Video
Opening Hours
Mon - Sun
12:00 - 22:00
Above information is for reference only. Please check details with the restaurant.
星期日瞓到自然醒就同C 小姐岀去食brunch ，諗唔到食咩之際，記起之前有media 講過仙跡岩原來仲有，所以我地就去到最近既呢一間喇。係一個街坊商場入邊好易揾到，我地叫左我地中學放學去hea 既每人最愛餐單😂我既有 抹茶吐司 細個已經好鍾意抹茶味，加上呢個吐司焗得個抹茶醬脆脆地，個麵包底又軟，放學唔係好多零用錢又想飽d，食佢就啱哂。食完抹茶吐司再加青蘋果綠茶，真係咩回憶都番哂黎。青蘋果綠茶同珍珠奶茶另外，C小姐食左鹽酥大塊雞都係以前既味，外面好脆，裏面有肉汁。今日食完好似變番中學生呀😂
continue reading
今晚繼續同親戚朋友一齊食飯真係好開心呀！幫佢哋呢d小朋友慶祝係來得更特別。叫咗個豬頸肉配滷蛋飯，佢可以揀蛋之餘仲可以揀配涵肉。咁我覺得都有兩種肉就好似太多，就揀咗滷蛋。豬頸肉肥瘦均勻配埋滷蛋就完美配合。之後本身叫咗炸蝦丸嘅，咁店員就唔小心落錯咗，雖然我係想食蝦丸多啲，咁但係都唔緊要啦。我就照要咗花枝丸。雖然得三粒但係大大粒。花枝丸都顏色炸出嚟都好靚好吸睛。我中意佢外面個皮幾有咬口。之後再點埋佢一d椒鹽嘅調味料更加惹味😘再叫埋個大大炸雞扒係非常之吸睛吸引，香脆炸雞好似鹽酥雞咁樣非常香脆！而且份量都夠大，好頂癮！再叫埋嘢飲先就叫咗胚芽珍珠奶茶。平時通常都係飲珍珠奶茶，但係嚟到呢度想食啲特別啲嘅就飲呢個非常之有營養嘅胚芽珍珠奶茶，佢都幾多胚芽好足料，味道配合得好好。另一杯要左芝麻珍珠，芝麻味道香濃，非常足料，淡淡清香芝麻香撲鼻，健康之選！今晚喺呢間鋪頭入邊，融合咗香港台灣同埋巴基斯坦嘅三種情懷來得更加特別。
continue reading
今晚同親戚啲小朋友食飯當慶祝佢哋生日來得特別窩心💚💗我哋嚟到佢哋屋企附近新蒲崗廣場入邊嘅仙跡岩。呢間餐廳以前都食過，係我最鍾意食嘅台式食品店。而且裝修光鮮亮麗。以前都好多分店架，不過有啲可惜係而家好似式微左，就得返幾間分店。不過都無損我追隨嘅心。一嚟就帶咗兩杯嘢飲先啦，最愛飲品♡係我嘅主打心水！叫左一杯芝麻珍珠同埋茉香綠茶。本身鍾意食煙韌野既我就想叫埋加珍珠嘅。但係又驚食唔晒。所以都係單點啦試吓純茶味！一嚟到啲飲品都幾大杯同以往一樣。芝麻珍珠上面浮浮沉沉左一層又一層嘅芝麻，非常足料，可以係飲奶茶嘅時候飲到淡淡芝麻香，健康之選！之後一個值得推介嘅就係茉香綠茶💚有睇開我食評嘅人都知道我係好鍾意飲茉莉綠茶嘅。因為講過好多次茉莉非常之清新怡人。綠茶又清爽解膩。夾埋係非常之配合嘅一個組合。佢呢度絕對係做得出色！點解呢？茶味香濃非常香濃。兩隻茶味都係非常突出。我係飲完再想飲多一杯！係非常之好飲！我諗如果加埋我最愛嘅珍珠我真係飲兩杯都得😍😍仲有食台灣野又點可以唔叫一個牛筋牛肉麵啊。碗麵大大碗。牛筋都做得夠淋，牛肉又夠入味。再加上一個台式必叫既大大炸雞扒，份量都幾大，再加上椒鹽味的調味。係非常之惹味，香脆炸雞一囗又一口，食得好開心😃。呢間餐廳有好多回憶，佢嘅份量都幾多，質素亦都OK。希望佢可以繼續保存着我呢份回憶啦。
continue reading
今日試左呢間餐廳，一試便愛上。價錢一啲都唔貴。而且重好大份，甜不辣非常脆口，點咪啲醬汁食真係非常之好味道。食到停唔到口。其他野食都一樣咁好味。而且非常抵食。識食一定黎試下啦。
continue reading
今日午餐繼續係新蒲崗覓食，同事話想食台式野，就係openrice 睇下有咩好介紹，結果搵到呢間位於新蒲崗廣場2/F 既仙跡岩。店舖位置有d 隱蔽，好彩同事帶路，如果唔係都幾難搵。惹味套餐有3款，可以算係set lunch, 我揀左台式三杯雞配白飯。其實仲有其他飯餐選擇：當然唔少得台式牛肉麵同事叫既天然雪菊茶🌼台式牛肉麵，有肉有筋，湯麵都好味。😋最後有我既三杯雞，醬汁偏甜，完全唔辣。雞塊大概有5-6舊，加埋配菜剛剛好食哂一碗飯。😝最後飲埋杯珍珠奶茶，剛剛好。👍
continue reading