生隆餅家 (Moved) New Location

呢家到到都賣冰皮、流心月餅，但始終最愛都係傳統蓮蓉月餅。有朋友話佢返工到有間黃店-生隆餅家賣月餅好好食，咁當然試下搭單買左黃蓮蓉同白蓮蓉。雙黃黃蓮蓉月餅、雙黃白蓮蓉月餅$49/1個黃蓮蓉同白蓮蓉對於我黎講係黃蓮蓉有焦糖香，而白蓮蓉就比較清新，兩款蓮蓉都做得好幼滑，餅皮厚薄岩岩口，而且好鬆脆，咸蛋黃好新鮮，吃落有陣陣蛋黃香同蛋黃油，整體口感好好。生隆餅家除左月餅，平時仲會有好多傳統糕點，例如白糖糕、砵仔糕等等，呢d都係香港逐漸失傳嘅傳統糕點。

一直以來中秋節我都只會買奶黃月餅, 半島同四季酒店既出品都係我喜歡的, 但對蓮蓉月餅既感覺就真係好麻麻, 只食到白糖既味道, 所以每次家人朋友話切月餅一齊分食我都一定會揀最多蛋黃既嗰份黎食, 蛋黃就算普通貨色都起碼知道真係食緊佢本人, 無比人呃, 食左奶黃月餅咁多年今年想轉下口味, 但上網睇左好耐, 發現其實香港月餅市場, 蓮蓉月餅同奶黃月餅始終都係佔左絕大部份, 所以就決定不如試睇下買唔買到四黃蓮蓉, 蓮蓉既比例少D, 失望既機會率都少D(私心希望各大餅家可以考慮出斑蘭蛋黃月餅), 選擇買生隆月餅係因為位置比較方便我地, 佢地只接受親身到店預訂, 攞月餅既時候發現現場買同預先訂既月餅盒係唔同樣, 個人認為預訂嗰款靚D, 好開心今年揀左生隆黎挑戰我一向怕怕既蓮蓉月餅,  蛋黃又香又油潤, 白蓮蓉比到我清新, 甜而不膩既感覺, 餅皮軟硬程度剛好, 唔鍾意食到一D餅皮好油好腍, 同D蓮蓉已經融為一體嗰種, 呢個唔會,下年會再幫襯。

自己本身好鍾意食傳統月餅，反而對冰皮麻麻哋，一直都想搵間好食嘅傳統月餅，因為出面啲大牌子試過真係麻麻地。上網聽人講生隆月餅好好食，琴日特登去深水埗買咗雙黃黃連蓉月餅來試，本來仲想買埋糯米糍同五仁月餅，不過暫時未有，遲啲等佢有嘅時候會再過嚟買來試。。月餅攞到手嘅時候仲係熱同暖之間，我未試過食即日出爐既月餅，因為出面賣緊嗰啲大牌子全部都係預先整定既，返到屋企洗完手第一時間切開嚟食，超級超級好味！！！黃蓮蓉又軟又滑，甜度剛剛好，蛋黃有黃油，又有油香味，仲要個月餅仲暖暖地㗎，又唔似其他牌子甘食落好乾身，我未食過啲咁好食嘅月餅，一定會再去買！

以往買開蓮香 ，但係今年都想有啲轉變， 上網搜尋發覺唔少人介紹生隆餅家， 後悔冇買三黃買咗四黃， 因為佢啲蛋黃太大變左蓮蓉太少喇😂😂黃蓮蓉香蛋黃流油， 暫時切咗一個， 比起今年買咗另外兩間嘅都要好， 另外散買咗一個五仁畀阿爸。中秋將至，而家主力賣月餅試唔到佢其他產品。

開初，我完全不認識這間餅店，男朋友推薦買這間月餅送給我家人。後來，我才知道這間是很受歡迎的傳統餅店，當天本來打算購買伍仁月餅，都已經售罄了，所以我們選擇了其他。.去到餅店，放滿了一個個不同款式的月餅。這裡的好處是，大家可以自由選擇不同口味的，夠四個就可以放在盒內。.最後，選擇了兩個雙黃豆沙月$43一個，兩個雙黃白蓮蓉$49一個。.「雙黃豆沙月」🍽：我好像是第一次吃這款月餅，味道完全不會很甜，因我很怕吃很甜的東西。很喜歡！一試難忘！值得推介！「雙黃白蓮蓉」🍽：沒有拍照，但味道和我以往吃到的差不多，蓮蓉很滑。

純正白蓮蓉 ($43/個 | $168/盒)• 由細到大食月餅，都只係會揀最少蛋黃嘅果四份一嚟食。見到依間舊式餅舖有得賣無黃嘅白蓮蓉月餅，最重要嘅係仲可以逐個單獨買，試下口味、過下口癮之餘，又唔洗驚要囤積月餅到復活節啦。• 味道方面就同傳統嘅蓮蓉月餅一樣，外層帶有啲啲脆香，而個餡就係極之綿滑嘅白蓮蓉，本身唔好甜食嘅我，覺得依隻月餅個甜度啱啱好。• 建議臨近中秋正日之前一個星期去買，相信愈近正日會愈多人去買了。

中秋節又到，想食下月餅，可以到深水埗生隆餅家喺北河街四黃白蓮蓉月餅有四個蛋黃，好正，每啖都又甜又香蛋黃有鹹香味，圓碌碌仲有豬油香味，好邪惡，但好食每個獨立包裝，盒底有防潮珠買左一個雙黃黃蓮蓉一個雙黃白蓮蓉一個單黃五仁兩個四黃白蓮蓉我唔需要鐵盒，全單減十蚊事前冇訂到，好在星期日walk-in買都有貨

約了田會長到深水埗一轉，目的就係買月餅，去了黃店生隆餅家，老字號餅店，格局前舖頭後有工場，新鮮出爐的保証。鋪頭有多款糕點選擇，據聞燒餅、缽仔糕及白糖糕等都深受歡迎，因為係9月頭，唔想買一盒太多，加上想試下先，於是打散買，月餅口味都有好多選擇，太慳。豬籠餅好傳統。買了月餅及一些甜點。燒餅，$10/3件，有原味、豆沙、奶黃等多款口味，但果日太晏去得返豆沙及原味，賣相迷你，餅皮煙韌，豆沙份量多，味道香甜好味。香蕉糕，$4，好耐冇食呢類甜點，有點懷念，口感香軟有香蕉味，幾好味。雙黃白蓮蓉月餅，$49，賣相光澤，餅皮薄，口感濕潤，白蓮蓉的質感滑，難得唔會太甜，有微微蓮子的香味，我多數都食個黃~蛋黃好大個，做到帶油起沙，唔乾，食落有蛋香，不俗。月餅幾好，下次買埋其他口味試下，仲有好多中式甜點想食~支持小店。

深水埗一帶始終都係比較懷舊老店、香港地道特色食物，今日因為要去深水埗買嘢就都驚咗呢一間傳統糕點舖生隆餅家。 下午時分亦有好多街坊喺度排隊，相信係呢區嘅地道美食。舖面非常之懷舊傳統，黃色招牌紅色嘅舖名，掛起一張張紅色嘅紙條列出售賣嘅糕點，有砵仔糕、白糖糕、黃糖糕、馬蹄糕、黑芝麻糕、黑芝麻卷、紅豆糕，亦都有唔同款嘅月餅，單黃/雙黃、白蓮蓉/黃蓮蓉。我就買咗白糖糕同埋黑芝麻糕試食。細個一向都好鍾意食白糖糕，但係我印象中嘅白糖糕一直都係少少酸酸地嘅。見到網友非常之推介生隆餅家嘅白糖糕，一試之後覺得口感非常鬆軟，而且有別於平時嗰啲，原來發酵得好嘅白糖糕係唔會酸酸地嘅。 至於黑芝麻糕，買到返屋企，打開膠袋亦傳出香濃嘅芝麻味。食落口唔單只質感唔錯亦都有香濃嘅芝麻味。非常推介呢一間懷舊糕點譜，希望香港一路都可以保存到呢種地道特色味道，下次經過再試吓其他糕點。

佢啲糕點好快賣晒，兩次入夜去得返好少選擇，搵左日專登下午去，現場好多人。味道78分，啲中式糕點好好食，夠新鮮，口感好。.🔸白糖糕($5)⭐️ 超推介！竟然一啲酸味都冇！真係整得好好！仲要勁厚身，差唔多有兩節手指嘅厚度。.🔸黃糖糕($5)第一次食，口感同白糖糕一樣，呢個有黃糖香味。.🔸芝麻糕($5)食落幾q彈，味道似芝麻糊，幾濃芝麻香。.🔸紅豆/奶黃/蓮蓉燒餅($10/3pcs)⭐️燒餅好煙韌，啲餡分布算平均，唔會太甜。.🔸糯米糍($10/3pcs)嗰日我去得返花生味，咬落去係爆餡，皮好煙韌，皮薄，超多花生！.🔸砵仔糕($15)口感彈牙帶點黏糯，唔會整得太硬太實，雖然砵仔糕體積細細，但紅豆都唔少，一盒有黃糖白糖兩種口味，滿足我兩個願望。.佢月餅都會整架，就到中秋，大家可以幫襯。

#生隆餅家 在深水埗區早就已經街知巷聞，不用熊貓特別介紹。今次熊貓終於來拜會一下了！🥮 #白糖糕 - HK$5大件又挺身，而且發酵得非常好：沒有酸味之餘，一絲絲的條紋還清晰可見，而且做得非常鬆軟。優秀 👍🏻🥮 #黃糖糕 - HK$5跟白糖糕的作法一模一樣，只是黃糖味道上多了一股如『曲奇』的實甜味，個人就比較喜歡味道較為清甜的白糖糕。🥮 #芝麻糕 - HK$5是生磨黑芝麻的味道 跟 香氣，挺足料呢！🥮 #馬蹄糕 - HK$5四款中味道最清甜爽利的一件，口感比芝麻糕更結實彈牙，像在吃啫喱糕一般，喜歡 😋 唯獨馬蹄粒切得太碎，沒有甚麼存在感。營養價值：每件約250 Kcal 推薦指數 (5分為滿)：🐼🐼🐼🐼幾款糕點中，熊貓最欣賞的是白糖糕，但整體來說，每件糕點的水平都很高，而且每件手掌般大才賣HK$5一件，划算！開心！ 😋😋😋🌟 聽聞他們家的菲林卷、雞屎藤、燒餅 跟 糯米糍都很有名，下次去試試看 🤤📍生隆餅家 🇭🇰深水埗北河街68號地下 #hkig #instafood #veganfoodporn #hkfoodie #foodiehk #foodlover #

花生糯米糍皮薄餡靚，十蚊三粒，物超所值！糯米皮軟糯，餡料好香，有啲椰絲，又有粗花生粒，口感好好，唔會太甜，係我食過最好食嘅花生糯米糍超級推薦白糖糕、黃糖糕都唔錯，紮實唔酸有米香，都幾飽肚，甜度適中皮蛋酥入面有少少薑，幾有特色，我係第一次食，都唔係好知算唔算好食鍾意食皮蛋酥嘅人可以試下，我自己就麻麻地芝麻卷都有唔少人order，有機會下次再買黎試下～呢間老字號weekday人流都唔少，果然好受街坊歡迎

店面前邊係排檔，好彩個掛得高高嘅黃色招牌夠顯眼先至搵到佢，係人流旺區，生意都唔錯。各式各樣嘅傳統唐餅，皮蛋酥、雞仔餅、西樵大餅、光酥餅、糯米糍、芝麻卷、白糖糕、雞蛋糕、砵仔糕 ……，一應俱全，好難搵唔到合自己口味嘅食品。咁多嘢邊係食得晒，於是買咗個雞蛋糕同埋砵仔糕嚟試吓。好靚仔好懷舊嘅傳統雞蛋糕款式，表皮烘得焦香顏色吸引，表面有浸油，仲有幾粒烘香咗嘅大瓜子黏住喺上面，未曾入口個樣已經攞滿分。$10雞一個，淨係食上高嗰幾粒瓜子都值回票價，又香又脆瓜子味濃郁，正！但係要記住自己唔係食緊日本蛋糕，所以口感係會有些小嚡，不過蛋香唔會欠奉，亦唔會太甜，真材實料冇欺場。台山砵仔糕細細個好精緻，咬落軟滑有米香，紅豆亦都香，亦唔會太甜，好好味。

好少去深水埗，難得順路，又好多人介紹哩間中式餅店，就過黎買左近期大愛嘅光酥餅😍 順手買左紅豆糕同馬蹄糕，仲有媽媽最愛嘅芝麻花生糖☺️可能人大左鍾意懷舊，近期好鍾意買光酥餅食。係細個嗰時嘅最愛❤️ 食左幾粒先影相，因為本身冇諗過打食評，但真係太驚喜！！😍間中都去下旺角，所以之前買開花園餅嗰間，味道唔錯。不過生隆相對花園餅嗰間再鬆軟啲，咬落好有驚喜😍 個味道都有啲似細個嘅味道，唔知係咪啲粉嘅味，唔識形容😜 同埋之前又買過新寶戲院嗰邊嗰間，偏實乾，重點係咸嘅😣唔係我認識嘅味道🙁 屋企人買過士多可以放好耐嗰啲仲恐怖，可以乾到可以變碎，味道都係怪嘅😬簡單黎講，哩間係近期試過最滿足嘅光酥餅🤤本身仲食左紅豆糕，因為冇諗過打食評冇影相就消滅左😂好多豆😍 重點係唔會好甜！！滿意🤤 宜家嘢飲都習慣微甜或者走甜，好似唔會搶左其他味咁🙈👵🏼馬蹄糕教敬左父親，芝麻花生糖孝敬左母親，唔知咩味😜為左光酥餅，有啲羡慕住深水埗嘅朋友添😂

去到深水埗想食白糖糕嘅話以前一定會諗起X記，如果你唔識嘅話唔緊要，而家小編介紹一間更好食更抵食更有良心嘅畀大家，記住以後淨係去生隆食喇！ 😋 白糖糕 $5好多人對白糖糕有一個誤解，就係以為「白糖糕是酸的」，錯！食到酸嘅白糖糕係因為你食開嘅都唔係靚嘅白糖糕，過度發酵先會變酸。生隆嘅白糖糕更鬆軟更彈牙，食落一啲都唔酸，好似食緊啖啖白糖咁！ 除咗白糖糕之外，馬蹄糕同砵仔糕都好值得試㗎，小編每次經過深水埗都會去食一件。傳統嘅糕點舖真係買少見少，大家可以去試吓呀！