薩莉亞意式餐廳 (寶輪街) (Closed)

薩利亞應該係很多人成日都會去的飯堂，因為價錢勝在夠平，食物種類選擇多，同埋水準都還可以。不過我想講下佢哋有啲伏嘅地方。第一個就係佢哋嗰個鐵板牛柳，喺呢度叫已經有心理準備同出面差好遠。到真係上碟時發覺啲牛扒係大塊，但比較薄。 當真係落刀切牛扒時，係有相當難度嘅。因為硬度真係好似牛肉乾度咁，100% well done.另外一個伏位就係甜品，我哋叫咗 tiramisu 同埋榛子凍蛋糕。 Tiramisu 底部出晒水，可能佢嘅入面個雪櫃唔夠凍。榛子冷凍蛋糕就好似一pat凍嘅金沙朱古力，甜到不得之了。其他食物我都覺得ok下次嚟到應該需要識叫啦。

是日和契仔來這裏午餐，他十分喜歡這裏的薄餅，今日由他拍板揀了一個雞肉野菌雙享薄餅，他再揀了一個蒜蓉包，和周打海鮮湯，我就揀了辣味雞翼四隻，蒜蓉焗田螺和一個辣嘅意粉。

我又來了～～～每次到薩莉亞都要嘗試不同的菜式～這次來到位於商業大廈的薩莉亞，事前有點兒擔心價格會唔會加了啊...原來是一樣的啊！7時多來到不用等位就可以入席～～海草沙律 $19新鮮冰冷既沙律作為前菜！好開胃～海草上有少量辣粉調調味道，吃不出辣味反而更加開胃。沙律醬頗多的啊...香焗白汁雞肉波菜 $25細切雞肉分量很少！菠菜分量很好！下次只叫菠菜算了。醬汁是由牛奶、麵粉和牛油製成的白汁。吃下去有香濃的牛奶味！但感覺像是加了很多芝士！難道是錯覺！？蒜蓉法包 $10熱騰騰的法包！吃下去蒜蓉味道不是太突出，但是熱熱脆脆的很好咬！配搭著白醬汁一起吃，更易入口～埋單只需要$54，超級大滿足☺️☺️☺️

薩莉亞絕對可以稱得上係窮L恩物，$30一個意粉，係香港已經差唔多絕晒跡。難得薩莉亞仲可以唔加價，簡直係糧尾之選啦。呢日星期六7點左右去到位於KMB大樓5樓既分店，等位既人唔算好多，呢間分店算係比較大間，所以等左大約5分鐘就可以入座。必食既係辣味雞翼，少少辣好惹味，叫一碟原來係唔夠，要再加單。蒜蓉包，每次必點，$10 好抵食。雞肉多利亞，超好食，我見附近幾枱都有點，其實姐係焗飯，不過平時焗飯會焗到D飯乾晒硬晒，呢個焗飯就冇咁既情況出現。之後有叫左個Spaghetti Carbonara, 有溫泉蛋、煙肉洋蔥好足料。雞肉粗管麵，其實個汁就同多利亞一樣，只不過粗管麵掛汁D，咬落去會咇左D醬汁出尼。飲品方面薩莉亞都會採用自助飲品吧，汽水檸茶，咖啡，朱古力等等都可以任飲

我一惗唔到食乜，就會去 "飯堂" - 薩莉亞。我真係好鍾意食呢間餐廳嘅野，所有pizza、意粉、飯都好好食，味道咸淡適中，唔肥膩。當中我次次都order 嘅包括 :栢馬火腿薄餅 - 一定要 double cheeze ，正好多肉醬多利亞 蒜蓉包溫泉蛋卡邦尼意大利粉蒜蓉焗田螺意式菠菜伴煙肉辣味雞翼無限添飲飲品 - 最初好正， 近呢一年咖啡機可能轉好太犀利， 啲咖啡味怪怪地， 我而家通常飲美祿 由於呢度啲嘢樣樣都好平 ，兩個人叫到成枱都係都係二百幾蚊，又好食， 好似去咗天堂咁，我真係好鍾意

心血來潮想食意大利🇮🇹野，近近地去幫襯薩莉亞意式餐廳。一直都知道呢個連鎖餐廳以抵食見稱，即管去試一試。打開menu, d食物真係平都你唔信。30蚊一份意粉，40蚊一份pizza, 抵到無朋友因為咁平，所以2個人叫左好多野。食物既味道好一般，所有野只有芝士味，好難稱得上意大利菜。不過以呢個價錢黎講，仲可以要求d咩。

今日去住美孚姨媽家拜年，晚上就近近地在樓下薩莉亞作晚膳，好彩等了不到半小時就有位，這店內的食物好扺食！雖然分量唔算多但勝在款式多，可以多點幾款不同口味亦不怕食唔晒！前菜我揀甜蝦沙律又多蝦又多汁醬永遠都唔失準！煙三文魚沙律都唔錯但略嫌少D三文魚，所以我又可以凈叫三文魚；每次必點的燒汁魷魚一隻只是$28咋！蒜茸田螺好香濃牛油味而且田螺都夠大隻，真扺食！墨魚汁意粉夠乾身之餘每啖都滲出墨魚的鮮味菠菜三文魚意粉好重芝士味水牛芝士薄餅厚厚的芝士

今日係附近做完facial唔知食咩好突然唸起莎莉亞就自己上左黎食叫左個大蝦🦐沙律🥗同埋周打蜆湯因為人多所以都等左一陣先上菜以為呢兩樣嘢唔洗煮應該好快添沙律都算新鮮 不過略嫌醬唔夠多而個湯就好失望飲頭兩啖都覺得ok點知放係度一陣竟然好似出水甘變到好稀下次唔會再叫

今日時間足夠 ,可以去遠少少， 到左薩利亞食午餐。 同朋友幾個人。 好彩算早， 唔使等 即刻有位坐。 簡單d 各自叫set ,今次揀左忌廉野菌意粉， 好夠味， 忌廉味好好 . 意粉份量岩岩好， 再加可以自由去飲品吧， 自己揀飲咩都得！ 平靚正之選👍

佢一份煙鏟三文魚，佢經歷左無數風雨，到最後游到碟上邊，灑過一層橄欖油，就好似一個肌肉男喺沙灘度搽咗啲黑鬼油，中間加啲沙律菜，幫個肌肉男插把遮，鍾意嘅話再灑少少檸檬汁，用陽光嘅汁液射上佢塊面度，成件事好刺激，一入到口首先就係煙三文魚嘅重煙熏味，之後之後做到橄油香，到最後就係三文魚香。相信我你會迷戀佢🙈

聽個名以為佢喺嚟自意大利，其實喺日本過江龍，喺一家連鎖意式餐廳，遍及世界多個地區並超過千間分店，做到咁嘅成續真喺唔可以小覷。其賣點就喺平，但食物又唔差，可以講喺打破平嘢無好嘢嘅定律。今次就約咗晌曼克頓山做物業管理嘅親友食個早鳥晚餐，都真喺未試過5:00pm就食晚飯，哈哈！一出電梯就見到餐廳，裡面非常之大，一字直望到尾，屈個彎仲有好多位，足以坐百多人，地方頗寬敞下，就連啲4人卡位感覺都闊落啲，裝修平實得嚟都舒服。我哋咁早嚟，就梗喺連輪候飛仔都唔使撳啦，入到去點坐都得。晌等親友期間，睇睇餐牌兼影影相留底，俾大家參考之餘，如果自己下次再嚟都有個記錄。菜式選擇非常多，全部都圖文並茂，定價廉宜，順帶一提，唔收加一，只收玩金。依度好多嘢都全自助，撳一撳枱上嘅鐘，就有店員埋嚟招呼。而自助飲品吧，收費$12位，喺可以無限添加，有汽水、咖啡、紅茶，咁嘅價飲兩杯都抵番晒，好難唔飲囉，唔喜歡飲嘢無問題，冷熱水自行搞掂。水牛芝士伴蕃茄 $17應該喺伴車厘茄至啱，不過，估唔到喺十零蚊嘅前菜都堅俾到咁多粒水牛芝士。其實單睇賣相，賣到$40、$50都無問題，不過，話就話喺由南意大利直接入口，但口感「腎腎哋」，缺少朕

薩莉亞@深水埗食平價食物首選薩莉亞啦 😂平得嚟都多選擇，啲位都算正常pizza  有得雙拼都幾好，可以食到多個款啲料好多好豐富，餅底硬咗啲意粉多汁咗啲，濕得滯都幾蜆，不過唔係好新鮮

薩莉亞抵食就個個都知，公司係美孚，咁啱樓下就有薩莉亞，lunch時間梗係要去幫襯下啦，過左最繁忙既午飯時間，一黎到就有位喇蒜蓉包，一如以往食開都係好好味，夠脆夠蒜蓉味焗田螺，都幾好味卡邦尼意粉呢個似乎係新出既，鮮蝦粗管麵，芝士味好夠，不過粗管麵份量就唔算好多咁樣食兩個人90蚊，都算好味又抵食

今晚去左薩莉亞叫左5樣野（辣味雞翅，芝士焗薯角，中華海草，煙肉芝士配辣味腸薄餅，黑椒汁雞扒）都唔哂200蚊有找，算叫好抵食，不過d野食真係難食左，除左雞翅還好其他都唔掂，例如之前既中華沙律無腥味依家有，薯角唔夠淋，辣腸薄餅唔辣等等。

Saizeriyer ge meal係全何時間都係一樣價錢，所以如果去食晚餐真係好抵！呢日食晚餐就嗌咗每次都會要嘅燒魷魚$24但好大條而且好香，有汁別出嚟，又彈牙爽口 燒得好香！必嗌！嗌左一個雜菜湯$10, 尼個就唔值得嗌，因為仲差過平時餐廳嘅set湯，好浠 冇咩料。之後再帶咗一個炆牛肉$3x，因為睇過openeice有人推介，但一般般，牛肉過瘦而且得幾粒。仲有嗌左個炒硯$19，無無聊聊之下數過有成19粒香！食落都幾鮮味！我諗呢度嘅海鮮可能好啲質素整體咁平嘅價錢食到咁飽又幾好味 係幾正嘅！