西貢越南真味

Open Now

Now Closed

終於等到合適的天氣，在復活節最後一天假期把在罾棚角咀上眺看飯甑洲的夢寐實現！離開西灣，帶著疲憊的雙腿回到西貢市中心，似乎對吃些什麼晚餐已不太起勁， 但曬了一整天太陽， 好想來點熱湯潤濕乾巴巴的喉嚨和脾胃。從小巴站往內街走去，正好遇見賣越南粉的 「西貢越南真味」，便不用他選，況且真的好久沒吃越南粉了！店子窄長，左邊是廚房，桌子靠右手邊排開，在武漢肺炎的新措施下，每張檯均安裝了分隔板，店末是全站最寛敞的位置，可放置兩張桌子！反正不是求浪漫，簡單街坊最是親切，先由鹹檸梳打 HK$21和薄荷青檸特飲 HK$26 解喝。薄荷青檸特飲用上泰國名牌梳打水，與鹹檸的本地薑梳打，地位顯然有所不同，兩杯飲品份量足、夠冰凍，簡直是大大的透心涼！火車頭湯粉幾乎是老公到越南餐廳的指定選擇， 起初沒為意火車頭牛肉鍋粉 HK$97 當中的鍋字，原來是恰如中式酒家盛載粟米魚肚羮的中式湯鍋般巨大！本來我挑了帶辣味的順化檬粉，誰不知在點餐時看到這個真味特別牛肉粉的推介，於是在電光火石之間作出了不理想的改動！所謂的不理想，是因為真味特別牛肉湯粉 HK$75 與火車頭牛肉鍋粉其實是同出一轍，附有牛腩、牛肚、牛丸、牛筋、肥牛、

假期又到西貢 諗緊到底食海南雞好定食越南嘢好 最後媽咪選擇食越南菜餐牌選擇都有好多越南火車頭$97真係好大碗 有牛丸 生牛肉 牛腩 牛筋 牛肚 牛柏葉 蘿蔔個湯底係用咗牛骨淆幾個鐘 湯底清甜 但牛味唔重 河粉量好多 香茅豬扒飯 $55無話特別好食 茶記feel小食拼盤 $109拼盤入面有渣餅春捲雞翼粉包 個人最鍾意食個粉包 但雞翼就冇咩味道 蝦餅算幾彈牙越式招牌法包$75法包好鬆脆 係幾好食 但係入面嘅配料冇乜味道 有蘿蔔絲 青瓜 蕃茄 芫茜 要自己再加調味料先有味道總括嚟講下次再入西貢都唔會再食 一家非常普通嘅越南菜

西貢越南真味，牛腩金邊粉湯底唔錯，牛腩腍滑、個人覺得金邊粉就較為一般，質感嚡之餘仲有啲木味，不太喜歡！而朋友仔食嗰碗生熟牛肉金邊粉，味道方面都一樣幾好，唯獨金邊粉質數欠佳！

當日我叫了一碗雞絲湯河，不知是否賣哂雞絲的關係，竟然上得幾條雞絲，跟相中的貌相完全不同，亦跟我平時在其他店食的完全不同，後來我跟店員理論，她並沒有處理這個問題，只是叫我order另一個餐，服務態度差。價錢貴不是問題，問題是質素不佳！

讚1. 牙車快好味，醬汁正，切得好均勻；拼盤既蒸粉包好味，材料夠晒香2. 服務幾好，姐姐好好笑容彈1. 主角既湯河令人失望，最大問題係湯底鹹得黎無牛肉香，加左香料後都係淡，唔好味2. 越南咖啡都好淡淡淡淡呢

西貢市中心有一間越南餐廳，平時都見好多人食，今次就買個外賣食下我叫左豬頸肉撈檬同蝦海卷走蝦(食物敏感關係)撈檬份量都好多，有花生有炸蒜，呢D配料份量都唔孤寒，豬頸肉都唔錯，唔會好乾成條柴咁佢比撈檬個汁好都份量足夠去過有D外賣真係比得一包仔蝦海卷走蝦，其實同撈檬個料差不多，但我想食個皮呢個ok呢一餐100蚊多D，但無野飲

西貢越南真味都算係我係西貢最鍾意既餐廳之一，有時屋企無飯食，都會叫越南真味既外賣返屋企食。今日終於黎左堂食，其實佢食物種類都幾多，除咗湯粉同飯之外，仲有法包，不同既越南小食選擇。今日就叫左半生熟牛肉湯河同牛肉法包牛肉肉質好嫩，有啲粉粉地色，剛剛熟。湯底先係主角，湯底濃郁，好甜，而且一啲味精都冇，飲完唔會口渴。河粉既份量都幾多，食晒一定夠飽。越式牛肉法包，材料豐富，有蘿蔔絲，青瓜，蕃茄，莞荽，牛肉，味道酸酸甜甜，幾開胃，再配埋脆口既法包，好味！

上年第一次食真係唔錯，佢地係隔離街開左分店都有幫襯。但今次去完，一定唔會再幫襯。男友點左越南包同Spring Roll ，我就點左牛腩河。Sprill Roll,勁油同煎到點曬。所以俾返佢Cancel左。牛腩河，得兩細片牛腩，直係O左。問個waitress係咪得感少塊，佢話應該有5/6塊，所以佢入廚房拎多2塊俾我。之後食食下見到隻昆蟲係我婉麵到，我都算，再食食下有埋發泡膠粒。即刻無曬胃口。

#西貢越南真味 呢間系幾間分店之中最正宗既舖，廚師都系越南人🤘星期六日較多人，想食既朋友仔要早少少去～————————————————————————🥖扎肉法包$53法包好脆，包入面用左好多料料，有紅白蘿白絲、青瓜、蕃茄、菜用芫荽，最緊要個扎肉系用左豬耳同冬菇等材料整成，令成個包咬落有口感同好fresh 🌞好味指數：8.3/10-🐖香茅豬扒撈檬$53大大碗，檬粉食落無話好特別，但豬扒就好香同好淋身👍👍好味指數：7.7/10-🦐越式蝦餅$70蝦餅外脆內軟，入面既蝦都鮮甜，真心好味！不過小編覺得價錢可以平少少就好😂好味指數：8.8/10整體味道：8.8/10抵食程度：7/10回頭度： 8.7/10————————————————————————📍地點：西貢越南真味 (西貢)西貢敬民街42-56號西貢大廈地下16號舖📞電話：27882028⏰營業時間：星期一至星期日 11:00-21:00#美食 #foodie#西貢美食#美食 #香港#香港美食#豬扒撈檬 #蝦餅 #扎肉法包 #saikung #saikungfood #hongkong #food #foodssss___

今日見咁好天就即興嚟咗西貢，一落車就好肚餓所以即刻去搵嘢食醫肚。行過呢間越南菜見到有好多明星嘅相，所以就心郁郁入去試一試！我哋兩個人就分別叫咗一人一碗麵:1) 越式牛肉湯河regular size (4/5)有驚喜！因為我本身仲以為只有得生牛肉，點知佢有好多唔同牛嘅部份，包括金錢肚、生牛肉(仲要肉質鮮嫩嘅)， 同埋牛丸、牛柏葉等等。個湯亦都係好清甜嘅，值得一試！2) 豬頸肉湯濛 (3.5/5)個豬頸肉稍為有少少過硬，不過整體啲粉都好有口感，天氣熱嘅話都幾開胃！整體餐廳都幾迫下，不過兩碗野都好大碟，我哋食完係超級飽已經食唔到任何小食。

去西貢行下，天氣熱熱地，諗住食越南野開胃啲就入去試試。叫左個牛腩湯粉，湯底好夠味，牛腩都幾淋冇乜渣，好味道。另外試左越式粉包，好足料，食兩件已經幾飽。整體滿意！

吃過辣的牛肉粉和火車頭，覚得可以但找不到我在多倫多吃的味道，他們告訴我是calgary 的口味未去過calgary, 所以不知道。實在太喜歡越南菜，還是會回去試香芽豬扒飯。在北角分店吃的檬就不推介了！

15/4/2019 星期一，放假一天，雖然無太陽，見到未有落雨，一於入西貢行下，揾地方食午餐。當行經西貢市，見呢間越南餐廳有戶外坐，一於幫襯下，試下啦。椰青必飲啦，好清甜。越式米紙春卷，生菜包著食，好正。雞絲湯粉，大碗，足料。烤雞扒飯，仲有一碗美味湯。仲有新鮮九層塔，喜歡可以搣一兩塊葉放落湯粉食。遊西貢，食嘢多選擇，不失為一個悠閒吃喝玩樂的好地方。

餐廳試食了越式金針粉和烤豬頸肉法包，個人覺得法包香脆可口，剪開一半更方便食客品嚐。法包份量充足，除了豬頸肉，還有洋蔥和其他配菜，配菜顏色悅目。如果法包再熱點，相信更滋味。而金針粉的配料挺香口的。餐廳看似唔大，但原來裡面還有房間，牆身掛的畫幾有style,餐廳播放的歌曲比較懷舊feel~邊食邊聽歌，感覺良好😌

每次提起西貢，會聯想到海鮮和茶座。今次選擇了越南菜。因為假期，非常多人，需要排隊等候。座位安排在店外，天氣不太熱再加外國feel，都ok。点了法式牛肉包，顺化湯粉，棘和棘各一，雞扒捞檬再加越式春卷。牛肉包份量十足，包微脆，牛肉味好。至於湯粉，棘的比不棘的好味。清湯的比較淡。捞檬味道一般。還有越式春卷，正常炸脆加生菜包住食，無特別。再加上配汁味道淡，沒有驚喜。另叫越式咖啡，是不錯的選擇。接近每位一百元。