新釗記茶餐廳 (Moved) New Location

打電話叫外賣食豉椒牛肉炒麵，點知送左個豉椒排骨炒麵黎，咁就打翻去佢個到同佢講佢送錯左，咁佢就發曬脾氣大大聲話(你地啲客永遠都話自己啱架啦，係呀我錯曬得未呀？) 因為我地當時都有朋友係格離聽住我冇叫排骨，同埋好記得佢呢間啲排骨好難食，所以一定唔會叫排骨。以後都唔食佢呢間，真係態度好差！講真平時叫外賣個女人已經成日態度唔好，都算啦，就當你真係好忙，但係今次做錯又唔認，又要大大聲，就算你呢間野幾好食都冇用，態度唔好係事實！

新釗記相信大家一啲都不陌生，在各區各社都有，大家試過係咪間間都咁好食呢，我就有不同的經歷，今次去啱葵涌廣場 試個新釗記下午茶餐先。今個月第三個星期，咁就試試呢個雪菜肉絲炆米， 新釗記出名茶餐，早餐，午餐所有餐嘅炒粉麵飯，都應該係非常之有鑊氣，而我呢叫呢個雪菜肉絲炆米，係抄完再加芡汁上去炆的，知否是否現在的租金太過犀利，所以令到現在的午餐質素下降咗唔少， 而我今次叫呢個炆米質素尚算均等，鑊氣係有的，但是雪菜及肉絲少之有少，數得出肉絲不多於十條，但係仲要收42蚊，下次應該唔會再叫。

每一次下午2點過後如果人在葵涌廣場要搵野食一定黎位於1樓既新釗記新釗記其實喺香港好似銀龍咁好多分店不過我發覺每間新釗記既餐牌都唔一致既而葵芳呢一間2點過後就有個特餐$45可以比我食到件西多士+雙拼麵呢個配撘已經好少茶餐廳會做加上佢地杯奶茶都唔差所以呢度已經成為我既葵芳下午茶首選之地*凍飲是要+$3架！！，，係咁耳講下:以前有個感覺輕佻但禮貌又唔差既靚仔侍應呢排入左廚房做 (利申非基😂)不過以前見佢喺場內同客人既溝通，其實感覺好搞笑又輕鬆🙄😂不過呢間茶記啲員工比人感覺都係做得開心既👍🏻👏🏻👏🏻

好耐冇食個新釗記，今日突然之間有啲想食通粉，之前男朋友介紹過我食茶餐廳通粉一定要食鮮茄牛肉通粉，我今日就叫咗個外賣鮮茄牛肉通粉加凍檸茶，不過有點貴因為要$42。食落佢個肉質都幾好味，但我覺得個湯同羅宋湯冇乜分別，只係多咗三片蕃茄，不過都尚算接受，味道冇羅宋湯咁濃郁，下次可以再食過

今早去買外賣, 收銀阿姐問咗3次食乜,仲要唔耐煩態度勁差, 仲大聲話電話好嘈聽唔到你講嘢,之後仲發脾氣叫另一個侍應幫我落單。一直都知佢哋有呢個問題,冇諗過越嚟越差,啲嘢食份糧越嚟越小而價錢又貴,真係冇下次!!

與朋友在附近逛街，看到了這間餐廳，又没有太多人，見附近没有太多餐廳，所以進來試試。看了一輪菜單後，因為第一次食該餐廳，決定試下一些安全的菜式，我們點了啫啫雞煲及咸蛋蒸肉餅。咸蛋肉餅肉質差， 偏「鞋」， 非常失望。啫啫雞上來只有暖暖的， 完全没有煲的那種滾湯，啫啫的聲音， 只像一堆東西放進一毎個碟的樣子，賣相零吸引。啫啫雞煲得4舊雞，配菜都是洋蔥，d雞仲要老練咁細舊，又不夠熱。待應態度十分差，以後不會再來

平日有帶飯的我，剛巧昨晚跟朋友一起吃飯，沒有預備飯盒。所以今日就跟同事去吃午飯。他推介我到這間茶記，同事一個星期都會來食一次。平時午飯行過，真的全場爆滿，可能附近沒有這麼多的茶餐廳關係。因為公司同事怕食午飯時間太多人，我們會早一點去食飯，所以不用等候就有位。女侍應安排我跟同事坐卡座，但也提醒如果人多的話就需要坐一邊，讓其他客人同坐。這裡的選擇有很多，跟一般的茶記一樣，有炒粉麵飯，常餐，快餐及蒸餸飯等等。有時真的是有選擇困難症，太多就不知怎樣選。最後，選一個大眾化點，XO醬炒干炒牛河，加一杯凍朱古力。同事就點了梅菜蒸魚腩，再加一杯熱奶茶。等了五分鐘，干炒牛河已送上。賣相不錯，吃的時候牛河不會痴埋，一條跟一條，牛肉一點也不韌，容易咬開，意想不到的事，其實內裡有不少牛肉，不是得兩三塊。食的時候還加了幾滴辣椒油，原來這裡的辣椒油是很辣的，不能吃辣的就落少一點。油都還可以，不是太多油，味道也不錯。這個是同事點的，賣相都不錯。我不喜歡蒸魚，所以沒有試，同事說味道都很好。飲品沒有甚麼特別，不過不失。價錢很合理，跟普通茶記一樣。至於環境都尚算乾淨，只是坐的空間狹窄一點。雖然這樣，但我們會再去的，因為午

下午行葵廣。第三個友人黃昏先到。咁我同另一個朋友就搵間茶記坐陣先啦，去左新釗記。因為葵廣冇乜茶記同可以坐耐少少,新釗記係其中一個選擇。叫左兩個下午茶餐。下午茶餐牌花多眼亂。下午茶時間14:00-19:00。我鐘意薯條就叫珍寶腸炸薯條啦。（$37）上枱 珍寶腸煎完縮晒水。伴碟粗薯條超多,唔多夠味,要勁加茄汁。朋友叫粗花生醬奶油厚多士，（$33）厚多士果然厚。最好再熱少少，加上花生醬幾好食，hea一陣再行過。結賬$70

今日打電話叫幾份外賣，其中一份焗豬一份焗雞，聽電話個阿姐態度超寸同惡問「咁係咪即係兩份焗雞呀？」我都忍住話「唔係⋯一份豬一份雞喎⋯」阿姐再答：「咁咪即係兩份焗野！」我話係就即cut我線.阿姐自己聽錯單發人爛渣，仲好意思cut人線？唔係怕你係野食落野鬧左你好耐！成個葵芳廣場大把野食，淨得你一間呀？以後唔會再幫襯.最後呢個噤寸既阿姐教曉我原來雞同豬係同一類.貴餐廳睇黎要改改餐牌，雞同豬是但取消一樣

想有個卡位坐又好多選擇，新釗記都唔錯。雖然d 伙記睇落聽落粗粗魯魯咁，但好有愛，簡唔到咩餸都會幫你suggest 下。最鍾意佢個肉餅飯同豬頸肉炒菜。加埋凍奶茶就更正。位置置小偏僻但oohing 諗唔到食咩入到去好多野簡。

發現原來葵芳很少茶記。 可能因為葵廣太多美食, 周圍又比較多工業大廈, 貨倉, 所以茶記都比較"工人"style一點。本人覺得葵廣呢間新釗記, 又幾OK喎~! 之前試過幾次炒野, 好够鑊氣又勁大碟, 係幾正的~ (兩個女仔, 細食的話其實share都OK)今次試常餐, 都唔錯~常餐 多士, 雙蛋沙爹牛肉+餐肉出前一丁 $45其實一般常餐係得沙爹牛, 一款餸, 但佢兩款, 仲有個兩塊餐肉, 其實勁厚, 而一般得公仔面, 今次可以出前一丁, 不用加錢, 所以都幾扺。味道方面, 沙爹牛都幾正, 餐肉都大大啖好滿足, 但個湯本人覺得油左D, 可以改善。奶茶不錯~咖啡我覺得難飲, 酸!但葵芳茶記來說, 呢間係個不錯的選擇!

茶歺廳午餐通常都係快歺，常歺，昵間新釗記都算多選擇，最正係午市有好多炒野選擇，仲要係快嘅炒飯同炒粉都算得上係代表作，今日周三，馬拉箋豬頸肉炒河，好大碟呀，鑊氣十足，辣度好夠，馬拉箋味好香!同事揀左五香內丁鮑魚炒飯，乾身，香囗，同樣大大碟，奶茶當然都正宗茶歺廳口味

落雨都係商場午餐穩陣D，又去我們的午餐飯堂-釗仔同普通街坊茶歺廳一樣，就是老闆特別友善。而比較特別D嘅野食就係午餐都有即叫即炒嘅粉麵飯，真系無得輸😋 奶茶亦系不二之選

以前係附近返工,間中都會黎幫襯尤其下午茶,焗飯係幾抵食既。不過最近幾次都越黎越差,忍唔住要寫返個食評。對上有次食晚飯,個焗豬扒飯好似乾哂咁汁又乾豬扒又乾硬化,唔知係咪擺耐左,會唔會下午茶賣剩再翻熱...咁可能都係一時失準啫,算數,再黎今次坐低,叫完野食,突然個冷氣開大左,勁大風...咁我吹左陣,太凍,頂唔住,同個waiter 講可唔可以校細d 個冷氣,佢話:人多呀,果邊有人嗌熱!講完就走左去。再坐多陣,真係唔得,鼻水係咁流,再同另一個講,可唔可以校細d 冷氣,呢個位好大風,叫佢伸隻手試下佢答:一陣揾個位比你轉,好快我諗,轉個位都好啦等下等,眼見有幾台都走左,都無話比我轉而我個炆米等左差唔多20 都未到...同一齊既都已經差唔多食完。到我個米粉黎...食食下仲加左料呢次食得好唔開心

平時每日出去食早餐嘅，唔係覺很得啲食物質素好飄忽，就係價錢好不合理，就係服務態度唔好。 但係黎開新釗記食完之後，就覺得每一次水準都keep到 ，之前裝修後坐得更加舒服仲有好多卡位 選擇。