Salala

Open Now

Now Closed

湯金邊粉竟然一條香菜都冇，只有3舊蘿蔔做配菜！真係唔覺係東南亞美食，我仲以為自己食車仔麵🙄，成碗野一啲味都冇！想問個侍應拎咸魚露等碗野有返啲味啦！黑晒面咁同我講冇，只有酸魚露，我真係未食過一間越南湯粉或泰國湯粉係會冇味😤態度差又唔好食！真係去冬菇亭食仲好多依間野！一次冇回頭！..............................超難食！！

家常便飯，親民價。有鍋氣，味道比得上大排檔，酒樓，但無論單點或套餐價錢都絕對平一半。晚飯二人套餐$188有三餸（小菜選擇很多），兩白飯，兩湯，份量足夠。抵食，絕對推介！

有某一兩位阿姐叫極都扮傻聽唔到，說話態度又差，但幫我地落單的阿姐則態度友善。 食物味道一般但衛生久差，叫了一杯紅豆冰，杯邊起污漬，換左另一杯都一樣起漬，最後要換菠蘿冰。

今晚去食呢間野，食到一肚火。個短頭髮的阿姐一邊落單，一邊同其他人講野，聽吾到我講野，都算啦，最後竟然叫我快Ｄ落單，我只是想點飲品林左兩秒姐，仲對我講“快Ｄ啦，我好忙㗎。”都吾知呢Ｄ系咩態度，我都吾系第一次幫襯。最後，我吾會再黎食飯囉，吾再比野你做啦，掰掰。

下午茶叫焗雞扒飯+凍央走甜先黎錯左杯凍奶茶走甜 後黎煎雞扒飯 比錯我應該係隔離台 到我份又係黎煎雞飯 仲同我爭論無寫錯單話我無講（我落單時係指住餐牌明明佢都望住個餐牌）個飯一到食落超酸，臨尾禮貌D同佢講漏左杯飲品 食個午餐踢一下郁一下。最後D店員全程仲要係到眼啤啤，臨走前聽到佢地又落錯人地張單。。。🙄🙄🙄

問兩句餐牌野 :乜都吾得 乜都吾轉得 !仲問返你睇吾明嗎 。。。。勁! 收銀阿姐態度有待改善一下 至於食物也是一般 早餐真是麻麻。夜晚飯食過一次飯餸一般味道 不是很好也不難很偏淡味

作為大圍街坊，附近嘅食肆幫襯過唔小，新翠商埸嘅韓國食店、hk達人都食過，眼見salala於晚餐時間人客單薄和朋友食過嘅負評，dinner總是不會把它作為選擇之一。今天又做無飯煮婦，老公話不如試下salala啦。我心諗：OK, 係伏都係一次啫。去到都係人小小咁，所以坐得都幾舒服~😅 望過餐牌一心揀二人餐，二餸一湯加碟炒飯，收158, 平過茶記價錢啦。先出場係個甜酸骨，入口第一個感覺係，E…唔熱嘅！但細嚐之後，發覺外皮還帶點脆，甜酸味道適中，都幾好味喎。再黎個魚頭豆腐湯，嘩，細煲仔上，仲要湯料十足，只是略嫌過咸，否則有80分！跟住仲有個肉餅和炒飯，做得中上。炒飯帶點泰式風味，才醒起自己是在東南亞食肆食飯呢~😋整體來說，這餐雖然似是一餐中餐，但質素中上，服務良好，CP值高！我和老公都話要多D幫襯，因看這裡的人流，怕步上手新翠小厨(結業)後塵啊🙊

適逢假日同屋企人食餐飯簡簡單單系屋企附近搵食哩間主打星緊泰式野 決定一試一入到去就知伏啦周圍枱嘅人唔系落錯就黎錯野😓😓😓😓😓算啦！ 反正都坐底左啦！好啦⋯點餐啦！果刻我彷佛好似麥兜咁點果樣無樣無沙嗲、無雞、無春卷、無通菜咁即系點。。。玩咩😑😑😑幾經辛苦總於點完啦！就等啦...其實果陣唔爆場而且幾空下一等就等左成廿幾分鐘咁濟終於上菜啦⋯蜜桃酸甜骨味道正常呀！份量都好大份呀！要挑剔嘅系蜜桃好似唔見左咁雖然系罐頭機但都唔洗少到用2-3粒煮成碟餸呱我諗份量多系佢地嘅特色黎呱味道都算唔錯幾好食，不過就有少少偏辣其實我點嘅系西瓜沙冰點知佢落左西瓜汁味道幾好系鮮榨，不過我系要沙冰點解要落錯單為左唔想等半個鐘先一杯 唯有硬食😐龍眼冰 終於無落錯啦！ 好叻叻呀系好飲，同好多龍眼肉大大碟嘅涼瓜炆班腩味道正常但無特別小食拼盆。何其失望難食到唔知可以點形容豬頸肉同豬扒完全無味其他就乾憎憎，簡直就係不知所謂西湖牛肉羹好清淡 牛肉好硬 炒蜆味道幾好偏辣 蜆都算乾淨無沙仲有一個炒飯都幾好食但因為等太耐所以無影相價錢同份量算系抵嘅但等待時間太長 伙記禮貌太差 而且經常落錯落單應該唔會幫襯第次😐

叫左個沙嗲牛肉米,來到後變成沙嗲肥油米,已經不是第一次,我取了一個碗把面頭的油分開,但還是很油,最後在服務員不太願的情況下更換了,之後還跟我說"沙嗲牛肉是這樣的多油,下次不要食沙嗲牛肉"在結賑時跟老闆說,回覆是,"我們沙嗲牛肉的製法是這樣,沒有油,牛肉會焦的".簡直是服務態度差,不接受客人意見,沒有進步空間,要不要去,自己決定!

Have been eaten here twice, but at the first time, I told myself it is the last time I came here 'cause the food here is just okay. However, my friend picked up this place to hold her birthday dinner, so I went there for the second time and chose a totally different item in the menu. To my surprise, it was really good! Maybe I will break my promise (which I have already done...) to consider to go there the third time.(for the noodles)

同朋友下午茶無聊叫左個泰式拼盤特別推介個蝦多士！好正，香得泥又唔油膩，好好食！串燒都好有泰式風味，唔淨些燒得香而且仲好入味tim 春卷餡料好多，係我其中一個最鐘意既地方，肯定唔係急凍現成薄到死果D！其他野亦不過不失，所以要個正評

前幾日下奏成四點幾先食午餐，夜晚9點幾都唔係好餓，但口痕所以落街食少少當宵夜。樓下m記食到厭，就去左e間泰國餐廳食。我同我阿媽兩個一人叫一樣小食，我揀左牛油雞翼，佢就要蔗蝦，之後兩個都叫左杯西瓜杯解下喝。小食30蚊到，同出面餐廳差唔多，但食落就係另一回事。牛油雞翼幾香幾好食，同沙爹王個d有得比甚至仲好食過。我本身想叫多碟，但阿媽話訓前唔好食咁多先冇叫到。大家如果去到真係要整返碟試下，我個人認真推薦！另外個蔗蝦味道都唔錯，幾彈牙，但因為以前冇食過伊味送冇得做比較。但如果多多一條就好，三條好似少左d。最後杯西瓜冰都ok好飲，唔太甜又大杯，好解到喝下，伊d天氣飲一流！總括尼講小食價錢份量合理，小食既味道真係好唔錯。以後食宵夜又多個選擇，唔洗成日食m記23蚊餐！

工作原因，今日有到新翠邨附近用膳，眼見有一間東南亞餐廳，便隨意進內點了個菠蘿炒飯。菠蘿炒飯這菜式一向都是心機之作，首先菠蘿要新鮮而並非罐頭菠蘿，其次配料能夠炒香米飯。最喜歡這道菜卻是它有別於一般泰式食店。這個菠蘿炒飯並不濃味，也沒有使用大量食油，吃下去沒有期待中濃厚的泰國香料味道，但因此新鮮菠蘿的味道沒有被蓋過。清而不膩，十分迎合鄰近新翠村年老的居民。與其說這是一道茶餐廳菜色，不如說它更像一道具特色的家庭菜，適合著重健康的食客。雞肉並沒有炒老，提子乾份量適中沒有喧賓奪主，炒飯亦夠乾身，美中不足的是肉鬆較少和賣相顏色略為暗淡。不過價錢合理且座位寬敞舒適，侍應亦十分建談，晚餐1個菠蘿炒飯埋單才$61絕對不妨一試。

本身試業時食過1次～果陣得好少好少菜式揀,又唔係話特別好食,心諗短期內都唔會再黎事隔幾個月,再去睇下佢有咩料到先其實兩個人食$122除返開，＄61都接受到既，話哂係特式野，唔係普通茶記我個人最鐘意就係個鮮榨西瓜沙冰，真係100％鮮榨，入面仲有細細粒既西瓜核夏日炎炎，最岩年青人飲，認真推介菜肉包就冇咩特別，不過不失，相比起其他越式餐廳，量就多d，味道中中間間青咖喱呢個真係第1次試，因為本身就唔鐘意食辣野，但經理強烈建議下，就試左幾特別，完全唔辣，甜甜酸酸咁，好match d牛肉同經理閒談間得知之前幾個月d食物真係做得麻麻,不過而家好好多,佢仲叫我地呢d候生街坊多d支持下所以決定寫返篇食評 

今次係第一次寫食評, 首先就簡左一間係屋企附近既餐廳試下, 本身自己都好喜歡食泰國野食, 於是就簡左SALALA試下。入左餐廳見佢有SET都幾抵, 兩個人都係$158仲有兩餸一湯一飯,所以就決定叫個套餐試下呢個時候梗係上網睇下食評, 睇下有咩推介但係一睇見到新開都有咁多負評都真係驚驚地, 咁但係坐底左都要試下既於是我地叫左個黃咖喱雞, 同咸魚炒芥蘭,肉骨湯同菠蘿炒飯其實跟餐只可以叫肉碎炒飯,但我又好想食菠蘿炒飯,於是就問可唔可以加錢轉, 但係個經理好好, 話免費轉比我, 服務態度認真唔錯首先上既係菠蘿炒飯, 無左個菠蘿係有小小失望既,不過呢, 我覺得味道清清地, 唔會好似平時D炒飯咁多油, 而且味道唔濃好岩老人家食, 但係我平時食野偏咸, 所以覺得有D淡, 總括黎講個飯都不過不失黃咖喱雞就好好味啦, 咖喱既味道好足夠,因為我覺得炒飯偏淡, 所以就加埋黃咖喱去食, 咁就岩岩好至於咸魚炒芥蘭, 我其實就唔係好食到咸魚味, 但係我對菜既要求就係唔好太油, 爽口,咁呢D菜都做到算係唔錯最後,係肉骨湯,呢個係比較失望既菜, 因為比較淡總括黎講, 呢個餐廳都唔係好似其他人講到咁差,如果想帶屋企人去