西貢越南真味

Open Now

Now Closed

今次食既呢間餐廳位於九龍城 西貢既分店 但係佢偏向加拿大口味既越南餐廳😂 雖然講落好似有啲亂 但係呢間餐廳既越南食物水準都好高 感覺好健康🤓🍜 西貢什會河粉 Saigon Chowder Pho秘製雞湯湯底配上豬頸肉、扎肉、鮮蝦、蟹柳、白蘿蔔 非常足料 湯底清澈見底 淡淡然一種健康既味道 自己再吱左啲青檸汁 成件事有種清新健康既感覺😍🌯 鮮蝦海卷 Shrimp Salad Roll米紙卷包住生菜鮮蝦檬粉 再配合餐廳特配既花生酸汁 成件事好開胃 近期真係愛上食蝦 蝦肉鮮甜可口 真係令人笑哈哈😂🥤 青檸梳打 Lime Soda好多塊青檸作清新既收尾🤓 完美既一餐西貢越南真味📍九龍城獅子石道27號地舖

自屯馬開通後，去九龍城好方便，可以發掘唔同美食。最鍾意食小店，有風味。呢間越南菜好有風味，食物夠正宗，而且服務仲好好。▶️生熟牛河湯底真係好清甜，牛味夠香，面上乾蔥令成碗河粉更香！ 半生熟牛唔會老，河粉都幾滑身。真係抵食。▶️越式法包法包超級脆！而且入面餡料好豐富！有青瓜、酸白蘿蔔、紅蘿蔔絲、蕃茄、扎肉、豬頸肉、牛肉等。相當好味，好有越南風味！▶️串燒三兄弟豬肉、牛肉、雞肉串，樣樣都夠林，唔會老，味道唔錯！個沙嗲花生醬好香！▶️滴漏咖啡-咖啡味好香，煉奶夠甜，好正！▶️椰青-大大個夠甜！真係小店驚喜！

西貢越南真味九龍城小店眾多，每間餐廳都各有特色，越南真味呢間小店除咗食物，服務方面都唔錯，食到更多嘅係佢地嘅人情味👍🏽🌀春卷湯金邊粉金黃色嘅春卷賣相吸引，餡料有齊甘荀、蘿蔔、越南馬蹄、木耳絲、肉碎同粉絲，口感豐富👍🏽撈檬配料亦相富有心思，除咗青瓜同酸蘿蔔絲，姜蔥、花生碎同炸蒜亦起到提香嘅作用，味道豐富，每一口都有唔同感覺店員好細心，仲推介鍾意食辣可以加辣椒醬，重點係佢地有是拉差辣椒醬❗️酸酸辣辣又甜甜地，果然好惹味🌀越式粉包粉包外皮煙韌，餡料都係有越南馬蹄、木耳絲等等，蒸完過後材料更加鮮甜，可以點撈檬汁更加惹味🌀越南滴漏咖啡滴漏咖啡係其中一個signature嘅飲品，望住咖啡一滴一滴咁滴滿一杯，感覺治癒☕️撈勻杯底的煉奶，甜度剛好，咖啡味比即磨咖啡更香濃，細細杯但絕對夠提神😆

九龍城超多泰國越南野，都已經食過晒咁濟，最近見到新野。又貢入去望望。裝修唔係話好突出，但主要是waiters 好好，見佢咁nice就入去試試啦。由於太早食，都唔係太餓，只叫左2碗粉同一個小食。豬排湯河：豬排一d都唔柴皮，夠大塊。湯底都唔會好死咸，食完唔會口乾。札肉雞絲撈檬：中意佢嘅清新。雞絲係用雞脾撕開，所以非常嫩滑，唔會食到有渣牛肉蝦餅：初頭仲以為得好小，原來有6舊架，蝦片好脆，唔會比牛肉浸淋晒。牛肉有少少似沙茶味。混埋花生碎，蒜片一齊食好豐富

說起九龍城，大家第一樣一定會聯想到泰國菜，不過九龍城除了泰國菜了得外，越南菜一樣出色，這次跟朋友所吃的西貢越南真味也不錯呢。必吃越南經典佳餚越式蔗蝦，越式蔗蝦純手工特製，甘蔗加入主廚特製蝦肉，油炸到金黃色澤，可以直接握著甘蔗大口大口啃食。蝦肉口感扎實彈牙，甘蔗香甜整個滲入蝦肉內，帶有甘蔗的甜美，風味相當細膩。朋友私心推薦香茅豬肉飯，她平常外出用膳看到香茅豬肉都一定會來一份，這裡也不列外。香茅豬肉好不厲害，把豬肉以香茅醃漬香煎，將油脂逼出，毫不膩口。香茅豬肉香嫩無比，吃起來非常涮嘴，也很對胃，白飯拌上蔥油和豉油吃，更是開胃。讓人沒法抵擋的咖哩牛腩湯河可是我的最愛，熱辣辣的咖哩湯相當惹味，香而不死辣，白蘿蔔清甜無渣滓，牛腩煮得軟腍入味，牛筋彈牙富膠質，河粉十分滑溜，每條河粉均裹上滿滿的咖哩湯，盡見越式咖哩風味。越南最有名的經典越南滴漏咖啡，來到西貢越南真味不喝，絕對是一大損失。滴漏咖啡的迷人之處，就是看著咖啡原汁原味慢慢地滴漏在杯中，挺有趣的。滴漏咖啡濃度剛好，加上杯底放有煉奶，所以喝起來不苦澀，集濃，醇，香的好滋味。椰汁綠豆冰是越南常見的飲品，椰汁綠豆冰以椰汁為基底，融合大量綠豆，加上些

📍 西貢越南真味 Saigon Pho🌍 九龍城獅子石道27號地舖📝整體評分：9／10天氣突然轉涼，特別想食D暖笠笠既野，呢到大大碗湯麵，湯頭好飲到令你欲罷不能。🥢順化湯檬🥢 $68睇完個名完全唔知係咩黎，好奇就試下。主要配料有紮肉、豬手同埋牛腩片，而佢個湯頭就不得了，似係用牛骨熬出黎既湯，之後就加左炸香蔥馨加香口，有少少辣，唔食辣既人都易入口。🥢半生熟牛肉湯粉🥢 $48食得越南湯河就一定要第一時間試佢個湯頸，味道濃郁得黎又好清爽，清甜又唔知膩牛肉用湯底既熱力浸到變色，非常之軟嫩。🥢香茅牛肉濱海🥢 $68第一次食濱海，係好似蒸熟左既米粉團，所有既分開食又得，拎生菜包黎食又得，加撈檬醬食又得，好多種食法。

屯馬線開通左之後，去九龍城搵食都更方便！獅子石道有間叫「西頁越南真味」嘅越南餐廳，喺宋皇臺站出行幾分鐘就到，好方便。青木瓜沙律份量好多！酸酸地好醒胃。青木瓜、紅蘿蔔絲十分爽脆。重有花生粒同芫荽，增添口感，食落香口。半生熟牛肉河粉湯夠熱！天氣凍食個熱騰騰嘅河粉好正！湯底夠清夠甜，食完唔會覺得口渴。湯入面重有生洋蔥，令湯底更香。重有清甜無渣嘅白蘿蔔。青檸角同辣椒仔另上。落少少辣椒仔刺激下味蕾，唧埋d青檸汁酸酸地更開胃！😋河粉同牛肉嘅份量超多！多到可以分兩碗！$48咁大碗真係大件夾抵食！👍🏻河粉滑而爽口。牛肉半生熟，牛味香濃而嫩口。越式咖喱雞扒飯咖喱夠香，唔會太辣，味道親民，人人都食得。飯粒粒分明。有成隻雞髀，啖啖肉，好正！😋另外重有薯仔，薯仔夠粉，我鍾意！雖然食咖喱好肥，但咖喱嘅香味令我忍唔住食多幾啖飯，不知不覺食多左添🙈。6點後嗌飯或麵飲品半價(椰青除外)，幾抵喎👍🏻。因為天氣凍，同朋友各點了一杯熱飲。越南滴漏咖啡好特別，好少餐廳有得飲。咖啡下面重有煉奶，飲落又甜又香。熱柚子蜜天氣轉涼，飲番杯熱柚子蜜暖胃又滋潤～🥰侍應話呢度有越南啤酒，係餐牌冇架，要飲就要問侍應啦。見餐牌寫住「來自加拿大

今日收工同男友去左九龍城食飯，屯馬線開通之後對我地呢啲住新界西北既人嚟講真係方便左好多😆我地叫左個順化湯檬，西貢什會河粉，鮮蝦海卷，熱柚子蜜同青檸梳打～順化湯檬同一般食開嘅越南湯粉好唔同！因為本身嘅湯底已經加咗辣油，味道比較濃，而檬粉就索晒個湯底，相當惹味😋主要配料有豬手，扎肉同牛展～豬手炆得好夠淋👍 脂肪部分入口即溶，而肉質亦一啲都唔韌😗我平時唔太中意食扎肉，但呢度既扎肉非常彈牙，連我都覺得好食😯👏牛展既牛味濃郁，中間筋位幾有口感，但肉質就唔算淋～西貢什會河粉湯底好清甜😙 配料有蝦肉，蟹柳，扎肉同豬頸肉豬頸肉肉質比平時食到既更加彈牙，唔錯😋店員教我地個鮮蝦海卷既食法要先豎起個卷，然後再用匙羹倒啲汁落裡面～個卷真係做到超級薄！！👍👍 完全好清楚見到裡面既餡料～蝦肉食得出係鮮蝦唔係急凍蝦，口感偏紮實兼非常彈牙👍除左蝦原來仲有類似豬頸肉既餡😯 加埋生菜蘿蔔爽脆口感同埋帶少少辣兼好香花生味嘅醬汁一齊食，好有口感，正！🤤我地住既元朗區都完全不缺泰國菜，所以今晚黎到九龍城都無食泰國野，但竟然係九龍城呢個泰國菜集中地俾我地發掘到一間咁唔錯既越南野，真係好開心！😆😆

Saigon Pho was a popular Vietnamese restaurant at Kowloon City and since we were around that area, we decided to have dinner there tonight. They served rice, pho, snacks and drinks etc. They offered set for 2 or 4 person as well. Ice longan and fresh coconut were sweet and cooling, with longan juicy. Coconut meat was chewy and soft too. Fried shrimp cake was fried till the skin was crispy and yet the shrimp was chewy and juicy, with sweet and sour sauce provided to dip onto it. Hainan chicken ri

呢間西貢越南菜都幾出名，而家九龍城都食到！芽車快（雞絲沙律）$68原來芽車快係指雞絲沙律，用大量青瓜同蔬菜加上酸酸地嘅醬汁，雞絲都幾嫩，加上花生碎，係幾開胃嘅前菜😋😋😋香茅雞扒湯粉 $55雞扒炸得好香脆，湯粉調味適中，加上酸汁味道更加豐富！🤩越式牛坑腩飯 $58牛坑腩煮得好腍，仲有啲好入味嘅洋蔥幾好撈飯🥰椰汁紅豆涼粉冰好重椰奶味又多紅豆，仲有啲涼粉咬下😜青檸梳打應該係無糖又好飲嘅飲品！好fresh~🤩

半生熟牛肉湯河半生熟牛肉質鮮嫩，湯頭濃牛肉味帶清甜，但河粉唔算滑，整體幾好味！香茅牛肉湯河香茅牛肉嘅香茅味道好出，牛肉雖然肉質較實在，但都算易咬唔痴牙兩個set lunch 連飲品性價比算高！

某天同朋友去左九龍城行街，之後行行下見到一間門面綠色既越南菜，我地安排左坐响卡位位置，入面有把特式懷舊既風扇，牆上掛滿左食物既相片，我地揀左火車頭牛肉鍋，黎到既時候見到都幾大碗，仲有入面幾足料下，有軟淋既牛孖筋，肥瘦適中既牛腩片，牛丸，牛柏葉等等既材料，我地仲食左個越南拼盤，因為每樣小食都想食食下所以叫左佢，越南春卷入面包左蝦同粉絲加埋個醬咬落去都幾好味，牛肉海濱既牛肉好入味軟熟，蝦餅同平時整既都有d唔同，係切片既長型，另外飲品珍多冰好多材料綠豆紅豆好有咬口。

趁住屯馬線開通，一定要去九龍城搵野食，竟然俾我搵到泰國野食之外既美味，西貢越南真味出乎我意料咁有驚喜啵😚豬頸肉湯檬粉，豬頸肉脆卜卜，食落肉質仲好Juicy而且好香口，微微帶甜，最正係嗰清甜湯底，溫馨提示要落埋青檸汁，效果更好正，碗粉真係好大碗呀😚😚香茅牛肉飯，牛肉好新鮮，而且煮得好入味，一食落口，牛肉味即刻充斥哂成個口腔，配埋牛肉專用醬汁，送飯真係一流呀！佢既飯我覺得軟硬適中，勁香口😋牛肉蝦片，呢個小食既牛肉又同牛肉飯既唔同啲啵。牛肉用左靚肥牛，而醬汁就唔會太濃，加埋蒙粉同脆到飛起既蝦片，勁Yummy呀😍熱柚子蜜甜度岩岩好，飲完成個暖笠笠，好幸福呀！熱滴漏越南咖啡，味道好甘香，食完野嘆埋杯咖啡真係特別chill㗎😘

九龍城唔只得泰國野，呢間越南野都值得食下。雖然係小店但都坐得舒服。牛油蒜香雞翼：外皮炸得香脆，咬落去會有肉汁，真係外脆內軟，加上勁多蒜粒 好香口，超好食。豬頸肉撈檬：豬頸肉煎得幾香，每片肉都切得整齊，厚度適中。淋上魚露後，撈好檬粉，每啖都爽口同fresh. 酸酸地，開胃美味。煎豬扒飯：個面煎得脆口，食落又唔會UN, 岩岩好。簡簡單單沾上豉油，已經夠惹味。另外，有蔥油伴飯，撈埋飯食係惹味的。椰汁杯：甜度適中，仲有好多涼粉。凍檸蜜：正常，OK。

鮮蝦蟹肉扎肉湯檬🍜：欣賞佢既肉丸同札肉都係自家制，肉丸仲有碎既黑椒粒係入面，個湯底好香甜，食到幾濃郁既蝦味同番茄味，食得出係用左新鮮蝦！咖啡牛腩飯：咖哩正常標準，汁相對浠左少少，但好足料，有成10幾舊肉同埋夠淋，仲有薯仔😍蒜蓉包：好香脆，不過要趁熱食，加埋咖哩汁一齊食，好好味🤤🤤越式粉包：餡料入邊有沙葛好爽脆，出面軟滑，幾有口感，上面仲加左淡味蔥油，香口好好食🥰牛油雞翼：雞翼都幾大隻，先＄68就有6隻，香脆好味，超邪惡😈啫喱糖：呢個係意外驚喜😂咁岩同姪仔去食，見有小朋友，送左個啫喱俾小朋友食，開心到暈。經過門口時，未入黎食，餐廳仲會送糖俾小朋友，so sweet💓