66
0
0
6-min walk from Exit C, Hong Kong MTR Station continue reading
Telephone
91899192
Opening Hours
Today
Closed
Mon - Sat
16:00 - 00:00
Sun
Closed
Payment Methods
Visa Master AlipayHK Alipay Cash Octopus AE UnionPay JCB Apple Pay Google Pay BoC Pay WeChat Pay PayMe
Number of Seats
20
Other Info
Alcoholic Drinks
10% Service Charge
Above information is for reference only. Please check details with the restaurant.
Review (67)
Level4 2025-01-20
43 views
平時收工都會想飲翻兩杯🍻放鬆下😌,今次就黎到專門飲sake🍶既餐廳🍴試下,呢到有唔同品種、米純度、味道既清酒🍶可以試,同時用唔同酒樽🍶、酒既招紙、酒杯🍸做擺設,幾有feel而且暗暗地氣氛幾好(5 😍 係滿分,🤩係半分)三粒米 雪女 (好味指數:😍😍😍🤩)呢款係山口縣既人氣清酒系列「大嶺3粒」冬季限定純米濁酒,酒樽上面既「雪女」造型係同酒日本知名插畫家「たなかみさき」聯手打造既~ 應該達到純米吟釀既級數,有啲似白桃🍑既香氣,入口甘甜水潤帶啲微碳酸感~鍋島 (今次試左3款) (好味指數:😍😍😍🤩)純米大吟釀:簡單帶啲哈密瓜🍈既甜潤,精米步合達到40%,中後段交織啲蜜蘋果🍎既香氣, 酒體幾豐厚~大吟釀:有輕盈辛口既刺激感,用左兵庫縣特A地區產山田錦釀造,精米步合達到35%,入口有啲梨🍐同白花⚪️🌼香氣,口感比較厚實悠長~純米吟釀:有平穩既吟釀酒香,精米步合達到50%,帶有啲似菠蘿🍍同蘋果🍎既果香,酒體比較輕巧又有米味~吉列炸蠔日式烏冬 🔥🦪🍜 - $108 (好味指數:😍😍😍🤩)吉列炸皮唔會好厚,金黃酥脆,裡面既蠔🦪雖然唔大,但係幾鮮甜同有啲海水味🌊,旁邊亦配左酸酸甜甜既沙律醬🥗可以解膩~ 而個烏冬🍜既湯底🥣係奶白色既,略嫌鹹左啲,烏冬🍜煙煙韌韌,亦有啲鳴門卷🍥同海帶做配料~沙爹雞肉串 🍗 - $31 (好味指數:😍😍😍😍)個雞肉串🍗燒到🔥金黃色同有少少微燶,啲雞肉🐥嫩滑多汁,有幾香濃既雞味🐥,配埋有鹹香同花生香味🥜既沙爹醬,幾香口惹味冬陰雞肉串 🌶️🍗 - $33 (好味指數:😍😍😍😍)另一個雞肉串🍗就叫左冬陰功味🌶️,酸酸地辣辣地🌶️咁就更加開胃,亦有啲清香既香料味🌱,啲雞肉🐥就一樣嫩滑多汁,有幾香濃既雞味🐥好味指數:😍😍😍🤩推介指數:😍😍😍🤩 continue reading
(The above review is the personal opinion of a user which does not represent OpenRice's point of view.)
中環隱世日式清酒酒吧真心比到驚喜我呢個酒鬼,對於平時比較常飲紅白威士忌嘅我,清酒都真係另一個有趣嘅味道體驗黎。鍾意酒Bar個環境,暗沉得黎帶住神秘感,加上一列排開嘅清酒雪櫃望落好整齊。House Sake $88有3款清酒可以揀選,今次揀左隻<寒菊•電照菊>黎試一試,純米大吟醸無經過過濾味道保留得好完整,果香味濃帶有微果酸香,少少甘香,味道算係複雜中帶有少少層次。另外更特別嘅係,放得愈耐,飲落就會感覺愈甜Tasting Set $1283支<樂器正宗>都有唔同嘅特色,味道都唔一樣先係左邊2024年支alternative,純米酒+左啤酒花,飲落輕身帶有菠蘿香,幾清爽中間嘅中取,酒體比較豐富,味道都係3支之中比較複雜,入口清新順滑,甘、酸同甜之間夠平衡右邊嘅愛山中取,氣味比較香,整體都比較平衡一致,容易入口,味道先係衝鼻嘅香之後就帶黎酒嘅甜隱藏菜單 $88 x2飲酒又點可以無野食,隱藏菜單有烤乳鴿同清酒煮蜆,勁有驚喜。烤乳鴿個皮烤得好靚好脆,食落真係好香口另外清酒煮蜆好有份量,直頭係CP值爆燈。清酒味道好清香,蜆肉個鮮味煮埋一齊成個湯都勁香,而且清酒揮發左D酒精之後成個甜香味出晒黎 continue reading
(The above review is the personal opinion of a user which does not represent OpenRice's point of view.)
Level4 2024-12-04
372 views
朋友帶咗我去中環擺花街呢一間開咗冇耐嘅樓上清酒吧Sake Hub. 入到去雖然地方唔大但藏酒量好驚人,真係多到數唔晒,而且裝修都好有品味格調. 老闆好健談又有內涵,介紹咗好多唔同款酒俾我哋,我地呢啲門外漢獲益良多🥰餐牌除咗酒,仲有炸物、小食、燒鳥,邊食邊飲邊吹水一流. ⭐️樂器正宗Sake Tasting setsake🍶4-8pm happy hour $99 可以試齊三款「樂器正宗」嘅sake,好超值. 擺盤賣相優雅,啱晒打卡. 先飲綠色呢支❤️「中取り 本釀造 」,味道平衡口感順滑清涼,飲落輕盈爽快,配搭前菜漬物等口感最佳. 跟住試吓紫色呢支❤️「雄町中取」 果香味較濃厚味道偏甜美,好啱配搭辛辣同濃味菜式. 最後就可以試吓粉色呢支❤️「fresh hop C系」,除咗花香果香味,仲有清涼啤酒花嘅溫和苦澀味. 留意番呢個set會不定期轉換口味,次次去都會有唔同嘅驚喜. 唔知下次會有啲咩呢?🤩⭐️燒鳥🐓🍢分別叫咗沙嗲、土匪同冬陰功三款味道. 雞肉好嫩滑,三種串燒調味各有千秋. 下次試埋另外兩款口味先,分別係日式照燒雞肉串同地獄麻辣雞肉串,真係要挑戰吓先得. ⭐️吉列炸蠔🔥🦪大大隻炸蠔脹卜卜炸得酥脆,炸粉唔厚食落有蠔嘅鮮味. 沾上沙律醬酸酸地更加開胃. 呢個地方真係好正,好有親切感,以後中環又多個好去處🍶 continue reading
(The above review is the personal opinion of a user which does not represent OpenRice's point of view.)
Level4 2024-11-08
415 views
一向鐘意飲日本清酒🍶, 但找一間完全專注日本🎌酒文化嘅餐廳唔係好多, 聽到朋友🗣️話佢公司附近開咗間有堂食又賣日本清酒、威士忌嘅餐廳, 仲要响交通非常便利嘅中環, 所以第一時間去試下🏃。日本酒清酒🍶種類好多,餐廳老板😎係清酒鐵粉, 專業知識非常豐富, 除咗比較流行嘅清酒外, 仲有一啲特別好貨。🍭大嶺三粒米, 寒菊 True White叫咗一套三杯🥃嘅人氣皇大嶺三粒米,濃度漸增,有米味同水果味,每杯味感唔同, 清酒好玩就係每啖感覺特別,酒味有果甜🍎,甜美潤喉易飲。 再來杯寒菊 True White 純米大吟釀, 微微甘口😋,清爽又有層次, 配炸物🍤一流。🍭冬蔭功,麻辣,土匪燒雞肉串, 吉列炸蠔清酒🍶不一定只配魚生🦪🦪, 食濃味嘅串燒🍢都係清酒嘅好拍檔, 酒感更清新,而且吉列炸蠔🥟品質不錯, 炸皮薄薄酥脆, 蠔肉乾脆唔胡。 雞肉串就好惹味, 微辣嘅味道更能突出清酒啲清香。 continue reading
(The above review is the personal opinion of a user which does not represent OpenRice's point of view.)
Level4 2024-09-21
491 views
俾我發現到中環擺花街開咗一間隱世又好坐嘅sake bar。 好舒服,好寧靜,可以同朋友慢慢坐,慢慢飲!老闆係一個清酒愛好者, 佢好熟悉所有清酒嘅歷史,製作過程!店內清酒滿滿,好精緻乾淨,要乜有乜。Happy hour 嘅tasting sake set 只係$99,仲係”九平治黑田庄”系列,有三杯,超吸引!果味香濃,微甘口,帶點淡雅米香,清爽怡人!至於 house sake , happy hour 都只係$68, 有三款酒,分別係甘,並,辛!我哋揀咗甘同辛甘-愛山, 荔枝香味,好清甜辛-龍水泉, dry身少少,微甜除咗清酒,亦有一啲簡單嘅日式串燒,小食等,用嚟送酒,真係一流!雞串燒保留到雞肉嘅肉汁鮮味,至於酒豚乾就送酒一流!我哋仲叫咗蟹肉餅同三文治,各有特色,三文治脆口又夠哂熱。至於蟹肉餅就好creamy。總抱嚟講,sake hub 係一個繁忙都市中一間寧靜嘅清酒屋,真係值得一去! continue reading
(The above review is the personal opinion of a user which does not represent OpenRice's point of view.)