薩莉亞意式餐廳 (形薈)

Open Now

Now Closed

2024年10月7日的下午茶時段到筲箕灣形薈的薩利亞用餐，當日餐廳人客不多，有大量位置可選擇。環境衛生一般：食食下野見到有隻烏蠅飛來飛去；冷氣壞左。食物質素：夠熱，味道都中規中矩服務：樓面得一至兩個員工，其中一位男侍應的態度「懶懶行」咁，送餐時很晦氣咁放低食物，我心諗：來食嘢唔通要受你氣，今時今日咁嘅服務態度，怪唔得咁多人北上消費啦！！之後正想去埋單時，男侍應明明見到我示意要埋單，佢就扮睇唔到轉身行左出門口，搞到我企左在counter等左一陣間有另一位員工幫手收錢。希望可以改善下員工的服務質素！

食物, 環境, 服務都OK!但好像沒有冷氣一樣, 以維持了很久, 好似坐在太陽底下, 熱到一身到濕曬, 建議各位自己帶風扇, 否則後悔莫及, 除非你身體非常虛弱.PS : 可憐的服務員都熱到一身汗😪

2024-1-17晚上和家人（一行兩人）到筲箕灣薩利亞餐廳用餐點了個三重芝士pizza,黑松露忌廉意粉，和一碟前菜-蘆筍，起初係因為見到新推出左蘆筍所以落單既時候有1516諗緊試唔試定叫返西蘭花諗住新一年試下新野啦就結果…好後悔 十分之後悔上菜嗰陣時見到又幼又黃就知出事….個pizza同意粉質素同以前未加價之前一樣但係碟價值$20既蘆荀簡直係貼錢買難受🤢🤮一食落發現好老有渣 🥴似係俾動物（馬、羊，牛）食既料要求職員更換一份，仍舊如是，可能求其拎咗去番熱又再出過同一碟野🤡強烈建議大家唔好再點蘆筍，因又又硬又老又黃，仲要有發泡膠微粒…

薩莉亞最近出左幾款新食物，味道都唔錯，可以一試既😋 洋蔥粟米薯粒蒜香牛肉，拌勻之後最好味既唔係牛肉，係洋蔥、薯仔同粟米🤣好入味好好食，反而牛肉粒就太乾啦，有啲韌🤨所以我就將牛肉粒同個溫泉蛋肉醬多利亞撈埋一齊食，無咁乾😋😋 第二樣試既新野就係白汁焗菠菜，白汁好幼滑，菠菜都好嫩，唔錯喎！我地仲order左溫泉蛋肉醬多利亞，將個白汁菠菜同肉醬多利亞撈埋一齊食都唔錯喎！芝士味好濃好香🤤🤤 總括黎講都唔錯既！大家得閒可以去試下！

作為西餐愛好者,又點可以唔試薩利亞呢? 今次特別去左筲箕灣薩利亞try try。為左品嚐唔同美食,就先叫左雞肉多利亞,而呢個飯性價比一流,雞肉鮮味好夠,汁料好啱我口味。跟著就叫左我非常鍾意嘅青醬意粉。毫無疑問,青醬好重香料味,意粉嘅海鮮料令到意粉更易入口。另外我試左薯角+8隻雞翼+周打蜆湯。周打蜆湯有用到蜆肉去慢煮,令到湯鮮味濃。雞翼係my favourite,唔會太辣,因此係我最推介嘅。至於薯角量多, 即叫即整,味道十足。整體黎講,食物質量唔錯, 價錢便宜, CP值一流,好啱所有人一試。

平價抵食日式西餐之選，幾十蚊就可以食到pizza 、 焗田螺、扒餐等閒日較少人， 坐得舒服😌如果星期六日就多人到不得了， 需要等位同較熱鬧🙉🙉一行2人食lunch , 叫左一份水牛芝士pizza , $30 真係抵到爛😆😆😆 水牛芝士加茄醬唔會難食得去邊，餅底又焗得脆👍🏾👍🏾另外叫左份雞肉粗管麵，望落好似好少， 但每條粗通粉都沾滿芝士白汁，所以都幾飽肚🤪🤪平時無咩地方食到焗田螺， 所以黎親都會點， 上到枱時啲牛油仲滾緊，粒粒都充滿油香，好味但好肥😅😅加$16 就可加份沙律同飲品吧任飲，真係好抵，喺東大街附近真係算平價首選😛😛

薩莉亞pizza 真係小朋友恩物對於大朋友，可能有歷練，知道咩先係正宗口味嘅pizza, 意大利菜但對小朋友嘅講，薩莉亞對佢哋嘅講，已經係美食。其實只要係pizza，小朋友都鍾意佢性價比高，所以大人都好樂意買俾小朋友食嘅除咗pizza, 個黑松露野菇意粉都好香好好味，推薦

每次唔知食咩好就會食呢間🥰已經當左係我同屋企人嘅飯堂😂我每次都一定要叫蜆，青魚，雞翼，蘑菇忌廉湯，雞肉多利亞，煙三文魚沙律🥗不過而家啲雞翼個整法同以前嘅整法唔同🥺我自己認為之前好食啲😮‍💨呢個真係平靚正😆

區內開左薩莉亞都一段時間, 早幾日有時間去食, 估唔到呢一食帶給小弟唔少驚喜D餐好平, 平晒區內任何一間餐廳, 但一分錢一分貨, 份量係少, 但少得黎係夠飽有突如是者叫左好多野食, 有甜品, 湯, 意粉, Pizza, etc其實比較好食覺得係多利亞, 肉醬意飯...好有濃郁的芝士同肉醬味(食過幾次都保持到9成水準, 利害)意粉都好好食, 明顯同港式意粉好大分別 (點形容? 去食你咪知)湯就好正, 但少左D...是旦啦=_=水牛芝士加蕃茄都好好食, 頭盤一流, 如果有埋麵包更正, 可惜冇最後食左差不多200蚊野, 但已經食到嘔正薩莉亞的餐品真係抵食, 唯一唔滿意就係加13蚊任飲...d汽水機仲衰過便利店果d...唉有奶茶, 有咖啡咪好...

新店店面乾淨 加錢可自助任飲汽水或咖啡或茶 單點廿幾蚊起,食物種類非常多,份量亦足夠,可加錢換成飲品吧有沙律食香草蝦仁意粉 每條意粉都食到香草醬蝦仁爽脆 意粉口感唔錯,仲有西蘭花伴碟食一碟已飽了,CP值非常高!味道亦佳~PIZZA 上有蝦仁有煙三文魚 批底香脆係脆薄批,上面仲有番茄醬汁與水牛芝士$36有如此水準PIZZA令人十分有驚喜 飲品吧有6款汽水外有3款咖啡可自行加冰調為冰咖啡 另有4款茶包小食類有雞翼,炸雞 意式波菜伴煙肉 黑椒蜆肉 燒汁魷魚 芝士法包 招牌芝士焗薯角飯類意粉類有十幾款選擇 最人氣係肉醬口味和黑松露忌廉意粉總結,窮人恩物之餘食物有一定水準,最重要係平!評分8/10平均消費$50Saizeriya Italian Restaurant (Lime Gala)Shop 5, 1/F, Lime Gala, 393 Shau Kei Wan Road, Shau Kei Wan

It has been years since my last visit to Saizeriya! Known for serving affordable Italian food, they offer a large selection of salads, pastas, pizzas and other meat dishes! Quality of the food totally exceeded my expectation as I wasn’t expecting much considering how affordable everything is. Both pasta dishes were super delicious and satisfying, with enough sauce for every bite! Actually tasted better than some chain restaurants that serve pastas at like HKD 100+.🍝青醬雞肉野菌意大利粉 Spaghetti with “pes

形薈首間食店，初初開張時，受街坊奉場，門口總是聚集等入座、等外賣的食客。新店店面尚算乾淨，單點二、三十多元就有很多選擇，份量亦合理，另加$13就變為套餐，飲品吧及田園沙律。明太子魷魚蝦仁意粉 - 每條意粉都怖滿明太子，蝦仁爽脆，但是魷魚鬚有少許硬，魷魚圈口感正常。青醬蝦仁西蘭花意粉 - 九層塔味道很出鐵板漢堡辣腸雞球(黑椒汁) - 滿有港式懷舊鐵板的風味，單點只需$38便可以吃到這份午餐，真的很划算。飲品吧 - 除了有6款汽水外，還有3款咖啡，可自行加冰調為冰咖啡，另有4款茶包，選擇也不算少！

嗌咗個意粉，之前都有喺同一間嗌過一樣嘅，分量完全唔同，咁就同個女侍應講啦:之前冇咁少，係多啲。之後嗰女人拎起咗碟嘢，再大力咁放返低，話:我哋每次都會磅㗎，唔會少㗎。講完之後即刻行走咗，大佬，冇少到我們仲使乜特登嗌你過嚟？咁你冇得加咪算數囉，你啲態度使唔使咁？定係你咁啱更年期啊？？？當我哋出氣袋咁？？真係估唔到原來依家啲服務態度差到咁。。。。。😅😅唔想做唔好做啦，講句嘢都食咗火藥咁。。。。。。。

I waited for the foods almost 1 hour and I asked a staff then she brought them from a counter behind her to me.That meant The Foods were done and on the counter for a long time. No one called me. I was right there in front of the shop, just only me standing. The staff just walked pass me and did not ask or say anything. So, I had to ask about my foods and a staff brought them from the counter to me. The foods were there already but no one called my queue and asked anything. It's very very bad se

Summary: Very affordable 'fast-food' style Western restaurant (I think the brand itself is perhaps Japanese interpretation of Western food).The Goods: Price, price, price. Cheapest dish at HKD32 with unlimited drinks for additional HKD13 (per person). The place is spacious and service is not bad.The Bads: Well, I think it only deserves fast-food level of quality at best. Not at all authentic (acceptable if you 're not looking for authentic dishes)Damage: We (2 persons) paid HKD136 (no SC), that'