Sai 2 (Closed)

今日同狗仔們去左西貢，同佢地去行完一輪大家都開始肚餓喇，經過呢間 Sai 2 餐廳o既外賣部，原本諗住食燒賣就算，聞到好香燒野食味，見到原來隔離個檔口有埋串燒於是就係串燒系列度揀野食，檔口o既牌寫住大墨魚串好吸引而且仲有美國黑椒豬肉腸都幾特別，於是我地叫左呢兩樣，再睇下其他，見到雞翼大有細，旁邊燒起o既都好似好靚咁，卜鎚叫左串細雞翼串，正當姐姐燒串燒時，我見到有串腎係隔離，唔爭在食埋啦 xd1. 串燒大墨魚 $ 17唔似得其實肉類咁係事先燒好 , 有人點就再放埋爐加熱而係由白雪雪開始燒 , 所以唔係幾夠時間燒至焦香 不過肉質爽口有嚼勁，味道鮮甜 , 再加埋新鮮檸檬汁更能帶出墨魚o既香甜，此外，再加左少少辣粉，味道唔算太辣 , 少少似孜然粉 , 幾惹味 , arm 晒我地  2. 美國黑椒豬肉腸 $ 10~ 起初以為黑椒豬肉腸係類似台灣腸咁，紅卜卜裏面有肥粒但原來係白白地色o既 , 食落味道同台灣腸好都唔同，豬肉腸肉汁豐富，而且燒後個皮係脆o既，但無過燶 ,外脆內軟好有口感，黑椒味唔重，顯得好突出肉汁o既味道   3. 燒雞翼 ( 細 ) $ 13見到細雞翼串o既外表有少

星期六, 個天有啲灰濛濛, 汙染指數偏高, 勝在秋高氣爽, 下午入到西貢, 為免浪費大好陽光, 眾人決定捨棄冷氣間,到公眾碼頭對開的茶座搵食. 其實得兩間, 是但行入間冇咁多人的, 餐牌好簡單, 見左右隔離都有人叫炸魚薯條, 就咁決定啦. 五個人, 叫了四份, 每份連飲品一百蚊多啲, 估計係現炸的, 都要等十幾分鐘, 先嚟飲品, 男人叫了啤酒, 女士們叫了青檸梳打, 極大杯, 冰冰凍, 有非常新鮮的青檸味.主角終於出場了哇哇哇, 每份有兩大塊, 仲有好多炸薯角, 好在叫了四份啫, 炸魚用的是石班, 切開後, 魚肉好潔白,魚身有清晰的紋理, 非常新鮮,外層脆漿唔算厚, 不油不膩, 跟餐的醬汁有茄汁 + 他他汁, 但就唔見有白醋, 問待應攞醋, 佢拎咗套食沙律用的油醋架嚟,要捉住佢特別強調是白醋, 佢特登入去廚房拎兜出嚟, 服務態度好好, 真係唔該哂, 嗱, 嚟多個近鏡真係好靚靚㗎,連伴碗薯仔都好味到暈,正!

今日公眾假期, 約咗朋友係西貢度hea 番餐...要食得輕鬆, 又可以睇下狗仔吹下海風, 呢度會係一個幾好的選擇lunch set其實普普通通, 來來去去豬扒飯, 牛腩飯就係意粉, 雖然悶d, 不過可以欣賞下海景, 睇下狗仔, 都幾開心, 而且冇比人趕走... 我同朋友足足坐咗四個鐘..hehe!講番個通粉, 其實水準都唔差, 汁都足夠, 三文魚雖說是罐頭, 都起碼有一定份量, 不錯的選擇!如果再夜d, 仲有live band 呀 ^^

Sai Kung is always crowded on weekends, especially now with the fame of Hong Kong Geopark. It's a nice place to relax with families, kids, the elderly and the pets as well~We chose this cafe because of its nice view and decoration. We ordered for lunch: 咖喱牛腩飯: 牛腩有點韌, 但咖喱卻很特別, 不是一般大路的行貨口味, 配飯吃非常開胃的~沙爹: 肉質不俗, 點醬也不錯~芝士漢堡飽: 等了約15分鐘才送上的hamburger, 賣相不俗, 味道算中上~ 扎肉米粉: 朋友覺得很好味, 我看賣相也算不錯~Overall, the atmosphere and the decoration was really relaxing and cozy, and the food quality is better than average~It

記得多年前同兩位朋友專程入來西貢,目的想輕鬆悠閒食個午飯,最後選了這家餐廳,因為店內環境極度開揚,又面對海傍,看著個海景,應該極之寫意,可惜食物就麻麻.今日原本想去一家朋友介紹話食pizza幾好的店,不過那裡不太近海傍,妹妹想讓小姨甥女有大些空間活動,所以還是決定來海傍這邊,最後還是選擇了這間.我們四個人隨意選了三個午餐一齊分享,因為想留些空間待有時間可以試吓其他食店.這裡的午餐都是一般餐廳大多數有的菜式,我們選了白汁栗米魚柳飯~~燒汁雞扒飯~~三文魚長通粉不知是否已沒有太大期待,所以反之而有唔錯的結果,食物上枱時間都好快,份量足又夠熱,最重要是三款食物的味道都得到大家一致讚好.最值得讚一下的是小姨甥女,自從懂得自己行路,今日由這家餐廳行到海灣酒店那邊,途中沒扭計要我們抱,好叻女~~~

在西貢海邊行了個圈, 文迪想飲杯野, 就在這裡揀帆了戶外的位置, 看看海, 吹吹海風, 相當寫意. 套用文迪的金句, 就是懶洋洋的下午.我飲的是百威 $25, 樽啤就不評分了. 不過雪得夠凍, 炎熱的天氣下實在是解喝的好幫手.文迪要的是菠蘿汁 $28, 聽她講就有點酸.店子環境當然是一流, 服務就一般, 或者這裡太好生意, 店員是做到無停手.

食過晚飯, 當然要同EYT既歌仔一樣, 要輕鬆返一下啦. 而我們就選擇了有少少夜景的Sai2. 繼續聊下去.大家之前都吃飽了, 盡管這家小東西有美食供應. 我們一一都不理. 只是把drink menu翻來翻去. 這個冬天, 凍得太長時間了. 好多人都感冒起, 個個都有少少啖. 啤酒, 烈酒. 我們都不喝了. 來杯咖啡, 奶茶, 反而更好, 飲得更舒服.火兄, 火嫂叫下了歐洲啤. 而我, 齋妹同Antz, 就來個熱的. 一杯Cappuccino, 一杯Mocha, 仲有一壺 $26 的熱Horlicks.Mocha, 朱古力味不重. 這正好同咖啡味來了一個平衡. 兩樣東西, 一點也不多. Cappuccino, 是一般業餘家庭式沖Cappuccino的做法. 不過泡都打得幾好, 係奶味唔係幾阿滑姐.Antz, 攡英國錢返黎使, 當然唔覺得貴啦. 一壺咁既Horlicks, 我真係唔捨得飲. 係超市, 一樽都只是賣30多元........不過, 人家太耐冇飲呢味野, 又唔怪既. 只係覺得唔抵飲姐. 呢一round, 一樣, 飲野是其次, 聊天, 說外國生活, 說旅行經歷, 才是我們的主題

食完晚飯同darLing揸車入西貢吹吹風，但呢個又熱又焗嘅8月邊有風吹吖，見到呢間近海傍又有露天位、情調唔錯嘅餐廳就去昅吓...門口放左兩款推介: Seafood Platter ($3XX) 唔包野飲 同埋 漢堡薯條/炸魚薯條+飲品 ($88-咖啡or汽水/$98-lime soda or hoegaarden)入去揀左露天位坐，雖然無冷氣但都好通爽。waiter未放低menu，darLing已二話不說叫左份fish n chips+hoegaarden杯啤酒上枱時見到個杯邊凝聚左d小冰粒，相信隻杯係預先放响冰櫃，讚!!驚喜的莫過於份主角.... menu張相嘅fish係得兩條，估唔到真身有兩大塊，炸得都幾香脆，魚肉都幾香滑，darLing仲大讚左3次o添；chips就一般啦一百幾十...有得食、有得飲、在海旁舒舒服服sweet一個晚上真不錯啊

男友抽空黎西貢陪我放狗，去到邊都咁多人，連食開既泰國餐廳都唔俾帶狗入，唯有走到碼頭旁邊既餐廳食午餐。話係午餐，其實時間都四點幾，男友一心想食既泰式粉麵都冇，皺著眉頭，而我就點左依個海南雞飯，想唔到係中泰合一既海南雞飯...有泰式既辣魚露又有中式既蔥油，雞大大件卻好嫩滑~雞飯外再叫多杯青檸梳打，我喉嚨不適關係略嫌酸左DD，但都OK，同埋都幾大杯~過左一陣，男友終於點菜，就係乾炒牛河，我唔食牛既關係，所以冇試食到，佢話味道同一般茶餐廳冇分別，而且都幾多油下~依度環境唔錯，開住風扇坐一陣好快就已經唔再出汗了~不過價錢就真係貴了~因我住西貢，所以間中經過依度，亦都見過有班人包場開Party，氣氛都唔錯~

同男朋友入西貢行下..之前已經留意到依間餐廳架啦, 但遠遠見到好似好貴咁,所以都係行過就算...今日唔知點解心血來潮走去睇睇佢個menu , 依又唔算貴喎..見到有個fish and chips or hamburger 加 lime soda or hoegaarden 既set,都係 $9x, 我地兩個人都係hoegaarden fans, 即刻扑搥入去..一坐底d staff 就拎左2杯冰水比我地啦..唔錯..唔錯.., 2個set都叫左, fish and chips 黎先,好好味啊, 個fish 厚厚的肉, 個皮唔厚,炸得一d都唔油..chips 就不過不失啦, 比麥叔叔粗身啦, 但個人喜歡闊身既chipds..食到一半個 burger 都黎埋..依個portion好大啊, 有沙津又有chips 做伴碟喎..個包烘得外脆內軟,夾埋一大片蕃茄,洋蔥..加埋塊牛肉..一個字 - good 食完野同男朋友仔每人叫多一杯hoegaarden , 坐到11點幾就走人lu..p.s. : d staff 好好人, 見我比蚊咬, 主動問我要唔要搽"無比滴", 又幫我點左 2 個蚊香喎.

很久沒試過在海旁吃lunch這兒的環境的確很迷人即使今天人流不少, 仍不致嘈吵得令人討厭茫然之中, 決定試一試這家餐廳世事總沒有完美, 環境好, 少人, 沒有時限, 偏偏食物質素有很大進步空間白汁吞拿魚長通粉($39): 用上罐頭吞拿魚不是大問題, 在調味上沒有花心思, 只是加點洋蔥和磨菇煮好便成了~ 幸好通粉口感還不錯~焗菠菜千層麵($45): 千層麵, 菠菜, 白汁和芝士好像四款沒有關係的材料放在一起, 很少千層麵會一點牛油香都沒有, 白汁會自己變成一團團, 菠菜在千層麵中間出水...... 但沒有要求的話其實吃得下的~ 全間餐廳只有3個人打理, 有時候很難找到waiter, 不過他們的服務態度是不錯的~加一後$92, 在海旁舒舒服服坐了3hrs~ 其實很不錯的了~

上星期遊完船河....一行十二人就係西貢碼頭對住的餐廳飲野...我地叫左Hogaarden, stella, tea set 同數款食物....ok good...d啤酒好大杯50ml....46元,出面要成60多元,最搞鬼係隻杯都雪到冰左...夠晒凍!佢個椒鹽鮮魷好好味,天椒蜆夠晒chili,環境ok,夠開揚又對住個海,但又因為開放式,所以無冷氣啊...!

今日風和日麗，心情極佳，於是同女友入西貢行吓，肚仔餓，經過呢度，心諗嚟過N咁多次西貢都未食過呢處，又聽講佢嘅fish & chips幾得，女友又極愛呢道英倫名菜，就坐低咗...點知坐咗一陣都冇人理，梗係la，成間鋪咁大都係得幾個侍應(仲要係冇嚟醒目嗰隻)，叫極都冇反應..>.<最後卒之有人睬，就求其叫咗fish & chips及雜錦串燒，開始對呢間嘢冇乜期望...果然冇估錯-- 炸魚嘅炸粉仲厚過綿被，魚雖然算新鮮亦頗滑，但竟然淡到好似冇落鹽，冇都唔緊要(都唔期望佢好似正統fish & chips店有淮鹽供放上D魚到)，但起碼個sauce都唔好咁難食--- 第一次食tartar sauce係咁鹹嘅，女友呢個tartar expert食到擰晒頭，我就唔理三七二十一"pat一大pat"茄醬落去食，咁先食得落>.<薯條水準普通，冇乜嘢好寫...話明係雜錦串燒，嚟嘅竟然五串都係鷄，唉...費事同佢拗...質素又係極之普通，個sauce竟然係用現成沙爹醬溝淡就擺出嚟奉客...有冇攪錯ar..食完嗱嗱聲較腳...仲敢收咁嘅價錢，可怒也...

呢間餐廳，係正西貢碼頭，環境好正，半露天，特別是風和日麗的日子，但食物就一般，真係浪費左個環境！

We came to this restuarant yesterday. From our past experience, we know that the food of this restuarant is poor comparing to the other foreign restuarant in Sai Kung. But the environment here is very comfortable with good sea view and a lof of dogs walking. We ordered a 'club sandwich' (very cold even with frying egg inside). The sanwich has been ready for couple of minutes. That's why cool. We have also ordered 'mixed vegetables with Anglehair'. Of course, the quality is not good with l