西貢越南真味

Open Now

Now Closed

以前嚟親九龍城都係食泰國嘢 原來呢度都有間越南小店價錢合理份量又大 而且味道正宗食物推介小食拼盤 啱晒貪心的小狗 大推墨魚餅 啖啖墨魚粒 夠晒口感超彈牙足料🦑仲有即叫即蒸嘅粉包 食材新鮮外皮滑溜之後係蒜香牛油雞翼 第一次食牛油味咁香嘅雞翼 炸皮夠薄最後係越南經典越式蔗蝦 第一次見雞髀咁大舊蔗蝦🦐完全係手工嘢 甘蔗加入蝦肉炸到金黃色澤甘蔗香滲入蝦肉 味道層次相當細膩🌟下次有機會再帶屋企人過嚟 相信佢哋都會好鍾意✋🏻📍西貢越南真味 (九龍城)九龍城獅子石道27號地舖🌍#iam九龍城foodaholic

之前食過幾次。樣樣都ok, 所以番去食左好多次。堂食外賣都試過點知隔左段時間冇去。今日中去買外賣。收銀女人態度差。唔止黑面。語氣差。（其實以前見過佢。但其他侍應都服務及態度好。佢多數收銀）今次諗住野食好味都算。忍下佢。。講真今時今日服務行業。態度重可以咁差。真係好唔掂點知真係出事。叫左3樣野。串燒三兄弟。香茅豬扒飯。豬頸肉撈檬串燒豬同牛韌到咬唔到。雞就勉強叫吞得落。香茅豬扒飯。豬扒又乾又‘’鞋‘’。食左1舊真心唔想再食。係豬頸肉正常d,食物+服務。。。差差差。。真係唔會再幫襯。

進店坐下來 ，睇評價先後悔 超級失望 好一個休息日 ， 約家人去食飯 ，只上網睇九龍城越南菜 ，以為比較新以為比較多like 就有信心已經約咗老人家 就費事改地方啦入店後 ，發覺繁忙時間好多位任坐 ，本來都好開心嘅，叫咗木瓜沙律$68 ，冇味嘅？可能要自己加越南魚露啦。火車牛湯粉 個湯好鹹呀，一定要嗌飲品 ，好似有好多味精果種的感覺 。牛油雞翼 個粉好厚 有啲好硬的炸蒜頭做陪襯！着制服嘅職員都有禮貌嘅！不停執枱其餘嘅不禮貌對待就算啦，忍下真係要睇評價 這個平台嘅值得參考都係要幫襯返啲老牌有信心 ，起碼他們的老闆都有服務態度食一次都算 超級失望人均$130

一個外賣盒要兩蚊都算，包到啲盒壓到扁晒，啲湯流晒出嚟喺個膠袋度啲湯浸濕晒個紙皮，我想喺個膠袋度倒返落去個碗度食都唔得，想問吓我冇湯點食？ 湯河啲河粉又淋，一夾就斷曬，個金邊粉同乾炒牛河啲味唔知點解係一樣，$88食個金邊粉唔知自己食緊啲乜嘢冇好感 個人覺得唔需要試

路經九龍城, 突然想食越南野, 就隨便入左一間食。叫左佢既招牌菜- 爆炒金邊粉, 一上係炒得好香,但食落好重味精, 第二日仲會口乾。味道整體一般, 唔會又想再食既感覺。個金邊粉又無咩肉,價錢偏貴 ,唔會推薦呢間餐廳!

中午十二點前嚟到食飯，舖頭冇客人。我一落單，隔兩分鐘就已經上菜，想讚舖頭效率好高。我叫咗碗湯檬，味道正常，唔係特別出色。本來都冇事，點知食到中途發現發泡膠粒！仲要唔止一粒！好彩冇食到！本來諗住係個別事件算數，點知我一食完，啱啱放低筷子，店員已經第一時間收走我隻碗，問都唔問一聲！飲完飲品又係即刻收走隻杯！效率果然極高！間舖當時除咗我之外，就只得一枱客，周圍都係吉枱，係咪咁心急要趕客走呢？埋單又冇嚟笑容，咁嘅服務態度，真係唔想再幫襯，對面間越南菜仲平過佢啦！

見咁多好評就試下, 點知原來係咁伏無服務都算 價錢唔平但係好難食 我哋特登搭車黎食 車錢都蝕埋撈檬 冇味粉包 冇味蝦餅算最正常 但係都係好一般咖喱牛腩飯都可以咁難食 百幾知好評係點得番黎?

路經九龍城，發現普通茶餐廳的常餐也賣$66,咁這間越南餐廳的價錢一點也不貴😅-- 午餐 -- $76越式香茅豬扒撈檬$62,半價追加椰香紅荳冰$14鋪在檬粉上的葱粒，酸青红蘿蔔絲，青瓜絲，碎花生粒，份量也比預期多，再配上一件厚切大豬扒，醃製味道一流，再按自己喜好加上適量越式酸甜醋料拌勻，非常開胃，可以暴風吸入咁大啖大啖食，大滿足而椰奶紅豆冰，亦落了勁多椰奶，椰香味非常濃郁，再配上軟腍的紅豆，味道也非常獨特而好味

😍餐廳食物種類多 湯粉、撈檬、飯、越南法包🥖基本上全部都齊嗮 仲有好多小食選擇！價錢超級合理 而且超級足料 性價比好高👍🏻番茄牛腩湯粉($58) +$5轉金邊粉蕃茄湯底係有真番茄的🍅 而且都有淡淡既牛味 唔會好重味精 偏清淡 當然裡面仲有煲得超級淋既洋蔥🧅同埋蘿蔔牛腩份量都好多 大概7-8舊 重點係煲得超級淋 好重牛味 重要牛肉幾有咬口 慢慢咀嚼既過程湯汁同埋牛肉味滿滿滲出黎 好正👍🏻小食拼盤($105) 拼盤包含四種小食 分別係墨魚餅、春捲、雞翼同埋分包💛我覺得墨魚餅真係最出色😍 個皮炸得好香 好似魚片頭各種質感 同埋食到中間係有墨魚粒粒🦑 令到個墨魚味好出 同埋口感豐富火車頭牛肉鍋粉($88) 呢碗係我朋友叫的 我自己就無食到 但係我見到材料係超級足！大大碗😋味道：🐙🐙🐙.5 /5 📍 西貢越南真味 (九龍城)地址：九龍城獅子石道27號地舖

作為一個係九龍城讀書用長大嘅街坊，以前讀中學成日同朋友嚟食lunch，食物質素同埋性價比都好高。琴晚我同中同有約，而佢話好掛住呢間嘅嘢食，所以就去左睇。因為平時都係食呢間嘅lunch，怕夜晚散叫好貴，就叫門口嘅侍應遮遮比個menu睇睇先。見佢咁熱情，價錢合理，中同想食，就入咗去。一坐低入面冇乜客，遮遮好好比咗兩個menu我哋，一人一本唔使爭。我食豬頸肉撈檬，朋友食河粉。落單之後遮遮即刻俾左撈檬汁我，效率唔錯。嘢食都係一如既往咁好食，唔係重點唔講咁多。遮遮係我食到一半嘅時候，冇啦啦問我仲要唔要撈檬汁，隻手仲已經ready我答「用完」可以馬上收。但我習慣撈檬汁係一路食一路落，我好無奈咁話要。隔左一陣，個場開始慢慢多人，不過都未多人到需要排隊。朋友已經食完，另一個侍應叔叔見到好迅速幫佢收左個碗。但我仲有1/4左右。因為有啲飽，就中場休息，同朋友傾住計先。點知遮遮又嚟，又問我仲要唔要碗撈檬，隻手又係ready好等我答「唔要」就9秒9收走。我又好無奈話要😅 佢先道歉走左😅隔左五分鐘都唔知有冇，個個侍應叔叔又問我要唔要，我再一次答要要要😅（不過佢隻手冇伸出嚟預備，係真係等客人回答先收，好過個個遮遮

出了九龍城，撞正午餐時間，見呢間有位，便走了入去。叫了一個三寶飯（豬扒、扎肉、雞翼），一個香茅豬扒扎肉湯河粉，凍奶茶少甜。三寶飯嘅飯太硬，豬扒嘅味有啲怪怪地，唔係變咗，但食落有陣油膱味。至於個湯河粉，無咩特別，好奇怪，湯河嘅豬扒無果陣油膱味，唔知係咪浸咗湯嘅原因，反正味道一般，上枱時已經唔夠熱，其實食物唔夠熱對味道真係會打節扣，另外凍奶茶就唔夠茶味，已叫少甜都感到過甜，不少甜多少是很主觀的，很多時候都會有這情況。本體來講麻麻地，返兜度是零。

這家餐廳位於西貢市中心，裝潢現代簡潔，氣氛舒適。餐廳提供的牛腩河粉味道十分鮮美，河粉的口感十分嫩滑，而牛腩肉則是口感彈牙、入味，很容易就能讓人愛上它。除了牛腩河粉，餐廳還提供其他美食選擇，例如越南春卷和沙拉等。越南春卷的外皮炸得非常酥脆，內餡則是新鮮的蔬菜和肉類，非常清爽可口。沙拉的份量很大，新鮮的蔬菜搭配上美味的沙拉醬，讓人口感很舒服。餐廳的價格非常實惠，絕對是物超所值。服務態度也很好，服務員非常熱情友好，會為客人提供耐心的建議和幫助。唯一的不足之處是餐廳的位置比較偏僻，但是這也是一個可以避開人潮的好地方。總體而言，這家餐廳是一家非常值得推薦的越南餐廳。如果你想要品嚐美味的越南菜，並且享受舒適的用餐體驗，這家餐廳絕對是一個不錯的選擇。

九龍城嘅美食真係深不見底‼️除左泰國菜同甜品，越南菜都相當出色～香茅豬頸肉撈檬$55豬頸肉相當有驚喜！入口脆邊，燒得好香，肥瘦適中，仲有一種特別味道：好似臘腸果種油香味！應該係我食過最好食嘅豬頸肉😋海南雞飯 $68雞幾入味，但有少少韌，飯幾香雞油味，份量都足夠。餐廳卡位坐得舒服，店員服務都好好，見到星期六日同公眾假期先要加一服務費，呢個價錢性價比高，豬頸肉已經成為我十大最愛啦！下次試埋串燒同小食先

諗住放假，一家幾口到九龍城食越南河粉就搵到呢間，叫咗啲粉同埋一兩個小食，嘢食唔算話特別好味道，最不滿意喺服務，有個白頭佬店員我估係老闆見我地食完一樣就即刻收碗碟🤯，最後連杯飲品飲完就立刻杯都收走埋😳，當時大把吉檯，又冇客等位，搞到好似趕客咁😤。阿囡行出去櫃檯好聲好氣叫埋單，個白頭佬收錢仲黑口黑面連多謝都冇聲😠。對我哋來講真係唔會再幫襯🙅🏻‍♂️

今日同同事嚟到九龍城食飯諗住去食西餐，點知大排長龍未到門口已經有一堆學生圍住等唯有去第二間食，咁同事就帶咗我嚟呢間餐廳可能後一條街未係好多人到我哋坐底咗冇耐已經爆場了-店內環境主打工業風以灰色為主調牆上掛上相片的掛畫，感覺幾有格調睇過餐牌，由於天氣凍咗想食熱湯類我決定叫半生熟牛肉湯河粉，好快就上菜賣相不俗，湯夠熱牛肉仲係粉紅色牛肉食落柔嫩利口，沒有太多牛味河粉爽口彈牙，份量十足同事揀咗香茅豬頸肉飯豬頸肉腍滑帶少少焦香，少飯都好夠食整體味道好港式，對得住價錢九龍城區踏實之選～