Sakura Street (Closed)

1.士多啤梨朱古力---朱古力忌廉，甜度剛好。當中仲夾了一片士多啤梨肉!整體感覺好像士多啤梨黑森林蛋糕。2.豆沙---燒餅口感鬆軟，豆沙份量足夠，豆沙夠香，少許過甜。 3.士多啤梨Custard---當中夾了一片士多啤梨肉!Custard蛋黃醬幾幼滑，不過味道偏淡。4.Tiramisu---味道都算似Tiramisu，當中夾了一粒粒咖啡果凍。5.''豆沙綠茶忌廉'',入邊係紅豆沙+綠茶忌廉,豆沙份量夠,甜度亦適中,不過綠茶味就很淡,有點可惜.我給它90分!6.''黑芝麻黃豆粉''太少黑芝麻蓉了,而且很淡,下次不買這味道了.我給它70分.

位於金鐘廊的小店 Sakura Street，專賣日本食品銅鑼燒，主攻一眾白領 OL 市場，這一招的確眼光獨到，我這個男生也來湊湊熱鬧買兩個試試。Sakura Street 比其他同類型對手標價略貴，這次就揀選了香蕉朱古力 ($15) 及 Maccha Tiramisu ($16)。前者是我喜歡的口味，銅鑼燒內真的有數小片香蕉，味道偏甜，略嫌與朱古力味道不太搭檔，兩者各自發揮而已；後者也出現『各施其職』的問題，但啫喱狀的 maccha 口感特別，值得一試。 Sakura Street 銅鑼燒的外層頗為軟熟，是個不錯的下午茶選擇，偶一為之也無妨。

對一個人好, 亦要對其身邊的人好, 反正陪我看演唱會的不是她,換來是她兩位漂亮表妹. 識得氹一個人歡喜, 當然也要識得氹其身邊的人歡喜.兩位甜姐兒, 整份特色甜點, 簡單地令兩位小妮子開開心心. 一出office, 便想起呢間叮噹餅專門店. 咦咦咦.....不能再叫叮噹餅, 要叫多啦A夢餅....記得有一次行過玩具鋪, 有一個女仔, 傻傻地看見一頭叮噹公仔...大叫叮噹呀....然後衝過去摟著.....結果身旁一位小妹妹說道...."姐姐, 呢個叫多啦A夢, 唔係叮噹呀.........." 那位女士扁咀無言..........所以為了與小朋友減少代溝, 都是叫多啦A夢算. 反正只得三個人食, 燒餅不而久放. 買三隻, 平均分下算數, 三隻, 當然不同口味. 一隻原本紅豆味, 但加上一片牛油. 一隻抹茶Tiramisu, 同一隻原味的Tiramisu. 先說傳統的紅豆味, 特意買隻多塊牛油的, 那一片牛油香味, 與那紅豆的甜味, 成為一個絕美的配搭. 不過那片牛油令燒餅變肥膩了. 女孩子們雖愛食, 但都對那片牛油.......er....了一聲......兩種Tiramisu, 是一向

I love ding dong cake very much. the filling of this little shop is very special. therefore, i bought one chocolate with strawberry, one strawberry and one sesame to share with friends.the strawvberry is sweet. the chocoalte is rich and the sesame is also tasty. the cake on the top and bottom is very soft. delicious.!

路過又想食,最後買了兩個.一個是吉士蘋果味.吉士好香滑,包也夠鬆軟,可惜蘋果餡料略嫌少了一點呢??至於紅豆味好似細個在超市買的味道,即係一味得個死甜,無乜紅豆香味.紅豆也唔夠軟滑.麻麻地.一個包要10多元似乎貴了一點呢

上次食過Maccha, Atsuki同custard strawberry，不能自拔又去試新味今次買左：Tiramisu：雖然好多人話唔好味，但係我又覺得幾好喎Tiramisu好滑，酒味又濃，真係好似食緊tiramisu蛋糕咁！又食到銅鑼燒又食到蛋糕，都係一種幾新奇的體驗，啱晒我呢Ｄ嗜甜怪！不過個人都係對加涼粉（jelly?）有所保留，因為無乜味，如果全部係tiramisu就完美喇我諗加涼粉係想有Ｄ咬口唔想全部係cream吧，應該係同maccha cream加紅豆粒同樣道理吧！小倉紅豆牛油：紅豆好味，加牛油超香，令我諗起銅鑼燒菠蘿油，同紅豆都幾夾，不過個人都係鐘意用cream的料多Ｄ～會滑Ｄ清新Ｄchocolate strawberry：呢個俾媽咪食左，佢話好味，不過貴～我已經決定左要將sakura street的所有口味試晒！因為真係好好味呢

成日係金鐘都見到有頗新鮮的銅鑼燒賣, 而且有好多款式--栗子红豆啦、抹茶红豆啦、提拉米蘇啦、宇治綠茶啦、香蕉朱古力啦、三色白玉啦、吉士士多啤梨啦等等!!!買左3個, 因為見佢比平日平好多, $38賣3個, 真係好抵咁喎~平時1個都要15-16蚊, 依家38一個, 為番起都係12-13蚊一個, 抵到爛!!!精明眼的我當然買三個最貴個D啦!!!咁先至抵番晒咖嗎!!!兩個吉士士多啤梨--真係有STRAWBERRY咖!!!一個提拉米蘇--入面仲有一粒咖啡味既JELLY喎~真係好好食, 不過真係好甜!

由細到大看叮噹吃豆沙包好似好得意,但傳統的銅鑼燒是紅豆餡,通常都很甜,一點也不吸引.Sakura Street的新派銅鑼燒就不同了,味道好豐富!雖然10多元一個有點貴,但也值得一試.銅鑼燒本身好軟綿而且有蛋和麵粉香餡料方面,三色白玉是既有點傳統又創新好吃的口味,餡料相當豐富.紅豆蓉起沙軟綿,又夾雜著小粒的紅豆,增加了口感,而且香甜但不會過甜,明顯對傳統經過改良,適合我們的口味.三色白玉是三粒粉紅(櫻花味),粉綠(草餅的香草味)和白色(沒味道)的糯米小丸子,櫻花味和香草味的小丸子都可清楚嘗到味道.口感方面就更出色,三粒小丸子非常軟糯煙韌有咬口,而且由於小丸子本身味道不怎麼甜,更加中和了紅豆蓉的甜味,實在是絕配.抹茶tiramisu口味沒三色白玉那麼口感豐富,餡料也比較少,但餡料都算香cheese味和奶味,custard也好fresh好滑好creamy,而且加上數粒甘甘的綠茶果凍,更增加了味道層次和口感,尚算不錯,但明顯不及三色白玉好吃.tiramisu口味和抹茶tiramisu口味差不多,不過綠茶果凍換了味道濃郁的咖啡果凍12月有優惠買3件或以上8折,便宜不少呢.最後,親切有禮的售貨員還

小時候因鍾意睇叮噹（仲未改名噢，你知我咩年代啦）而對豆沙餅特別有好感！小時都係貪玩，每次同阿媽行街見到都會喊買，見到個樣覺得好得意，但食落其實不外如是！食左兩啖覺得唔好食，俾返阿媽又比佢閙！哈哈　如今的豆沙餅已不再只有豆沙了，口咪變化多：栗子红豆、抹茶红豆、Tiramisu、宇治綠茶、香蕉朱古力、三色白玉等等。。。。。最後揀左抹茶tiramisu（無相）、黑芝麻及吉士士多啤梨銅鑼燒的餅唔錯，唔會太甜又鬆軟。３款中最愛吉士士多啤梨！真係有新鮮士多啤梨夾響中間　㊣　吉士雖然軟滑但可惜不夠吉士味。黑芝麻普普通通，芝麻味不太濃，味道不是太突出。反而最不好吃的是抹茶tiramisu，因入面有d怪怪抺茶啫喱。。。。我最怕就是吃魚膠粉啫喱！呢個我一定out呀！某日如我再諗起叮噹及銅鑼燒，我會再黎架！

因為12月既優惠(買3件或以上8折)就買左3件~分別係朱古力慕絲香蕉+朱古力慕絲士多啤梨+綠茶紅豆~朱古力慕絲香蕉 : 一切開就有好濃既朱古力+香蕉味~食落都唔錯~好香~甜度岩岩好~朱古力慕絲士多啤梨 : 同朱古力慕絲香蕉差唔多~不過無香蕉咁香~綠茶紅豆 : 呢個一般~因為綠茶唔夠香~唔慣有綠茶...其實都唔錯既~不過無想像中咁好~有d普通~

今天午餐吃不飽, 所以要找些小吃, 讓我在三點三或四點四時可以好過些, 應該吃甚麼好? 一份下午茶又太多, 這間果子店的叮噹餅最好, 份量不太大, 但味道好, 今天選的是牛油紅豆餅, 那個餅不太乾, 不太硬, 紅豆是一粒粒的, 不是一pat pat, 而牛油就真的是日本牛油, 用料十足, 所以, 一個要賣14-16元的... 不過真的是值得的~

朋友仔陪我行街...但係又好慘咁要開OT 喎...等佢收工之際, 就去買定叮噹包慰勞下佢啦買0個陣應該係十一月尾, 做緊三週年優惠...$38/3個$65/6個...$10x/10個...所以本來諗住只買兩個, 但係兩個都要$32, 咁梗係要3個啦要左tiramisu, 士多啤梨吉士 同埋 香蕉朱古力tiramisu 好味道, 入面仲有d 咖啡啫喱粒呢...其餘兩個就唔知啦....送左比佢lu~ 哈哈...有呢個優惠都几抵...不過唔知係咪太晏去, 一個紅豆都無...

2/12(二) 11am早上回學校辦點事宜;伺機嚐嚐躍躍欲試多時的燒餅店--Sakura.早已敲定綠茶系列為杯中物;瞥見"十二月大優惠";凡購買三件燒餅可享八折優惠.橫豈紅豆$12,抹茶$14及抹茶tiramisu$16.起首輕啖一口燒餅,質地帶點濕氣,微帶黏性,紅豆及抹茶燒餅內的紅豆餡起沙之餘,還是軟綿綿的;瑕疵位乃其甜度略重.而搭上清香幼滑的抹茶忌廉產生了微妙的化學作用,正好互補不足!此外,抹茶tiramisu靈巧地加入了綠茶果凍粒,水準更上一層樓!最後,售貨員遞上蓋印卡一張,蓋滿10個可免費獲燒餅一個.小放縱,大滿足!

係隔離Double star食完Lunch之後~唔多好食之餘又唔多夠飽~所以黎試下d甜品~一齊Share左個朱古力香蕉~用左朱古力慕絲同香蕉粒~香蕉好香~朱古力慕絲濃滑~味道不錯~$16一件~都ok喇~

(18/7/08)叮噹餅真係要新鮮先至好食,「美x」、「香港終於有手信」買過,就算叮番熱,都係唔好食。所以愛吃叮噹餅的朋友,黎到呢度,簡直兩眼發亮!因為佢既皮,真係好鬆軟……~仲有基本餡料,custard做得好fresh好滑。這天我賣了綠茶Tiramisu,綠茶芝士custard清清淡淡,中間一粒濃得苦澀的綠茶四方啫喱,mix埋真係幾似tiramisu既綠茶味架!(30/10/08)就黎「過期」既哈佬喂限定─南瓜吉士紅豆,今日突然有人請食,真係好開心!!南瓜喎!很驚喜是清甜的custard混了南瓜絲之餘,也有車瓜粒粒,估唔到佢同豆沙都幾match!