Video
2-min walk from Exit B, Wong Chuk Hang Station
continue reading
Telephone
28732866
Opening Hours
Today
06:00 - 18:00
Mon - Sat
06:00 - 18:00
Above information is for reference only. Please check details with the restaurant.
穩世沙嗲牛好好味嘅沙嗲牛 拍得住華嫂果啲$35 一個早餐 沙嗲牛麵+ 牛油方包 + 火腿/腸仔 + 煎蛋 + 野飲（凍飲+$2）呢個價錢無諗過南區會搵到 其他地方應該都好難男仔食都好夠飽凍奶茶好飲 唔會好似其他茶記咁酸 老闆娘仲會問你要唔要加蛋啲奶沙嗲牛個麵唔係公仔麵 好似係大光麵 爽口 冇咁膩 老闆好大方 比好多牛肉 我食完都仲有牛肉剩平靚正 無得挑剔熟食中心無冷氣 夏天食熱啲非常推介👍🏻👍🏻（營業時間唔係好肯定，唔知夜晚/星期六日開唔開）
continue reading
在黃竹坑返工,睇下open rice ,熟食市場有咩食見到食評話呢間茄子通，椒鹽豬扒不錯我去到，發現招牌仍寫生記，大大張海報在招牌下面，寫早餐，常餐款式和價錢。但一睇價錢和殘舊的海報，是估計十年前的價錢。店員叫我睇餐牌 ，我發現餐牌寫住發記。無了茄子通，都有椒鹽豬扒。是日腸胃不適，只叫了火腿通。雖然餐牌無，但照做，加入生菜。田到公司，發現通粉太冧。湯底ok,已好過附近工廠區一間茶餐廳，我已忘記了店名。得幾張枱，12點半唔多人幫襯
continue reading
生記食家嘅早餐同午餐都有一定嘅水準，此店座落喺港島區黃竹坑南朗山道嘅熟食市場入面，其實一行到熟食市場入面就會睇到呢間嘢，熟食市場入面嘅環境比較狹窄，座位嘅數目亦都唔係太多，環境衛生都只係一般，到處都可以睇到地下遺留咗好多嘅煙頭我喺早餐嘅時段去到，叫咗個雞扒腸仔麵＋凍奶茶，雞扒炸得香脆，腸1腸仔就唔知係咪廚師腸，公仔麵嘅麵質唔係彈牙嗰種，但又未至於話難食，凍奶茶都只係一般，奶嘅份量唔夠，甜度亦都差咗些少，但夠凍，幸好本店有老干媽辣椒油供應，用嚟拌公仔麵食都幾香口，微辣，唔錯！順便一提：熟食市場入面係冇冷氣，如果天氣太熱就唔太建議去，而且熟食市場內嘅環境真係一般，只適合趕快用餐嘅人士，如果以價錢嚟講，呢度嘅收費都唔算話好貴，一般打工仔都可以接受。
continue reading
今日同同事去左南朗山道熟食市場既生記食家食早餐, 我就叫左沙嗲牛肉米粉加火腿煎蛋同方包,飲品就叫左杯熱檸水, 呢到既沙嗲牛肉都算好食, 個沙嗲汁有沙嗲味同甜甜地既,同牛肉份量都算多, 今時今日$30既早餐, 呢到叫好高CP值啦。係環境同坐得唔舒服。
continue reading
黃竹坑，喺我眼中已經係一個美食沙漠。除咗之前介紹過嘅一間樓上外賣飯盒舖頭之外，真係冇乜邊間係可以用正常價錢食得到一個午餐。嚴格嚟講唔係冇美食，雖然我未食過，但係睇食評同人流，質素應該唔會太差，只係太貴，對於低級員工嚟講，八九十蚊食一個午餐實在太奢侈，所以我係唔會去食。所以今次就去返平民化少少嘅南朗山道熟食中心，上次試過兩間，質素都比較差。今次就試一間比較多人推薦嘅「生記」，試試佢個招牌椒鹽肉排飯。落單唔夠一分鐘，飯已經上枱，心知不妙。點解咁講？因為上菜速度咁快，即係肉排唔係即叫即炒，而係一早整定。果然不出我所料，飯係熱，肉排係暖暖地，肉質唔太韌但係冇肉汁，皮唔夠炸脆，椒鹽味唔重，好彩嘅係啲豉油可以撈到飯食。雖則味道真係好一般，但係價錢就真係抵，如果堂食唔要飲品就$35，另外佢有午市套餐都係$39，性價比嚟講真係贏盡其他區內我試過嘅餐廳。不過，眼見隔離枱嗌嘅乾炒牛河，色水又幾靚，下次都係試返一啲有得即叫即炒嘅食物。
continue reading