Salt Recipes (Closed)

中午嘆brunch🍴同好友一點半到salt recipes 第一個感覺係真係好隱世🍵係YOHO HOMELESS入面環境寬敞舒適🍶坐低之後先影張枱🌸張枱都咁靚 咁有氣質 食物應該吾差得去邊🌝Set brunch包餐湯/沙律，main dish同drink大概9x-11x我地都點左🎃湯湯好好味有原粒南瓜💕當天仲有提子沙律可惜我吾中意提子否則可以試一下龍蝦沙律卷配薯角（$92）朋友的brunch龍蝦超級無敵咁鮮甜啖啖肉好滋味薯角炸得好脆配醬同薯角隻味好夾西班牙蛋餅配烤核桃包（$92）終於到我的蛋餅幾好 軟熟核桃包就份量少d只有兩片不過好味仲有隻鹽粉紅色嫁因為呢家餐廳出名有各種鹽所以每個餐都有不同鹽配合好特別喔總括而言值得再試大家都去食下啦

好北歐feel嘅餐廳，咁啱坐底既位置可以睇住廚師為自己下煮，感覺良好晚餐既選擇唔算多，我main course揀咗燒春雞，外脆肉軟，無雪味海膽飯夠曬creamy，又有海膽既鮮甜味下次有機會入元朗可以再嚟

買了3枝果味雪條，雖然極貴，30幾蚊一枝，不過口感極好草莓口味：有草莓肉，味道很好，讚荔枝玫瑰味：荔枝味清新、香甜，帶有玫瑰味，超正芒果熱情果：味道較濃，但果味十足真正物有所值

第一次去食呢間用“鹽”做主題嘅餐廳，由於時間尚早，所以可以霸到個近窗嘅位置！佢有幾種唔同顏色地方嘅鹽去配番佢嘅食物，都幾特別！個餐可以揀湯或者沙律，叫左兩個set所以每樣揀左一個！沙律菜幾新鮮，配埋沙律醋，酸酸地幾開胃！個湯好Creamy，熱辣辣好暖胃！主菜叫左個傳統西班牙蛋餅配香烤合桃麵包，另一個係瑞典海鮮燴飯！蛋餅個面脆脆地，另外側面配左佢嘅特色鹽。我覺得本身都夠鹹味，唔洗再加都夠味喇！至於瑞典海鮮燴飯都幾濃味，飯粒都有海鮮湯汁嘅味道，海鮮就唔算有好多，味道都算唔錯嘅！最尾餐飲叫左杯熱咖啡，正常味道！ 呢餐飯最滿意係個蛋餅，至於佢配鹽嘅部份，其實我唔係好用到，因為食物本身嘅調味我覺得都好夠喇！

今天放假，決定要悠閒一點去享受一個午餐。型點午市人流不多，有很多店鋪可以選擇。我最後揀了這家餐廳，她用不同的鹽做主題配不同主菜。我被安排到望著Grand Yoho的窗邊位置，看著博愛迥旋處繁忙的交通，我一個人卻悠閒地在吃午飯，感覺很有趣。由於我不太餓，最後點了煙三文魚三文治的午市套餐。餐湯是蜆肉忌廉湯，非常非常的足料，有很多蜆肉和配菜 (洋蔥，蘿蔔，西芹等)，很好喝。由於今天天氣很冷，餐茶我就選了檸檬薑蜜，甜味適中，可是檸檬只有一片，不太夠味。主菜擺碟非常精緻，賞心悅目，想不到三文治的麵包烘得金黃香脆，我非常喜歡。味道方面煙三文魚份量很多，而且另一層還有美味的醬汁，非常好吃。三文治上偶爾會會嚐到一點咸味，想必是加了一些特選的鹽吧，挺有趣的！伴碟的薯角非常新鮮香脆，而且份量很多。最後套餐還送了手工雪條，我看餐牌時確實沒留意，所以有點驚喜。今天送的是西柚番石榴味雪條，酸酸甜甜的正好中和了薯角的膩感。舒適的餐廳配上美味的食物，靜靜地吃著午餐，看看風景，滑滑手機，感覺真好！

今日個女生日， 公公婆婆約左一齊食lunch, 要唔洗錢泊車， 只有yoho midtown。 記得上次食過Salt Recipe, 唔錯， 今日帶埋公公婆婆黎試。我地叫左炸魚薯條， 鱸魚批， 大蝦牛油果飽同埋西冷牛扒。 連最咀叼既公公都讚牛扒好正， 牛香肉嫩， 連配既薯蓉都好香牛油味， 但食落唔覺油膩。 佢既午餐我之前都讚過。 不過今日個紫薯湯就唔岩我口味。 最後仲送左3條椰子雪條， 唔太甜， 呢個真非常值得推介

元朗YOHO MALL越開越多新店, 今次就去試以「鹽」做主題既北歐餐廳！間餐廳係係Homeless入面，全部餐桌紙又印有圖案，如果帶小朋友黎都唔駛驚佢悶今晚叫左三個dinner set，分別係芬蘭春雞焦糖薯仔，海鮮雜燴，黑松露磨菇意粉///三個set最推介係芬蘭春雞，春雞燒到皮脆，肉質都算嫰滑唔鞋口，底下啲薯仔都吸到雞味但食唔到焦糖味😅，海鮮雜燴用料豐富但量略嫌不多，諗唔到呢間整魚都OK，下次可以試食三文魚，佢會提供夏威夷黑熔岩鹽(右下)，係食之前倒落海鮮湯到，不過我地覺得無咩特别😂😂，黑松露意粉食落就勁香口，啲麵又唔會太硬身，中規中舉///一個晚餐set價錢就150-250左右，包一個前菜，主菜同埋飲品，前菜既海鮮湯配窩夫都好好飲，加12蚊仲可以有甜品(鮮果雪條/Apple Crumble)///雪條左起：荔枝玫瑰🌷，士多啤梨🍓，芒果熱情果荔枝味最濃又啖啖果肉，呢個係最正既士多啤梨我地初時好驚佢係伏，因為出面既士多啤梨製品好多時勁重藥水味，好彩今次無芒果佢用左愛文芒果去做，所以同一般既芒果味完全唔同，但我朋友就好唾棄呢隻味😂😂😂

今日一打二去同英國返黎既朋友食lunch，除左大人Menu小朋友都有佢嘅Menu，價錢大人lunch78至108， 小朋友就48。 餐湯蘑菇忌廉湯好creamy, ， 肉丸意粉就一般般， 小朋友餐其實只係細份d, 叫左炸魚薯條同鱈魚批， 兩個都。 跟小朋友餐仲有smoothies, 好抵食。值得下次再黎。

今天來到這家位於Homeless家品店裡面的西餐廳吃午飯，店面積頗大，環境開揚，可遠眺元朗景色。 點了Set Lunch，先來餐湯，賣相有誠意，面頭的橄欖油和蕃茜，為湯作了點綴，而南瓜湯口感香滑，味道清甜且濃。 藏紅花鮮蝦扁意粉，藏紅花其實沒什麽味道，不過勝在有活血功效，感覺養生，蝦非常足料，共８－９隻，小妹首次吃意粉會略嫌餸太多，雖則這些是冰鮮蝦，但肉質仍爽口，意粉有口感，蒜片則不夠脆口，進食時有黏牙的感覺。 餐飲點了蜜桃賓治，原本以為會是汽加罐頭什果，怎料絶不欺場，是以鮮打果汁加上粒粒鮮果肉製成的，很鮮甜，香果味，賣相亦得！ 贈送的青蘋果雪條，鮮青蘋果味，新鮮足料，啖啖青蘋果肉，坊間都要賣$42條，有了這個甜品，感覺滿足～ 小妹覺得元朗的生活指數都不低呀，價格不比市區便宜，但今日的午餐不論味道和賣相都不錯，價錢算是合理啦。

一直知道潮流家品店Homeless内有家北歐餐廳Salt Recipe，對海鹽作菜感興趣的食客，相信會是為數不多的吧！雖說以鹽作招徠的主題商店不獨這一家，像沖繩的海鹽專賣店鹽屋平和通店、台南的夕遊出張所，都是旅客必訪之熱門景點，然而說到要把各種海鹽用到菜式之上，感覺只會是停留於綽頭的層面而已，要讓食客感受到岩鹽的獨特性，絕對不是件易事。不過，世上確是有情迷岩鹽的人，雖然為數不多，而老公就是那萬中之一。這種鹽迷喜歡搜集不同顔色的天然鹽，黑、灰、紅、粉藍、粉紅、粉紫......為着發揮各種鹽的特性，會以不同顏色岩鹽配在海鮮、肉類、紅肉、白肉、濃味、淡味的菜式之上，探尋鹽與菜餚的微妙關係。慢着，不同顔色的鹽，放進菜餚當中，不都是單一的咸味嗎？只是若然你身邊有這樣的一位鹽控，看到他們發現「新鹽」時的興奮雀躍，你會着實體會到他們的狂熱，雖然「鹽巴就是咸的」是真理層次的事實。說來有點可笑，這天在YOHO MALL隨意挑一家餐廳之時，Salt Recipe並不在這位鹽控的選擇之列。連他也認為鹽並不是個絕好的餐廳主題，因此是日選上Salt Recipe，絕對只是隨手掂來的。創立Salt Recipes

之前同朋友黎食過一次晚飯，覺得食物同環境都好好，今次帶朋友黎慶祝生日！八點幾九點到，唔洗等位，一坐低就叫野食！叫左蘑菇濃湯，啤酒魚薯條，芬蘭春雞同埋一個特色既蟹肉三食，仲叫左枝南非白酒！正！！先講個湯，賣相好靚，香濃幼滑，店員仲好細心問要唔要黑胡椒！個炸魚皮薄香脆，魚塊好新鮮好juicy，除薯角仲有炸蕃薯條，配搭幾新鮮！個燒春雞好嫩滑，有手套提供就當然狂野地撕開😂至於個蟹肉三食..其實個名我改，我唔記得個菜式名😜由蟹肉沙律食起，酸甜芒果粒配上啖啖蟹肉沙律，好開胃！跟住就食炸蟹波波，成粒都蟹肉真係不得了！第三就食個蟹肉意大利飯，有d蟹籽再加蟹膏香！好驚喜！最後講埋枝酒，好有果香，好岩女仔飲！有d熱情果同奇異果味咁！成晚都覺得店員好nice好有禮貌，個環境又好舒服，食物又好食，期待下一次再黎！

3個lady 行完yoho mall, 3點幾去一直好想試嘅Salt Recipes 度食, 用鹽做特色, 我覺得成件事好聰明，令人覺得好interesting. 店舖都幾難搵, 搵左好耐, 來來回回先知通門口要通過一間家居精品店Homeless先到。店無tea menu 提供, brunch menu 一路用到下午, 直到dinner 前。入內樓底好高, 沿商場玻離伸延, 自然光十足, 座位都好舒服，特別半圓卡位。加上餐具, 都有些北歐格調。跟餐沙律, 有沙律菜, 提子及青蘋果，配上有果味、酸甜的沙律汁，青蘋果最感清新，好特別及聰明的配搭　 大蝦海鮮意大利飯, 海鮮有蝦、蜆、元貝、魷魚等, 意大利軟硬度掌握得好, 濃湯汁有海鮮鮮味, 份量略嫌少了些 香酥啤酒炸魚配薯條, 要比個讚, 脆漿因加入啤酒, 炸得魚柳好鬆脆, 漿不會太厚。魚似係原條鱸魚, 好鮮嫩,絕不是龍脷柳, 配上特色他他醬, 真係好正!  餐飲- 薑茶，唔太甜, 有薑味, 飲完好暖胃

天氣好就最好黎依度食Brunch 果度環境好好，好光猛又唔會趕人走，放假係度歎個Brunch都係唔錯選擇👍🏻因為小妹本身好鍾意食魚🐟所以一睇到餐牌就即點左依個Set「焗挪威魚批 - 三文魚、鱸魚、紅鰹魚 $108」將咁幾鍾魚整碎同薯蓉一齊焗，都不錯不過建議同埋薯蓉一齊食就較好因為小妹試過就咁食啲魚感覺較為乾身有啲似食罐頭吞拿魚既感覺🙊.另外小妹都叫左依個「瑞典海鮮燴飯」$125/Set唔好睇佢個鍋咁細上面都有幾種海鮮有青口、蝦、帶子而個飯係用海鮮汁煮出黎所以都吸收晒海鮮既鮮味🍽至於依間餐廳名點解叫做Salt Recipes因為佢係用海鹽黎做調味配合唔同既煮法黎煮海鮮所以下次再黎都會試佢既海鮮😋

Quick lunch, but nice foods.The salty cappuccino is very good, salad, pumpkin soup, scallops risotto and smoky salmon stake.I tried the smoky salmon, it was Juicy and crispy in skin.Risotto is very good, scallop is big.For the menu is good value.

終於離我家不遠的元朗Yoho Town 有似樣的家品店啦，不用去到老遠的尖沙咀分店，超開心，雖然面積不大，好過無吧！發現傢品店行到最入的位置有食店，有落地大玻璃，環境勁舒服，雖然我不知什麼是北歐菜，但好想來Hea Hea 啦！北歐近海，所以大部份都是海鮮類為主。店員介紹啤酒魚柳薯條（配他他醬/芥末醬）$108一客大概都有四件魚柳及十多件薯條。用一個鐵籃放著，簡約又特別。啤酒炸魚，炸漿薄薄的不會太厚粉，食落口感卜卜脆且不會顯得油淋淋，魚肉挺身屬合格之選。薯角質感粉糯，而且份量不少，都幾飽肚。雜莓特飲，味道就是一般的酸酸甜甜，亮點是店方把莓造成冰塊，不會有愈飲愈淡味的問題。最後仲食左手工雪條（午市加$12，原價$32）天然的青蘋果味，入面有一片好薄的蘋果片，味道少少酸酸，雪條冰感偏高，如果原價的話，我會選擇食IseeIsee....人客不多，一個人坐喺度都幾舒服，放空一下挺不錯的。只是Set Lunch 價錢都不算平，差不多$150/人，果然是高消費的商場。