生隆餅家 (Moved) New Location

這間在北河街的中式香港人小店，好多客人排長隊買懷舊中式零食。好多中式小食選擇，如：水泡餅、南乳餅、白糖糕、芝麻卷、光酥餅、杏仁餅、牛耳餅等等，花多眼亂，唔知點甚麼好？！最後點了：1. 芝麻卷一盒2卷，長長的，芝麻味香又有彈力口感2. 砵仔糕迷你的一盒，紅豆粒軟腍又不會太甜的煙韌黃糖糕3. 老婆餅比較硬身的老婆餅，內餡是甜了點的冬瓜椰絲餡，這個麻麻地4. 黑芝麻脆糖好香脆可口的黑芝麻糖，芝麻味濃郁又大塊！服務姐姐好友善又細心，咁多客人都是有耐性地招呼！

深水埗這舊區，保存著不少香港老字號，其中之一要算是中式餅店「生隆餅家」。閒逛完黃金商場，順道去北河街拜會一下「生隆餅家」，原因是店鋪門前的一張「反送中」文宣，正在網絡瘋傳！餅店選擇非常多，有白糖糕、芝麻餅、合桃酥、米通、蛋散和牛耳等。雖然聞說白糖糕最出名，但最後我揀了迷你砵仔糕（$12）和迷你光酥餅（$14）兩大心水。迷你砵仔糕一盒八個，紅豆有多有少，分佈不均；甜度適中，不會過份甜；細細粒，至啱買來分甘同味！迷你光酥餅一袋約30多個，非常抵食！口感跟大的差不多，但由於是bite size關係，吃後不會太乾口！「生隆餅家」算是香港碩果僅存的原味道，香港人要好好珍惜，加油！

嚟到深水埗如果想食中式糕點嘅話好多人都會選擇去坤記...但係我都想同大家推薦下另一個好選擇👍🏼生隆餅家係一間老餅店，好多中式嘅糕點都可以係到揾到，選擇非常多☺️而且價錢便宜，深受街坊歡迎㗎🤗我每次去都一定會買砵仔糕同馬蹄糕😋砵仔糕有普通size同迷你size...誠意同大家推介迷你size，一啖一個，夠哂方便💯迷你size係一盒8個咁買，可以淨黃糖/白糖，或者各4個，啱哂兩樣都想試嘅朋友仔👍🏼我今次買嘅係普通size...砵仔糕彈牙，紅豆份量都足夠，而且都夠腍☺️而馬蹄糕同樣好好味，甜度適中，個人認為馬蹄粒可以再多少少🙈大家都要支持呢啲傳統小店啊~係香港人嘅回憶❤️

有40多年歷史的傳統港式老餅店，專賣懷舊唐餅，真係我由細食到大每次到深水埗都會買佢地既砵仔糕由佢地$1 隻細砵仔糕幫襯到依家$12 8 隻但都繼續幫襯佢地1 口砵仔糕真係岩我呢d 1 口食曬入口大月濃郁黃糖，甜到適中唔會粉， 煙韌彈牙而且紅豆嘅比例的適中唔會過多或冇豆既情況出現。食落糕身結實唔會鬆散除左1口砵仔糕，都有傳統既碗仔砵仔糕，就大舊D 次次路過都見幾多人幫襯而且就算加價 都算平！地點都方便係正深水埗街市入面😄

餓底好鍾意食煙韌野，忽發奇想想要來個食評系列專寫各區的糯米糍，就由一些老字號寫起。好多款中式糕餅，而且好平，同價錢更可以混搭不同口味😍當天剛吃過午餐，今次試住三款先雞屎藤，顏色比一般買到的深色 (因跟糯米糍放在一起所以沾了些少粉)沒有餡料，食落質感幾實，口感怪怪地，"dap"真啲食到有淡淡的雞屎藤味原味燒餅，好迷你！表面沾滿了白芝麻微甜＆少少煙韌，有芝麻香，中規中矩來到我這期待的花生糯米糍了，跟燒餅一樣走迷你路線花生餡好香呀，非常獨特的香氣，餓底自問都吃過不少好吃的糯米糍，這個花生餡是頭3位好食！下次來專攻佢既糯米糍先~

每次去到深水埗我都一定會去生隆餅家，我最鐘意❤️食既雞屎藤同埋芝麻榚。雞屎藤內裡沒有任何饀料，口感不錯同比較甜，不過就比較薄，不過我每次經過都會試。至於芝麻榚的芝麻味不是太夠，但質感就唔錯。下次來就試埋佢既糯米糍同紅豆榚！

深水埗生隆餅店賣的是中式餅食，捧場客亦多。店鋪雖小，但賣的糕點極多元化，有盡各式懐舊小食如雞仔餅，煎堆，光酥餅，馬仔，糯米糍，燒餅等等。今天路經買了馳名的馬蹄糕、光酥餅和鉢仔糕。我最歡吃迷你鉢仔糕，一口一個，吃個痛快！一盒十二元的迷你鉢仔糕有八個，我選的是四個黃糖和四個白糖。鉢仔糕非常煙韌彈牙。糕面的紅豆粒硬度適中，有𡁻口又不太甜。個人認為黃糖鉢仔糕味道較出，白糖做的味道就較淸新。微黃色的馬蹄糕五元一件極彈牙，味道不會太甜，馬蹄碎清爽。如果做的時候加多些馬蹄肉就更理想了。中形光酥餅一包四個，制做材料簡單，但卻是受歡迎的懷舊小色。這店的光酥餅軟熟又不會痴牙，味道也不會太甜。這店售的食物各樣都只是十元八塊，但已能滿足食客懷舊之情！

奶黃燒餅相對原味燒餅，奶黃燒餅較大個；燒餅唔算好厚，但都做到煙韌感覺；奶黃味偏淡，食唔出係食緊奶黃。雖然味道唔太突出，但奶黃餡增加餅皮濕潤感，比原味出色不少。細粒少少既係豆沙糯米糍最有驚喜豆沙似豆沙糭果隻味，夠幼滑，甜到唔高，恰到好處。糯米糍較細粒，皮唔係勁厚果種，但仍然食到軟滑煙韌口感，唔差。講真，其實我最怕食豆沙，驚太甜太膩，可能正正因為佢細細粒就冇左哩個問題，可以一試！花生糯米糍花生餡較豆沙多，會較大粒。糯米糍既皮同豆沙一樣軟糯，不過因為花生餡比例相對較多，而且花生粒較大，搶左糯米皮既風頭，唔太似食緊糯米糍。原味燒餅燒餅整得好薄同好細個，做唔到煙韌口感，有些粉粉地既感覺；兩面都沾左頗多芝麻，食落令理應煙韌既燒餅變為帶脆既口感，個人唔太鍾意。芝麻糕芝麻味淡到一個點，近乎0似係食緊一舊甜甜地、彈彈地既糕唔洗試馬蹄糕依然係一舊甜甜地、彈彈地既糕。只不過係多左馬蹄既爽脆，無應有既清甜。整體而言，較普通。唯一可取之處係所有糕點，內餡既甜度都唔會太高，食落無負擔、較健康。燒餅比x趣、x華失色。糯米糍雖然係我所試糕點中算最好食既，但同民x都係有啲距離。芝麻糕直頭係failed，不用比較了吧～上

很早之前在這間傳統餅家買過白糖糕、紅豆糕，隱約記得白糖糕不俗。今次想食煙煙韌韌的糕點，所以試下著名花生糯米糍和燒餅10元4個，價格相宜。花生糯米糍大大粒，皮雖有些厚但餡料滿瀉。花生炒的很香，好抵食！雖然排不上我心目中的最好食糯米糍，top5有餘。個人口味，若能把椰絲改成芝麻碎我一定要給它滿分燒餅有豆沙，原味，奶黃，蓮蓉四種，當然是每樣試勻。燒餅雖然也是煙煙韌韌，餡料卻麻麻地，唯有蓮蓉比較好味。且燒餅已經冷了，味道大打折扣。因此想食燒餅仍會去旺角東那間。下次還想試皮蛋酥同雞屎藤餅 黑乎乎幾得意😂

食飽飽，當然要搵Ｄ甜品食下啦～ 但食糖水又真係已經再食唔落，於是即刻網上搜尋下有咩份量少Ｄ嘅甜品。最後黎到最後一站 - 生隆餅家。呢間係一間傳統舊式老餅店，前舖後工場，餅店有好多中式嘅糕點: 紅豆糕、砵仔糕、白糖糕、黄糖糕、合桃酥。。。當然仲有出名嘅糯米糍，但味道就只有傳統嘅花生味同豆沙味，價錢亦比較平民 $10/4個。豆沙糯米糍 $10，花生糯米糍 $10糯米糍大大粒，餡料好似就黎滿瀉咁，好抵食。糯米皮好煙韌，豆沙餡料唔太甜。而花生餡料就加入左椰子絲，食落有好香花生味之餘，仲有好香椰絲味。

傳統糕點，我媽咪好鐘意食，尤其哩間媽咪以前經常會買，有時我出開深水埗都會叫我買d馬蹄糕返黎，我都鐘意食既，另外再買花生糯米糍，10蚊4粒，雖然細粒，但味道好好食。

從前每逢農曆新年都有鄰居自家制的茶果，但近幾年無食了。最近，突然好想食雞屎藤茶果，但真的不知道哪裡有茶果賣，於是上網尋找，發現，有些店是有茶果但沒有雞屎藤，終於找到這間有賣雞屎藤茶果，決心一試呢！這兒白雞屎藤賣相跟我想像中的有出入，而且比較薄及小呢，印有這兒的店名，感覺比較商業化。不過這些也是其次，我著重的是味道呢。內裏沒有饀料，但從前吃的就是有一點點饀料如：花生，哪些是比較正完我不知道呢。但這件吃下去，可能比較薄，所以沒有了茶果沒種口感，而且偏甜了一點，少了花生的香味。嗯，為了過下口癮，勉強還能接受，但是就不是由小到大食慣的雞屎藤味道呢。有點失望吧

「黃糖紅豆糕」係三款糕點入面個人認為最好食既！紅豆份量多，雖然分佈得唔平均，但因為鋪滿左紅豆好吸引，未影相都忍唔住咬左一啖><紅豆煮到啱啱好，食落綿密但又不乏顆粒感，增加左口感紅豆冇加糖落去熬，係豆本身既甜味，所以唔會過甜。紅豆糕口感帶煙韌，有淡淡米香，甜度唔高！整體黎講都幾好食～「黃糖糕」係第二位！聞落有黃糖既香氣同米香，厚度都有返咁上下，食落感覺較紅豆糕甜，到最尾會帶些少酸，可以再做好啲。其實我想要白糖糕，但後尾唔知做咩叫左黃糖糕「芝麻糕」個人認為做得唔好！首先，唔重芝麻味，食落冇顆粒感；其次，質感好怪，有啲似厚實啲既啫喱，而唔會糕點；坤記既芝麻糕雖然比較貴，但味道同質感都完勝整體黎講，我試既哩三樣都好似唔太突出，無大家講到咁好味喎。不過，下次經過都想試埋糯米糍同燒餅，睇下會唔會好啲啦～

老字號餅鋪，每次必買兩樣，馬蹄糕和糕米滋，價錢又平民，味道又好食，有時都會買菲林卷（即係芝麻卷）比媽咪，佢鐘意食，大家有機會經過可以一試，馬蹄糕經常好快賣晒，想食就真係碰運氣，或者中午3點前買。

今天來到深水埗，懷念兒時爸爸每天早上買糕點作早餐，最愛白糖糕，有點點甜香，又會有點微酸的口感，你食落去唔會覺得好溜，清清甜甜，又好開胃。爸爸話白糖糕之所以有微信嘅感覺，係因為通常要放一晚野，讓糕點發酵，才有果種鬆軟嘅感覺，但係白糖放久了，發酵嘅過程之中也會產生酸，所以便有嗰種酸溜溜嘅感覺。另一個最鍾意食嘅就係黑芝麻糕啦。黑芝麻糕好彈牙滑口，黑芝麻嘅香味係其他食材唔能夠取代嘅，而且佢嘅營養價值高，喺傳統嘅食品糕點當中佢都係受歡迎嘅食物之一，不過唔係好多小朋友鍾意食，就係因為佢嘅黑色嘅外表，當然我依啲注重內在美嘅，就非常之欣賞佢嘅優點啦。另一個好多人鍾意嘅相信就係砵仔糕，特別係勁多紅豆嘅，通常我嘅朋友都會話多豆砵仔糕，叔叔就會揀一啲多項唔到嘅賣啦。不過亦都有啲朋友仔好似我咁，勁唔鍾意紅豆味，所以有啲鋪頭會整啲走豆砵仔糕，我就會買嗰啲啦。不過生隆出品嘅紅豆仔糕，紅豆勁多，砵仔糕又彈牙又滑溜，我屋企人就最鍾意啦，所以就專登買咗一大盒同屋企人分享。