薩莉亞意式餐廳 (寶林商場) (Closed)

這店係我哋成日食嘅餐廳之一， 一來平，二來食物質素不錯，所以一直是我嘅捧場餐廳，不過食嚟食去唔係呢啲就係嗰啲，今次終於發現有新嘢，就係這款鐵板蜆，不過，味道一般還有一些帶點沙，所以食一次就夠， 不過，食番平時食開嘅嘢又開心返曬，好似黃金粟米pizza、肉醬多利亞焗飯等等， 食開有感情，味道保持到質素，黃金粟米pizza簡單得嚟口感覺幾豐富，粟米幾清甜，加埋面上嘅沙律醬酸酸甜甜組合得不錯，肉醬多利亞焗飯面頭嘅芝士濃郁香口，食到停唔到口，所以整體質素不錯令我哋繼續支持平靚正食店。