三公台灣料理 (Closed)

約咗一大班朋友食飯，決定去一間性價比高嘅餐廳——「三公」，品嚐地道台式料理。<奶油蘑菇滷肉飯> $86朋友單獨點咗主菜牌的食物。奶油蘑菇畀得好足，差唔多成咗山咁。奶油香+鹹香滷肉，食落都幾creamy，估唔到都幾夾～山茶花烏龍茶隨餐附送，烏龍茶茶香清爽！<蟹肉魚籽滷肉飯> $113 (+$15 芋泥芋圓鮮奶)滷肉mix鮮甜嘅蟹肉同魚籽，多種滋味可以一次過滿足曬～加$15就可以飲到芋泥鮮奶，芋泥仲要比得好多，建議大家要加點。<珍珠鮑魚滑蛋滷肉拌麵> $72估唔到週末午市都有提供午市套餐，性價比高！套餐配搭芒果田園沙律，沙律口感清新，滑蛋嫩滑，加上多隻珍珠鮑魚，唔錯喎！+$15可以改點大湖草莓牛奶愛玉菓子，草莓醬作基地，甜甜的<芝士烏魚子蝦卷滷肉椒麻拌麵> $68+3同樣配芒果田園沙律，配搭烏魚子蝦卷。帶椒麻味嘅麵條彈牙入味，刺激味蕾。+$15轉青蘋果烏龍愛玉粉粿，愛玉粉粿有口感，糖漬青蘋果粒本身已經有一定甜度，建議大家點微糖<鹽酥雞> +$1凡享用午市三公台式便當，即可加HK$1 享用 台式鹽酥雞1份，我都連

三公2024開年祭❤️‍🔥凡享用午市三公台式便當，即可加HK$1 享用 台式鹽酥雞1份／Black Pink 鹽酥雞 1份✨想食台灣嘢嘅人有口福啦🎉今次叫咗二人set💖🔸香酥排骨滷肉飯🔸古早味燉牛肉湯麵仲加左$3轉三公辛辣湯底🌶️值得一試！係椒麻嘅味道，勁惹味👅$1鹽酥雞❤️‍🔥緊係要試！份量大概3-4嚿肉質都嫩滑～～芋泥芋圓鮮奶💜芋圓偏腍，再有咬口啲會更好😆甜品叫咗兩個試下🥰檸檬白玉愛玉｜抹茶麻糬愛玉愛玉好滑～超愛白玉！檸檬食落仲好fresh!🍋📍 三公台灣料理 (旺角)旺角西洋菜南街2T號添置商業中心1樓@3gong_hk

旺角呢間台式餐廳好高CP值最近做緊優惠凡享用午市台式便當即可+$1換購台式鹽酥雞/Black Pink 鹽酥雞 1份喔❤️-🍠甘梅地瓜條（$36）新鮮熱辣炸起酥脆軟綿面頭撒滿甘梅粉非常好味💯🍜香酥排骨滷肉拌麵（$68）前菜揀咗招牌椒麻拍青瓜麻辣有致🥒青瓜爽口入味呀！主角排骨煎得酥脆軟腍啖啖肉，好好味！麵條粗身有咬口掛滿香甜滷肉肥中帶瘦，幾香口喔😋🥣珍珠鮑魚滑蛋滷肉拌飯（$72）滑蛋名實相符炒得香滑有蛋汁配上原隻珍珠鮑魚滷肉拌飯同麵一樣足料大份但別有一番風味呀👍🏻🍗鹽酥雞（+$1）新鮮炸起一咬肉汁吱晒出嚟食嘅時候要小心燙咀喔🫦香肥肉嫩，超高質呀！🍹蜜桃茉莉愛玉菓子（特飲+$15）味道清香好多蜜桃粒粒🍑🍹檸檬阿里山愛玉（$38）呢款飲品味記有啲似甜品檸檬白玉愛玉不過飲品就無咗白玉同樣充滿檸檬酸香味呢！🍋檸檬白玉愛玉（+$20）愛玉口感似啫喱白玉煙韌倒入檸檬汁酸酸微微夏日食一流呀❤️🥛濃乳愛玉芋圓（+$20）配料有芋泥、地瓜圓、芋圓、愛玉口感超豐富❤️值得一讚嘅係芋圓有濃濃嘅芋頭味呀！

好耐冇食台灣野了，經開旺角兆萬中心見到對面有間三公台式餐廳，幾快落地大玻璃見到好多積木熊公仔記得意就上咗去試，餐廳環境幾舒服，服務員仲好熱情招待，入面仲有好多積木紅嘅公仔擺設都夠你打卡，餐廳唔使等位就可以入座，餐廳仲有好多特式既台式火鍋同埋台灣美食，我就揀左香酥排骨滷肉椒麻拌麵、蚵仔滑蛋滷肉伴麵、配菜都係係咁招牌椒麻拌青瓜、小食點左安平蝦卷、椒麻拼盤（金錢肚、牛舌、大腸）、鴨舌、black pink鹽酥雞、嘢飲叫咗鳳梨菓子冬瓜茶、水蜜桃烏龍茶、甜品叫咗濃乳愛玉芋圓！香酥排骨滷肉椒麻拌麵：$71呢個賣相好靚，塊香酥排骨超大塊，影相都一流，拌麵都好足料仲可以加底，排骨炸得好香，唔油膩，肉質好鬆軟好有咬口，伴麵夠哂麻辣好味😋仲有好蛋滷肉碎非常正蚵仔滑蛋滷肉伴麵：$72炒蛋炒得幾靚，蠔仔都好大粒新鮮，滑蛋都好夠滑整體都好味👍🏻安平蝦卷：$38炸蝦🍤炸得好脆，蝦肉都好有鮮味，仲有本身有酸辣醬係面，食落爽口唔錯椒麻拼盤（金錢肚、牛舌、大腸）：$56拼盤好香麻辣味，三樣都好爽口，麻辣滷水汁調得幾好，好入味！鴨舌：$28都有幾多條鴨舌，平時都有買開黎食，估唔到呢到都有咁爽口既鴨舌食，多食多滋味！bla

特登黎寫食評，先唔講佢抵唔抵食，就係大約8點我同友人食完飯，9點半回到家的友人已肚瀉🧻🚽，話餐飯有問題，我見自己未有不適就無表態，但到2am要落床嘔🤮，個肚仲拿住。不得了，貼錢買難受。其實食落已經覺得唔好食，啲飯好韌，唔明點解咁多人去。只能說伏，雷。我地食完呢餐就直接返屋企，之後無再去食其他野。本身只見友人肚痾，我未有唔舒服時都唔想冤枉人地，但點知訓訓下突然個反胃要去嘔我先信係唔乾淨，先夠膽上黎寫。

身為一間台灣料理，牛肉湯麵應該係最基本嘅一個菜，但係今日叫咗一個古早味燉牛肉湯麵，非常難食。成碗湯麵已經冇牛肉味，而且牛肉方面超厚，超韌，又多筋，完全放唔入口。（價錢： $86）另外個滷味拼盤方面，叫咗大腸，杏鮑菇，糖心蛋，蘿蔔。成個滷味拼盤都係水準以下。正常台式滷味都會有一種滷味味，但係佢只係好似豉油浸住咁，完全冇味道可言。雖然冇試佢其他菜式，但最基本既兩味台灣菜都難食到咁，其他都已經冇信心再試。

唔洗去台灣都食到温體牛火鍋啦😍三公最近推出左三公感謝祭🐮 極品級台灣温體牛火鍋二人套餐$288 只要+$33就可以有60分鐘任食三款台灣温體牛肉 （台灣牛三角肉、牛頸脊、三筋肉）‼️牛肉好新鮮，牛味較重，同冰鮮牛肉質感好唔同🐮🤍套餐有唔同既湯底可以揀～1）三公牛全盛2）吉早味牛骨湯3）麻辣牛血鍋4）養生藥膳鍋今次揀麻辣牛血鍋，好夠味好夠辣🌶️，牛血幾好食，食落似比較爽口既鴨血～套餐配料有蔬菜拼盤、烏冬/冬粉、丸類、好特別既蛋餃同埋包左兩杯飲品🍸，飲品可以揀冬瓜茶/山茶花鳥龍/茉莉毛尖～襯冬天未過，快啲同朋友一齊去試下😝

好食+食唔厭😋好鍾意啲滷肉汁撈飯嘅感覺！好似比較少人食呢個但個人最愛奶油蘑菇滷肉🍄🤩小食嘅話鍾意甜不辣同滷水溏心蛋～大湖草莓牛奶係世一！🍓環境唔錯 推薦❣️

【保留港式口味台灣料理🍃😼】//////旺角飯堂有好多 有間位於兆萬中心對面嘅樓上小店主打台灣料理ʕ •ᴥ•ʔ最近仲推出温體牛肉火鍋 喺台灣食過温體牛 牛味濃又有咬口 食物選擇都有便當好多元化🤤.👉🏻蚵仔滑蛋滷肉拌飯 ($72)久違嘅蚵仔台灣菜式🐣蠔仔多汁又非常大粒!!滷肉肉質偏瘦 加甜鹹醬汁配滑蛋好香口 伴碟菜式煮法過於清淡 增加調味會更好.👉🏻安平蝦卷拌麵便當 ($86)拌麵比飯粒惹味掛汁😁蝦卷爽口 有豆以及粟米🌽另外套餐可以配青瓜同芒果沙律 青瓜清涼微辣 芒果酸甜幾開胃飲品揀左白桃烏龍奶蓋同芋泥芋圓鮮奶🍑奶蓋甜味出啲 帶有少少鹹香 有果肉做配料 而芋泥同鮮奶混合後依然保留香濃芋泥味道 但兩者混合過程有難度 芋泥可以做得更香滑～———📍三公台灣料理 (旺角)旺角西洋菜南街2T號添置商業中心1樓

🚩三公台灣料理咩話咩話‼️香港都有溫體牛食😈聽名以為溫體牛就係低溫慢煮嘅牛肉，但原來未經冰凍過嘅牛肉就係溫體牛，牛牛經宰殺之後，以攝氏10-15度保存，並喺短時間內送到餐廳😌溫體牛的清甜度與口感，冰過就不可逆，所以有一種專屬嘅清香同軟中帶彈嘅感覺😎〰️〰️〰️〰️〰️〰️〰️〰️〰️〰️〰️〰️〰️〰️🌈極品級台灣溫體牛火鍋二人套餐 $288套餐包左兩盤牛肉任簡（牛三角肉/牛頸脊/三筋肉），蔬菜拼盤同埋烏冬✨不過咁難得嘅牛牛食兩盤點夠啊😌😌依家餐廳只需要每人加多$33就可以升級做60分鐘任食，啱晒冬天要食肉肉的我🤭唔係講笑真係零舍唔同，咬落有種q彈q彈嘅感覺✨套餐仲有蔬菜拼盤🥬台灣丸同兩個主食，我同男朋友都簡左烏冬💛烏冬係好吃個款，帶點筋道～拼盤入面嘅粟米都好甜🥹飲品我地簡左檸檬愛玉，打邊爐夠曬解膩😎

近排天氣終於轉涼，所以嚟左呢間位於旺角中心地帶嘅台式料理打邊爐 ~地點好方便，近地鐵站，就喺家樂坊隔離咋 ！見到餐牌話寫係香港首家溫體牛餐廳，所以就叫左個古早味牛骨湯套餐嚟試下～熬左8小時嘅牛湯配蔬菜湯頭，有牛味得嚟又清清地，唔會太重口味，可以試到溫體牛嘅味道～＄288包左牛盛盤、任選兩款牛肉、蔬茶拼盤、烏冬/冬粉同2杯台式飲品，如果覺得唔覺喉，除左可以散叫火鍋配料，仲可以加 $33/位，咁就有60分鐘任食台灣溫體牛！！！（溫馨一提優惠暫時做到8/1咋！要食可能要早D 去啦～）當中最鍾意牛頸脊，呢個位置係牛經常郁動到，油花分佈幾好，又有油脂香又有嚼勁，幾啱打邊爐 ～火鍋set份量啱啱好，如果同朋友想打邊爐，人數又唔係話好多，呢度都係一個唔錯嘅選擇～

自從同老公喺高雄牛老大食過溫體牛火鍋之後就一直念念不忘好開心有位香港人同我哋一樣，仲身體力行將台灣溫體牛引進香港，而家嚟旺角三公都食到啦!!呢件事確係唔簡單，所以好奇嘅我搵三公店主了解過原來佢哋真係有heart到去咗台灣屏東搵牧場商家傾每日早上+晚上將台灣屠宰場嘅溫體牛運送到港所以真係數量有限㗎！極品級台灣溫體牛火鍋二人套餐 $288台灣溫體牛肉我哋今次試咗牛柳邊﹑牛頸脊﹑牛三筋3個部分我最喜歡牛頸脊，肥瘦均勻; 老公最鍾意牛三筋，嫩滑牛味濃湯底揀咗古早味牛骨湯，非常清甜，好適合用嚟灼溫體牛，最食到牛肉嘅原汁原味同時提高鮮味!!追加小食：滷水牛舌、鴨舌 $28@滷得非常入味，牛舌好好食，夠淰但又保持牛舌質感追加甜品：濃乳愛玉芋圓 $25好好食！芋圓夠晒煙韌，係達到我標準嘅芋圓！食完覺得好食，忍唔住了解更多因為「溫體牛」對我嚟講係一件唔容易嘅事兼一個旅遊回憶三公用心做一件唔容易嘅事情，好值得分享同支持呢～

估唔到香港都有餐廳有得食！其實溫體牛即係未經冷藏或冷凍嘅新鮮牛肉好想知如果要台灣運嚟香港又係點運先叫溫體牛🤭𓂅 極品級台灣温體牛火鍋套餐 HKD288 / 2ppl一共有四款湯底選擇，我地嘅養生藥膳鍋藥酒味濃另外套餐配上三款台灣溫體牛肉🐂 都是即叫即切三筋肉即嘅牛板腱肉三款入面最好食，牛味頗重且有咬口牛頸脊似平日食開嘅牛肉，比較彈牙三角肉則是食落頗韌，味道就唔算令我深象深刻另外每人加ᴴᴷᴰ33可享一小時任食台灣温體牛肉不過牛肉都是即叫即切，建議預留番時間叫定除牛盛盤外，套餐都包埋蔬菜拼盤，烏冬或飯跟餐可選古早味冬瓜茶/ 山茶花烏龍/ 茉莉毛尖或加錢選擇其他飲品～p.s. 由於溫體牛主打新鮮，建議淥熟啲嚟食！

呢幾日凍冰冰一定要打邊爐暖番一下💜 琴日出去旺角行街街買禮物~ 就同爸爸一齊係西洋菜街 到食左個極品級台灣溫體牛火鍋套餐😍🍲一向鍾意食牛既我🥰 加上真係好凍呀 所以最開心就係去打邊爐😂😂二人火煱岩岩好 原來仲可以一口價加 $33就有60分鐘任食溫體牛肉（台灣極級品牛肉：台灣牛三角肉、牛頸脊、三筋肉）🤭🤭 真係超級正呀!3種牛都好食呀～～ 我最鍾意就係三筋肉套餐價錢係 HK$288 兩個人食唔算貴🙌🏻湯底4選1 (三公牛全盛, 吉早味牛骨湯, 麻辣牛血鍋 & 養生藥膳鍋) 當日我就揀左吉早味牛骨湯✨ 套餐仲已經包埋蔬菜拼盤, 丸子餃子, 烏冬/飯, 仲有埋野食🙌🏻 兩個人食絕對夠飽又好食😋 任食牛肉可以食完再叫😘 我地都叫左兩round呀～ 絕度滿足!!!🤩

大角咀人氣芋圓店「芋圓一」今年五月於旺角以全新面貌「三公」登場，並非獨沽一味只售台式甜品，推出一系列揉合地道風味與創意元素的台灣料理，海苔銀魚椒麻拌麵便當、櫻花蝦拌麵便當、蟹肉魚籽滷肉飯便當、甘梅地瓜條、鹽酥雞、百香果白玉愛玉等都備受好評。「三公」位於兆萬中心對面的添置商業中心一樓，環境寬敞舒適。最近氣溫急轉直下，而「三公」推出的手切溫體牛火鍋正可謂雪中送炭，二人份套餐只需$288，直至二零二四年一月八日前更有限時優惠，每位另加$33就可以於60分鐘內任食台灣溫體牛，絕對物超所值。醬油、蒜蓉、炸蒜、辣椒、蔥及芫茜六款調味料可以自由配搭。四款套餐分別為三公牛全盛、古早味牛骨湯、麻辣牛血鍋及養生藥膳鍋，我倆所選的三公牛全盛以古早味醬汁燉煮各款牛内臟，例如牛肚、牛心、牛膀、牛腸、牛肺、牛柏葉、牛脆骨等，香濃入味之餘毫不腥羶。其後可以請店員添加牛骨湯開始享用火鍋，套餐配有牛盛盤可以從台灣牛三角肉、牛頸脊、三筋肉三款溫體牛肉中任選兩款，溫體牛肉亦即從未經過冷藏或冷凍保存的牛肉，最大賣點固然是「新鮮」，三款牛肉均特別鮮嫩而肉味香濃。另外亦有蔬菜拼盤、澎湖花枝丸、新竹貢丸、蛋餃，以及兩份烏冬或白飯，