Video
Opening Hours
Today
07:00 - 21:00
Mon - Sat
07:00 - 21:00
Sun
08:00 - 20:30
Public Holiday
08:00 - 20:30
Above information is for reference only. Please check details with the restaurant.
聖安娜有好多唔同嘅麵包/西餅種類，價格係可接受範圍之內，係唔少人嘅早餐首選。另外，新推出嘅偏牛角酥做得好鬆脆，又夠大塊，仲有三種口味擇，其中開心果味就最好食。啲麵包都幾鬆軟，選擇又多，又係獨立包裝，夠晒衛生! 不過，某啲麵包數量比較少，有時嗰日根本冇入貨添，有啲失望，建議本身多人買嘅麵包可以入多啲貨。仲有值得讚嘅係，我次次去親聖安娜都有個女收銀職員態度好好，就算有幾多客都依然保持笑容。👍 另一點都想提嘅係喺聖安娜買完野有附上優惠券，吸引到我再去幫襯!
continue reading
自從知道「聖安娜餅屋」推出了五款港式懷舊西餅之後，便一直心思思想買回家吃，希望重拾那些年的美好回憶。這一天，工作過後，終於特地來到這商場內的「聖安娜」分店，把這些懷舊西餅（$4.8/件，一次過買六件，特價$24/6件，$4/件）買回家中。六件西餅中，「朱古力三角蛋糕」、「香橙三角蛋糕」和「菠蘿占蛋糕」都是復刻的懷舊西餅，但另外兩件懷舊西餅「咖啡蛋糕」和「黃梅花籃」都已售罄，我就改以另外三件不同果味的海綿蛋糕代替。六件蛋糕中，我只吃了三件，家人就吃了另外三件。我吃的三件蛋糕中，最愛的首選當然是「朱古力三角蛋糕」，特別的三角造型，濃郁的朱古力味道，朱古力海綿蛋糕外圍薄薄的一層朱古力，蛋糕與蛋糕之間的一層薄薄的忌廉，加上蛋糕外圍朱古力塗層外的七彩繽紛的彩虹碎粒，甜美可口，不但小朋友飪鍾意，我這個大人同樣喜歡。「香橙三角蛋糕」與「朱古力三角蛋糕」有異曲同工之妙，香橙的味道對我來說雖然沒有朱古力那麼吸引，但就比朱古力更加清新。「菠蘿占蛋糕」表面上的一層甜滋滋的菠蘿果醬和菠蘿片，是這西餅的最大特色，也是我最記得它的地方，沒吃多年，今日再吃到它，童年回憶立刻浮現心頭。這次光顧，雖然沒有吃到「咖啡蛋糕」和「黃梅花籃」，下次吧，下次經過，我一定會帶它回家，讓我再次重拾那些年的美好回憶的。
continue reading
今日係老婆生日🎂的大日子，買咗個佢最鍾意食嘅鮮栗子蓉蛋糕🌰。以前好多西餅舖都買到鮮栗子蓉蛋糕，唔知點解🤔現時只見到兩間連鎖西餅店有得買🙈。今次响“聖安娜餅屋”買咗一個鮮磨板栗皇冠蛋糕。蛋糕外層塗滿了忌廉，最上層舖了滿滿的一層鮮栗子蓉，中間夾層有海綿蛋糕、忌廉再加些栗子蓉，最底層是朱古力脆層。整體組合效果很好🥰，層次分明，甜度適中❤️。每一口都食到綿滑嘅忌廉，軟熟嘅海綿蛋糕，混合埋栗子蓉嘅清香同脆脆嘅口感，十分滿足😋。老婆話如果啲栗子蓉再香甜小小，朱古力脆層嘅朱古力味再重小小及脆層再厚身小小，就更加好食。不過我就覺得個價錢對得住呢個質數👍。
continue reading