薩莉亞意式餐廳 (小西灣廣場)

Open Now

Now Closed

薩莉亞平靚正我諗都唔使我多講不過我就最鍾意佢嘅周打海鮮湯個湯頭好甜亦都食得出好多鮮味而且仲要淡淡都係佢嘅材料包括左佢嘅海鮮啦同埋一啲切得好食中嘅蔬菜粒 所以我非常之鍾意

星期日下午2點多黎到薩莉亞意式餐廳，估唔到全場爆滿，仲要攞籌，不過都好快可以入座。已經好耐無幫襯過薩莉亞，仲有期間新出食品，不過今次無試，希望下次黎到可以試下。1. 煙肉菠蘿薄餅($30)，即叫即焗，餅邊脆口，略為煙肉較少。2. 脆脆蝦($19)，脆脆嘅外皮，配上千島醬，作為小食十分惹味，一個人可以食晒一碟3. 溫泉蛋卡邦拿意大利粉($32)，溫泉蛋超流心，自行加上超多芝士粉，更加美味。4. 歐陸風烤焗香腸(4條)$34，上檯時真係嚇咗一跳香腸好大條，內裡好多肉汁，熱辣辣，好好味，唔覺唔覺又嗌多左。基本上兩個人，每人一個主食加小食都係幾十蚊，仲食到超飽，可以去邊度搵度唔怪得任何時段都咁多人嚟食

第一次食呢間分店，原來都係好多人！等咗成一個鐘先入到，好餓所以叫咗好多野食！叫咗兩個沙律，蝦呢個沙律好好味！中華沙律好耐冇食過！$9咋，食兩件壽司都唔止$9! 燒魷魚好好味，好香！下次可encore. 洋蔥焗青口大脆皮腸配薯角松露磨菇意粉，超級香另外呢個蕃茄嘅海鮮意粉就淡味咗d，而且d海鮮煮耐咗比較硬。呢個炸蝦仔都好好味，但就比較細碟。雞翼有dd辣味，好食但等咗非常耐先有得食！所有野都上哂催咗兩次先有。甜品呢個榛子凍餅好正呀！！焦糖布丁正正常常。overall依然係好抵食，雖然好多客好忙但d waiter都叫正正常常，唔係澳牛嘅態度

薩利亞除左抵，就真係好抵，抵得來係質素ok , 所以一開張時基本上係好難好難等位，而家同埋比較多其他選擇，就分散左人流，較易等到位，今日幾個人去食薩利亞，基本上無乜理價錢點食物，相反要睇住自己係咪真係食得哂先點

每次去薩莉亞吃晚飯，都必須等上1小時🙈🙈🙈真的超多人吃，但價錢又真是非常合理🤣🤣他們有很多食物種類，價錢便宜但又小小份量的一碟,讓我這種有食物選擇困難的人，可一次過滿足叫晒🤣🤣而薄餅來說，我覺得比某大牌的好吃，薄餅邊脆，但又沒那麼油膩，雖然簡單，但基本餡料都足夠，最重要的就是，非常便宜🤣🤣🤣而小吃類的如雞翼腸仔，以至前菜類別，都是不錯的~由於是免收加一服務費關係，水是要自己到外邊倒的，如想任喝汽水類別，也只需加十多塊便可，一家人晚餐，2百多就能吃飽且滿足，不錯~

陪老婆和女兒去進餐,侍應熊度不算很差,湯的質素不錯,雖然只是12元,但是配料充足,不會為了一撥湯水份量沖到很稀很水的,湯水很濃味（羅宋湯沒有嘗試,有師兄飲過可以補充）餐廳每款食物精而簡,可以給客人多點用餐。而且有西餐,糊餐類別供給小朋友飲食。

無意中一次，同狐狸仔黎到，小西灣，就食個薩利亞。羊架系相對其他食物貴左啲啲，但系系幾好味！厚肉惹味，不過之前試過一半肥高，所以多唔多肉都系靠好彩。不過嫩軟熟Juice，好味！雖然平，但芝士料超多，可以拉絲，仲要一大條勁粗，好厚芝士，餅底適中厚度有咬口。！明太子尤魚蝦仁意粉，蝦仁系真系蝦仁😂硬左dd，尤魚系尤魚圈，唔夠粗身，好似橡筋咁上下，韌硬左啲，個明太子醬比想像中好食，夠Creamy，不過狐狸仔試左淡話淡。我覺得幾好個明太子醬。

薩莉亞，終於都開到嚟柴灣區啦，今日已經唔知喺度食過第幾次飯啦，我食過好多間薩莉亞，佢哋每一間分店嘅水準都一樣咁平均，呢間都一樣食物水準做得好好，亦同其他一樣汽水可以自助加添，我個人覺得坐喺呢間餐廳嘅外圍空間闊落過坐係入邊，最值得推介嘅就係佢哋嘅肉醬多莉亞飯。

作為小西灣其中一間平價意式餐廳在晚上七時左右定必大排長龍所以我特意避過這段繁忙時間一排冇黎 竟然轉左個新Menu 不過係本野新咗裏面啲菜式大致上都無變雖然嚟咗好多次但係我覺得就算係平價嘅連鎖餐廳都有佢可取嘅一面咁我就同我朋友叫咗一碟意粉一碟焗蜆 最後再叫多咗個甜品焦糖布甸 你話問我係咪好食其實真係唔多特別 不過都放得入口 侍應好有禮貌 黎同走嘅時候都有好親切咁打招呼環境方面裝修一般不過成個格局都幾好 有卡位有大枱任你揀 啲嘢都幾乾淨 不過今次我去到地板有啲黏黏的應該係自助汽水機嗰度有人倒瀉左不過侍應都好快就拖返乾淨我哋喺嗰度主要都冇乜食嘢 一直傾計傾到佢收鋪佢哋亦都冇吹我哋 冇叫我地走 仲好有禮貌尼間餐廳唔錯價錢又平雖然唔會食得好飽但總括而言都係唔錯 可以一戰

如果對食物嘅質素唔係好高要求， 當然又唔會太差，但勝在價錢平， 咁呢間餐廳就可以推介畀你啦……先嚟小食: 蒜蓉包、脆脆蝦再嚟前菜: 黑椒蜆主菜: 卡邦尼意粉、 芝士大蝦通粉每人加13蚊可以無限任飲汽水兩個人埋單都係 158.....抵

平時去開商場經過呢間餐廳都見超多人排隊，試過有一次晚飯時間竟然要等成50張枱！！咁就當然放棄啦。不過心諗，呢間野竟然咁勁晚晚都咁多人排晒大隊，一定要搵次試下。最後今日午餐時間（其實都只不過係早上11:15）見到都有好多位，於是就入去食。叫咗一份黑松露野菌忌廉意大利粉同一碟香辣雞翼 （8隻），仲加碟煙肉波菜。碟意粉都意外地好食！個黑松露忌廉醬好香，意粉唔會太焾（本人對意粉好有要求架），$34絕對抵食 ！而個香辣雞翼都幾香辣同香口，小朋友最岩食。跟住碟波菜就一般，但份量都唔算小。後記：食到未夠12點，約11:45左右，就已經爆滿要等位了

中學年代 約朋友出來食野 要平 最好有裝潢啦殺你呀 真係不二之選 人大了 錢賺多了 慢慢就開始 識享受了 開始食野 講環境 講氣氛 又要高質素的食物但說到底 自己都係窮妹 有時放假 又要醫肚仔當然就實際dd 殺你呀 絕對平價美食嘅首選二三十蚊就可以點到一碟菜，仲有意粉 pizza 各樣小食選擇 去邊到揾呀!!! 當然啦 價錢平 食物質素相應要求吾可以禁高 中中等等 都吾當伏啦 食過禁多樣食品 一定要寫個食評 話比大家知 以下必食推介, 必定冇死菜式。1.雞肉多利亞勁Creamy勁cheese, 中口味之選。熱辣辣，飯粒都有嚼口的 味道好味的 性價比超高 2.明太子海鮮意粉汁醬多 配上明太子 口感很好👍🏻 明太子份量都多 海鮮是冰鮮 味道普通 但重點明太子配意粉 吾錯自從食完之後，立即列入殺你呀必食之選!!!

今日去咗薩莉亞意式餐廳度食嘢，要等大約20張枱，不過都好彩等左大約四個字左右就入去食啦，咁我哋就點左總共四樣嘢，咁就有8件雞翼，溫泉蛋肉醬多莉亞，蒜蓉汁肉牛排，惹菌忌廉意粉。啲食嘢時間大約15分鐘就上哂，佢哋仲有嘢飲任飲套餐只需要加$13，嗰度部自動汽水機可以將唔同嘅汽水幫你混合例如可以橙汁溝忌廉，最有驚喜係個牛排，諗住$69食質素麻麻，點知黎到勁大塊,另外就係個雞翼，個皮好脆，有少少辣，愈食愈想食。總共百幾蚊兩個人食得飽，都唔錯。

6:30倒去食，基本上次次都要等20張枱以上，今次我同朋友叫咗一碟牛扒，一碟炸蝦，一碟四件雞翼，同埋一個白汁意粉，呢間餐廳嘅價錢相對地比較便宜，份量比較多，牛扒一上嚟有買薯角，牛扒超級大塊，唔會太老，覺得好好食。炸蝦一上黎就凍左，唔太推薦。一個白汁意份量足夠，味道唔會太鹹，有啲芝士味，幾好食。蜜汁雞翼，雞翼都好林，味道唔錯。我同朋友兩個人去食，消費大約$200 ，唔會覺得太貴，整體來講，薩莉亞餐廳比其他西式餐廳抵食好多。

其實呢間餐廳質素從來都吾係selling point有咩法國菜可以比你二百蚊兩個人埋到單？有咩薄餅可以比你50蚊落到樓？同埋，佢既質素，絕對對得起呢個價！首先評下我最愛既水牛芝士薄餅呢個薄餅，價值29蚊港幣。但我次次食都有加幾蚊芝士，所以睇得出上面既芝士好厚，厚到流下流下咁。餅底就吾太厚，亦都吾太薄。但勝在咬得開切得開。有好多百幾蚊既薄餅都未必切得開。但佢底層有少少蕃茄醬，有少少吾配合d水牛芝士。呢個辣味雞翼都很讚，雞肉嫩滑，辣味適中。吾夠既可以加Tabasco 。