甜甜嘅柚子雪糕劃上完美嘅句號！下次再來！

今日係朋友生日，專登book咗呢一間日式烤肉同佢慶祝，呢間烤肉喺尖沙咀地鐵站L出口對面，就可以見到啦！喺商場入口，見到裝修係日本風格，服務員一入門口就會好熱情同你打招呼！ 今日係廚師發辦🥗烤和牛肩他他凱撒沙律💰138這一個和牛肩有微微烤過的，上面有芝士粉，下面是蔬菜沙律，夾埋一齊食都很開胃！🍣季節刺身盛合💰598鯡魚.深海池魚.帆立貝.蝶魚.赤蝦嚟到日本料理一定要食刺身啦，呢幾款刺身好新鮮，好鮮甜！🥩特選和牛盛合💰558呢一個係我最期待的和牛烤肉拼盤，每件牛肉都油脂分布均勻，好靚！以下按我最喜愛排名：內腹肉：油脂味最重，但口感十足三角腹肉：油脂味第二重，但牛味更加濃郁和牛里脊：比起之前冇咁油膩，可以品嘗到和牛味和牛牛肋條：稍嫌較韌，但味道都好和牛三筋：確實有條筋，但味道都不錯因為烤肉要自己燒的，所以不能很好地控制火候。建議可以唔需要燒到咁熟。🍖烤肉阿波尾雞頸肉、阿波尾雞心、帆立貝、玉米、冬菇等其實還有其他的烤肉可以燒，雞頸肉雞心等等，味道都非常好！但佢的帆立貝要重點讚賞，牛油味十足，貝肉亦都10分鮮甜！玉米和冬菇都不錯！🐓香辣雞翼💰68有啲似M計個個雞翅！係開單邊的，脆脆既表皮和嫩滑的

聽聞尖沙咀H Zentre有間高級日式燒肉，裝修非常有格調，環境又舒服，今次就帶埋朋友食餐好嘅，順便慶祝生日。烤和牛肩他他 凱撒沙律 食油膩既燒肉前緊係唔少得食啲沙律菜墊下肚先，清爽既感覺又可以解膩。肉片烤既程度岩岩好，唔會乾身。季節刺身盛合（五款） 呢個刺身拼盤包括真鯛、拖羅、帶子、左口魚邊同油甘魚，每一樣都非常新鮮，味道鮮美。香辣雞翼 食日本嘢點會少得炸物，呢款香辣雞翼係單骨雞翼，食落非常方便，而且炸得非常香口，少少辣味令雞翼更加惹味。特選和牛盛合（五款） 呢一次嘅重頭戲就係呢一道和牛拼盤：牛肩肉、和牛牛肋條、肉眼上蓋、和牛三筋、辣椒肉。個人最鍾意就係辣椒肉同埋肉眼上蓋，辣椒肉係牛比較稀少嘅部份，肌理纖細，肉汁較多，口感嫩滑。肉眼上蓋油脂分布均勻，充滿油脂香味。和牛煲仔飯港式煲仔飯就食得多，中日合壁嘅和牛煲仔飯就第一次食，有師傅過嚟幫手整好再分成等份比我地享用，牛肉流出嘅油脂同埋香味加上雞蛋香味，令成個飯味道昇華，真係會食過返尋味。季節雪糕今次我地就試到開心果雪糕，入面有粒粒開心果碎，而且開心果味香濃，雪糕軟滑，高質嘅甜品為呢一餐飯畫上完美句號。大家返工返得咁辛苦，梗係要間唔中食返

打風前一晚，小篇終於去左位於尖沙咀《三郎。燒肉》日式燒肉店，主要想食二人前廚師發板·高質的日產和牛omakase，食材的選擇上絕對不馬虎。餐廳門口更有鹿兒島和牛供應商認證的木牌，可見其質素有保證，裝修木系環境新淨闊落。⭐烤和牛肩他他凱撒沙律🥗開胃菜係先上烤和牛肩他他配凱撒沙律，和牛粉粉嫩嫩，點上沙律醬連埋沙律一齊食，清爽口感，帶點和牛的油脂非常開胃😋.⭐季節刺身盛合🍣刺身的種類因季節當日供應而改變，但亦因為咁刺身的新鮮程度超乎想像，當中💕蝦嘅刺身🦐的鮮甜、💕左口魚的滑嫩、💕油甘魚的油脂感及💕帶子的鮮美，都是刺身中的盛品非常好食。⭐特選和牛盛合🐂🐂羽下、🐂友三角、🐂和牛肩胛、🐂內側後腿肉、🐂和牛三筋。‼️每一片肉都帶著濃郁的脂肪紋理，入口即化的口感，當中羽下更是令人難忘，和牛燒至五成熟剛剛好，入口肉汁滿滿‼️。⭐和牛煲仔飯🍘結合港式煲仔飯的和牛煲仔飯，一定要試，飯的香氣四溢，米飯與和牛的完美結合，更有脆口的飯焦，好惹味。⭐燒物盛合💕燒帆立貝燒芝士帆立貝，燒的時候再加一點檸檬，增加清爽的口感，帆立貝新鮮嫩白，好鮮甜。💕阿波尾雞頸原來雞頸肉係咁爽口，雞肉燒至焦脆，入口爽甜。💕鹿兒島縣產雞心新鮮的

座落在超有日本銀座店舖氣氛的H Zentre地下,與周邊的高檔食肆,互相揮影,店內寬敞舒適的座位,就算全院滿座,一點燒烤味也沒有,這次店員推介厨師發辦,先本個烤和牛肩他他凱撒沙律,牛肉很嫩口畧嫌薄身了些,然後是超鮮味五品刺身包括深海池魚、銀鱈魚、厚切鯧魚、帶子和大赤蝦。趁日本未倒核廢水落海,食咗至算。主打燒極上和牛五款,够味够油香,另外的大帆立貝、雞心、雞頸肉和野菜,也超有水準。另一款小吃香辣單骨雞翼,送酒一流。甚至那款餐後的柚子雪葩,也絕不馬虎。