Video
Read full review
2017-07-22
2487 views
聽個名以為佢喺嚟自意大利，其實喺日本過江龍，喺一家連鎖意式餐廳，遍及世界多個地區並超過千間分店，做到咁嘅成續真喺唔可以小覷。其賣點就喺平，但食物又唔差，可以講喺打破平嘢無好嘢嘅定律。今次就約咗晌曼克頓山做物業管理嘅親友食個早鳥晚餐，都真喺未試過5:00pm就食晚飯，哈哈！一出電梯就見到餐廳，裡面非常之大，一字直望到尾，屈個彎仲有好多位，足以坐百多人，地方頗寬敞下，就連啲4人卡位感覺都闊落啲，裝修平實得嚟都舒服。我哋咁早嚟，就梗喺連輪候飛仔都唔使撳啦，入到去點坐都得。晌等親友期間，睇睇餐牌兼影影相留底，俾大家參考之餘，如果自己下次再嚟都有個記錄。菜式選擇非常多，全部都圖文並茂，定價廉宜，順帶一提，唔收加一，只收玩金。依度好多嘢都全自助，撳一撳枱上嘅鐘，就有店員埋嚟招呼。而自助飲品吧，收費$12位，喺可以無限添加，有汽水、咖啡、紅茶，咁嘅價飲兩杯都抵番晒，好難唔飲囉，唔喜歡飲嘢無問題，冷熱水自行搞掂。水牛芝士伴蕃茄 $17應該喺伴車厘茄至啱，不過，估唔到喺十零蚊嘅前菜都堅俾到咁多粒水牛芝士。其實單睇賣相，賣到$40、$50都無問題，不過，話就話喺由南意大利直接入口，但口感「腎腎哋」，缺少朕
一出電梯就見到餐廳，裡面非常之大，一字直望到尾，屈個彎仲有好多位，足以坐百多人，地方頗寬敞下，就連啲4人卡位感覺都闊落啲，裝修平實得嚟都舒服。我哋咁早嚟，就梗喺連輪候飛仔都唔使撳啦，入到去點坐都得。
晌等親友期間，睇睇餐牌兼影影相留底，俾大家參考之餘，如果自己下次再嚟都有個記錄。菜式選擇非常多，全部都圖文並茂，定價廉宜，順帶一提，唔收加一，只收玩金。
依度好多嘢都全自助，撳一撳枱上嘅鐘，就有店員埋嚟招呼。而自助飲品吧，收費$12位，喺可以無限添加，有汽水、咖啡、紅茶，咁嘅價飲兩杯都抵番晒，好難唔飲囉，唔喜歡飲嘢無問題，冷熱水自行搞掂。
水牛芝士伴蕃茄 $17應該喺伴車厘茄至啱，不過，估唔到喺十零蚊嘅前菜都堅俾到咁多粒水牛芝士。其實單睇賣相，賣到$40、$50都無問題，不過，話就話喺由南意大利直接入口，但口感「腎腎哋」，缺少朕柔軟感。
羅勒墨魚仔 $17以羅勒做個醬伴墨魚仔，啲墨魚仔好完整，唔會甩頭甩骨，軟熟有咬口，入口有涼涼哋，並且好有羅勒香，好清爽嘅前菜。
羅勒墨魚仔
$17
21 views
0 likes
0 comments
本來想試肉醬粗管麵，但親友話食過，味道麻麻，就由佢選咗款穩膽之選「甜蝦多莉亞」。簡簡單單，甜蝦配薩莉亞白汁嘅焗飯，醬汁份量剛好，又加入芝士，撈飯真哋輸蝕唔到去邊，而甜蝦亦比預期鮮甜。
甜蝦多莉亞
$29
18 views
0 likes
0 comments
既然親友成日嚟，就由佢揀埋食乜嘢薄餅，餐廳有兩款雙拼：雞肉野菌或煙肉菠蘿配辣腸。選咗前者，批底厚度為所謂薄批與厚批之間，直徑9吋大細，兩個人共享就啱啱好。落料一啲都無手軟，唔會有將貨就價嘅感覺，味道雖無驚喜，但一啲都唔失禮，一邊喺香濃菌味，一邊喺惹味雞肉。
芒果冰雪蛋糕 $18最估唔到喺親友原來嚟咁多次都未試過佢哋嘅甜品，所以，點都叫佢試試依一款冰雪蛋糕。下層喺蛋白脆餅，幾甘脆；中層喺冰雪蛋糕，口感似似哋電糕蛋糕，入口冰涼，暑氣全消，而面層嘅芒果果蓉醬頗清甜。
薩莉亞咖啡凍餅 $18佢哋嘅意大利芝士餅喺無酒精版本，下層嘅蛋糕只哋浸咗咖啡，中間嘅馬卡風芝士十分柔滑，餅面鋪滿唂咕粉，朱古力味香濃，確實真喺唔錯。
薩莉亞啲嘢樣樣都咁平、咁抵，加上圖文並茂啲食物相又影得鬼咁吸引，選起嚟真喺費煞思量，樣樣都想試，的確啲嘢喺好抵食。
Post
