薩莉亞意式餐廳 (小西灣廣場)

Open Now

Now Closed

今日晚餐帶埋兩個小朋友食，佢勝在每份份量唔多，價錢又唔貴，最愛水牛芝士pizza，芝味濃郁，係首選推介。周打魚湯味道鮮甜，黃金栗米pizza ，用大量既粟米鋪係面，啖啖都食到白甜既粟米。蒜蓉包好香脆，意粉唔會太咸，適合小朋友選擇，再加上寬敞既環境，值得推介比一家大細。

薩莉亞係一個好熟悉嘅名字， 特別係內地都聽過呢個名字， 亦去過一次， 當時畀我嘅感覺係污糟， 好多汽水飲， 食材唔新鮮。 當強國人來到中國香港之後， 好似有一些正面嘅變化。 地方乾淨咗， 食材都新鮮左。 仲要變成我個女嘅最愛。

三個人食叫咗個墨汁意粉、肉醬多莉亞八隻辣味雞翼 蜆同埋雞肉芝士pizza最好食順序：辣味雞翼>肉醬多莉亞>墨汁意粉>雞肉芝士pizza> 蜆辣味雞翼就不嬲都好食嘅 今次都唔例外肉醬多莉亞 有時就會唔夠熱 但今次呢 啱啱好墨汁意粉好似有啲太水唔夠「𠎀」但係食落味道都唔錯雞肉芝士pizza就唔推薦啦因為呢個Pizza焗得太來有啲硬而且又冇芝士味成個Pizza食落就係硬 唔夠味蜆就更加唔好食食到好多沙 又無咩味只要下次叫返一啲有水準嘅小食薩莉亞都係一個平價又抵食嘅選擇😆

食薩莉亞嘅特色就係夠平 望住餐牌可以唔睇價錢嗌好多款都唔會好貴 三個人去食都嗌咗六樣嘢食 啲嘢食上得好快雞翼細細隻不過都幾香口Pizza上面的材料鋪得有少少隨便 但個pizza包都算幾好味焗飯加左隻蛋,撈埋一齊食好味啲 仲有個墨汁意粉都幾多墨魚食完之後發覺其實全部食物都好油膩食物嘅味道正正常常,以呢個價錢嚟講已經係唔錯不過就唔會成日去幫襯lu而且週末真係排咗好耐隊先有得入去食呀 排嘅時間仲長過喺入面食嘅時間

冇嘢食嘅夜晚，同細佬嚟咗薩利亞，以前係北角都有食過唔錯。自從上年開咗係小西灣之後就有間唔中嚟食下，啱啱開張嘅時候都仲好多人等位，而家星期日我哋8:30到，都唔使等位，現場大約8成滿。粟米忌廉湯 ($12) + 蒜蓉法包 ($10)我哋先叫咗蒜蓉包，過咗五分鐘後再落忌廉湯，但係因為蒜蓉包係即刻焗嘅應該，所以 忌廉湯嚟咗之後，大概十分鐘蒜蓉包先到。法包好香蒜味，如果單食嘅話其實都有少少dry，所以特登叫咗忌廉湯。 法包浸咗落忌廉湯之後，蒜蓉味冇咁出，但多咗忌廉湯加入之後呢就好食好多。忌廉湯都好濃嘅，但因為我哋等到蒜蓉包嚟咗先一齊食，所以就冇咁好食啦。墨魚汁意大利粉 ($32)墨魚汁意粉正常發揮唔算太特別，個人覺得好似有少少咸?!溫泉蛋肉醬多利亞 ($32)肉醬多利亞係我嚟薩莉亞必嗌嘅食物之一， 芝士加上肉醬撈飯簡直係perfect match，今次加咗溫泉蛋，但黎度嘅時候發現溫泉蛋已經熟左啲，唔流心，呢度減咗啲分。蒜蓉汁美國肉眼牛扒 ($59)肉眼扒唔錯，牛味都頗重，佢肥肉瘦肉都有。 雖然係好邪惡，但係都想講句: 肥肉嘅位置真係好好食。上到嚟嘅時候，肉眼扒啱啱好，但係因為我哋試完轉攻其他菜

眾所周知呢間係平民食堂，性價比超高。幾年冇食過，發覺冇加價之餘，份量比之前仲大份左，味道又好左！先來雞絲沙律🥗，超清新，雞絲又夠多，連餐具都靚左。周打蜆湯又係極抵飲，好多料，煮得好好味，夠熱！溫泉蛋carbonara 意大利粉溫泉蛋很出色，意粉唔太淋又唔硬，通常呢個汁會好「漏」，呢度又唔會，nice! 菠蘿沙樂美腸雙享pizza 呢個餅底就麻麻，呢個價錢足料算係咁！可接受～ 每次來都一定要食既墨魚汁意粉，美味依然！New York cheese cake, yummy ! Hazelnut cake really delicious! Good ending of this dinner!

同朋友放工食飯，見薩莉亞比開張的時候少左好多人排隊，今晚完全唔洗等位，就決定食佢！2個女生，眼闊肚窄，所以叫左好多食物🙈1.辣味雞翼4隻 $17必食之一。辣味適中，好岩香港人，而且外皮焗得好乾身，但雞翼入面就好juicy ,所以佢成為左皇牌菜式之一。2.溫泉蛋肉醬多莉亞飯$32今餐我的最愛！焗飯好少會甘多汁同juicy ,佢芝士同肉醬嘅份量有半隻碟甘多，所以飯都得半隻碟，但加埋隻溫泉蛋，搞勻一齊食，超好味！3.甜蝦沙律$24 另一皇牌: 甜蝦的分量算多，醒上千島醬，令人好開胃。4.墨魚汁意粉$32食完個口會黑曬，就知道佢好足料。平時最怕外面的意粉好乾身，好少汁，但呢個就好夠汁，仲有好多墨魚圈，配上少少炒的洋蔥粒，令人覺得好香口，好好味5.炸蝦🍤件$17新小食，但好推薦，因為有大約10隻蝦，而且最中意個source ,有d酸酸地，似千島醬，作為飯前小食一流！6. 煙肉野菌雙享薄餅$32呢個係比較失望，有兩種口味，野菌好好味，好多野菌好足料，但煙肉嗰邊就好少煙肉，仲有芝士唔夠多，好似食個餅底甘_________💵總消費$156 (免加一）兩個人😋食味質素: 8/10💸性價比：10/10🍱環

囝囝過咗小西灣上暑期興趣班，落堂後見肚餓，佢一向幾鍾意叫我同佢嚟蕯莉亞食嘢，今次亦唔例外。我曾經同囝囝去過唔同分店都有同樣情況，就係好多人等位，有時多人到一個點係見到人頭湧湧巳經放棄唔等！咁啱遇上午飯時間，我有考慮不如去其他食店，囝囝依然話想食蕯莉亞……好！就因為你咁堅持，媽咪就陪你一齊等位啦。果然不出我所料，巳經有唔少人喺度等位，囉咗二人位籌需要等四張抬，即管比啲耐性等吓，大約等到五個字就到叫我哋個籌號其實自己都想食鷄翼，可惜只有辣味，加上囝囝食唔到辣，唯有下次等爸爸喺度先order囝囝特別鍾意飲粟米忌廉湯，幾乎成碗湯比佢飲哂🥖蒜蓉包仲熱熱地，有微微蒜香味🍴白汁芝士焗魚扒 魚扒略為有少少腥🥄野菌忌廉意大利飯忌廉味濃郁嘅野菌意大利飯 份量很大 食完覺得好飽肚！柴灣環翠將會開分店，對於柴灣街坊會係個好消息

是日返工前約12點半飛奔4樓食野, 幸好, 入座時仍有幾張卡位, 轉個頭已要大排長龍, 因為中學生放半日, 附近5間中學的學生蜂擁而至見到lunch出左新menu好吸引, 係單叫某指定意粉或 pizza 加13或16蚊 就有飲品加沙律 或粟米湯加沙律叫左菠蘿pizza加沙律同飲品, 再叫黑松露意粉加沙律同粟米湯因為餐廳差唔多全滿, 都等左10分鐘先齊食物, 趕住要上班, 狼餐虎嚥, 都食剩左半個pizza 打包加1蚊可能飲左凍飲凍檸茶或食左沙律或食得太急, 返到去腸胃炎 sosad....友人就喉嚨痛

下午茶6點前唔駛等位見到menu 係新印既, 間餐廳就順手update左部份價錢因為食開菠蘿煙肉pizza, 以前係29蚊, 宜家30蚊其他有冇加價就唔清楚喇不過個甜蝦沙律就少左好多沙津同冇左粟米係真既希望食物份量唔好再少同唔好加咁密喇。 我知生意難做, 呢間都仲係cp值好高既一間店

我地一行二人一齊食野，6:05已經禁左a飛，結果佢個經理狂入b飛c飛，有d根本未齊人都照入，等左9個字叫左兩張a飛，實在太氣憤😡服務態度都唔洗講，一個字差。等左9個字，兩三張二人檯都唔好話唔過份。

這間店舖，叫曬成枱都係食品時， 都係好抵食， 食飽每人仲唔會貴，價錢人人付得起，如果多人仲可以試多好多款。 加錢仲可以任飲，總言之就好平。食扒，意粉，pizza,小食雞亦都好好味

年初三去搵食, 呢間難得有開就火速去拎票等位, 雖然門口照例多人, 但經驗話俾我知通常都好快有位。新年期間唔夠人手, 餐廳就封起左幾張木台冇開, 等左10分鐘就有位喇, 我地都趕時間, 咁快有位真係太好喇食左1. 菠蘿沙律 : 健康之選, 好多唔同既沙律菜, 不過太多醬2. 海草沙律: 老公最愛, 都係太多醬, 不過都係誠意之作3. 農舍菇pizza: 阿仔最愛, 新鮮熱辣辣又多芝士好好味4. 海鮮意粉: 阿仔好鍾意食, 有兩個大青口同蝦同魷魚, 魷魚太乾太硬 5. 腸仔:大家都鍾意食, 長長腸仔, 煮到脆脆地, 又唔會太咸, 好味6. 湯: 好似係海鮮湯, 好足料, 口感好正沙律同湯唔駛2分鐘就黎左, 超快手途中送上左冇嗌過既雞翼, 同佢講返佢就收起左餐廳價廉物美, 祝長做長有

估唔到柴灣會有一到偏僻得黎又舒服既食店，仲要係薩莉亞！所以都唔多人，唔㑹話排曬長龍，但全間店都坐滿8成啦～今日食左個雞肉粗管面，其實即係焗粗管通心粉有少少雞肉，加埋芝士白汁，即叫即焗，熱辣辣食好正呀！但最得意係表面果層既通粉焗到有少少脆卜卜，口感幾有趣～晚市30蚊都唔洗就食到，好抵食呀^_^

食物品質不太差 先來兩個沙律 .餐湯 .蒜蓉包最喜歡蒜蓉包襯周打魚湯 ，蒜蓉包非常夠熱好好味另外辣味雞翼真係好辣， 原本諗住叫畀小朋友食，但係因為實在太辣所以小朋友食唔到，建議可否出一些唔辣嘅雞翼， 黑松露野菌白汁意粉 ，小朋友也比較喜歡啱佢哋食好好味pizza一般 唔係太好食比較硬 ，唔夠熱可能店舖人手不足傳菜唔夠人， 有些食物擺咗一陣先至送來建議即叫即食，如果約咗朋友最好等齊8成人先至叫 凍得好快