薩莉亞意式餐廳 (寶林商場) (Closed)

我同爸爸一齊到寶琳行街行行下見到呢間薩利亞諗住去試下點知兩個詞語解釋就係中伏同埋火爆我哋一行去叫服務員給個二人枱諗住嗌嘢食嗰陣時候惡夢即將開始首先我發現個鐘壞咗「'我就舉手服務員點餐但係差唔多十五20分鐘有個疑似主任嘅人過嚟同我講細路按鍾仔呀那是我在想一定要撳鐘嗎咁你唔撳鐘你哋會死呀爸爸就氣沖沖地說撳到咩你撳畀我睇呀服務員一檢查真是壞了後尾先同我哋落單買咗明太子意粉四個烤腸溫泉蛋多利亞第一份等咗成三十分鐘後尾吹咗先嚟點知一睇中伏未呀不見了三分一碟唔屬於我講其他都一樣跟住嗌第二次有一個服務員喺佢面前舉手都睇唔到我想問你你盲咗㗎落單攞到嚟只有三分一我真是懷疑說對面食淨的

今日諗唔到食乜，諗起呢個商場乜都有，連薩莉亞都有，咁就入左去。入面地方幾大，我見剛開門無乜人我就是但坐左個四人位。叫左個明太子意粉。我叫左兩分鐘到，個意粉就ready，真係有效率到一個點今次碟意粉d明太子係平時食開既double，食落啖啖明太子，真係好正好滿足

連鎖快餐賣既野唔係應該一樣?叫左肉醬多利亞 周打海鮮湯 同雞翼8隻 肉醬多利亞-同平時食一樣,多芝士我喜歡.周打海鮮湯 -足料又好味.雞翼-重點黎,點解呢間雞翼冇辣味?食落去即刻找人問,職員話佢地呢間雞翼係原味喎.下次去食要問左先好叫,依家先知佢地雞翼有分辣同唔辣.

假期時分都朋友睇完戲後決定係寶琳食飯，可能由於交通鐵路未好，外出食飯既人係數之不勝，有朋友醒起呢邊有新開分店，必定好少人，唔洗排隊，亦如我地所料，去到即入得。怎料係惡夢開始，一入去己見到餐廳座位枱面 及附近放醬料既地方很不整齊及衞生。我地叫左兩份意料，一個辣肉腸pizza,原味雞翼6件，甜蝦吵律，同肉醬多利亞 飯。係咁多款入面，唯有肉醬飯係保持到水準，算好食，而pizza係正常，相反其他完全唔掂，全部都同反時分店食既差天共地，連皇牌雞翼都唔得，仲有個菠菜煙肉，d菠菜水浸咁，又勁熟，完全唔好食 我係想俾最差評，考慮今日可能交通人手問題，就手下留情。

一諗唔到食咩就會想食薩利亞...........😋😋😆因為佢好平 選擇又多 每碟既份量又唔會太大份 仲幾好食....最鐘意就同屋企人落黎食可以叫多幾味呀麻😋😋佢地既煙三文魚pizza當然係必食啦 有4塊大大塊煙三文魚 加d tabasco 調味 辣辣地🌶🌶🌶🌶好快就食晒成個 🍕🍕🍕🍕🍕仲有叫左辣味雞翼 溫泉蛋煙肉意粉 4條腸配薯角 同埋雞肉薩莉亞 全部都好好食 叫晒成枱野都係百零蚊 今日今日邊到搵呀😆😆😆

行完小夏威夷徑黎到寶林, 諗住喺新都城醫肚, 見到有薩莉亞, 就廢事再諗, 決定食呢間。未夠6點半門口已經好多人, 等咗大約半個鐘先有得入座。辣味雞翼8隻 ($32) 經常會喺薩利亞點嘅小食, 保持到其他分店嘅水準, 唔算辣, 叫做幾惹味。就算唔鐘意食辣嘅都可以點呢款小食。蒜蓉包 ($10)超級香而且份量唔少, 亦係每次必食嘅野。蒜汁燒魷魚($29)黎咗薩莉亞咁多次, 都係第一次叫呢款野食。食魷魚一定要點佢嘅蒜蓉汁, 因為個汁先係靈魂, 令到個魷魚超級香。份量都算大, 如果幾個人嘅話可以開心share。明太子魷魚蝦仁意大利粉 ($34)呢款意大利粉係新推出嘅, 抱住試新野嘅心態去叫。一上菜已經心知不妙, 對比起menu嗰樣本圖, 可以講係面目全非。賣相超乾, 因為好少醬汁。雖然掀開意粉都可以見到啲醬同蟹籽, 但味道極淡。黑椒雞肉薄餅 ($35)Pizza有唔少芝士同雞肉粒, 剛上菜嘅時候個pizza邊位仲脆, 最好盡快食。薩莉亞以晚餐黎講幾抵食, 下次會再幫襯。

這店係我哋成日食嘅餐廳之一， 一來平，二來食物質素不錯，所以一直是我嘅捧場餐廳，不過食嚟食去唔係呢啲就係嗰啲，今次終於發現有新嘢，就係這款鐵板蜆，不過，味道一般還有一些帶點沙，所以食一次就夠， 不過，食番平時食開嘅嘢又開心返曬，好似黃金粟米pizza、肉醬多利亞焗飯等等， 食開有感情，味道保持到質素，黃金粟米pizza簡單得嚟口感覺幾豐富，粟米幾清甜，加埋面上嘅沙律醬酸酸甜甜組合得不錯，肉醬多利亞焗飯面頭嘅芝士濃郁香口，食到停唔到口，所以整體質素不錯令我哋繼續支持平靚正食店。

兩家人有小朋友，喺將軍澳搵嘢食，呢間大人細路都啱食，有許多小食，可以叫多幾款試多些不同美食。意大利菜湯豐富材料，好醒胃；周打海鮮湯，香濃忌廉，太好味，未拍照已經畀阿女喝光了。黑椒蜆肉鐵板煮，蜆新鮮，大家搶住吃。芝士焗薯角，大量芝士及煙肉，表現一般。歐陸風烤焗長香腸(四條)，皮煎得脆脆，配以新鮮薯角，最喜歡吃這個腸。辣味雞翼(八隻)，味道較辣，啱大人但唔啱小朋友。蒜蓉燒魷魚，熟嘅程度啱啱好，唔會韌，加埋特製醬汁，十分惹味。白汁雞肉菠菜，加了許多芝士焗製雞肉及新鮮菠菜，很久沒吃菠菜了。蕃茄海鮮意粉，材料有蝦、青口及蜆，雖然賣相麻麻，但都好吃。菠菜三文魚意粉，有好多塊煙三文魚，用白汁煮意粉，灑上芝士粉吃更加美味。蒜蓉法包熱辣辣好香口。莎樂美腸薄餅，足料芝士，有六塊沙樂美腸，點菜後廚師就好快焗出嚟。洋蔥蒜蓉漢堡，大量蒜蓉，熱辣辣上枱，這個菜式好特別，非常可口。餐品吧任飲$13大人，$8小童，冷熱飲品任斟任飲。這餐廳食品多數廿幾卅蚊，叫多幾款，埋單都唔貴，且沒有加一，店員服務殷勤，值得大家來試一試。

書法班完了，同學用心寫書法和很認真學習，每次完堂大部份同學都會一齊食午飯，繼續請教老師心得，今日也不例外，就選了食"薩莉亞"順便謝師宴了，太客氣了有點不好意思，因為老師便是我丈夫，不過又明白同學們心意的，我便和二個同學點食物，10個人可以點多些不同款式了，因為比較細碟款式就多種些。埋單唔貴最緊要黑椒蜆肉鐵板煮肉質肥美不過有小小沙芝士焗薯角同學都讚最好食辣味雞翼(12隻)蒜汁燒魷魚 年紀大驚膽固醇每人食一舊意式菠菜伴煙肉 黑椒雞肉pizza 同學食了覺得雞肉雪味濃煙肉菠蘿 pizza 開胃野菌忌廉意大利飯 墨魚汁意大利飯 雖然食到滿口黑味道好墨魚汁意粉 黑松露野菌忌廉意大利粉 菠菜煙肉意大利粉

間唔屎都會過黎食下野 因為好近好方便 而且唔洗排隊 尋日放左工又再過去食野 入到去樓面一個人都冇 然後自己入去左個位睇左叫咩之後 就㩒枱面個服務鐘 等左幾分鐘都冇人過黎落單 然後見到有個員工啱啱出完餐就叫左佢過黎落單 等左5分鐘左右就有得食 今次叫左溫泉蛋卡邦尼意粉 其實幾中意食薩莉亞啲意粉 因為佢意粉嘅軟硬到好好 小小硬 好有口感 另外 個溫泉蛋都唔錯 煮得啱啱好 味道方面 個卡邦尼汁都ok 最中意係佢加左好多芝士粉同黑椒調味 加左之後好香 食落去好有層次

與前世情人在附近上playgroup,放學後到附近的餐廳吃簡單的午餐。快靚正的選擇，最好不過是薩莉亞！香辣雞翼，外皮煎得金黃而不乾，肉汁多而且肉質鮮嫩，辣味適中。一下子已吃了3隻。☺️每次必點。這個意粉也是我必點的，溫泉蛋的蛋汁包著麵條，令到入口時有滑溜的感覺，添加了芝士粉，令意粉多了芝香，但略嫌有點點鹹。煙三文魚的份量很充足，菠菜亦是。忌廉汁偏淡味，配上煙三文魚，則剛剛好。意大利芝士蛋糕，好吃！

今日同屋企人係將軍澳行街 🏃‍♀️🏃‍♀️🏃‍♀️🏃‍♀️跟住食埋個晚市 🍽🍽🍽🍽點知周圍都太多人要等👀👀👀👀唸住新都城食莎莉亞 點知都係太多人啦於是乎就去左寶林個間食 今日呢邊都好多人不過排隊唔係等太耐 等左10分鐘左右就入到去唔知係唔係今日太多人關係 D食物黎之前唸住黎之前抹一抹D碟 第一隻碟好乾淨 點知要抹第二只時 嘩 嘩 嘩 嚇死人 打后兩三只勁污糟 有骨 😤😤😤😤仲有D食物質數差左好多今日叫左幾樣野食 👇👇👇👇👇呢個意粉完全凍 賣相好差

我們5個人一起吃飯，點餐店員誤會我們要分開點單。店長（下圖女士）衝過來幫我們把桌子拉開，並指責我們：要分開點單，桌子不能放埋一齊。根本不聽我們講啲麼！看到我影相，店長女士才回來解釋。店長應該是管理和協調吧！可是這位卻是激化矛盾的lead！

There used to be a branch at MetroCity but the rents were probably too high hence they are now located at some quiet spot in Polam village.It was pretty dead in there, or perhaps the food is too Western for the people in that area.Anyway, I had the prawn cocktail as usual.It was quite good because there was more sauce than usual so all the salad was flavoured.The lettuce was fresh and the prawns are the usual frozen prawns that they serve.

薩莉亞是平民的意式餐廳，絕對是平靚正，而且食物外表及質素絕不馬虎，簡單如一個 $19元的菠蘿什錦蔬菜沙律， 有車厘茄、粟米、菠蘿、沙律菜，配上惹味沙律汁，美味非常，另外我最愛吃的肉醬多利亞飯，鋪滿了肉醬及芝士，每一啖都充滿了層次口感。水牛芝士薄餅也是另外一道美食，一塊薄餅大概可以切到四至六分，也夠四個人享用吧，水牛芝士濃郁，薄餅焗得香脆，加上芝士粉及辣椒仔，完全是美食的交融，叫了七樣東西也只是$126元，食得飽飽，完全十分化算，性價比極高，冇理由下次唔再食呢。